Drífa sig að deyja, bara ekki úr COVID-19

Á sama tíma og heimsbyggðin glímir við banvæna farsótt er alþjóðaleg hreyfing að lögleiða dánaraðstoð. Að baki virðist liggja þráhyggja að líf og dauði skuli lúta formlegum lögum og reglum en ekki gangi náttúrunnar.

Menningarhálfvitahátturinn er borinn fram af velmegunarkynslóðum eftirstríðsáranna er sýna sig ginnkeyptar fyrir bábiljum um að líffræðileg kyn séu félagslega skilgreind, að maðurinn stjórni veðurfari á jörðinni og að fjölmenning sé eina sjálfbæra samfélagið.

Nú er hugsanlegt að einhver samfélög þurfi á lögum að halda sem leyfa dánaraðstoð. Áherslan er á hugsanlegt. En það er ekki nokkur einasti möguleiki að Ísland sé þar á meðal, þótt sumir krefjist lagasetningar hér heima, smitaðir af útlendri fávisku.

Sá sem hér skrifar átti móður, föður og tengdaföður er dóu á sjúkrabeði síðustu ár. Í öllum tilvikum var sýnd alúð, nærgætni og fagmennska af heilbrigðisstarfsfólki sem lagði sig fram að halda ástvinum manns hérna megin við eilífðina en veitti líkn þegar lífið fjaraði út.

Dánaraðstoðarsinnar tala um að ,,deyja með reisn." Það getur aldrei verið reisn að deyja á sjúkrabeði. Maður deyr með reisn á vígvelli, við skyldustörf í hamförum eða fórnar lífinu að bjarga öðrum. Á sjúkrabeði veita nábjargirnar ástvinir annars vegar og hins vegar fagfólk. Ást og virðing já, en lög um líf og dauða, - nei. 

Nýsjálendingar lögleiða dánaraðstoð

Rétt umræða en röng ályktun, Sigríður

Félagslegur fórnarkostnaður vegna sóttvarna fer vaxandi, einkum meðal ungs fólks sem þarf samskipti við jafnaldra til að vaxa og dafna. Ómögulegt er aftur að átta sig á hversu alvarlegur vandinn er og djúptækur. Hitt er víst að verulega reynir á fjölskyldur með unglinga.

Efnahagslegur kostnaður er raunverulegur en krónur og aurar blikna í samanburði við lýðheilsu.

Ef ekki væru sóttvarnir gæti þrennt gerst. Í fyrsta lagi ótímabær dauðsföll, ekki vitað hve mörg. Í öðru lagi fleiri langveikir, svo mikið er vitað um afleiðingar Covid-19. Í þriðja lagi kerfishrun heilbrigðisþjónustu.

Engin stjórnvöld geta leyft þessa þríþættu áhættu án þess að reisa við rönd. 

Sigríður Andersen er kjarkaður stjórnmálamaður að synda gegn straumnum. Umræðan brýnir rökin með og á móti. Meginályktunin, sem kemur fram í fyrirsögn, um sjálfbærni, er aftur röng. Sóttvarnir gegn Kínaveirunni þjóna ekki langtímahagsmunum um sjálfbærni. Hér er um að ræða skammtímaráðstöfun í neyð. Um leið og neyðinni léttir, eftir 3, 6 eða 12 mánuði tilheyra sóttvarnir sögunni.

Eitt í lokin. Kínaveiran og sóttvarnir breyta samfélagi okkar. Við vitum bara ekki hvernig.

 

Stefna stjórnvalda að opna og loka ekki sjálfbær

1947 og 2020, Vinstri grænir mæta sögunni á ný

Nýsköpunarstjórnin með Sjálfstæðisflokki og Vinstri grænum þess tíma, Sósíalistaflokknum, sprakk vegna Keflavíkursamningsins 1947.

Sjálfstæðisflokkur og Vinstri grænir/forverar, reyndu ekki aftur stjórnarsamstarf fyrr en 2017 að Katrínarstjórnin var mynduð og situr enn.

Í bígerð er nýr Keflavíkursamningur er tekur mið af raunpólitík alþjóðastjórnmála.

Hvað gera Vinstri grænir?

 

Skoða varanlega viðveru Bandaríkjahers

Frakkar þurfa vernd gegn múslímum - í Frakklandi

Múslímar eiga það sökótt við vestræna menningu að hún tilbiður ekki Allah og fylgir ekki Kóraninum í samfélagsmálum. Í moskum múslíma í Evrópu er predikaður aðskilnaður milli trúaðra og vantrúaðra.

Vesturlönd taka á móti múslímum í milljónavís, sem flýja hörmungina heima fyrir, í þeirri trú að fylgjendur spámannsins aðlagist, taki upp vestræna siði og háttu.

Meinið er að múslímar aðlagast ekki. Múslímar krefjast trúarsamfélags á vesturlöndum. Þeir þiggja vestræna peninga en fyrirlíta vestræna menningu.

Kirkjur í Frakklandi þurfa sérstaka vernd fyrir múslímum, segir í viðtengdri frétt. Frakkar sjálfir geta ekki fyllilega um frjálst höfuð strokið í eigin landi af ótta við fylgjendur spámannsins.

Sumir hér á Íslandi, sem vilja fara frönsku leiðina, kalla hana fjölmenningu. Ómenning er rétta orðið.

Leitaði skjóls á krá og lést af sárum sínum

Breski Verkó, Samfó og gyðingahatur

Össur Skarphéðinsson og viðskiptaráðherra hrunstjórnar Samfylkingar, Björgvin G. Sigurðsson, eru báðir félagar í breska Verkamannaflokknum. Sá breski er ,,fótboltalið mitt í lífinu," segir Björgvin.

Kemur á daginn að fótboltalið Össa og Bjögga er gegnsýrt gyðingahatri. Fyrrum formaður er smánaður með brottrekstri þar eð hann ræktaði hatur á minnihlutahóp sem vinstrimenn hafa löngum haft horn í síðu. 

Verður uppgjör í Samfylkingunni, farið í saumana á pólitískum ályktunum flokksins er varða Ísraelsríki?

Nei, líklega ekki. Fá gyðingaatkvæði á Fróni.

 

Corbyn vikið úr flokknum

Þjóðkirkjan, guð og samfélag

Kirkjan þarf að láta eins og guð sé til. Annars er enginn tilgangur með starfseminni.

Ef gefið er að guð sé til, þá er hann óbreytanlegur. Þjóðkirkjan íslenska gleymdi, viljandi eða óviljandi, óbreytanleika almættisins, gefur frá sér eina guðsútgáfu í dag en aðra á morgun. Líklega til að tolla í tískunni.

Í höndum þjóðkirkjunnar er guð dægurfluga. Trúin verður eins og fölnað laufblað í haustvindi en ekki reist á bjargi.

Skiljanlega eru trúaðir ekki ánægðir með kirkjuna sína.

Kirkjan svarar gagnrýni Óskars

Evrópa fellur í kóf - hvað með afleiðingarnar?

Vonir um hjöðnun Kínaveirunnar með haustinu eru að engu orðnar. Hugmyndir um að veiruvarnir séu óhóflega harkalegar að teknu tilliti til hættunnar eru kveðnar í kútinn.

Lýðheilsa og heilbrigðiskerfi eru í forgangi, efnahagur og félagsleg vandamál víkja. Að mörgu leyti rökrétt niðurstaða. Skylda við líf og heilsu borgaranna gengur fremst hjá ríkisvaldi er vill halda lögmæti.

Efnahagskreppan í kjölfar farsóttarinn verður dýpri og langvinnari er líður á. Pólitískar víglínur skerpast. Enn er óljóst hvernig valdaelítur koma undan farsóttarárinu 2020 og eftirleiknum næstu misseri og ár.

Fjöldamótmæli víða í Vestur-Evrópu gefa til kynna að töluverður fjöldi borgaranna telur ríkisvaldið taka skakkan pól í hæðina. Nái andófið fótfestu og verði það víðtækara er ekki að vita nema pólitísk lausung aukist. Gamla Evrópa má eiginlega ekki við því, satt að segja. 

Útgöngubann í Frakklandi

Ritskoðun vinnur gegn tilgangi sínum

Ritskoðaður texti verður spennandi. Útilokun hugmynda eykur eftirspurn eftir þeim. Bannfærð sjónarmið fá byr í seglin einmitt vegna bannfæringarinnar.

Helförin fór fram, þótt ekki séu allar staðreyndir hennar kunnar og aðrar álitamál. Um sex milljónir gyðinga mættu ótímabærum dauða vegna uppruna síns. Allur þorri gyðinganna var hversdagslegt fjölskyldufólk og óvopnað.

Að enn skuli vera til fólk á Fróni sem efast um helförina sem sögulega staðreynd kallar ekki á ritskoðun heldur upplýsta umræðu.

„Ógeðfellt á allan hátt“

EES-brandari Gulla utanríkis

Íslendingar byggju enn í torfkofum, ef ekki væri fyrir EFTA og EES-samninginn, segir Gulli utanríkis og kímir á bakvið ESB-grímuna.

Gulli er löngu hættur sem talsmaður þjóðarinnar gagnvart útlöndum. Hann talar máli alþjóðahyggju gagnvart Íslendingum. 

EES-samningurinn er 25 ára biðstofa EFTA-ríkja inn í Evrópusambandið. Biðstofan var hönnuð á þeim tíma þegar alþjóðahyggjan ætlaði öll fullveldi lifandi að drepa. 

Tvennt hefur gerst frá tilurð EES-samningsins. Alþjóðahyggjan reyndist ekki eiga uppskrift að samfélagi, ekki frekar en kommúnisminn þar á undan. Þjóðhyggja tók fjörkipp, með kjöri Trump 2016 og Brexit sama ár.

Kínaveiran er endanleg staðfesting á dauða alþjóðahyggju. Veiran er heimsvá en allar varnir eru staðbundnar, taka mið af sögu og menningu heimamanna. Gulli utanríkis slær aftur fram þeim brandara að Kínaveiran veiti alþjóðahyggju lögmæti. Það er svona álíka og að innrás Sovétríkjanna í Tékkóslóvakíu 1968 réttlætti kommúnisma.

Hálf öld síðan Ísland gekk í EFTA – aðildin aldrei mikilvægari

Hælisleitendur borga fyrir ófrelsið

Hælisleitendur kaupa sér flugmiða til Íslands og segja að hér á landi séu þeir vanræktir og sviptir frelsi sínu.

Ekki er heil brú í þessari röksemdafærslu.

Hvers vegna ekki að spara sér ómakið, sleppa því að kaupa farmiða til Íslands? Þá ætti hælisfólkið bæði pening og frelsi.

Útlendingastofnun segir alla fá grímur og mat