Hetjur og gjaldfall þeirra

Launamaður er verðugur umbunar hafi hann unnið starfið vel. Hetja, á hinn bóginn, drýgir dáð án væntinga um laun.

Hetjan er hógvær. Væl um ónóga umbun er ekki sæmandi hetju.

Frek og tilætlunarsöm hetja gjaldfellir sjálfa sig.

 

Hetjur faraldursins fá 7.000 krónur í skóbúð

Helgi Seljan og linnulausa böggið í Samherjamálinu

RÚV með Helga Seljan og Kastljós sem verkfæri gerði samsæri með Seðlabanka Íslands um atlögu að Samherja.

Í einum af mörgum tölvupóstum Helga Seljan til starfsmanns Seðlabanka segir hann 16. mars 2012:  

Sæl og afsakaðu þetta linnulausa bögg. Mig vantar svo að ná í þig.

Tíu dögum seinna, eftir margt böggið, var atlagan fínstillt. Daginn fyrir alræmda húsleit Seðlabanka Íslands fara fram tölvupóstsendingar milli Helga Seljan og starfsmanns um fréttina. Þegar fréttin var flutt i fréttatíma RÚV daginn eftir var látið eins og atburðir dagsins hefðu komið jafn flatt upp á RÚV og alla aðra. RÚV flutti ekki fréttir heldur hannaði atburðarás með ríkisvaldinu, - Seðlabanka Íslands.

Samráðið sýnir og staðfestir samsærið svart á hvítu.

RÚV og Helgi lugu upp í opið geðið á þjóðinni. Í fréttinni segir ,,eftir því sem næst verður komist". Halló Hafnarfjörður, þarna átti að standa: ,,RÚV og Seðlabankinn hafa skipulega unnið að því að búa til dramatík í kringum rannsókn á Samherja og fá fólk til að trúa því að glæpamenn stjórni fyrirtækinu."

Eftir að atlaga RÚV og Seðlabankans rann út í sandinn tóku Helgi Seljan og Efstaleiti saman við mann sem dundar sér við að hringa líflátshótanir til fólks. Þeir halda áfram að bögga Samherja.

Þjóðarútvarpið, sem er á fjárlögum, stundar sem sagt skipulagðar ofsóknir undir yfirskini fréttaflutnings. Er ekki hreinlegra að láta Helga Seljan og félögum í té leðurstígvél og svarta leðurfrakka svo þeir geti tekið hús á fólki um miðja nótt og þjónað eðli sínu?

Birta tölvupóstsamskipti Seðlabanka og Kastljóss

Siðavandinn í kófinu - kjarni málsins

Kínaveiran er lík náttúruhamförum að því leyti að enginn sá faraldurinn fyrir og varnir eru skipulagðar eftir því farsóttinni vindur fram - líkt og myndi gerast þegar eldhraun stefnir á byggð.

En ólíkt þorra náttúruhamfara verður til siðavandi í umræðunni um farsóttarvarnir. Fólki sýnist sitt hverju um varnirnar.

Það er spurt um hvort sóttvarnir séu réttar eða rangar. Spurningunni er ekki hægt að svara á meðan faraldurinn geisar. Þekking er einfaldlega ekki til sem leyfir sæmilega öruggt svar. 

Rétta spurningin er; gera stjórnvöld það sem þau geta til að hemja fjölgun smita og taka jafnframt tillit til almannahagsmuna að grípa ekki til óþarflega íþyngjandi aðgerða?

Svarið við þeirri spurningu er já.

Málið dautt.

Tæp 92% voru í sóttkví við greiningu

Hamingjukreppan

Flest bendir til að efnahagskreppan samfara Kínaveirunni auki hamingju þjóðarinnar. Fyrir farsótt var þjóðin á þenslufyllerí sem var ósjálfbært og gekk bæði á náttúru landsins og innviði.

Verst lék gleðskapurinn atvinnumarkaðinn og stjórnmálamenninguna. Hamingjuáhrif kreppunnar koma fyrst fram í yfirvegaðri stöðu atvinnumála, þar er ekki lengur hver höndin upp á móti annarri. Alþingi fer ágreiningslaust í jólafrí. Það hefur ekki gerst í háa herrans tíð.

Helsta áhyggjuefnið er að veirukreppan verði ekki nógu djúptæk og langvinn til að kenna nauðsynlega lexíu: vit og mennska þverr eftir því sem ósjálfbær hagvöxtur varir lengur.

Dýpkar áhrif kórónukreppunnar

Viðreisn býður Samfylkingu frjálshyggju

Þingflokksformaður Viðreisnar óskar eftir því að Samfylkingin kenni ,,sig við frjáls­hyggju og val­frelsi." Tilefnið er að einkarekstur í heilbrigðisþjónustu fær ekki næg ríkisframlög.

,,Frjálshyggja og valfrelsi" er dulmál fyrir að færa ríkisfé og ríkiseigur í hendur einkaaðila. Síðast var það reynt í stórum stíl með bankakerfið um síðustu aldamót. Snillingarnir tóku við fjármálakerfinu og gerðu úr því verðmæti fyrir sjálfa sig en skildu þjóðina eftir gjaldþrota í hruninu.

Núna er tímabært að prófa sig með heilbrigðisþjónustuna. Valfrelsi þar fyrir vaska menn og konur, takk fyrir. Látum ríkið taka erlend lán til að borga einkaaðilum. Þeir kunna svo vel með að fara, eins og dæmin sanna.

Viðreisn stefnir á ríkisstjórn með Samfylkingu og Pírötum eftir næstu kosningar. Undir merkjum frjálshyggjunnar sem einu sinni hét pilsfaldakapítalismi.

„Stjórnvöld segja nei takk“

Spanó, Villi og sápan

Í meðfylgjandi frétt segir af úrlausnarefni MDE í Evrópu er skók íslenska réttarkerfið. Undir forystu Róberts Spanó komst MDE að þeirri niðurstöðu að snillingurinn með dópið, haglabyssurnar og glæsilegasta ökumannsferil Íslandssögunnar var ekki dæmdur af réttum dómara.

Villi, besti vinur Spanó, er verjandi byssuglaða ökuþórsins.

Þeir félagar eru ekki á réttu sviði. Með þetta ímyndunarafl er sápuópera í nokkrum þáttum á Netflix rökrétt. ,,Will, Spano and the fucker: A tale of dimwits who saved Iceland from miscarriage of justice."

Mannréttindamaðurinn missir prófið ævilangt í níunda sinn

Heimarækt og útivera

Líkamsræktarstöðvar eru þarfaþing og hjálpa landsmönnum að styrkja kropp og anda. Í venjulegu árferði eru líkamsræktarstöðvar lýðheilsumál.

En farsóttarárið er ekki neitt hversdags. Sóttvarnaryfirvöld telja, og færa fyrir því rök, að smithætta sé meiri í líkamsræktarsvöðum en t.d. í sundi og halda þeim lokuðum.

Við viðskiptavinirnir stundum því heimarækt og útiveru í þágu heilbrigðrar sálar í hraustum líkama. En hugsum hlýlega til eigenda líkamsmustera í von um að Eyjólfur hressist, hristi af sér farsótt, og komist sem fyrst í lóð, stangir og stígvélar stöðvanna.

Smithætta í ræktinni „alveg pottþétt“ meiri

Ójafnræði í skólum en jafnræði í stjórnum fyrirtækja

Undir formerkjum jafnréttis er krafist jafnra kynjahlutfalla í stjórnum fyrirtækja. Í grunnskólum landsins er aftur ekkert jafnrétti: 9 af hverjum tíu kennurum eru konur.

Ef jafnrétti kynjanna er eitthvað meira en valdabarátta forréttindakvenna ætti þing og stjórnarráð að setja kraft í að jafna hlutföll kynjanna í kennaraliði grunn- og framhaldsskóla.

En líklega er jafnréttisumræðan ekki spurning um jafnrétti heldur valdeflingu forréttindakvenna.

Tók Spanó Villa vin með í hæstarétt?

Róbert Spanó á tvo vel auglýsta vini. Annar er lögmaðurinn Vilhjálmur H. sem Spanó gerði þann greiða að skrifa pólitískan dóm i Strassborg og olli stjórnarkreppu á Íslandi, eins og til stóð.

Hinn vinur Spanó er Erdogan Tyrklandsforseti. Spanó heimsótti Tyrkjann að tala um mannréttindi - en landi þar sem þau engin eru.

Eftir dómaglennuna í Evrópu og heimsókn til mannréttindaböðulsins er Spanó vinafár á Fróni.

Ekki einu sinni sameiginlegum þingflokksfundi Samfylkingar, Viðreisnar og Pírata dytti í huga að bjóða til sín höfundi mesta bjarnargreiða ársins. Þó er margt líkt með skyldum þegar dómgreindarleysi er annars vegar.

En Spanó á Villa og Villi Spanó.

Róbert Spanó heimsótti Hæstarétt

Þýsk tortryggni gagnvart bóluefni

Þýsk yfirvöld kaupa ekki bóluefnið gegn Kínaveirunni án frekari rannsókna. Þau óttast aukaverkanir sem kunna að valda heilsutjóni.

Varkárni Þjóðverja stingur i stúf við almæli á vesturlöndum að nú sé komið töfralyf við veirunni.

Það borgar sig að flýta sér hægt. Álög fylgja töfrum.

Segir ekki tímabært að bólusetja í Þýskalandi