RÚV: sturlað smábarn með eldspýtur

Fyrirsögn hádegisfrétta RÚV er ,,Sturlað" ástand í réttarkerfi. Heimild fyrirsagnarinnar er viðreisnarlögfræðingurinn Sveinn Andri sem samkvæmt endursögn fréttamanns RÚV notaði orðið ,,kreisí" um landsréttarmálið.

RÚV bráðliggur á að búa til pólitískan hasar úr landsréttarmálinu. RÚV fékk engan stjórnmálamann til að tjá sig í hádegisfréttum. Stjórnmálamenn átta sig á að málið hittir þá sjálfa fyrir - alþingi samþykkti skipun dómara í landsrétt.

RÚV er eins og sturlað smábarn með eldspýtur, - þess albúið að kveikja í þjóðarheimilinu.

Kapítalismi og sósíalismi gegn þjóðhyggju

Óli Björn skrifar um hægri og vinstri og segir margt spaklegt. Vandinn við tvískiptingu stjórnmála í kapítalisma og sósíalisma er að breitt er yfir alþjóðahyggjuna sem sameinar marga hægri- og vinstrimenn. Í leiðinni er úthýst sterkasta stjórnmálaafli síðustu ára, þjóðhyggjunni.

Brexit og kjör Trump er uppreisn þjóðhyggju gegn alþjóðavæðingu. Pútín í Rússlandi heldur völdum með þjóðhyggju að vopni, Erdógan í Tyrklandi boðar tyrknesk-múslímska þjóðhyggju. Þeir flokkar í Evrópu sem hraðast vaxa eru þjóðhyggjuflokkar.

Þjóðhyggja er máttugt afl á Íslandi; flokkur Óla Björns kennir sig við sjálfstæði. Andlegir feður Vinstri grænna, t.d. Einar Olgeirsson og Brynjólfur Bjarnason, voru fyrst þjóðhyggjumenn en þar á eftir alþjóðasinnar.

Andófið gegn þriðja orkupakkanum er þjóðhyggjan holdi klædd gegn markaðsvæddri alþjóðahyggju.

Þjóðhyggja svarar þeirri frumþörf mannsins að eiga samfélag með sínum líkum. Tungumál, saga, menning og siðir sameina fólk. Alþjóðahyggja er aftur aukaafurð, viðskiptahagsmunir hjá hægrimönnum en trúarbrögð hjá vinstrimönnum. 

Vandi stjórnmála síðustu áratuga er ekki síst sá að þjóðhyggjunni var sópað undir teppið, bæði af vinstrimönnum og hægrimönnum, sem boðuðu alþjóðahyggju sem töfralausn. Hún er það ekki.

Móðursýki; stöðugt framboð en minni eftirspurn

Landsréttarmálið er stjórnskipulegt og réttarfarslegt úrlausnarefni fyrir fullorðið fólk með óbrjálaða dómgreind.

Þeir fullorðnu fá ekki vinnufrið fyrir móðursýki Pírata og Samfylkingar sem með dyggri aðstoð RÚV reyna að búa til pólitík úr lögfræðilegu álitaefni.

Engin reiðialda reis í kjölfar RÚV-útgáfunnar af dómi Mannréttindadómstóls Evrópu, sem t.d. tók ekki fram minnihlutaálit dómsins, og stórkarlalega yfirlýsinga þingflokks Pírata og einstakra þingmanna Samfylkingar.

Viðbrögðin við móðursýki Pírata og Samfylkingar sýna að eftirspurnin fer minnkandi þótt framboðið sé stöðugt.

Hafi engar sjálfkrafa afleiðingar

Atlaga Pírata og Samfylkingar mistókst

Eftirtekjan var heldur rýr eftir herútboð Pírata og Samfylkingar. Aðeins 200 manns mættu á Austurvöll að mótmæla lögreglu og dómsmálaráðherra.

Samfylking og Píratar reyndu að skapa tvöfalda móðursýki, út af frekum og ofbeldishneigðum flóttamönnum annars vegar og hins vegar vegna málefna landsréttar.

Allt rann þetta út í sandinn í fámenninu á Austurvelli. 

Skýringarnar liggja í augum upp. Málatilbúnaður samfylkingarpírata var allur í skötulíki. Yfirlýsingar þingflokks Pírata og Loga og Helgu Völu voru upphrópanir en ekki umræða.

Meðal annarra orða: mætti Helga Vala á Austurvöll? Eða var hún upptekin í búðasnatti?

Mótmælt á Austurvelli á ný

Pólitískur ómöguleiki og lykilspurning um réttaróvissu

Viðreisn, sem sat í ríkisstjórn með Sjálfstæðisflokki og Bjartri framtíð árið 2017, hafnaði lista dómnefndar um dómaraefni í landsrétt. Þar með var búinn til pólitískur ómöguleiki; ekki var meirihluti fyrir listanum í ríkisstjórnarflokkunum.

Út frá þessum ómöguleika vann dómsmálaráðherra og lagfærði listann, einkum m.t.t. jafnréttissjónarmiða.

Enginn ber brigður á hæfni þeirra dómara sem hlutu skipun í landsrétt. Deilan stendur um málsmeðferðina.

Dómur Manréttindadómstóls Evrópu kallar á að lykilspurningu um störf landsréttar sé svarað. Hún er þessi: er líklegt að dómar þeirra fjögurra dómara sem færðir voru framar á lista dómaraefna, og í framhaldi skipaðir dómarar, verði vefengdir í framtíðinni af Mannréttindadómstól Evrópu?

Ef svarið er já er orðin til réttaróvissa sem þarf að eyða. Það er t.d. hægt með því að dómararnir fjórir segi starfi sínu lausu eða fari á eftirlaun og embættin auglýst.

Ef svarið er nei, ekki eru líkur á að Mannréttindadómstóllinn vefengi úrskurði viðkomandi dómara, þá er engin réttaróvissa.

Alþingi samþykkti á sínum tíma dómaralista dómsmálaráðherra. Enginn talar um pólitíska óvissu um stöðu alþingis í því samhengi. Við erum orðin ónæm fyrir trúðslátum við Austurvöll. Það skapast ekki réttaróvissa í landinu þótt nokkrir kjánar úr röðum þingmanna æpi sig hása um málefni sem þeir hafa ekkert vit á.

 

Vonsvikin með ummæli ráðherra

Píratar og Samfylking hata konur með völd

Dómsmálaráðherra rétti af kynjahalla þegar hann lagði fram tillögu um skipan dómara við landsrétt.

Píratar og Samfylking telja óæskilegt að konur komist til valda og áhrifa í samfélaginu.

Sjálfstæðisflokkurinn er aftur jafnréttisflokkur. 

Sigríður segi af sér tafarlaust

Logi meðvirkur í ofbeldi flóttamanna

Flóttamenn taka lögin í sínar hendur þegar þeir slá upp tjaldbúðum á Austurvelli. Lögleysu fylgir upplausn og óreiða. 

Logi Einarsson formaður Samfylkingar er meðvirkur í ofbeldi flóttamanna þegar hann ber blak af aðgerðum þeirra á Austurvelli.

Flóttamenn sem brjóta lög og vanvirða íslenskt samfélag eru ekki líklegir til að verða nokkru sinni nýtir borgarar hér á landi.

Héldu mótmælum áfram við Hlemm

Flóttamenn hertaka Austurvöll

Flóttamenn í boði vinstrimanna og pírata hertaka Austurvöll og hyggjast slá upp tjaldbúðum. Krafan er opin landamæri og skýlaus réttur til að krefja íslenska ríkið um framfærslu.

Þetta er fyrsta stig gettóvæðingar.

Engir flóttamenn koma til Íslands með bátum; allir með flugi. Og það er á Keflavíkurflugvelli sem á að vísa þessum óboðnu gestum til síns heima.

Piparúða beitt á Austurvelli

Sósíalísk gleði-verkföll

Efling er undir forystu sósíalista sem nota vinnudeilur sér til framdráttar í flokkspólitík.

Sósíalistaflokkurinn mælist með fulltrúa á alþingi, samkvæmt skoðanakönnunum.

Aðferðin, sem kenna má við gleði-verkföll, virkar.

Gera athugasemdir við fyrirhuguð verkföll

ESB stundar fjárkúgun gagnvart Bretum

ESB heldur landamærum Írlands, sem er í ESB, og Norður-Írlands, sem tilheyrir Bretlandi, í gíslingu til að kúga fé úr breska ríkiskassanum.

ESB gerir kröfur um milljarðagreiðslur á meðan lausn er fundin á deilunni.

Bæði Noregur og Sviss eiga landamæri að ESB-ríkjum án vandkvæða. Landamæri er tæknilegt úrlausnarefni sem ESB kýs að gera að pólitískri gíslatöku.

Óttast að May bíði afhroð