Offjárfesting í ferðaþjónustu

Ferðaþjónusta verður að borga sama virðisaukaskatt og aðrar atvinnugreinar. Offjárfestingar í greininni undanfarin ár sýna ótvírætt að opinber niðurgreiðsla á einni atvinnugrein skapar ójafnvægi.

Á meðan vinnuafl og fjárfesting fer í ferðamannaþjónustu sitja aðrir þætti á hakanum, t.d. íbúðabyggingar

Einn virðisaukaskattur án undanþága er jafnræði og minnkar hættu á óstöðugleika.

Uppbygging í uppnámi

Niggari er ekki sama og negri

Negri sem á ensku heitir ,,negro" er ekki sama orðið og niggari (,,nigger"). Bandaríski þingmaðurinn, sem varð að segja af sér, notaði fleirtölumynda ,,niggas" um þeldökka samstarfsmenn sína, samkvæmt Miami Herald.

Negri var langi samþykkt orð um þeldökka. Svertingi tók við af negra en þótti síðan ekki húsum hæft. Um tíma voru þeir kallaðir afrískir-ameríkanar. En það féll úr tísku þegar rann upp fyrir fólki að þeldökkir Bandaríkjamenn áttu fjarska lítið sameiginlegt með Afríkumönnum.

Um skeið var notuð samsetningin litað fólk um alla ekki-hvíta. Eins og hvítt sé ekki litur.

Pólitísk rétttrúnaðarhugsun er dálítið vandasöm í orðsifjafræði.

 

 

Kallaði samflokksmenn sína „negra“

Alþjóðasamfélagið: sum börn má drepa

Donald Trump skaut 59 stýriflaugum á herflugvöll Sýrlandsstjórnar vegna eiturefnanna sem drápu 70 óbreytta borgara, þar af mörg börn. Alþjóðasamfélagið hvatti Trump áfram og harmaði dauða þeirra saklausu.

Nokkrum dögum síðar varð bílsprengja 126 Sýrlendingum að fjörtjóni. Börn voru í meirihluta látinna. Tilræðismennirnir lokkuðu börnin að sprengjubílnum með sælgæti og snakki.

Og allt í einu var alþjóðasamfélaginu alveg sama um saklausu lífin sem tortímdust. Blaðamaðurinn Robert Fisk spyr í Independent hvað valdi. Þegar stórt er spurt.

Enginn vafi á að herinn beitti efnavopnum

Gjaldmiðlar falla, ekki krónan

Stóru gjaldmiðlarnir evra, pund og dollar falla og reyndar nærri allir aðrir gagnvart krónu. Nei, ástæðan er ekki að krónan og íslenska hagkerfið beri höfuð og herðar yfir öll önnur.

Íslenska krónan ber nú um stundir þess merki að hagkerfið sé stöðugt. Erlendis er óstöðugleiki. Bæði setja skammtímaatburðir, t.d. frönsku kosningar, gjaldmiðla í uppnám en einnig fréttir af hökti hagkerfa t.d.þess breska. 

Undirliggjandi óstöðugleiki margra stórra hagkerfa, ekki síst evru-svæðisins, er að allt frá 2008-kreppunni er keyrð núllvaxtastefna, kölluð peningaprentun, sem er ekki sjálfbær. Spurningin er hvort blaðran springur með hvelli, ef Le Pen verður forseti, svo dæmi sé tekið, eða hvort takist að vinda ofan af ókeypis peningum handa höktandi efnahagskerfi.

Hvort heldur sem verður getum við verið sátt við íslensku krónuna.

Byggt fyrir ferðamenn, ekki ungt fólk

Ferðaþjónusta er niðurgreidd með því að virðisaukaskattur er þar lægri en í öðrum atvinnugreinum. Fjárfestingar leita eftir arðsemi og fara fremur í uppbyggingu á gistirýmum fyrir ferðmenn en að byggja íbúðarhúsnæði fyrir ungt fólk.

Andríki tekur saman helstu rökin fyrir jafnari aðstöðu atvinnugreina. Þar segir:

Til stendur að lækka almennt þrep virðisaukaskatts úr 24% í 22,5%. Takist það verður almenna þrepið lægra en það hefur nokkru sinni verið frá upptöku virðisaukaskattsins fyrir rúmum aldarfjórðungi. Samhliða verður undanþágum frá almenna skattinum fækkað. Verð á flestum neysluvörum Íslendinga mun lækka við þessar breytingar og ætti það að leiða til lækkunar á vísitölu neysluverðs og þar með lækkunar á verðtryggðum lánum.

Lækkun á neysluverði, lægri lánskjör og lægra húsnæðisverð er í þágu almennings, ekki síst ungs fólks. Þeir sem leggjast gegn lægri og jafnari virðisaukaskatti tala ekki fyrir almannahagsmunum heldur sérhagsmunum.

Íbúðaverð eins og árið 2007

Endalok vestrænnar siðmenningar

Endalok vestrænnar siðmenningar gæti borið að snögglega, þegar næg spenna hefur hlaðist upp. Eða að siðmenning okkar fjari út hávaðalaust.

Það er erfitt að spá, sérstaklega um framtíðina. Þrátt fyrir klisjuna er ómótstæðilegt að prófa framtíðarspekt og það gerir BBC í samvinnu við fólk með fræðititla.

Efnahagslegur ójöfnuður, hlýnun jarðar, umbrot í miðausturlöndum, sundurþykkja frjálslyndra vestrænna ríkja eru veigamiklir þættir heimsendaspámennskunnar. Sumir telja upphaf endalokanna hafið með 2008-kreppunni, Brexit, kjöri Trumps og uppgangs Ríkis íslams.

Spámennskan er eitthvað aðeins meira en bölsýnt föndur um hvað koma skuli byggt á framreikningum á núverandi stöðu. Ekkert samfélag stendur í stað og breytingar eru hluti af tilverunni eins og við þekkjum hana. Vestræn siðmenning er giska gömul. Venja er að marka upphaf hennar við Forn-Grikki fyrir 2500 árum. Ætli hún lifi ekki nokkur ár enn.

Ísland, Færeyjar og 50 þúsund sálna þröskuldurinn

Íslendingar voru 50 þúsund eða þar um bil allar aldir frá því þegar landið var fullbyggt og fram á 19. öld. Ef þjóðinni fjölgaði að ráði yfir 50 þúsund var stutt í næsta mannfellir vegna sjúkdóma eða náttúruhamfara. Í góðærinu á fyrri hluta aldarinnar sköpuðust forsendur fyrir stígandi fólksfjölgun.

Þrátt fyrir harðindakafla eftir miðja 19. öld og kreppu heiðarbýlanna á seinni hluta aldarinnar var þjóðin búin að ná sér á strik - komin yfir 50 þúsund sálna þröskuldinn.

Samhliða stígandi fólksfjölda urðu Íslendingar sannfærðir að þeir gætu búið í fullvalda þjóðríki. Sjálfstæðisbarátta í hundrað ár skilaði okkur lýðveldi.

Frændur okkar Færeyingar eru nýorðnir 50 þúsund. Til hamingju.

Röng spurning um Ísland

Kratarnir sem stýra Alþjóðamálastofnun HÍ spyrja rangrar spurningar. Spurningin er ekki ,,hvert stefnir Ísland?" heldur ,,hvað er Ísland?".

Krötum er skiljanlega illa við að að skilgreina Ísland. Kratar vildu halda Íslandi sem konungsríki Danakónga um miðja síðustu öld. Í upphafi 21stu aldar reyndu þeir að þröngva Íslandi inni í Evrópusambandið.

Í báðum tilfellum hafnaði þjóðin krötum.

En hvað er Ísland? Jú, stutta svarið er að íslenska þjóðin ákvað um miðja 19du öld að hún vildi búa í fullvalda þjóðríki. Það er hægt að setja ártal á þessa ákvörðun: 1848 þegar Jón Sigurðsson birti Hugvekju til Íslendinga.

Grein Jóns varð stefnuskrá þriggja kynslóða Íslendinga og var borin fram til sigurs 1. desember 1918 þegar landið varð fullvalda. Aldarfjórðungi síðar ákvað þjóðin að afþakka framhald á konungssambandi við Dani og stofnaði lýðveldi á afmælisdegi Jóns.

Fyrsti áfanginn í vegferð að fullveldi náðist 1904, með heimastjórn. Hinir tveir áfangarnir, sem nefndir eru hér að ofan, fengust í skugga tveggja heimsstríða. Styrjaldirnar skópu tækifæri sem Íslendingar nýttu sér. En það var ekki gert upp úr þurru eða í tómarúmi.

Sannfæringin um að Íslendingum farnaðist best sem herrar í eigin húsi stenst dóm sögunnar. Ísland býður þegnum sínum betri lífskjör en þekkjast víðast hvar í heiminum. Kratarnir eru þeir einu sem ekki skilja þessi sannindi. Endar eru þeir alltaf til í að selja Ísland hæstbjóðanda.

 

Hvert stefnir Ísland?

Samfylkingin: mállaus sósíalistaflokkur

Samfylkingin er ,,nákvæmlega sama" stefnan og sósíalistaflokkurinn boðar, segir fráfarandi formaður Samfylkingar, Oddný Harðardóttir. Eyjan ræðir játningu Oddnýjar.

Sósíalismi Samfylkingar fer ekki hátt, fylgið reyndar ekki heldur, en þeir sem enn kenna sig við flokkinn hljóta að útskýra og dýpka orð formannsins fyrrverandi.

Ekki heyrist múkk frá sitjandi formanni og þingmenn flokksins þegja fast.

Er Samfylkingin mállaus sósíalistaflokkur?

Guðlast er skortur á kímnigáfu

Múslímar geta ekki hlegið að guði líkt og kristnir, skrifar fyrrum múslími Hamed Abdel-Samad í ævisögu Múhameðs spámanns. Þegar múslímar æða um götur til að drepa guðlastara er það ekki af ást og virðingu fyrir guði heldur af örvæntingu yfir glataðri trúarmenningu.

Múslímsk trúarmenning er á sama stigi og sú kristna við lok miðalda. Kristnir dunduðu sér við að brenna fólk fyrir villutrú i tvö hundruð ár á meðan þeir fundu guð til að hlæja að. Múslímar drepa hvern annan og villutrúarmenn utan eigin raða vegna spéhræðslu.

Trúarmenning sem þolir ekki skop snýst upp í fasisma, segir Hamed Abdel-Samad. Líklega er það rétt hjá honum.

Æstur múgur myrðir „guðlastara“