Ha? Múslímar og hryðjuverk

Daglega stunda múslímar hryðjuverk gegn konum - með því að gera þær að annars flokks borgurum.

Múslímar almennt og yfirleitt líta svo á að dauðarefsing sé viðeigandi ef einhver gengur af trúnni.

Þar fyrir utan, vitanlega, er múslímatrú viðurkenndur friðarboðskapur þótt skátasamtök eins og Ríki íslams geri grikki annað veifið.

Stefnir RÚV og 365

Ekkert óljóst á barmi gjaldþrots

Fréttatíminn er á barmi gjaldþrots, eins og fram hefur komið. Aðaleigandi útgáfufélagsins hrindir af stað samskotasöfnun í nafni sósíalisma en hann hefur þekktan auðmann sem meðeiganda en áður voru þeir þrír. 

Þegar hlutafélag er á barmi gjaldþrots er ekkert óljóst.

Kannski eilítil óvissa.

Óljós framtíð Fréttatímans

ESB verði Stór-Evrópa og bandalagsþjóðir

Til að bjarga Evrópusambandinu frá tortímingu þarf að kljúfa sambandið í tvo hluta. Stór-Evrópu annars vegar og hins vegar laustengdari bandalagsþjóðir. Guardian segir frá þessari tillögu sem er til umræðu meðal ráðandi afla í Brussel.

Stofnaðilar ESB, þ.e. Þýskaland, Frakkland, Ítalía og Benelux-löndin, yrðu kjölfestan í Stór-Evrópu. Sameiginleg ríkisfjármál og hernaðarsamvinna yrðu hornsteinar samstarfsins.

Austur-Evrópuríki, t.d. Pólland, Ungverjaland og Eystrasaltsríkin, stæðu utan Stór-Evrópu og yrðu laustengd við stórríkið.

Tillaga um Stór-Evrópu sýnir klofninginn í ESB eftir úrsögn Breta. Sambandssinnar telja einu vonina að auka miðstýringuna til að forða ESB frá glötun. Andstæðingar stórríkis eru þvert á móti þeirrar sannfæringar að miðstýring sé rót þess vanda sem ESB glímir við.

Sjálfsvitundin verður hægripólitík

Til skamms tíma sátu vinstriflokkar einir að pólitík sjálfsvitundarinnar. Hægriflokkar sinntu efnahagsmálum en létu vinstrimönnum eftir sjálfsvitundina. Þjóðfélagshópar eins og hommar, femínistar, bdsm-arar, kattavinir, hassistar, loftslagssinnar, fjölmenningarfólk, landamæraleysingjar og fleiri ræktuðu sjálfsvitundina á vinstripólitískum forsendum.

Yfirheiti sjálfsvitundarstjórnmála er félagslegt frjálslyndi. Sum þjóðríki, t.d. Holland og Svíþjóð, búa að langri hefð félgslegs frjálslyndis.

Frummyndin af Donald Trump, ljóshærði Hollendingurinn Geert Wilders, sem vill banna Kóraninn, helgirit múslíma og loka moskum, gerir það gott í skoðanakönnunum fyrir þingkosningar þar í landi eftir mánuð. Hann er svo róttækur að Bretar settu bann á heimsókn hans til að halda fyrirlestur.

Fréttamaður BBC heimsótti Holland og komst að því að Wilders væri þegar búinn að vinna kosningarnar. Ástæðan?

Jú, jafnvel andstæðingar Wilders, viðurkenna að kosningarnar snúast um sjálfsvitund hollensku þjóðarinnar. Og það er ekki lítill hópur að virkja, sjálf þjóðin, sem krefst þess að samfélagsleg gildi gangi framar sjálfsvitund jaðarhópa.

 

 

Latar konur, duglegir karlar og launamunur

,,Hvers vegna vinna karl­ar meira? Hvers vegna vinna þeir leng­ur og af hverju eru kon­ur frek­ar í hluta­starfi..."

Þannig spyr Kristín Ástgeirsdóttir framkvæmdastýra Jafnréttisstofu um launamun karla og kvenna.

Á bakvið spurninguna glittir í ásökun um að konur séu latar, vinni minna en karlar og fúlsi við fullu starfi en taki hlutastarf.

En enginn spyr um leti kvenna - vegna þess að spurningin er óþörf. Konur eru ekki latari en karlar. Það vita allir sem hafa umgengist bæði kynin.

Kynbundinn launamunur er að stærstum hluta frjálst val. Karlar kjósa að vinna meiri launavinnu en konur, sem vilja heldur ráðstafa tíma sínum í annað en launavinnu.

Laun eru greidd í hlutfalli við vinnuframlag, sem oftast er mælt í unnum vinnustundum. Þeir sem vinna meira fá hærri laun en hinir sem vinna minna.

Það er hvorki hlutverk Jafnréttisstofu né annarra ríkisstofnana að ákveða hvort fólk vinni lengur eða skemur; hvort það sinni hlutastörfum eða sé í fullri vinnu. Almenn lög um hvíldartíma og aðbúnað auk kjarasamninga sjá um þann ramma sem launþegar búa við. Og það regluverk er kynlaust. Nema ef vera skyldi að konur fá lengra fæðingarorlof en karlar.

 

Alltaf mælanlegur kynbundinn munur

ESB Trompast

Íbúar Evrópusambandsríkja vilja taka upp stefnu Donald Trump Bandaríkjaforseta og takmarka eða banna innflutning fólks frá múslímaríkjum.

Fólksfjölgun múslíma í Evrópu helst í hendur við ótta margra í álfunni að múslímar verði ráðandi afl. Á sama tíma og múslímum fjölgar lækkar fæðingartíðni Evrópubúa.

Val íbúa ESB-ríkja stendur á milli fækkunar Evrópubúa eða fjölgunar með því að múslímar verði hlutfallsleg æ fleiri. Hvort heldur sem er stendur evrópsk menning á fallandi fæti.

Vilja ferðabann í anda Trumps

Birgitta: ferðabann er þjóðernishreinsun

Bandaríkin hyggjast taka upp strangari landamæravörslu og setja á ferðabann gagnvart sjö múslímaríkjum. Birgitta Jónsdóttir pírati telur landamæravörslu vera þjóðernishreinsanir og er andvaka vegna þeirra.

Þjóðernishreinsun er þegar ofbeldi er beitt til að hrekja fólk frá búsetu sinni. Ferðabann er þegar þjóðríki neitar viðtöku fólks sem hyggst taka þar búsetu.

Þegar hvítt er orðið svart skal ekki undra að umræðan verði merkingarlaus.

Með nýja tilskipun í skoðun

ESB á gjörgæslu - Brusselmenn gefast upp

Martin Schulz kanslaraefni jafnaðarmanna í Þýskalandi, og fyrrum forseti Evrópuþingsins, segir raunverulega hættu á að Evrópusambandið liðist í sundur. Jean Claude-Juncker forseti framkvæmdastjórnar ESB segir ,,heimsaugnablik" sambandsins renna upp í ár.

,,Heimsaugnablik" er fengið frá rithöfundinum Stefan Zweig sem lýsti hruni Evrópu fyrir hundrað árum í bókinni Veröld sem var. Zweig stytti sér aldur eftir síðasta punktinn í handritinu.

Innanbúðarmenn í Brussel setja ESB á gjörgæslu sögunnar. Þegar svartnætti er í höfuðstöðvunum er fátt til bjargar. Almenningur vill minna ESB en eina leiðin úr gjörgæslunni er Stór-Evrópa - miðstýrt sambandsríki. ,,Heimsaugnablikið" er liðið og aðeins nábjargirnar eftir.

 

Óttast að Bretar kljúfi Evrópusambandið

Gunnar Smári safnar fyrir gjaldþroti - og sósíalisma

Gunnar Smári Egilsson útgefandi Fréttatímans safnar peningum hjá almenningi á sama tíma og útgáfufélag hans rambar á barmi gjaldþrots. Björn Bjarnason rekur samhengi samskotasöfnunar Gunnars Smára og gjaldþrotaferlið.

Fréttatíminn er fríblað. Aðferð Gunnars Smára er safna áskrifendum að fríblaði, sem býsna frumleg nálgun; að borga fyrir að sem er ókeypis.

Gunnar Smári er í skjallbandalagi við RÚV, sbr. ,,Fyrir utan Ríkisútvarpið eru aðeins örfáir og veikir miðlar sem eru fyrst og fremst í almannaþjónustu." Hann fékk inni á RÚV til að boða fagnaðarerindi sósíalismans.

Gjaldþrota útgáfufélag safnar sem sagt áskrifendum að fríblaði til að boða sósíalisma undir merkjum frjálsrar fjölmiðlunar. Gunnar Smári stefnir á heimsmet í mótsögnum.

Falsfréttir, stærðfræði og góða fólkið

Laun eru fastar stærðir í krónum. Samkvæmt því ætti að vera hægt að mæla þau með stærðfræðilegri nákvæmni og fullyrða að tiltekinn hópur, bundinn við aldur, kyn eða búsetu, sé með hærri eða lægri laun en samanburðarhópur.

En þannig er það ekki. Af einhverjum ástæðum er ráðandi viðhorf að konur séu með lægri laun en karlar. Rökin fyrir þessu viðhorfi eru ,,marklausar" launakannanir stéttarfélaga, segir Einar Steingrímsson stærðfræðiprófessor.

Allar fréttir byggðar á marklausum könnunum um launamun kynjanna eru samkvæmt skilgreiningu falsfréttir. En það eru einmitt falsfréttirnar sem ráða mestu um það ríkjandi viðhorf að konur fái lægri laun en karlar.

Síðast fyrir tveim dögum reiddi þingmaður hátt til höggs: ,,Það er vitað að kynbundinn launamunur er raunverulegur". Launamun verði að ,,útrýma" enda ,,ótækt óréttlæti."

Góða fólkið sérhæfir sig í að hneykslast með falsfréttir að vopni. Í umræðunni þykist góða fólkið einatt hafa réttlætið sín megin. Meint óréttlæti er iðulega rökstutt með uppspuna.

Og hverjar verða afleiðingarnar þegar góða fólkið fær sínu framgengt? Tja, ef við ,,útrýmum óréttlæti" þar sem ekkert óréttlæti finnst þá fáum við svo sannarlega ekkert réttlæti.

Hallar ekki bara á konur