Brynjar og veraldleg kristni

Veraldleg kristni er menningararfur okkar sem við getum illa verið án, ef við viljum skilja vestræna menningu.

Brynjar Níelsson vekur athygli á vanrækslu okkar á þessum menningararfi.

Brynjar er þar í góðum félagsskap. Enski rithöfundurinn Tom Holland setti nýverið saman bók um hvernig kristni skóp vestræna menningu.

Ef við lærum ekki kristni verðum við einfaldlega ólæs á eigin menningu.

Logi: þjóðfélagssátt er pólitísk stöðnun

Logi formaður Samfylkingar segir sáttastjórn Katrínar Jakobsdóttur pólitíska stöðnun.

Hvernig getur sátt verið stöðnun?

Jú, þegar friður er í samfélaginu þá þýðir það stöðnun í huga þeirra sem þrífast á ófriði.

Við kynntumst samfélagsófriði vinstrimanna alltof vel á tíma Jóhönnustjórnarinnar 2009-2014. Höfuðborginni var att gegn landsbyggð og einni starfsstétt gegn annarri. Undir slagorðinu ,,Ónýta Ísland" var okkur kennt að Íslendingar væru heimsins mestu fáráðlingar til hugar og handa.

Jóhönnustjórninni tókst ekki að ganga af Íslandi dauðu. Meiri seigla reyndist í þjóðinni en vinstrimenn ætluðu.

Loga dreymir um að kveikja nýtt ófriðarbál Samfylkingar og vinstrimanna. Þjóðinni er betur borgið með sátt en óeirðum vinstriflokka. 

Verkalýðsfélög eru þjóðfélagsmein smákónga

Sósíalísku smákóngarnir í Eflingu neita að semja við borgina þótt allir aðrir ná niðurstöðu í sínum málum.

Aðeins 8 prósent félaga í Eflingu kaus sósíalistana til forystu.

Ef samfélagið væri ekki hálf lamað vegna kórónuveiru væri kannski hægt að sjá eitthvað fyndið við tilburði sósíalísku smákóngana að skara eld að sinni pólitísku köku með gíslatöku.

En Efling er sorglegt dæmi um ósvífni sértrúarfólks sem krefst ófriðar þegar almenningur vill sátt um krónur og aura til að sigrast á vágesti sem er kórónuveiran.

Sex kjarasamningar í höfn - öllum verkföllum BSRB frestað

Hræðslustjórnun á tímum veiru

Yfirvöld feta einstigi á milli þess að taka kórónuveiruna nógu alvarlega til að draga sem mest úr smiti og þess að valda ekki skelfingu í samfélaginu. Einstigið er vandratað.

Meginhlutverk yfirvalda er að tryggja heilsu og öryggi borgaranna. Í tilfelli veirunnar snýst það um forvarnir, sóttkví/einangrun smitaðra og loks umönnun þeirra sem veikjast.

Önnur skylda yfirvalda er að sjá til þess að samfélagið sé starfhæft. Það þýðir m.a. að atvinnulífið virki og skili af sér vöru og þjónustu. 

Afkoma launþega og fyrirtækja ræðst af þeirri truflun sem verður á efnahagsstarfseminni. Verkföll hjálpa ekki til.

En málið snýr ekki að yfirvöldum einum. Hvernig fólk talar sín á milli og á samfélagsmiðlum skiptir máli. Og ekki síst hvernig fjölmiðlar flytja fréttir og umræðu.

Kórónuveiran herjar á samfélagið í heild. Allir verða að axla ábyrgð. 

Gefa út leiðbeiningar fyrir viðkvæmustu hópana

Sólveig Anna semur við ríkið, ekki borgina

Sósíalistarnir í Eflingu semja við ríkið á grunni lífskjarasamninga. Ekki er samið við Reykjavíkurborg.

Hvers vegna?

Sólveig Anna og sósíalistarnir gera sér vonir um að kljúfa vinstrimeirihlutann í borginni. Til vara er strategían að sýna borgarstjórnarmeirihlutann sem óvini launafólks. Það gæti  skilað atkvæðum til Sósíalistaflokksins.

„Trúum því að þetta bæti tilveru félagsmanna“

Evrópa lokar á innrás múslíma

Evrópa lokar á straum múslímskra flóttamanna í gegnum Tyrkland, segir Guardian. Tveir af hverjum þremur flóttamönnum kemur frá Afganistan, en ekki Sýrlandi, segir Die Welt.

Erdogan forseti Tyrklands samdi við Evrópusambandið, og fékk ótalda milljarða evra fyrir, að Tyrkland yrði ekki stökkpallur múslímskra flóttamanna inn í Evrópu. Þegar hallaði á Tyrki í Sýrlandsstríðinu sveik Eddogan samkomulagið. Múslímar flæddu yfir landamæri Tyrklands inn í Evrópu, einkum Grikkland.

ESB gerði Grikkland að útverði Evrópu gegn ágangi múslíma sem flýja lönd spámannsins enda ekki eftirsótt að eiga þar heima. Áratuga reynsla Evrópu er að múslímar taka með sér trúarmenningu sína, sem ekki er stofuhæf á vesturlöndum og því síður sem múslímarnir eru fleiri.

Trúarmenning múslíma er á miðaldastigi. Hugmyndir eins og trúfrelsi og jafnrétti kynjanna eru þorra múslíma framandi. Múslímaríki viðurkenna ekki einu sinni mannréttindasáttmála Sameinuðu þjóðanna. Þeirra mannréttindaskrá er kennd við Kairó og byggir á trúrjátningu en ekki algildum réttindum.

Samfélög múslíma og þjóðríki þeirra eru í uppgjöri. Herskáir öfgamúslímar, af sortinni Ríki íslams, eru á undanhaldi án þess að veraldlegir múslímar hafi eignast talsmenn sem eitthvað kveður að. Í ofanálag bætist hefðbundin valdapólitík. Erdogan dreymir um Stór-Tyrkland, endurreisn ríkis soldána sem sigruðu Konstantínópel, núverandi Istambúl, í lok miðalda.

Gagnvart uppgjöri múslíma stendur Evrópa ráðþrota og sér það eitt til ráða að loka á innrásina úr austri.

 

Allt með „frekar kyrrum kjörum“ í Idlib

Dæmdir blaðamenn, glópar og hikorðafossar

Blaðamenn veittu sjálfum sér verðlaun. Verðlaunahafar eru m.a. sekir um meiðyrði fyrir dómstólum, hamfaraglópar og snillingur í hikorðum eins og ja, tja, og er'ikki, sem raunar er einkum frægur fyrir að kalla ráðherra fituklump í beinni.

Og já, ekki má gleyma Namibíu-sérfræðingum RÚV sem gerðu Samherja að nýlenduherra og grétu enn hærra þegar þeir norðlensku pökkuðu saman sínu hafurtaski fyrir sunnan miðbaug.

Ef þetta er úrvalslið blaðamanna er ekki nema von að fjölmiðlar séu hvínandi kúpunni, bæði siðferðislega og fjárhagslega.

Blaðamannaverðlaun ársins afhent

Allir semja nema Efling

Starfsgreinasambandið semur, BSRB sömuleiðis. 

Sósíalistarnir í Eflingu semja ekki.

Enda markmið sósíalistanna ekki að ná kjarasamningum heldur valda úlfúð og óeirðum í samfélaginu. 

SGS og ríkið undirrita kjarasamning

Gamli sáttmáli, EES og Hugvekja Jóns

Gamli sáttmáli á 13. öld markaði endalok íslenska þjóðveldisins sem stóð í yfir 300 ár, frá 930. Útlent vald, norska konungsvaldið og kaþólska kirkjan, komu þjóðveldinu fyrir kattarnef, með aðstoð ófriðar íslensku höfðingjastéttarinnar.

Gamli sáttmáli flutti vald í íslenskum málum til Noregs og síðar til Kaupmannahafnar, þegar Noregur fór undir Danakonung.

600 árum eftir Gamla sáttmála skrifaði Jón Sigurðsson Hugvekju til Íslendinga. Þar útskýrir hann hvers vegna forræði íslenska mála á Íslandi er forsenda velfarnaðar þjóðarinnar.

Björn Bjarnason telur Íslendingum hagfelldara að eiga aðild að EES-samningnum en standa utan samningsins. En EES-samningurinn er að breyttu breytanda Gamli sáttmáli nútímans; flytur vald yfir íslenskum málum til Brussel.

BHM-félög nota neyð í kjarabaráttu

BHM-félög nota veiruvá í kjaradeilu. ,,Án okkar væri líf og heilsa almennings í hættu. Við erum merkilegri en annað fólk."

Enginn verður merkilegri með sjálfhælni. Þeir sem segjast meiri en aðrir eru vanalega andstæðan; fremur síðri en fólk flest.

Fréttatilkynning BHM-félaganna er mistök. Afturkallið hana og þið eruð menn að meiri.

„Ómissandi en samningslaus í skugga kórónuveirunnar“