Melania og Sigmundur Davíð

Ísland er ónýtt, var pólitík Samfylkingar eftir hrun. Skilaði þeim stórsigri 2009 en enn stærra tapi 2013. Takmörk eru fyrir því hve lengi fólk nennir að hlusta á að samfélag þess sé ónýtt.

Demókratar vestra reka samfópólitík. Bandaríkinu séu ónýt og Trump sitji efst á ruslahaugnum.

Stundum þarf að segja fólki að allt sé í steik - svo að hægt sé að koma tiltekt á dagskrá. En yfirdrifnar hörmungarfrásagnir koma fyrr en síðar sögumönnum í koll.

Forsetafrúin í Hvíta húsinu ætlar að taka Sigmund Davíð á demókrata. Virkaði 2013. Gæti heppnast 2020.

Samkennd og sameining

Helgi breytti skjali - Seðlabankinn hóf rannsókn

Seðlabanki Íslands fjallar ekki um launamál sjómanna, og enn síður fer bankinn með sakamálarannsókn á því ,,hvort að laun sjó­manna hjá Sam­herja væru hugs­an­lega lægri en þau ættu að vera", eins og haft er eftir Helga Seljan.

Helgi fékk hrá gögn, sem eiga uppruna sinn hjá Verðlagsstofu skiptaverð, og breytti þeim - það hefur hann viðurkennt. Hann fór með gögnin og sínar viðbætur til Seðlabanka Íslands þar sem skipulögð var tvöföld aðför: húsleit hjá Samherja og Kastljósþáttur á RÚV.

Aðgerðir voru samræmdar. Sama dag og húsleitin fór fram sendi RÚV út Kastljósþáttinn.

Tilefnið var ekki launamál sjómanna Samherja heldur brot á lögum um gjaldeyrisviðskipti.

Án atbeina Helga og RÚV hefði Seðlabankinn aldrei hafið rannsókn á Samherja. Launamál fyrirtækja í landinu eru einfaldlega ekki á könnu bankans.

Í dómsmálum sem fylgdu í kjölfarið fékk Samherji fullan sigur.

Eftir stendur að tvær opinberar stofnanir stóðu að samsæri um aðför að Samherja.

 

Það sem kom fram í Kastljósi hafi verið rétt

ASÍ fangi öfgahyggju

ASÍ, fyrir hönd verkalýðsfélaga eins og Eflingu og VR, standa í stríði við samfélagsskipun sem sátt var um í áratugi.

Efling boðar sósíalisma og VR kyndir undir innanlandsófriði hvenær sem færi gefst. ASÍ veitir þessum félögum stuðning.

Verkalýðsfélög, í krafti gildandi laga, einoka vinnumarkaðinn. Skylduaðild er að verkalýðsfélögum sem eru með slíkt vald að Flugfreyjufélagið var með það í höndum sér að knýja Icelandair í gjaldþrot.

Á meðan ASÍ styður öfgastefnur í stjórnmálum og tekur sér völd yfir atvinnustarfsemi í landinu grefur ASÍ undan stöðu verkalýðshreyfingarinnar í heild.

Aðgerðir Icelandair fyrir Félagsdóm

Óvissan er um tímalengd farsóttar

Á meðan farsóttin er í vexti erlendis getur ekki orðið eðlilegt ástand í farþegaflugi til og frá Íslandi.

Ef vel tekst til með sóttvarnir innanlands verður Ísland álitlegur kostur erlendra ferðamanna þegar kórónaveiran gefur eftir.

Við þurfum að vinna heimavinnuna og þar er ein meginforsendan að takmarka nýgengi smits frá útlöndum.

Engar vísbendingar um mýkri lendingu

Ferðamenn og fyrsta skylda stjórnvalda

Í Svíþjóð er ekki önnur bylgja farsóttar þar sem lítið er um ferðamenn, segir í viðtengdri frétt. Aftur gjósa upp hópsmit á ferðamannastöðum í Svíaríki s.s. Skáni og Gotlandi.

Hópsmit á Akranesi og Hótel Rangá eru vegna ferðamanna. Hópsmit hér á landi í vor stöfuðu fyrst og fremst af ferðamönnum, sem komu frá sýktum svæðum í Evrópu.

Þær ráðstafanir sem nú gilda hér á landi eru skimun og sóttkví þeirra sem koma frá útlöndum. Sóttvarnir innanlands eru fjarlægð á milli manna og hreinlæti. Þegar smit koma upp er það rakið og fólk sett i sóttkví og þeir smituðu í einangrun.

Framhalds- og háskólar hefja störf á forsendum sóttvarna. Ef sæmilega gengur með þær varnir er möguleiki á að íþrótta- og menningarlíf taki við sér.

Þeir sem setja fjárhagslega hagsmuni ferðaþjónustunnar í forgrunn og grípa til haldreipa eins og ,,borgaralegra réttinda" gleyma því að fyrsta skylda stjórnvalda er við líf og heilsu íbúa landsins.

Efast um aðra smitbylgju í Svíþjóð

RÚV þegir í skömm

Nýtt myndband var birt í gær um vinnubrögð RÚV í Kastljósþætti þar sem Samherji er sakaður um lögbrot.

RÚV þegir þunnu hljóði.

Það er ekki í boði fyrir Efstaleiti að sitja af sér storminn. 

RÚV verður að gera grein fyrir starfsháttum stofnunarinnar og hvað bjó að baki aðförinni að Samherja.

Ef RÚV gerir ekki hreint fyrir sínum dyrum verður ríkisvaldið að grípa í taumana.  

RÚV verður að afturkalla Kastljósþáttinn um Samherja

RÚV hafði enga heimild, engin gögn, til að rökstyðja ásakanir Kastljóss á hendur Samherja um lögbrot.

RÚV viðurkennir að hafa engar heimildir í formlegu svari útvarpsstjóra til lögmanns Samherja.

Af því leiðir verður RÚV að afturkalla Kastljósþáttinn.

Boltinn er á Efstaleiti.

Upplýsingar hafi verið settar fram á villandi hátt

Trumparar en engir Bidenar

Menn eru sagðir Trumparar fylgi þeir stefnu eða hugmyndum sem má rekja til sitjandi forseta Bandaríkjanna. Ekki er um heildstæða hugmyndafræði að ræða, - til þess er nafngjafinn of óútreiknanlegur.

Engin hætta er á að til verði sambærilegt fyrirbrigði fari svo að Joe Biden sigri 3. nóvember.

Biden er elliært gamalmenni sem veit ekki hvað snýr upp og hvað niður hér í heimi.

Eiginlega yrði áhugaverðara fyrir pólitíska umræðu á heimsvísu að Biden næði kjöri. Tímanna tákn kalla á að forseti stórríkisins sé fremur hælismatur en hugmyndaríkur vinnualki.

Systir Trump kallar hann grimman lygara án gilda

Væl, ekki óreiða

Markmið sóttvarna eru skýr. Hörð skimun á Keflavíkurflugvelli, til að fanga þá sem koma með kórónuveiruna til landsins. Tiltölulega vægar sóttvarnir innanlands eiga að uppræta innanlandssmit. Einfalt og skýrt.

Tveir hópar væla. Ferðaþjónustan kvartar undan því að fá ekki óheftan innflutning á smituðum útlendingum. Ferðaþyrstir Íslendingar telja sig hafa borgaraleg réttindi til útlandaferða og að koma heim smitaðir án sóttvarna.

Sem sagt, engin óreiða en nokkurt væl.

Segir að nú ríki „alger upplýsingaóreiða“

Opinbera rannsókn á RÚV

RÚV stundar aðfarir að fyrirtækjum og einstaklingum án heimilda. RÚV leggur fram ásakanir sem ekki eru studdar neinum gögnum er sakborningar geta brugðist við.

Þetta gerðist í Samherjamálinu og þegar Panamaskjölin svokölluð voru tilefni aðfararinnar.

Með framferði sínu veldur RÚV fyrirtækjum fjárhagstjóni og einstaklingum miska.

RÚV er opinber stofnun á fjárlögum íslenska ríkisins. 

Það er ótækt að opinber stofnun grafi skipulega undan þeirri meginreglu réttarríkisins að þeir sem opinberlega eru sakaðir um lögbrot og spillingu fái ekki tækifæri til að bera hönd fyrir höfuð sér. Sakborningum er ókleift að bregðast við heimildalausum ásökunum.

Ríkisvaldið ber ábyrgð á RÚV. Það er ríkisvaldsins að rannsaka og komast að niðurstöðu um hvers vegna RÚV stundar vinnubrögð sem eru í algerri andstöðu við meginreglu réttarríkisins.