Kennarinn og hatursorðræðan

Kennari við Háskólann í Reykjavík var rekinn fyrir ótilhlýðileg ummæli sem hann lét falla um konur á lokaðri spjallrás. Rektor HR telur ummælin vitnisburð um ,,mismunun og hatur".

Til stendur að endurskoða lög um ærumeiðingar og hatursorðræðu. Eiríkur Jónsson lagaprófessor segir um þá vinnu:

Ríkið hef­ur nokkuð svig­rúm hversu langt er gengið í að tak­marka for­dóma­full­ar skoðanir. Ég held að það sé mik­il­væg­ara að við ein­beit­um okk­ur að eig­in­leg­um hat­ursáróðri, sem sann­ar­lega er til staðar, en séum ekki að virkja lög­reglu og sak­sókn­ara til að elta ein­hver ein­stök um­mæli þar sem menn í reiðik­asti yfir frétt setja eitt­hvað á sam­fé­lags­miðla en ekk­ert annað er í því. Menn eru þá ekki að taka þátt í skipu­legri hat­ursorðræðu eða slíku.

Samfélagsmiðlar eru reglulega notaðir í óformlegt spjall um heima og geima þar sem ýmislegt er látið flakka. Hjárænulegt er að eltast við slíkar athugasemdir, eins og Eiríkur bendir á. 

Háskólinn í Reykjavík hljóp á sig þegar kennarinn var rekinn. 


mbl.is Vilja rýmka tjáningarfrelsið
Tilkynna um óviðeigandi tengingu við frétt

Píratar með leikþátt og trúnaðarbrest

Borgarfulltrúi Pírata flytur óskiljanlegan leikþátt á borgarstjórnarfundi. Ótilgreindur trúnaðarbrestur lamar framkvæmdaráð Pírata, samkvæmt viðtengdri frétt.

Er ekki allt í lagi á Pírataheimilinu?


mbl.is Saka formann framkvæmdaráðs Pírata um trúnaðarbrest
Tilkynna um óviðeigandi tengingu við frétt

Vinstrisukkið og fylgið

Bragga-málið og framúrkeyrsla Félagsbústaða eru dæmi um óstjórn vinstrimeirihlutans í Reykjavík. Enginn ber ábyrgð og allt er í þessu fína, segir meirihlutinn. Kjósendur eru á öðru máli og snúa baki við stærsta vinstriflokknum, Samfylkingunni.

Verkefni annarra vinstriflokka er að firra sig ábyrgð á stjórnsýslunni og benda á Samfylkinguna sem sökudólginn.

Samfylkingin mun aftur freista þess að deila ábyrgðinni undir þeim formerkjum að sælt sé sameiginlegt skipbrot.

 


mbl.is Samfylkingin missir fylgi
Tilkynna um óviðeigandi tengingu við frétt

Bloggfærslur 16. október 2018

Innskráning

Ath. Vinsamlegast kveikið á Javascript til að hefja innskráningu.

Hafðu samband