Sýrlandi, Írak skipt upp; Kúrdaríki

Innrás Bandaríkjanna í Írak 2003 og stuðningur þeirra við uppreisnarmenn í Sýrlandi hratt af stað atburðarás sem leiða mun til uppskiptingar á þessum ríkjum.

Ríki íslams er sameiginlegur óvinur þeirra þriggja stóru aðila sem mest láta sig skipta framvindu mála: Bandaríkin, Rússland og Tyrkland. Kúrdar, sem búa í norðurhéruðum Írak, Sýrlands og suðurhluta Tyrklands eru í laustengdu bandalagi við Bandaríkin og Rússland en svarnir óvinir Tyrkja, sem óttast að nýtt Kúrdaríki taki land af þeim.

Bandarískur sérfræðingur í málefnum miðausturlanda, Joshua Landis, hvetur Bandaríkin til að styðja fremur Kúrda en Tyrki til að ráðast í síðasta höfuðvígi Ríkis íslam, Raqqa. Tyrkir og bandamenn þeirra úr röðum súnni-múslíma keppa við Kúrda um að frelsa Raqqa. Þótt Tyrkir eigi að heita í liði Bandaríkjanna, sem Nató-þjóð, eru þeir grunaðir um að vilja fremur að herskáir súnni-múslímar, sömu ættar og Ríki íslams, verði öflugir á svæðinu en að vegur Kúrda vaxi.

Stríðsátökum í miðausturlöndum er hvergi nærri lokið.

Lykilhlutverk Rússa eftir loftárásir

Lukkuriddarar eymdarinnar

Sumir sérhæfa sig að útmála eymdina. Lukkuriddarar eymdarinnar eru iðulega snjallir í almannatengslum og kunna að koma fyrir sig orði.

Og alltaf finna þeir áheyrendur. Hvorttveggja er að eymdarfólkið fær uppreisn æru þegar þeir orðsnjöllu gera það að skjólstæðingum sínum um stund og eins hitt að fjölmiðlar vita að nýtt sorp selur betur en gamall sannleikur.

Eitt einkenni lukkuriddarana er að þeir dvelja aldrei lengi við sömu eymdina; vitandi að eymdin í dag er úrelt á morgun. Lukkuriddararnir nenna ekki lagfæra eymd gærdagsins enda er tilgangurinn ekki að bæta samfélagið heldur að gera sjálfa sig að söluvöru á markaðstorgi eymdarinnar.

Norðmenn hamingjusamastir í heimi

Pútín leitað á bakvið Trump

Frjálslyndir og kaldastríðshaukar eins og John McCain gera Pútín Rússlandsforseta að höfundi kosningasigurs Trump.

Frjálslyndir eins og Clinton-hjónin og Obama fyrrverandi forseti gerðu Pútín að höfuðóvini Bandaríkjanna, segir í Foreign Affairs - og það voru stór mistök.

John McCain þingmaður reynir að stela utanríkisstefnu Trump, skrifar íhaldsmaðurinn Patrick J. Buchanan.

Herskáir frjálslyndir og vopnabræður þeirra úr röðum kaldastríðshauka vilja ekki bætt samskipti við Rússland. Þess vegna er Pútín leitað á bakvið Trump.

Bera vitni á Bandaríkjaþingi

Krónuhagkerfið fær traust - ekki fjármálaráðherra

Erlendir fjárfestar vilja ávaxta peningana sína í krónuhagkerfinu og kaupa hlut í banka. Fjármálaráðherra, ekki þó til frambúðar, Benedikt Jóhannesson, keppist við að tala krónuna niður en útlendingar lýsa trausti á gjaldmiðilinn.

Kaup útlendinga á íslenskum banka er með tvær hliðar. Að einhverju marki mun arðurinn af starfsemi vera tekinn úr hagkerfinu. Á móti kemur að útlendingarnir kunna líklega eitthvað fyrir sér í bankarekstri. Við þekkjum íslenska fjármálavitið frá hruni; það fólst í því að ræna bankana innanfrá.

Á heildina litið er jákvætt að erlendir straumar leiki um íslenska bankakerfið. Það veit á meiri aga í ríkisfjármálum og vaxtapólitík.

Tímamót í uppgjöri við bankahrunið

Atvinnuofsóknir Óttars ráðherra

Sigurður Már Jónsson upplýsingafulltrúi ríkisstjórnarinnar hefur ekki leyfi að hafa skoðun á stjórnarskrá lýðveldisins ef hann vill halda vinnunni. Á þessa leið eru skilaboð Óttars Proppé heilbrigðisráherra.

Óttar viðurkennir að hafa ekki lesið grein Sigurðar í Þjóðmálum, sem undirstrikar ómálefnalega afstöðu ráðherrans.

Óttarr hótar þeim atvinnumissi sem leyfir sér að hafa skoðun á stjórnarskrá okkar allra. Ömurlegur Óttarr.

 

Tvær stríðsborgir - ólíkar frásagnir

Aleppo í Sýrlandi var unnin úr höndum Ríkis íslam og uppreisnarmanna fyrir síðustu jól af sýrlenska stjórnarhernum með stuðningi Rússa. Í fjölmiðlum voru reglulegar fréttir um mannfall óbreyttra borgara. Rauður þráður fréttanna var stjórnlaus ofbeldi Rússa.

Eftir jól hófst frelsun írösku borgarinnar Mosúl. Herskáir múslímar stjórnuðu borginni en hersveitir stjórnarinnar í Bagdad sóttu fram með stuðningi Bandaríkjanna og Nató-ríkja. Nánast engar fréttir eru af mannfalli óbreyttra borgara, þótt þeir deyi þar í hrönnum.

Dálkahöfundurinn Peter Hitchens tekur saman þessar gagnólíku fréttafrásagnir. Fjölmiðlar leggja sig fram um að úthúða framlagi Rússa í baráttunni við herskáa múslíma en fegra frammistöðu Bandaríkjanna og Nató-ríkja.

Glæpir og Allah

Múslímskir hryðjuverkamenn á vesturlöndum eru nánast undantekningalaust með glæpaferil að baki áður en þeir verða stríðsmenn Allah. Guardian dregur upp svipmynd af nýjasta eintakinu.

Hver er skýringin? Jú, þessi helst: múslímatrú kennir að rétttrúaðir sanni sig með drápum á villutrúartrúarfólki - þ.e. að myrða þá sem ekki fylgja spámanninum.

Kennisetningar spámannsins eru leið glæpamanna að réttlæta sig, fá aflausn synda sinna.

En, auðvitað, íslam er friðartrú, eins og fjölmenningarsinnar klifa á.

„Hér til að deyja fyrir Allah“

Benedikt er ekki til frambúðar

Fjármálaráðherra og formaður Viðreisnar, Benedikt Jóhannesson, er ekki til frambúðar. Flokkurinn fékk tíu prósent kjörfylgi og mælist ítrekað við fimm prósent eftir kosningar.

Benedikt segir krónuna ekki heppilega til frambúðar vegna þess að útgerðin er óánægð með sterkt gengi hennar nú um stundir. Hvorki Benedikt né útgerðin geta fundið neinn gjaldmiðil í heiminum sem er sérsniðin að íslenskum aðstæðum, - nema krónuna.

Benedikt vill ekki skilja þá einföldu staðreynd að engir gjaldmiðlar eru sniðnir að sértækum hagsmunum. Gjaldmiðlar taka mið af stöðu og horfum þeirra efnahagskerfa sem þeir þjóna. Vextir seðlabanka viðkomandi gjaldmiðla reyna eftir bestu getu að stuðla að stöðugu gengi með verðbólgu upp á 1-2 prósent.

Orð Benedikts um krónuna eru hluti af þeirri vænisýki sem einkennir stjórnmálaumræðuna eftir hrun. En sem betur fer er Benedikt ekki til frambúðar. Krónan er það hins vegar.

Krónan ekki heppileg til frambúðar

Barnasprengja múslíma í Evrópu

Múslímavæðing Evrópu gengur fram ef múslímakonur í álfunni eignast fimm börn, segir Erdogan Tyrklandsforseti. Þýskir fjölmiðlar taka áskorun Tyrklandsforseta alvarlega enda snertir hún viðkæman streng.

Evrópskar konur eiga að meðaltali rúmlega eitt barn hver. Ef þær múslímsku eignast fimm verður Evrópa múslímsk innan fárra kynslóða. Eyjan segir frá pælingum um væntanlegt trúarstríð í kjölfarið.

Tyrkland er múslímskt ríki sem reyndi að veraldarvæðast fyrir einni öld. Þegar forseti landsins hótar múslímavæðingu Evrópu þrem kynslóðum seinna staðfestir það hið augljósa: múslímar aðlagast ekki vestrænni veraldarhyggju.

Lýðhyggja gegn sérfræðiveldi

Lýðhyggja er orð sem nær yfir þróun síðustu ára þar sem venjubundin stjórnmál láta í minni pokann fyrir pólitískum valkostum sem höfða til breiðs hóps - lýðsins.

Jón Magnússon veltir fyrir sér hvert sé andheiti lýðhyggju.

Stórpólitískir atburðir síðustu missera, t.d. sigur Trump og Brexit, voru sigrar lýðhyggju gegn sérfræðiveldi hvers einkenni er að taka pólitíska afstöðu án fræðilegrar innistæðu. Jafnvel í okkar litla landi sigraði lýðhyggjan sérfræðiveldið í umræðunni um Evrópusambandið.

Fallegt orð, lýðhyggja.