Falsfréttir í vísindum

Vísindamenn eru metnir af orðspori. Vísindagreinar í ritrýndum tímaritum búa til orðsporið að mestu leyti. Vísindamenn, sem hvorki eru betri né verri en fólk flest, falla stundum í freistni og afflytja - falsa - niðurstöður rannsókna til að fá birtar greinar og bæta orðsporið.

Önnur leið er einnig fær vísindamönnum að falsa orðsporið. New York Times segir frá mörg hundruð falstímaritum sem bjóðast til að birta vísindagreinar gegn greiðslu án þess að leggja mat á gæði þeirra.

Í heimi vísinda og fræða er til orðskviðan ,,publish or perish", birtu eða láttu þig hverfa. Orðtakið vísar til þess hve vísindamenn eiga mikið undir að fá rannsóknir birtar. Þegar hægt er að kaupa birtingu á vafasömu efni og það talið vísindalegt framlag er hætt við að orðspor vísindamanna verði minna virði en áður.

Vísindamenn eru á sömu leið og fjölmiðlar, falsfréttir draga úr trúverðugleika þeirra.

Sekir um vísindalegt misferli

3 mælikvarðar á nýja ríkisstjórn

Valdahlutföll á alþingi er hægt að mæla í þingstyrk. Átta flokkar eru á þingi og skipta þeir með sér 63 þingsætum. Sjálfstæðisflokkur er stærstur með 16 þingmenn en Flokkur fólksins og Viðreisn eru smæstir, hvor með 4 þingmenn.

Valdahlutföll í samfélaginu er erfiðara að mæla. Þar eru í hrærigraut efnahagsstyrkur atvinnurekenda og verkalýðshreyfingar, kennivald miðla og félagsauður samtaka.

Minnsta eining samfélagsvalds er kosningarétturinn, sem er virkjaður með formlegum hætti þegar gengið er að kjörborði en þess á milli óformlega í skoðanakönnunum.

Ný ríkisstjórn þarf að standast alla þrjá mælikvarðana. Hún þarf hreinan meirihluta á alþingi, helst ekki færri en 34-35 þingmenn. Stjórnin verður að eiga bakland í efnahags- og félagskerfinu í landinu. Og í þriðja lagi verður ný ríkisstjórn að eiga von um sæmilegan stuðning landsmanna.

Dregið saman: ný ríkisstjórn þarf breidd í skírskotun sinni og dýpt í þingstyrk.

 

„Kemur í ljós hverjir ná saman“

Sex flokka stjórn - Jón Gnarr forsætisráðherra

Vinstriflokkarnir þrír auk Framsóknar, Viðreisnar og Flokks fólksins eru sagðir í viðræðum um að mynda ríkisstjórn.

Viðræðurnar kitla hláturtaugarnar. Einkum ef þær fela einnig í sér að Jón Gnarr verði forsætisráðherra.

Spaugsamir eru vinstrimenn, þeir mega eiga það.

Brotalamir til vinstri og hægri

Framsókn I og II

Framsóknarflokkur og Miðflokkurinn eru tvær greinar af sama meiði. Í forystu fyrir flokkunum eru fyrrum samherjar sem urðu ósáttir þar sem annar felldi hinn úr formannsstól eftir fordæmalausa pólitíska atlögu RÚV.

En bæði Sigurður Ingi og Sigmundur Davíð gefa sig að stjórnmálum til að vinna í þágu almannahagsmuna. Og báðir eru nógu stórir i sniðum til að leggja persónulegan ágreining á hilluna þegar þjóðarhagsmunir kalla.

Samanlagt eru Framsókn I og II með yfir 20 prósent fylgi og 15 þingmenn. Í smáflokkakraðakinu á alþingi er það verulegt pólitískt afl. Raunsæir menn eins og Sigurður Ingi og Sigmundur Davíð hljóta að virkja það afl þegar aðstæður kalla. 

Gæti strandað á óvild