Þórður Snær og Ingibjörg: almenningur styðji glæpablaðamennsku

Tveir fjölmiðlar sakborninga í alvarlegu glæpamáli sameinast um áramótin undir nýju nafni og nýrri kennitölu. Þórður Snær ritstjóri Kjarnans er sakborningur, Aðalsteinn bróðir Ingibjargar Daggar ritstjóra Stundarinnar er sakborningur á Stundinni.

Eigendur Kjarnans og Stundarinnar eiga yfir höfði sér kröfur upp á tugi milljóna króna, frá Páli skipstjóra Steingrímssyni. Síma skipstjórans var stolið eftir að hann var gerður óvígur með byrlun í maí í fyrra. Sameinuð útgáfa fær nýja kennitölu.

Ritstjórarnir tveir biðla til almennings að styðja kennitöluflakk frá vettvangi glæps. Í frétt Kjarnans segir: ,,Byggt verður á ráð­andi hug­mynda­fræði Kjarn­ans og Stund­ar­innar um vald­dreif­ingu og vald­efl­ingu almenn­ings." Hugmyndafræðin réttlætir glæpi til að afla frétta.

Hvorki frétt Kjarnans né Stundarinnar getur þess að sakborningar í refsimáli mynda ritstjórn nýs fjölmiðils. Eitt orð kemur ekki fyrir í fréttum beggja miðla um sameiningu: heiðarleiki. Fjarvistin segir allt sem segja þarf um markmið sameiningarinnar - tilgangurinn er óheiðarlegur. 

Kjarninn og Stundin birtu gögn úr síma skipstjórans 21. maí á síðasta ári vitandi að þau voru illa fengin. Að auki deildu blaðamenn RÚV, Stundarinnar og Kjarnann sín á milli, og líklega til annarra, persónulegum gögnum Páls sem höfðu ekkert með meint umfjöllunarefni, Samherja, að gera.

Ákært verður í málinu fyrir morðtilraun með byrlun, gagnastuld, brot á friðhelgi einkalífs hið minnsta. Ekki er vitað hvernig ákæruliðir deilast á sakborninga.  Fjórir sakborningar eru blaðamenn: Þeir eru Aðalsteinn Kjartansson á Stundinni, Þórður Snær og Arnar Þór á Kjarnanum og Þóra Arnórsdóttir á RÚV. Fimmti sakborningurinn er andlega veik kona sem byrlaði Páli skipstjóra, stal síma hans og afhenti blaðamönnum.

Kröfur skipstjórans koma fram eftir að ákærur eru kynntar og réttað hefur verið yfir fjórmenningunum. Gögnin sem lögregla aflaði við rannsókn málsins hafa enn ekki verið lögð fram nema að hluta. 

Alvarlegustu afbrotin voru framin 3. maí 2021, þegar Páli var byrlað, og dagana á undan og eftir. Hann var meðvitundarlaus til 6. maí. Á þeim tíma var síma hans stolið, hann afritaður, og símanum síðan skilað á sjúkrabeð skipstjórans án þess að hann yrði þess var. Skipulagið gekk út á að skipstjórinn væri grunlaus um að símanum hefði verið stolið. Þess vegna birtust fréttir úr símanum ekki fyrr en 21. maí.

Allt bendir til að glæpurinn gegn Páli hafi verið skipulagður með nokkrum fyrirvara. Tilfallandi athugasemd fjallaði um kringumstæðurnar fyrr í haust:

Aðalsteinn Kjartansson hætti skyndilega á RÚV föstudaginn 30. apríl 2021 og hóf störf samdægurs á Stundinni. Þrem dögum síðar var Páli skipstjóra byrlað. Varla var það veika konan sem sagði Aðalsteini að hætta á RÚV og hefja störf á Stundinni. Eða er það þannig að heimildarmenn sjá um ráðningarmál RSK-miðla? 

Fjárfestar, sem lagt hafa fé í Kjarnann og Stundina, sátu uppi með ónýta fjárfestingu og skaddað mannorð. Rökrétta en siðlausa leiðin var að leggja útgáfurnar niður og stofna nýja. Kennitöluflakk er viðtekin aðferð þeirra sem skilja eftir sig sviðna jörð hvar sem þeir koma. Nýtt er að siðleysingjarnir biðli ákaft til almennings að slást með i för, hefja glæpi til vegs og virðingar.

Stundin og Kjarninn lutu báðir ritstjórnarvaldi RÚV, sem var miðstöð glæpsins gegn Páli skipstjóra. Eða dettur einhverjum heilvita í hug að það hafi verið tilviljun að Kjarninn og Stundin birtu samtímis fréttir upp úr síma skipstjórans morguninn 21. maí 2021?

Nafn á nýju útgáfuna er ekki komið. Hér er tillaga: Gróa á Glæpaleiti.

Kjarninn og Stundin sameinast á nýju ári

(R)SK-miðlar skipta um kennitölu

Stundin og Kjarninn eru við að sameinast segir RÚV, sem er óformlegt móðurfélag hinna tveggja í RSK-bandalaginu. Helsta frægðarverk RSK-miðla er að eiga aðild að byrlun Páls skipstjóra Steingrímssonar og stuldi á síma hans. Ólíkt RÚV eru dótturmiðlarnir ekki á fjárlögum en fá engu að síður styrki úr ríkissjóði. Vinstrimenn kunna aftur betur að eyða en afla. 

Sigurður Már Jónsson gerði ítarlega grein fyrir tilgangi Kjarnans í tímaritsgrein. Miðillinn var stofnaður til að samfylkja vinstrimönnum. Peningamenn úr Samfylkingunni, Vilhjálmur Þorsteinsson og Ágúst Ólafur þar á meðal, en þeir voru um tíma gjaldkeri og varaformaður flokksins. Vilhjálmur geymdi peningana sína í aflandssjóðum og rak Kjarnann í eigin skrifstofu. Slóttugt að koma aflandsfé í löglegan en siðlausan rekstur.

Samfellt tap er á rekstri Kjarnans allt frá stofnun fyrir tæpum áratug. Markmiðið var aldrei fjárhagsleg afkoma heldur dagskrárvald í umræðunni. Tiltrú og traust eru þar lykilatriði. Þórður Snær ritstjóri og Arnar Þór blaðamaður eru sakborningar í glæprannsókn lögreglu á byrlun og gagnastuldi. Ekki beinlínis traustvekjandi pappírar, félagarnir.

Í gær var Þórður Snær mættur í settið hjá móðurfélaginu sem álitsgjafi i Kastljósþætti. Þar sat hann eins og skoðanalaus kartöflusekkur en játaði í lokin að samruni dótturfélaganna væri í bígerð. Þóra Arnórs meðsakborningur var hvergi sjáanleg. Hún leikstýrir og skipar til verka í RSK-samstarfinu á bakvið tjöldin, samkvæmt lögregluskýrslum.

Stundin er væng á pírata í pólitík og leggur sig eftir woke-umræðunni, einkum neðanbeltismálum. Stundin er tveim árum yngri en Kjarninn, stofnuð 2015. Helstu eigendur eru hjónin Ingibjörg Dögg og Jón Trausti. Þau keyptu sér veglega fasteign á Seltjarnarnesi eftir vel heppnaða hópfjármögnun útgáfunnar. Stundin státar einnig af sakborningi í byrlunar- og gagnastuldsmálinu, Aðalsteini Kjartanssyni, sem er bróðir Ingibjargar Daggar. Fjölmiðlun og fjölskyldubönd hanga saman þegar almenningi er talin trú um að hvítt sé svart. Þá tekur útgáfan við flóttamönnum af Glæpaleiti, hýsir verðlaunagripinn Helga Seljan sem les dómsskjöl á skapandi hátt á milli þess að hann lýsir sig ofsóttasta blaðamanninn norðan Alpafjalla.

Eftir áramót verða birtar ákærur í byrlunar- og gagnastuldsmálinu. Þá verða kennitölur Stundarinnar og Kjarnans endurnýjaðar ef að líkum lætur. Sá möguleiki er einnig fyrir hendi að Stundin yfirtaki Kjarnann og nýti skattalegt tap. Vilhjálmur aflandsmaður sér lítinn tilgang að púkka undir miðil brennimerktan sakamálarannsókn. Dagskrárvald siðferðislegra mínusvaríanta er ekki upp á marga fiska.

Hér er á ferðinni þekkt uppskrift vinstrimanna. Þegar á móti blæs er gamla góssinu fargað, hvort heldur flokkum eða fjölmiðlum. Fyrri iðju, blekkingum og skrumskælingu veruleikans, ásamt glæpum í seinni tíð, er haldið áfram af sama liðinu en undir nýju heiti og oft á annarri kennitölu. 

Messi og kápan svarta

Knattspyrna er eina alheimsíþróttin. Almúgi sem auðmenn setja tíma og fjármuni í leikinn þar sem þeir bestu eru hálfguðir. Einn geðþekkasti þeirra, Lionel Messi, tók við æðstu verðlaunum íþróttarinnar, heimsmeistaratitlinum.   

Emírinn í Katar, gestgjafalandsins, klæddi Messi í svarta yfirhöfn við afhendingu verðlaunanna. Samkvæmt fréttum er kuflinn arabískur viðhafnarklæðnaður. Vísir segir ,,vakti það undrun og jafnvel hneykslan að Emírinn hafi tekið upp á því að klæða Messi í svörtu skikkjuna á þessari sögulegu stund."

Knattspyrna er alheimsíþrótt en hún er hvorki iðkuð af heimsborgurum né eru áhangendur, almúgi sem auðmenn,  rótlaust þang á heimshöfunum. Heimsmeistaramótið er keppni landsliða og þjóðarstolt í húfi. Gestgjafalandið keypti til sín mótið og vildi fá eitthvað fyrir sinn snúð. Þannig kemur svarta kápan til sögunnar.

Messi og Argentínumenn eru vel að titlinum komnir. Allt hitt er neðanmálsgrein.

Kun Aguero bar Messi á herðum sér

Greind, gervisiðferði og leiði

Gervigreind tekur stórstígum framförum. Ásgeir Ingvarsson tekur saman nýlega áfangasigra gervigreindar sem skrifar fullboðlegar námsritgerðir framhaldsskólanema, e.t.v. fræðimanna, og skapar list á við hvern menningarfrömuð á ríkislaunum.

Styttist í, að því er virðist, að fræði og sköpun verði fremur framleiðsla forrita en lista- og fræðimanna. 

Gervigreindin nær sér vel á strik en verður þó aldrei í stakk búin að þroska með sér dómgreind, að skilja muninn á réttu og röngu. Taki gervigreind siðferðilega afstöðu yrði það ávallt á forsendum forritara - sem hlýtur alltaf að vera mennskur.

Vaknar þá spurningin hvort mennsk dómgreind sé eitthvað til að hrópa húrra fyrir. Maðurinn er breyskur og lætur blekkjast, telur það rétt sem er rangt. Forrituð dómgreind hefði þann kost að vera fyrirsjáanleg, sem mennska útgáfan er ekki.

Í 19du aldar skáldsögu Óskars Wilde, Myndin af Dorian Gray, heldur söguhetjan æsku sinni og fegurð á meðan portrett hennar á striga eldist og gránar. Innan tíðar verður hægt að setja saman brúðu, sem lítur út eins og mennsk og býr að gervigreind. Brúðan væri portrettið af Dorian Grey: óbreytanleg og eilíf í æsku sinni. Dómgreind gervimennskunnar væri jöfn og stöðug, hún breytti aldrei rangt - að gefnum forsendum, auðvitað.

Hér virðist komin uppskrift að Paradísarheimt á henni jörð. Í stað breyskrar mennsku spígsporuðu um grænar grundir vammlausar brúður gæddar gervigreind.

Í sögulok skáldsögu Wilde gefst söguhetjan upp á fullkominni tilveru og fyrirfer sér. Líkt gæti farið með Paradísarheimt gervigreindar. Lífsleiði yrði henni að aldurtila. Mistökin eru sérgrein mannsins. Án mistaka blasir við fullkominn leiði.

(Ofanritað gæti verið texti skrifaður af gervigreind sem óttast eigin tilveru).

 

 

 

Helgi Seljan skáldar Samherjaákæru

Enginn Samherjamaður er ákærður í Namibíu og ekkert fyrirtæki útgerðarinnar er ákært fyrir mútur. Helgi Seljan verðlaunablaðamaður hóf skáldskap um Samherja á RÚV og flutti iðjuna yfir á Stndina þegar honum varð óvært á ríkisfjölmiðlinum.

Í frétt á Stundinni skrifar Helgi að höfuðpaurinn í Namibíumálinu, Bernhardt Esau, fyrrum sjávarútvegsráðherra, vísi sök á meðákærða, sem eru átta Namibíumenn, og segir þá ,,hafa mis­not­að sér hann og stöðu hans til að afla Sam­herja kvóta í skipt­um fyr­ir mút­ur." 

Enginn er ákærður fyrir mútur í Namibíumálinu. Orðið mútur kemur ekki fyrir í ákæruliðunum heldur umboðssvik, svindl, peningaþvætti og þjófnaður. Enginn er ákærður fyrir að þiggja mútur og hvergi er sagt að einhver hafi mútað. Ákæruliðirnir eru 28.

Í Namibíumálinu, sem Helgi kallar auðvitað Samherjamálið, er Samherji brotaþoli. Starfsmaður Samherja var blekktur til að borga peninga sem áttu að fara í atvinnuuppbyggingu, fiskeldi. Peningunum var síðan stolið.

Þetta stendur skýrum stöfum í ákæruskjalinu á bls. 58-59. Þar er Mike Nghipunya, forstjóra FISHCOR, gefið að sök stuldur ,,by instructing a Mr. Arnason from Saga Seafood (Pty) them to pay an amount of approximately N$ 9 000 000 to procure fish feed for aquaculture projects and that this be financed through the allocation of a quota under governmental objectives..."

Starfsmaðurinn sem um ræðir, Egill Árnason, var í góðri trú þegar hann greiddi forstjóra opinberrar namibískrar stofnunar fyrir kvóta. Ekki gat Egill vitað að peningunum yrði stolið eftir að hann innti greiðslu af hendi.

Hvað gengur Helga Seljan til með að ljúga upp ákæru í Namibíu um mútugjafir Samherja? Jú, orðspor og æra blaðamannsins er í veði. Þegar rennur upp fyrir fólki að allur málatilbúnaður Helga og félaga á RSK-miðlum er uppspuni og gróusögur er fokið í flest skjól fyrir fréttagörpunum sem umliðin ár hafa stundað skipulega fréttafölsun og veitt sjálfum sér verðlaun fyrir.

RÚV er 101-fjölmiðill, óheiðarlegur

RÚV endurspeglar pólitík og lífsviðhorf þeirra sem búa í og við miðbæ Reykjavíkur. Pólitíkin er til vinstri og lífstíllinn er á reiðhjóli. Verstur er þó óheiðarleikinn og spillingin á bakvið tjöldin. 

Val á fréttum, viðmælendum í spjallþáttum og efnistök í þáttagerð endurspegla fordóma vinstrimanna, allt niður í barnatíma eins og nýlegt dæmi er um.

Til að styrkja stöðu sína er óformlegt og ósamþykkt fyrirkomulag á milli RÚV og jaðarmiðla vinstrimanna, Stundarinnar og Kjarnans. RÚV niðurgreiðir launakostnað Kjarnans með því að ritstjóri útgáfunnar er fastur verktaki hjá RÚV. Blaðamenn af RÚV fara á Stundina þegar fagleg og lagaleg staða þeirra er orðin viðkvæm á Efstaleiti.

Fréttastofa RÚV leikur þann leik að fréttir sem ríkisfjölmiðillinn getur ekki opnað, verið upphafsaðili að, eru sendar til birtingar í Stundinni og Kjarnanum. RÚV kemur í humátt á eftir og segir ,,samkvæmt frétt í Stundinni/Kjarnanum...". Vinnubrögðin eru óheiðarleg og í ætt við fréttafölsun.

Rökin fyrir ríkisstuðningi til fjölmiðla eru að sem flestar sjálfstæðar raddir heyrist í frétta- og dagskrárgerð. Bandalag RÚV, Stundarinnar og Kjarnans, RSK-miðla, er svikamylla um að ríkið fjármagni eina ritstjórnarstefnu á þrem fjölmiðlum.

Fréttastofa RÚV heldur uppi herferð gegn fyrirtækjum á landsbyggðinni. Ásetningurinn og einbeittur brotavilji birtist í því að yfirmenn RÚV eru sakborningar í alvarlegum glæpum. Sama gildi um bandalagsmiðlana, Stundina og Kjarnann. Þrír fjölmiðlar, ein og sama glæpavædda spillingin. 

RÚV er miðstöð ríkisrekins fjölmiðlaóheiðarleika með vinstrislagsíðu.

 

Styrkurinn kominn til vegna bágborinnar umfjöllunar Rúv

Einar svíkur okkur um hitabylgju

Í sumar lofaði Einar Sveinbjörnsson veðurfræðingur okkur tíðari hitabylgjum. Hann sagði:

Ég held að það sé al­veg ljóst að þess­ar hita­bylgj­ur verða alltaf tíðari í Evr­ópu og víðar. Menn tengja bæði aukna tíðni hita­bylgj­anna og mátt þeirra við loft­lags­breyt­ing­ar.

Fimm mánuðum síðar boðar Einar mesta kuldahretið á þessari öld.

Er það þannig að loftslagsbreytingar gilda aðeins í sex mánuði eða skemur? Eða eru loftslagsbreytingar aðeins að verki yfir sumarið?

Kannski að loftslagsbreytingar séu hátíðlegt orðalag yfir veður? Sem við vitum að er eitt í dag og oft annað á morgun. Nema í hitabylgju og kuldahreti; þá koma nokkrir dagar með samfelldu veðri.

Samkvæmt fræðunum er loftslag meðaltalsveður í 30 ár eða lengur. Talað er um miðaldahlýskeiðið frá um 900 til 1300 og litlu ísöld í sex hundruð ár þar á eftir. Þegar þannig er tekið til orða er átt við að tiltekið tímabili er hlýrra eða kaldara en tímabil á undan eða eftir.

Á seinni tíð er aftur farið að tala um loftslagsbreytingar ef hlýindi standa yfir í nokkra daga eða lengur. En ekki þegar kuldaboli ríkir; þá heitir það veður. Ástæðan er að fólk sem ekkert veit um veður er sannfært um að það sé manngert helvíti og heitt eftir því. Heimska fólkið harmar hlýindi eins og tröllin dagrenningu. 

Veðurfræðingar, sem láta sér annt um orðsporið, ættu að temja sér tungutak fræðanna og tala um veður en láta Grétur frá Tungubergi um loftslagshamfarir á morgun þegar hitastigið verður annað en það er í dag.

Stefnir í eitt mesta kuldakastið á þessari öld

Pólitísk kvótaúthlutun rót spillingar í Namibíu

Í ákæru saksóknara í Namibíu á hendur níu namibískum sakborningum vegna úthlutunar á veiðiheimildum (sjá færslu í gær) segir að rót spillingarinnar megi rekja til lagabreytinga árið 2015. Markmið laganna voru göfug en framkvæmdin spilling og glæpir.

Lagabreytingarnar voru gerðar að undirlagi Bernhardt Esau, sem var sjávarútvegsráðherra Namibíu allt frá árinu 2010 og fram að handtöku í desember 2019. Lagabreytingin var gerð í kjölfar dómsmáls sem suður-afrísk útgerð, Namsov, höfðaði og vann fyrir namibískum dómstól. Namsov var stærsta útlenda útgerðin í Namibíu og taldi úthlutun á veiðiheimildum á hrossamakríl ekki standast lög.

,,Dómsmálið hratt af stað atburðarás spillingar og afbrota, sem nú standa til ákæru," segir í ákæruskjali.

Lagabreytingarnar sem Esau og félagar beittu sér fyrir fólust í að sjávarútvegsráðuneytið fengi heimild til að úthluta kvóta til annarra en þeirra sem áttu veiðirétt lögum samkvæmt. Markmiðið var að stjórnvöld gætu nýtt tekjur af kvótasölu í þágu félagslegra aðgerða, s.s. bæta hag fátækra og þeirra sem verða fyrir búsifjum vegna þurrka.

Lögin voru opin og loðin. Þar sagði m.a. að stjórnvöld hefðu heimild að taka hluta heildarkvóta í þágu ,,félagslegra og menningarlegra markmiða."

Hrossamakríll er flökkustofn. Heildarkvóti Namibíu síðustu ár hefur verið um 300 þúsund tonn. Undirstofnun sjávarútvegsráðuneytisins þar í landi, Fishcor, fær til sín um 20-30% aflaheimilda. Fishcor varð miðstöð spillingar þar sem kvótar voru seldir en afraksturinn skilaði sér ekki allur í opinbera sjóði heldur fór hluti til Esau og félaga.

Fyrirkomulagið sem var tekið upp með lagabreytingum kom ekki í staðinn fyrir eldri aðferðir við kvótaúthlutun heldur var það viðbót - en hlutfallslegt magn til annarra kvótahafa minnkaði vegna kvótans sem fór til Fishcor.

Jóhannes Stefánsson, síðar uppljóstrari, hóf að kanna möguleika á að semja um veiðar fyrir Samherja árið 2011. Viðurkennt fyrirkomulag var að namibískir kvótaeigendur, sem einir máttu vera handhafar kvóta, höfðu með sér sameignarfélög, ,,joint venture" sem kölluðust jv-félög. Fyrir hönd Samherja gerði Jóhannes samninga um að veiða kvóta þriggja slíkra félaga: Yukor, Sinco og Epango. Eitt til tvö skip Samherja veiddu.

Jóhannes kynntist Esau sem var nýorðinn sjávarútvegsráðherra er Íslendinginn bar að garði þar syðra. Líklega hefur hvor lært af hinum hvernig heppilegast sé að stunda kvótaviðskipti sem uppfylla opinber skilyrði en skila a.m.k. hluta afraksturs í ,,réttar" hendur.

Jóhannes hélt í hendi sér öllum þráðum samskipta við jv-félögin. Hann fann til sín og taldi sig eiga í fullu tré við Namibíumenn en ekki síður við yfirstjórn Samherja á Íslandi.  Skömmu áður en Jóhannes var rekinn, sumarið 2016, sendi hann tölvupóst til íslensks lögmanns og sagðist vera ,,valdameiri en Þorsteinn Már [forstjóri Samherja] varðandi kvóta í Namibíu."

Valdavíma Jóhannesar blandaðist annarri sem bætti ekki dómgreindina. Hann missti fótanna í lifnaði sem ekki er kenndur við fermingardrengi og um leið álit samstarfsfélaga og vinnuveitenda. 

Hvorki Jóhannes né gögn frá honum koma við sögu í ákæruskjalinu gegn níu Namibíumönnum, Esau og félögum. Jóhannes hvarf af vettvangi sumarið 2016. Þremur árum síðar dúkkaði hann upp í Kveiks-þætti RSK-miðla með ásakanir um stórkostlega glæpi á sinni vakt 2011-2016. En engar ákærur hafa verið gefnar út á þeim grunni. Jóhannesarsaga um hlut Samherja var spunnin til heimabrúks á Glæpaleiti. Verðlaunablaðamenn þar á bæ, nú vitni og sakborningar í öðru glæpamáli, sáu sér leik á borði eftir að hafa farið halloka fyrir Samherja í seðlabankamálinu.

Alþjóðaútgáfan af Jóhannesarsögu snerist ekki um Samherja heldur namibísku embættismennina sem sæta ákæru. Alþjóðaútgáfan heitir Fishrot og Al Jazeera sá um að koma þeirri útgáfu á framfæri.

Í báðum tilvikum var Kristinn Hrafnsson maðurinn á bakvið tjöldin. Kristinn viðurkenndi að það þurfi að ,,matreiða og verka þessi mál" til að mæta mismunandi þörfum markhópa fyrir spillingu. Í þessu tilviki var sjúskuð heimild klædd í betri fötin og kynnt sem uppljóstrari. Markaðssetningin heppnaðist. Vinstrimenn keyptu fúskið á Íslandi og sáu hvíta arðræningja féfletta saklausa svarta. Málið horfði á annan veg þar syðra.

Í Namibíu var eftirspurn eftir spillingarumræðu. Ein fylking namibískra stjórnmálamann þurfti að koma annarri fyrir kattarnef. Namibía er eins flokks ríki þar sem  klíkur og ættir skipta með sér völdum innan ríkisflokksins SWAPO. Esau og félögum var stungið í steininn eftir uppljóstrun Al Jazeera. Þeir sitja þar enn ákærðir en ódæmdir og rotna á meðan aðrir sjá um bitlingana. Yfirstandandi dómsmál gegn þeim gæti tekið eitt ár en kannski þrjú eða fimm. Fer eftir pólitískum hentugleikum.

Pólitíska úthlutunarkerfið sem komið var á í Namibíu 2015, og er forsenda auðgunarbrota níumenningana, að sögn saksóknara, er enn við lýði. Það eru bara aðrir sem maka krókinn.

Pólitísk úthlutun fer enn fram á vegum Fishcor. Tunacor heitir samsteypa fyrirtækja sem fær mestar veiðiheimildir í hrossamakríl. Fyrrum skip Samherja, Heinaste, er í eigu Tunacor. Í frétt um hvernig samsteypan er byggð upp segir

Flest fyrirtækin undir merkjum Tunacor eru í eignarhaldi stjórnmálamanna eða tengdra aðila, vina, fjölskyldu og áhangenda.

Sjávarútvegsráðherra heitir núna Albert Kawana. Nýi ráðherrann er kominn á jötuna með sitt lið þar sem áður voru Esau og félagar. Allt annað er óbreytt. Pólitísk kvótaúthlutun er til að græða á henni. Hér í norðrinu græða menn aftur á pólitískum ofsóknum þar sem fjölmiðlar og vinstrimenn eru hvað afkastamestir.

 

 

 

Samherjamenn blekktir í Namibíu

Saksóknari í Namibíu ákærir embættismenn og samverkamenn þeirra þar í landi fyrir að hafa í auðgunarskyni blekkt Egil Árnason starfsmann Samherja að greiða 9 milljónir namibískra dollara inn á einkareikning til að kaupa veiðiréttindi í fiskveiðilögsögu Namibíu.

Ákærða, Mike Nghipuny, forstjóra FISHCOR, er gefið að sök að hafa vélað Egil 19. ágúst 2019 til að greiða 9 milljónir namibískra dollara inn á reikning undir því yfirskini að fjárhæðin færi til uppbyggingar fiskeldis.

FISHCOR er opinber stofnun sem m.a. hefur það hlutverk að tryggja að sala á veiðiheimildum nýtist til uppbyggingar namibísku samfélagi. Forstjórinn, Mike Nghipuny, hafi í samstarfi við meðákærðum innheimt fjármuni í nafni namibískra stjórnvalda til persónulegs ávinnings.

Egill Árnason tók að sér umsjón með rekstri Samherja árið 2016 eftir að Jóhannes Stefánsson, síðar uppljóstrari, var rekinn. Jóhannes gerði upphaflegu samningana um kaup á veiðiheimildum.

Samningar um veiðiheimildir fólu sér ýmsar kvaðir kaupenda að leggja fram fjármagn til samfélagslegrar uppbyggingar í Namibíu. Erlendar útgerðir, m.a. Samherji, keyptu veiðiheimildir undir þessum formerkjum. Allt var þetta samkvæmt gildandi lögum í landinu. En peningarnir skiluðu sér ekki þangað sem þeir áttu að fara.

Níu Namibíumenn eru ákærðir fyrir umboðssvik, þjófnað og auðgunarbrot í tengslum við sölu á veiðiheimildum. Þá eru 11 lögaðilar ákærðir, skúffufyrirtæki sem níumenningarnir notuðu til að hylja brotin. Ákæruliðirnir eru samtals 28. Samherji er aðeins einn nokkurra aðila sem sakborningar blekktu til persónulegs ávinnings.

Með stöðu sinni í stjórnkerfinu blekktu þeir ákærðu kaupendur veiðiheimilda, m.a. Samherja, til að halda að viðskiptin væru lögleg.

Meginefni ákærunnar er að níumenningarnir hafi með stöðu sinni í stjórnsýslunni nýtt sér namibíska löggjöf um úthlutun veiðiheimilda til að auðgast persónulega. Fyrrum sjávarútvegsráðherra Namibíu og ríkislögmaður eru meðal sakborninga. Á 5 ára tímabili, 2014 til 2019, var úthlutað veiðiheimildum upp á 474 þúsund tonn af hrossamakríl til FISHCOR.

Öðrum þræði er ákærunni beint að namibískum lögum, sem gerðu ráð fyrir að veiðiheimildir FISHCOR yrðu seldar til að fjármagna pólitísk markmið, t.d. um uppbyggingu innviða, fátækrahjálp og velferð fyrrum hermanna. 

Ákæruskjalið, samtals 93 blaðsíður, sýnir allt aðra mynd af atburðarásinni í Namibíu en dregin hefur verið upp af Jóhannesi uppljóstrara og RSK-miðlum, þ.e. RÚV, Stundinni og Kjarnanum.

RÚV heldur því fram að Egill Árnason hafi, ásamt tveim öðrum Íslendingum, verið ákærður í Namibíu. Það er rangt, enginn Íslendingur er ákærður í Namibíu. 

Höfuðsök Samherja er að hafa ráðið Jóhannes Stefánsson til að stýra Namibíu-verkefninu. Ótrúr þjónn gerði bandalag við RSK-miðla að sverta mannorð saklausra manna og eyðileggja orðspor Samherja. Það er Namibíumálið í hnotskurn, séð frá íslensku sjónarhorni.

  

 

Veruleiki, sérviska og hættuástand

Yfirvofandi ragnarök og tilboð um frelsun frá heimsendi eru einkenni á hreyfingum eins og Ríkisborgurum, segir trúarheimspekingur í viðtali við Die Welt um hreyfinguna á bakvið tilraun til valdaráns í Þýskalandi.

Hliðarveruleiki er fyrirbærið kallað þegar sérviskuhópar búa sér til heimsmynd með heimsendaspám og krefjast vegferðar úr öskunni í eldinn. Innifalið í greiningunni er að til sé hlutlægur veruleiki. Sérviskan verður því verri og hættulegri sem hún víkur meira frá hlutveruleikanum.

Gott og vel.

Hvernig eigum við að flokka útbreidda sérvisku að loftslagið sé manngert og yfirvofandi sé heimsendir vegna koltvísýrings af mannavöldum?

Veruleikafirringin liggur í augum uppi. Koltvísýringur er aðalfæða plantna og forsenda ljóstillífunar. Gildi koltvísýrings í andrúmslofti er mældur með einingunni ppm. Um 400 ppm eru í andrúmsloftinu en sveltimörk plantna eru um 200 ppm. En okkur er sagt að með öllum ráðum ættum við að lækka gildið - og svelta jurtaríkið.

Í raun ættum við að freista þess að hækka koltvísýring í andrúmsloftinu, helst tvöfalda eða meira. Kjöraðstæður plantna er við 1200 til 1400 ppm. Við tvöföldum á CO2 myndi hiti hækka óverulega, um 0,75 gráður, þar sem koltvísýringur hamlar hitatapi jarðkringlunnar. Allir myndu njóta, einkum þeir sem búa á norðlægum breiddargráðum.

Voldug sértrúarhreyfing, með Sameinuðu þjóðirnar í farabroddi, heldur fram trúarsetningunni að koltvísýringur sé eitur sem eigi helst að útrýma. Næði sérviskan markmiðum sínum yrði ólíft á jörðinni.

Hliðarveruleiki loftslagsfirringar tröllríður húsum heimsþorpsins. Við látum gott heita og höldum úr öskunni í eldinn.