Föstudagur, 29. september 2017
Framsókn í sögulegu samhengi
Fyrri heimsstyrjöld var núningur.
Móðuharðindin voru éljagangur.
Svarta dauða má líkja við kvefpest.
Einokunin þótti skortur á vöruúrvali.
Kommúnisminn er saumaklúbbur.
Og staða Framsóknarflokksins er ,,óheppileg".
Segir eftirsjá að Gunnari Braga | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (7)
Föstudagur, 29. september 2017
RÚV: hégómi á samfélagsmiðli
Fréttastofa RÚV er rekin eins og samfélagsmiðill starfsmanna, sem án faglegrar ábyrgðar dengja yfir landsmenn hugdettum sínum og kalla fréttir.
Sjanghæ-málið er ein RÚV-della, herförin gegn Sigmundi Davíð var önnur mykja.
Og núna tekur RÚV upp á því að fleygja peningum í fórnarlömb sín til að hylja hégóma fréttamanna sem standa faglega naktir á berangri umræðunnar.
Almenningur heldur uppi samfélagsmiðlinum RÚV og borgar fyrir bruðlið.
RÚV hafi gætt hagsmuna sinna | |
Tilkynna um óviðeigandi tengingu við frétt |
Dægurmál | Breytt s.d. kl. 12:58 | Slóð | Facebook | Athugasemdir (3)
Föstudagur, 29. september 2017
Birni Inga fylgir siðleysi
Fyrrum hjákona Björns Inga Hrafnssonar reyndi að kúga fé úr forsætisráðherra. Þegar Björn Ingi var borgarfulltrúi seldi hann fjölskyldusilfur Orkuveitunnar til auðmanna og grét í sjónvarpsmyndavélar þegar upp komst um strákinn Tuma.
Björn Ingi stofnaði Samvinnuflokkinn þegar hann varð þess áskynja að Sigmundur Davíð væri á leið úr Framsóknarflokknum. Bingi, eins og hann er kallaður, segir Samvinnuflokkinn fjöldahreyfingu er gangi ,,einhuga" til fylgis við Miðflokk Sigmundar Davíðs.
En Samvinnuflokkurinn er ódýrt áróðursbragð með einn siðlausan félaga. Að upplagi er Bingi pólitískur rótari og á heima baksviðs. Verði Bingi í framlínu Miðflokksins yrði það auglýsing um að siðleysið sé aftur mætt í íslenska pólitík.
Sigmundur með forystu um framhaldið | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)