Bandarískir femínistar: Hitlers-aðdáendur og hlynntir lögreglumorðingjum

Ein öflugasta mótmælahreyfingin gegn Trump er femínistahreyfingin Womens march. Hreyfingin stendur fyrir fjöldamótmælum víða um Bandaríkin. Leiðarahöfundur New York Times fór í saumana á yfirlýsingum leiðtoga hreyfingarinnar og komst að þeirri niðurstöðu að þar sé hatrið allsráðandi.

New York Times er í andstöðu við Trump og fylgir stefnu frjálslyndis. Í ítarlegri samantekt á leiðtogum Womens March kemur fram að þeir telja læriföður sinn Louis Farrakhan sem er þekktur gyðingahatari og aðdáandi Hitlers. Fidel Castró Kúbuleiðtogi er hátt skrifaður og eftirlýstir morðingjar lögreglumanna fá stuðningsyfirlýsingu.

Þegar jafnvel frjálslyndir telja öflugustu andstæðinga Trump til hættulegra öfgamanna er skiljanlegt að kallinn í Hvíta húsinu vilji vopnavæða lögregluna.

Trump vill leyfa sölu hergagna til lögreglu

Hælisleitendur í orlof til heimalandsins

Hælisleitendur, sem koma til Evrópu, útskýra mörgum orðum að þeir séu ofsóttir og eigi á hættu pyntingar eða líflát í heimaríkinu.

En maður fer ekki í sumarfrí þangað sem maður er ofsóttur. Nema maður sé hælisleitandi á fölskum forsendum.

Sumir hælisleitendur er einfaldlega í leit að betri lífskjörum en bjóðast í heimalandinu.

Fari ekki í frí til heimalandsins

Biblían og kóraninn - Gutenberg og Zuckerberg

Frétt í Telegraph minnir á að frá elstu tíð ræddu kristnir ólíka túlkun biblíunnar. Guðspjöllin voru ekki tekin bókstaflega heldur leitað að merkingu líkingamálsins sem greinir frá lífi og boðskap Jesú Krists.

Á miðöldum reyndi kaþólska kirkjan að þrengja túlkun guðspjallanna. Mótmælendur á nýöld blésu lífi í ólíka túlkun biblíunnar, þýddu biblíuna á þjóðtungur og gáfu út með prenttækni Gutenberg. Túlkunarhefðin er ráðandi í vestrænni menningu æ síðan.

Múslímar búa að annarri hefð. Kóraninn, helgirit hliðstætt biblíunni, er samkvæmt hefð þeirra ómengað orð guðs eins og hann lagði það í munn spámannsins. 

Hamed Abdel-Samad lærði kóraninn utanbókar sem barn. Hann er sonur múslímaklerks. Abdel-Samad gerðist fráhverfur ráðandi skilningi á kóraninum en lítur engu að síður á sig sem múslíma.

Greining Abdel-Samad er að þótt múslímaheimurinn missti af byltingu Gutenberg mun bylting samfélagsmiðla, sem má kenna við Zuckerberg stofnanda Facebook, knýja múslíma til að horfast í augu við þá staðreynd að endurtúlka þurfi kóraninn til að trúarmenning þeirra eigi sér framtíð. Að öðrum kosti séu múslímar dæmdir í andlega fátækt sem á meira skylt við myrkar miðaldir en nútíma.

Múslímar eiga sem sagt nokkurt verk fyrir höndum. Þeir misstu af Gutenberg en sitja uppi með Zuckerberg - og kóraninn sem óskeikula heimild um hvernig þeir skuli haga lífi sínu á jörðu til að undirbúa sig fyrir eilífðina.

Hófleg launahækkun eða verðbólga

Laun eru há á Íslandi í dag, bæði í sögulegu samhengi og alþjóðlegum samanburði, samkvæmt greiningu Ólafs Margeirssonar hagfræðings. Á komandi vetri eru samningar margra hópa lausir. Valið stendur á milli hóflegra launahækkana eða verðbólgu, þegar innlendum kostnaði yrði ýtt út í verðlagið og gengið lækkaði.

Þótt samstarf aðila á vinnumarkaði, SALEK, lifi enn að nafninu til er góðæri síðustu ára illa nýtt í umræðu um réttláta skiptingu launa. Hvað á forstjóri að hafa í laun miðað við meðallaun í viðkomandi fyrirtæki? Hvert á mánaðarkaup kennara að vera í samanburði við meðallaun ASÍ-félaga?

Spurningum af þessu tagi er ekki svarað, spurningarnar eru ekki einu sinni settar fram. Tölurnar til að svara liggja fyrir. En enginn þorir að spyrja.

Guðlaugur vísar á Urði í EES-svindli

Guðlaugur Þór Þórðarson utanríkisráðherra vill ekki veita norsku dagblaði upplýsingar um vitneskju sína um svindl með styrki sem EES-þjóðirnar veita fátækum ríkjum í Evrópusambandinu. Guðlaugur lætur Urði Gunnarsdóttur upplýsingafulltrúa ráðuneytisins um að bíta af sér norsku blaðamennina.

Dagbladet í Noregi afhjúpar stórfellt svindl með styrki sem EES-þjóðirnar Ísland, en þó mest Noregur, borga til fátækari ríkja Evrópusambandsins í staðinn fyrir markaðsaðgang.

Ísland situr á upplýsingum um styrkina en vill sem minnst blanda sér í málið. Þess vegna vísar Guðlaugur á Urði, sem neitar þeim norsku um upplýsingar.

Trump, Macron og vinsældir óvinsælda

Macron var krýndur And-Trump fyrir þrem mánuðum, þegar hann náði kjöri í forsetaembætti Frakklands. Macron átti að vera allt það sem Trump Bandaríkjaforseti er ekki: yfirvegaður, raunsær, sáttfús, orðvar og ekki síst vinsæll.

En nú ber svo við að Trump og Macron njóta álíka vinsælda, hvor í sínu heimalandi, eða um 40 prósent. Macron er við það að klúðra Evrópustefnu sinni sem átti að vera nýtt upphaf ESB.

Á vesturlöndum eru óvinsældir sterkasta pólitíska aflið. Valdstjórn, hvaða nafni sem hún nefnist, Trump eða Macron, er óvinsæl nánast samkvæmt skilgreiningu.

Ástæðan fyrir óvinsældum valdhafa er að kjarnavandinn sem vesturlönd standa frammi fyrir er sjálfsmyndin. Vesturlönd almennt og einstök ríki innan þeirra eru í óvissu um grunngildi og hlutverk í alþjóðasamfélaginu. Það er á vettvangi stjórnmálanna sem grunngildum er telft fram og stefna mótuð. Þegar undirstaðan er ótraust verða stefnumálin fálmkennd. Óánæga vex og óvinsæl stjórnvöld verða regla en ekki undantekning.

Meirihluti Frakka óánægður með forsetann

Ótti við innflytjendur er ekki rasismi

Ótti vestrænna þjóða við straum innflytjenda stafar af þeirri reynslu að innflytjendur, einkum múslímskir, aðlagast illa vestrænum samfélögum. Þannig segja 65,6 prósent Þjóðverja aðlagist illa eða mjög illa þýsku samfélagi.

Þegar stórir hópar innflytjenda frá framandi menningu setjast að í vestrænum ríkjum verða til menningarkimar sem hafna vestrænum gildum, t.d. mannréttindum. Reynslan sýnir að úr þessum menningarkimum spretta einstaklingar hneigðir til hryðjuverka gegn því samfélagi sem elur önn fyrir þeim.

Rasismi er í grunninn kynþáttahyggja, sannfæring um að einn kynstofn sé öðrum æðri. Ótti við innflytjendur er ekki sprottinn af rasisma heldur áhyggjum af framtíð samfélags sem leyfir framandi menningu að leggja undir sig svæði, borgarhverfi eða bæi, þar sem aðrar reglur gilda um siði og háttu en almennt í samfélaginu.

Þorgeir Ljósvetningagoði var ekki rasisti þegar hann sagði fyrir þúsund árum að menn ættu að hafa einn sið í landinu. Hann vakti athygli á því augljósa. Samfélag með einn sið hefur ein lög. Forsenda fyrir samfélagsfriði er samkomulag um grunngildi, siði og lög.

Nær helmingur óttast innflytjendur

Þingmenn misskilja hlutverk sitt

Eftirfarandi er haft eftir þingmönnum Bjartar framtíðar:

Þingið lík­ist frem­ur mál­stofu og snú­ist ekki um fram­kvæmd verk­efna.

Nú er það svo að alþingi á að setja lög og eftir atvikum taka málefni þjóðfélagsins á dagskrá, t.d. í formi fyrirspurna og þingsályktana. Í þessum skilningi er þingið málstofa.

Framkvæmdavaldið, ríkisstjórn, ráðuneyti og ríkisstofnanir, eiga að hrinda þingvilja i framkvæmd.

„Upplifi Alþingi á svipaðan hátt“

Á að banna kóraninn?

Kóraninn er hættulegur. Þetta helgirit múslíma er notað til að réttlæta morð á saklausu fólki víða um heim. Jú, það er rétt að allur þorri múslíma er friðsamur og stundar ekki ofbeldi.

Engu að síður er lítill minnihluti múslíma afkastamikill í hryðjuverkum. Og sækir hvatningu í kóraninn í þeirri iðju að drepa fólk af handahófi.

Eigum við þá að banna helgirit múslíma? Nei, kóraninn er hluti frjálsrar orðræðu og menningarverðmæti líkt og biblían.

Með sömu rökum eigum við ekki að banna ádeilurit eins og Charlie Hebdo eða önnur sem fara fram með misjafnlega smekklegum hætti gegn trúarsannfæringu fólks.

Trú, hvort heldur kristni eða íslam, verður að þola áreiti. Trúin stendur ekki ofar frjálsri orðræðu.

Charlie Hebdo ögrar enn á ný

BBC útskýrir vinsældir Trump: menningarreiði

Milli 35 til 40 prósent Bandaríkjamanna styðja Trump forseta algjörlega óháð því hvort hann nái fram nokkrum stefnumálum sínum eða ekki. Trump sameinar þá sem eru menningarlega á móti pólitísku elítunni í Washington, fjölskylduveldum Bush-ara og Clinton-hjónanna og ekki síst fjölmiðlum, sem eru frjálslyndir og alþjóðavæddir.

Þetta er kjarninn í greiningu Katty Kay á BBC. Stuðningsmenn Trump horfa með hryllingi á vandalisma frjálslyndra og vinstrimanna, sem rífa niður opinber minnismerki, er staðið hafa í kynslóðir, með rökum pólitískrar tækifærismennsku.

Trump þekkir sitt heimafólk og talar til íhaldsmanna sem eru langþreyttir á pólitískum rétttrúnaði og þeim yfirgangi sem fylgir, t.d. að söguleg minnismerki eru fjarlægð. Þegar baráttan stendur um sjálfsmynd bandarísku þjóðarinnar verða efnahagsmál hjóm eitt.

35 til 40 prósent fylgi er ekki nóg til að sigra forsetakosningar. En reynslan sýnir að pólitíski rétttrúnaðurinn er sundurlaus þegar á hólminn er komið. Hillary Clinton tapaði forsetakosningunum vegna þess að aðrir vinstriframbjóðendur tóku til sín atkvæði.

Hugleiðir að fjarlægja styttuna af Kólumbusi