Stöð 2: Án Sjálfstæðisflokksins er Ísland í vondum málum

Stöð 2 og Fréttblaðið telja Ísland illa statt ef ekki nyti Sjálfstæðisflokksins. Sú sannfæring er að baki sérstakrar könnunar um stöðu formanns Sjálfstæðisflokksins.

Könnunin leiddi í ljós að upphlaup vinstrimanna, Bjartrar framtíðar og stjórnarandstöðu, hefði skaðað formann móðurflokks íslenskra stjórnmála og þar með Ísland.

Engum fjölmiðli dytti í hug að efna til könnunar um stöðu Sigurðar Inga í klofnum Framsóknarflokki; um Loga í fylgislausri Samfylkingu; Katrínu sem stjórnar ekki Vinstri grænum eða hvort brotthvarf Birgittu skaði Pírata.

Smáflokkarnir og formenn þeirra eru pólitísk afgangsstærð. Í könnunum er spurt um aðalatriðin, þar liggja fréttirnar. Könnun Stöðar 2 og Fréttablaðsins staðfestir ósögðustu frétt lýðveldissögunnar: þegar Sjálfstæðisflokknum vegnar vel er það Íslandi til framdráttar.

Athugasemdir

[Ragnhildur Kolka, 20.9.2017 kl. 14:48]

Sama hvað reynt er þá er Sjálfstæðisflokkurinn alltaf miðpunkturinn. Hvort sem menn eru fylgjandi honum eða mótfallnir.

[Baldinn, 20.9.2017 kl. 17:49]

"  Könnun Stöðar 2 og Fréttablaðsins staðfestir ósögðustu frétt lýðveldissögunnar: þegar Sjálfstæðisflokknum vegnar vel er það Íslandi til framdráttar. ". 

Í dag vegnar Sjálfstðisflokknum ekki vel, hann er þjakaður af fjölda spillingarmála og fylgi hans er svipað og vinstri græna.  Er þá ekki komin tími fyrir eitthvað annað.

[Helga Kristjánsdóttir, 20.9.2017 kl. 23:00]

Kannski að Sjst-menn fari að snuðra í gömlum glósum andstæðinga og selja fjölmiðli,nei það er ekki í eðli Sjálfstæðisflokksins; þá væri hann fyrst þjakaður.