Hatur tískuorð sannleiksfólksins

Hatursorðræða er tískuorð, eins og galdrar voru mál málanna á 17. öld. Á Íslandi er hvorki meira né minna um hatur í dag en verið hefur frá landnámsöld. Hatur er mennsk tilfinning, líkt og ást.

Fólk sem ekki finnur fyrir hatri þekkir heldur ekki ást. Grísku heimspekingarnir leiddu þetta í ljós fyrir 2500 árum. Sannleiksfólkið er einfaldlega of tregt til að skilja mannlega náttúru.

Þeir sem slá um sig hugtakinu hatursorðræða fá eins og ofstækisfólkið á seytjándu öld útrás fyrir drottnunargirni. Það þykist vita sannleikann betur en aðrir og keppist við að troða sannfæringu sinni upp á aðra, með góðu eða illu.

Sannleiksfólkið leitar að vísbendingum í tjáningu manna til að upplýsa innrætið. Ef einhver hallar orði að kyni fólks, trú, litarhætti, menningu eða útliti er sá óðara stimplaður sem hatursglæpamaður. En það er allt í lagi að hata starfið sitt, veðrið, hnattræna hlýnun eða pizzu með ananas. Það má aftur ekki hatast út í mennsku einhvers, jafnvel þó full ástæða sé til.

En óvart þá er maðurinn þannig að hann hatar ýmislegt, fólk, hluti eða hugmyndir, að sama skapi að hann er elskur að sumum fyrirbærum. Þetta fylgir tegundinni a.m.k. frá því hún klifraði niður úr trjánum.

Sannleiksfólkið, homo veritas, er tilfinningaskerta útgáfan af homo sapiens. Þeir tilfinningaskertu samþykkja ekki homo sapiens með öllum sínum blæbrigðum heldur vilja þeir steypa alla í sama mót. Ef þeim tekst ætlunarverk sitt er útkoman einboðin: homo idioticus.

Hatursorðræða er samfélagsmein

Logi, mannréttindabrot og heimilisbókhaldið

Formaður Samfylkingar studdi mannréttindabrot á Snorra Óskarssyni. Snorri var kennari á Akureyri heimabæ Loga Einarssonar formanns Samfylkingarinnar. 

Eftir að Snorri birti bloggfærslu um afstöðu sína til samkynhneigðar gekkst Logi fyrir því að Snorri yrði rekinn úr starfi. Logi kom fram í fjölmiðlum og sagði mannréttindi Snorra lítils virði ef hann nýtti þau til að hafa rangar skoðanir. Logi sagði í viðtali:

Varðandi tjáningarfrelsi Snorra segir Logi að tjáningarfrelsinu séu settar skorður. „Tjáningarfrelsið, það má aldrei skerða rétt annarra,“ segir Logi.

Tjáningarfrelsi manna má sem sagt takmarka ef Loga finnst viðkomandi hafa ranga skoðun.

Snorri sigraði í dómsmáli gegn Akureyrarbæ og fór málið fyrir hæstarétt.

Nú sækir Snorri bætur til bæjarsjóðs Akureyrar. Og hver er lögmaður bæjarins? Jú, haldið ykkur: eiginkona Loga formanns sem hrakti Snorra úr kennslu.

Jafnvel RÚV á erfitt með að hemja sig í vörn fyrir málstað formanns Samfylkingar.

Logi efnir til galdrabrennu rangra skoðana á Akureyrir og skaffar í leiðinni eiginkonu sinni vinnu. Þetta er að fá tvo fyrir einn og allt borgað úr sjóðum almennings.

Logi segist berjast fyrir réttlátu og lýðræðislegu samfélagi, þar sem mannréttindi eru virt. En verkin trompa orðin.  

RÚV: Vinstriflokkarnir kosta okkur 60 milljarða

60 milljarðar króna, sem lífeyrissjóðir áttu að stórum hluta, þurrkuðust út í Kauphöllinni eftir að Björt framtíð í samvinnu við vinstriflokkana felldu ríkisstjórnina, segir RÚV.

Ímynd Íslands á alþjóðavettvangi verður fyrir tjóni, sem ekki verður mælt til fjár.

Til að kóróna sköpunarverkið mæta fulltrúar Bjartar framtíðar ekki á fundinn sem ræður úrslitum um hvort minnsti flugufótur hafi verið fyrir stjórnarslitum.

Í málefnum eru vinstriflokkarnir auðir og ógildir. En í tortímingu á mannorði fólks og orðspori þjóðarinnar er kraftur vinstrimanna mældur á Richter-skala.

Björt framtíð mætti ekki

Uppreisn Sjálfstæðisflokks, niðurlæging Viðreisnar og vinstriflokka

Embættismaður afgreiddi kosningabaráttu Viðreisnar og vinstriflokkanna sem bull. Umboðsmaður alþingis segir ekkert tilefni til að rannsaka málsmeðferð ráðherra Sjálfstæðisflokksins vegna mála er varða uppreisn æru.

Kosningabarátta Viðreisnar, Pírata, Samfylkingar, Bjartar framtíðar og Vinstri grænna er komin í uppnám. Til stóð að gera pólitísk réttarhöld yfir Sjálfstæðisflokknum að aðalmáli kosninganna 28. október.

Upphlaup óreiðufólksins á alþingi verður dýrkeypt.

Stíga til baka og óska frekari gagna

Hætta á vinstristjórn; fasteignir lækka, krónan fellur, markaðir rauðir

Vinstriflokkarnir eru þess albúnir að sigla þjóðarskútunni í strand, fái þeir meirihluta í kosningunum 28. október.

Fólk heldur að sér höndunum í fasteignakaupum sem leiðir til lækkunar á markaði. Krónan fellur vegna óvissunnar og hlutabréfamarkaðir taka dýfu niður.

Þetta gerist á fyrstu dögunum eftir að vinstriflokkarnir felldu ríkisstjórnina. Framhaldið verður ekki kræsilegt fái óreiðuöflin vind í seglin. 

Aðdragandi slita kosningamál

Össur, Sóley og dómgreind vinstrimanna

Vinstrimenn gera út fjóra stjórnmálaflokka á alþingi: Vinstri græna, Samfylkinguna, Pírata og Bjarta framtíð. Þessi flokkar gætu aldrei myndað ríkisstjórn af tveim ástæðum. Í fyrsta lagi fengju þeir aldrei fylgi til þess.

En ef svo ólíklega færi að helmingur þjóðarinnar kysi vinstriflokka til meirihluta yrði 4 flokka ríkisstjórn dauðanum merkt. Engin þriggja flokka stjórn hefur starfað heilt kjörtímabil í lýðveldissögunni. Ríkisstjórn fjögurra flokka er einfaldlega pólitískur ómöguleiki.

Vinstrimenn starfa í fjórum flokkum, fleiri ef utanþingsvinstrimenn eru taldir með, vegna þess að þeir geta ekki náð samstöðu um málefnin.

Össur Skarphéðinsson er fyrsti formaður Samfylkingarinnar, sem stofnuðu var um aldamótin til að sameina vinstriflokka. Samfylkingin er með 5 prósent fylgi, lifir í pólitískri öndunarvél eftir ESB-stórslysið sem Össur ber öðrum fremur ábyrgð á. En dettur Össuri í hug að draga lærdóm af? Nei, hann lætur eins og fimm prósent flokkurinn sé vegurinn, sannleikurinn og lífið. 95 prósentin sem vilja ekki forystu Samfylkingarinna eru svikarar við málstaðinn, segir fyrrum æðstistrumpur.

Sóley Tómasdóttir er annað eintak af dómgreind vinstrimanna. Hún vill að næstu kosningar snúist um ,,nauðgunarmenningu" og ,,uppreist æru glæpamanna". Hún nefnir ekki einelti á kvennavinnustöðum enda heggur það nærri henni sjálfri.

Össur og Sóley eru hvor um sig með ,,málið eina" sem vinstrimönnum er svo tamt að gera heilög. Þeir sem svíkja  málið eina eru settir út af sakramentinu. Vandi vinstrimanna er að málið eina er ólíkt frá einum hópi vinstrimanna til annars.

Í raunheimi stjórnmála þarf að gera málamiðlanir. Vinstrimenn kunna það ekki. Þess vegna halda þeir úti fjórum flokkum á alþingi og sameinast í andstöðu við Sjálfstæðisflokkinn. Og þá list kunna vinstrimenn giska vel - að vera á móti. En enginn með óbrjálaða dómgreind sest í ríkisstjórn til að vera á móti. Það er einfaldlega mótsögn. Ríkisstjórnir eru myndaðar með málefnum en ekki til að vera á móti. 

Segir dómgreind Katrínar hafa brjálast

Aðeins 4-6% vilja vinstristjórn - VG úti í horni

Sáralítil eftirspurn er eftir vinstristjórn. Á RÚV segir:

6% vildu ríkisstjórn Pírata, Samfylkingar og Vinstri grænna, 5% vildu tveggja flokka stjórn Samfylkingar og VG og 4% vildu tveggja flokka stjórn VG og Bjartrar framtíðar.

Vinstri grænir máluðu sig út í horn eftir síðustu kosningar, vildu ekki starfa með Sjálfstæðisflokknum. Þeir eru enn sama sinnis og vilja hreina vinstristjórn. En aðeins 4-6 prósent kjósenda óska sér vinstristjórnar.

Flestir vilja VG í næstu stjórn

Stöð 2: Án Sjálfstæðisflokksins er Ísland í vondum málum

Stöð 2 og Fréttblaðið telja Ísland illa statt ef ekki nyti Sjálfstæðisflokksins. Sú sannfæring er að baki sérstakrar könnunar um stöðu formanns Sjálfstæðisflokksins.

Könnunin leiddi í ljós að upphlaup vinstrimanna, Bjartrar framtíðar og stjórnarandstöðu, hefði skaðað formann móðurflokks íslenskra stjórnmála og þar með Ísland.

Engum fjölmiðli dytti í hug að efna til könnunar um stöðu Sigurðar Inga í klofnum Framsóknarflokki; um Loga í fylgislausri Samfylkingu; Katrínu sem stjórnar ekki Vinstri grænum eða hvort brotthvarf Birgittu skaði Pírata.

Smáflokkarnir og formenn þeirra eru pólitísk afgangsstærð. Í könnunum er spurt um aðalatriðin, þar liggja fréttirnar. Könnun Stöðar 2 og Fréttablaðsins staðfestir ósögðustu frétt lýðveldissögunnar: þegar Sjálfstæðisflokknum vegnar vel er það Íslandi til framdráttar.

Flokkur fólksins í Þýskalandi

Ísland líkt og Þýskaland opnaði landamæri sín fyrir hælisleitendum sem hvorugt landið ræður við. Innviðir ráða ekki við aðstreymið, heimamenn óttast um hag sinn enda skerðist grunnþjónusta þegar hælisleitendur taka til sín aukið fé og opinbera þjónustu.

Flokkur fólksins í Þýskalandi, AfD, stefnir í stórsigur á sunnudag. Spár gera ráð fyrir að flokkurinn verði sá þriðji stærsti á þýska þjóðþinginu.

Hér heima festir Flokkur fólksins sig í sessi, mælist með yfir tíu prósent fylgi í könnun eftir könnun.

Aðstreymi hælisleitenda er orðið stórpólitískt mál sem þarf að bregðast við.

Tvöfalt fleiri sækja um hæli

Smáflokkar efna til ófriðar á alþingi

Pólitískt og siðferðilegt umboð alþingismanna er ekki fyrir hendi eftir þingrof. Ekki síst í því ljósi að þingheimi brast þrek að standa að meirihlutastjórn, líkt og þingræðisreglan krefst.

Það er eftir öðru að bandalag smáflokka, þeirra sem mesta ábyrgð bera á ónýtu þingi, er stofnað um leið og þing er rofið og boðað er til kosninga. Bandalagið snýst um að stunda skæruhernað á þjóðarsamkomunni, fella valinkunnan þingmann úr formennsku í nefnd.

Ef alþingi væri málfundafélag í menntaskóla þættu svona aðfarir sniðugar í gelgjuhópum. En þetta er nú einu sinni þjóðþingið okkar.

Ófriðarbandalag smáflokka á alþingi er vísir að því sem koma skal. Nema kjósendur grípi til sinna ráða og komi skikk á málin. Það verður hægt 28. október. 

Brynjar: „Ég var drekinn“