Valdataka kverúlanta í KÍ

Ragnar Þór Pétursson var frambjóðandi kverúlantahóps sem lamaði kjarabaráttu grunnskólakennara og stendur fyrir stöðugum skæruhernaði gagnvart forystu framhaldsskólakennara.

Kverúlantahópurinn sá til þess að kjarasamningar grunnskólakennara voru ítrekað felldir. Deildin innan framhaldsskólakennara dundar sér ár og síð við að rægja forystuna með endalausum samsæriskenningum á Facebook.

Í tilefni af valdatökunni skrifar Ragnar Þór: ,, Svik, róg­ur og þving­an­ir eiga hvergi heima í sam­skipt­um." En það er einmitt aðferðafræði sem hann og félagar hans nota.

Í pistli til að réttlæta framboð sitt skrifar Ragnar Þór:

Ég skal alveg viðurkenna að ég hef mjög sterklega á tilfinningunni að ég sé ekki í kosningabaráttu gegn tveimur einstaklingum – heldur kerfi.

og

Að þessu leyti grunar mig að ójafnt sé komið á með frambjóðendum. Bæði Ólafur og Guðríður geta – kjósi þau það – sinnt kosningabaráttu sinni á vinnutíma og jafnvel gert sér upp erindi út í skólanna eða til sendinga á trúnaðarpóstlista kennaranna. Þau geta jafnvel látið undirmenn sína í Kennarahúsinu semja fyrir sig ræður og greinar, eða bóka viðtöl í fjölmiðlum, á meðan þau sinna öðru.

Ragnar Þór sér sig sem riddara réttlætisins gagnvart spilltu kerfi og sakar aðra frambjóðendur um undirferli.

Valdataka kverúlantahópsins með Ragnar Þór í fararbroddi er stórslys sem mun skaða málstað kennara.

Vill þróa skólakerfi 21. aldarinnar

Samkennd stjórnmálamanna í fjölmiðlabanni

Samkennd stjórnmálamanna sýndi sig í dag þegar þeir tóku sig saman og ræddu sín á milli en kölluðust ekki á í fjölmiðlum. Verkefnið er snúið, að mynda starfhæfa ríkisstjórn með átta flokka á alþingi.

Í hávaðanum sem fylgir stanslausum fréttaflutningi getur verið erfitt að einbeita sér að þjóðþrifamálum.

Sjálfskipaða fjölmiðlabannið er þroskamerki á stjórnmálamenningunni. Og það hlýtur að vita á gott.

Sjálfstæðisflokkur sér tvo vænlega kosti

Tjáningarfrelsið of rúmt vegna samfélagsmiðla

Flestir sektardómar Mannréttindadómstóls Evrópu gagnvart íslenska ríkinu í meiðyrðamálum ganga út að tjáningarfrelsið sé of takmarkað. Dómur í máli Egils Einarssonar gengur í öfuga átt. Dæmt er að íslenska ríkið veitti Agli ekki næga vernd þegar vegið var að æru hans og mannorði.

Almenna reglan er að gildisdómar skuli refsilausir en ásakanir um lögbrot ekki. Þannig má segja einhvern asna en ekki skattsvikara. Í tilfelli Egils var orðið nauðgari notað um hann.

Samfélagsmiðlar veita hverjum sem er möguleika að tjá sig um hvað sem vera skal. Ólíkt fjölmiðlum búa samfélagsmiðlar ekki að neinum taumhaldsreglum, skráðum eða óskráðum. Af því leiðir fer sumt út í umræðuna sem betur væri ósagt. 

 

„Hárrétt lögfræðileg niðurstaða“

Fereykisstjórn með tveim ökumönnum

Bjarni Benediktsson og Katrín Jakobsdóttir gætu orðið ökumenn í fereykisstjórn Sjálfstæðisflokks, Vinstri grænna, Samfylkingar og annað hvort Miðflokksins eða Framsóknar.

Vinstri grænir eru viðkvæmir að fara í ríkisstjórn án Samfylkingar en þriggja flokka stjórn með Sjálfstæðisflokki er einum of til vinstri fyrir sjálfstæðismenn. Nema að Samfylking sætti sig við að smámola í stjórnarráðinu. Annað hvort Miðflokkur Sigmundar Davíðs eða Framsókn gætu rétt af slagsíðuna.

Katrín gæti orðið forsætisráðherra en Bjarni fjármálaráðherra. Miðflokkur/Framsókn tryggði utanríkismálin og Samfylking heilbrigðismál. Innanríkismál og dómsmál yrðu í höndum Sjálfstæðisflokks en Vinstri grænir dekkuðu menntamál.

Það má græja þessa ríkisstjórn fyrir helgi.

Allir eru að tala við alla

ESB-kosning er fjárkúgun, ekki lýðræði

Engar líkur eru á aðild Íslands að Evrópusambandinu í fyrirsjáanlegri framtíð. Fyrir því eru fimm ástæður, sem hver og ein er nóg til að koma í veg fyrir aðild.

1. ESB-umsókn Samfylkingar frá 2009 strandaði áramótin 2012/2013. Fullreynt var að Ísland ætti heima í ESB. Þriggja ára viðræður leiddu það í ljós.

2. Íslandi vegnar vel utan ESB. Við náðum okkur fyrr og betur úr kreppunni en ESB-þjóðirnar Írland og Grikkland.

3. Strandþjóðir á Norður-Atlantshafi, sem okkur eru líkastar, þ.e. Norðmenn, Færeyingar og Grænlendingar, eru allar utan ESB og ekki á leiðinni inn.

4. Helsta viðskiptaþjóð okkar í Evrópu, Bretland, er á leiðinni út úr ESB.

5. Evrópusambandið er óvinsælt í Evrópu og boðar róttækar breytingar. Enginn veit hvað kemur út úr ferlinu.

Niðurstaða: Stjórnmálaflokkar á Íslandi sem krefjast kosninga um aðild Íslands að Evrópusambandinu stunda pólitíska fjárkúgun sem grefur undan lögmætri stjórnskipun og þar með lýðræðinu.

ESB-kosning ekki skilyrði

Pakkaleikur stjórnmálanna

Flestir þekkja pakkaleiki úr barnaskólum. Allir koma með ómerkta pakka og svo er dregið um glaðninginn. Fyrir kosningar lofa allir flokkar kjósendum glæsilegum pökkum.

Eftir kosningar þora stjórnmálamenn ekki að segja kjósendum að pakkarnir eru mest froða en minnst innihald. En almenningur væntir gjafa og engar refjar.

Sigurður Ingi mætti í Kastljós í kvöld og lýsti angist stjórnmálamanns sem veit að hann getur ekki efnt loforðin frá í október. Umorðað sagði Sigurður Ingi: ,,þeir einu sem vilja ríkisstjórn vinstriflokka og Framsóknar eru villingarnir í bekknum, Píratar, enda býst enginn við alvöru gjöfum frá þeim aðeins einskins verðu rusli. Spjótin standa á okkur ráðsettu. Við verðum að gefa pakka án þess að þjóðarheimilið fari á hausinn.

Stjórnmálafræðingurinn Stefanía hittir naglann á höfuðið þegar hún segir óvissuna lamandi í eftirvæntingu eftir gjöfum stjórnmálamanna. Alveg eins og í barnaskólanum.

„Óvissan er lamandi fyrir þjóðfélagið“

Vinstri grænir og Framsókn eru aðal, hinir til uppfyllingar

Eftir kosningarnar 2016 var Framsóknarflokkurinn útilokaður af hálfu vinstriflokkana sem samstarfsaðili. Vinstriflokkarnir temja sér eineltisvinnubrögð af þessu tagi.

Ef kosningarnar fyrir þrem vikum þótti Sigurði Inga formanni Framsóknar brýnt að sýna að flokkurinn væri kominn inn úr kuldanum. Vonlausu viðræðurnar þjónuðu pólitískum hagsmunum af hálfu Framsóknar enda þótt aldrei hafi staðið til að mynda stjórn.

Katrín Jakobsdóttir og Vinstri grænir fóru í viðræðurnar vegna þeirrar kvaðar sem liggur á flokknum að vinna til vinstri. Sú kvöð var ráðandi fyrir ári þegar Vinstri grænir höfnuðu tveggja flokka ríkisstjórn með Sjálfstæðisflokknum.

Vinstri grænir og Framsókn voru aðalflokkarnir í lotunni sem lauk í dag. Samfylking og Píratar eru uppfyllingarefni.

Seinna í dag eða á morgun kemur í ljós hvaða vinna fór hljótt samhliða viðræðum vinstriflokkanna og Framsóknar.

„Mikil vonbrigði“

Lúther, Lenín og byltingar sem heppnast

Hálft árþúsund er frá mótmælum þýska munksins Marteins Lúther og 100 ár frá rússnesku byltingunni þar sem Lenín var forgrunni.

Munkurinn Marteinn ætlaði ekki að bylta kaþólsku kirkjunni. Yrðingarnar 95 sem hann gerði heyrinkunnar voru siðbót. Lenín á hinn bóginn ætlaði að bylta kapítalísku samfélagi.

Siðbót Lúthers lauk með klofningi kirkjunnar. Norður-Evrópa fékk trúarsetningar sem rímuðu betur en kaþólska við meðvitund vaxandi borgarastétt. Nýöld er saga evrópskrar borgarastéttar, sem lagði undir sig heimsálfur, stokkaði upp atvinnuhætti miðalda og skóp megindrætti nútímans.

Verkalýðsstétt Leníns, og hins þýska Marx, skyldi sigra í hólmgöngu stéttabaráttunnar og verða ráðandi afl í mótun sögunnar. Í kennisetningum marxisma er sumt huggulega norrænt og eftir því saklaust; sérhver skal vinna eftir getu og fá umbun eftir þörfum.

Þjóðverjar eru stoltir af arfleifð Lúthers. Rússar hálfskammast sín fyrir Lenín. Lúterska byltingin lukkaðist en ekki sú rússneska.

Munurinn liggur í þeirri staðreynd að Lúther bylti í þágu guðs en ekki manna. Bylting Leníns var verk guðlausra manna.

Maðurinn er vanþakklát skepna, syndugur í kristnu orðfæri. Trúarbrögð kenna betrun mannsins. Markmiðið er hlutdeild í fullkomleika. Lúther var þjálfaður til að túlka vanmátt mannsins gagnvart æðri máttarvöldum. Lenín trúði nýaldarhroka um flekklausa menn í fullkomnu samfélagi. Rússneska byltingin hlaut að enda illa. 

 

Píratar kalla í þingmann til að sitja hjá

Þingmenn Pírata eru þekktastir á alþingi fyrir það framlag að sitja hjá í atkvæðagreiðslum. Pírataþingmenn nenna ekki að setja sig inn í mál og í öðrum eru þeir án sannfæringar og skoðana.

Engu að síður vilja Píratar kalla inn varaþingmann fari svo að einhver kjörinna þingmanna þeirra hreppi ráðherrastól í vinstristjórn.

Smári ,,Savile" McCarty Pírataþingmaður segir það auka skilvirkni og sjálfstæði þingsins að fá fastan varaþingmann til að sitja hjá. Það má öllu nafn gefa.

50 milljón króna ráðherrar Pírata

Frá fullveldi í fangelsi

Katalónska tilraunin til fullveldis virðist ætla að enda með fangelsun þeirra sem helsta ábyrgð báru. Spænska ríkisstjórnin lítur svo á að fullveldi Katalóníu sé tilræði við konungsríkið.

Ekki er spurt um lýðræðislegan vilja Katalóna og nýtur stjórnin í Madríd stuðnings Evrópusambandsins að kæfa fullveldið í fæðingu.

Síðasta orðið í þessum átökum verður þó hvorki sagt í Brussel né Madríd heldur í Barcelona.

Puigdemont gaf sig fram við lögreglu