RSK-tilræðið gegn Páli skipstjóra - hvers vegna?

Fréttamenn RÚV, Stundarinnar og Kjarnans, RSK,  eru á sakabekk vegna tilræðis að heilsu og einkalífi Páls skipstjóra Steingrímssonar. Eitrað var fyrir Páli og síma hans stolið. Kjarninn og Stundin fengu stolin einkagögn Páls og dreifðu um hann rógi og níði með frjálslegum útleggingum. Komist RSK-liðið ekki undir manna hendur verður refsilaust að byrla fólki og stela einkagögnum. 

En hvers vegna var skipstjórinn tekinn fyrir með skipulegri aðför þriggja fjölmiðla? Jú, Páll hafði gagnrýnt herferð RSK gegn Samherja, svokallað Namibíumál, og skrifað greinar í fjölmiðla og á samfélagsmiðla.

,,Saklaus uns sekt er sönnuð," er heiti á grein Páls á Vísi í kjölfar alræmds Kveiks-þáttar um að Samherji stæði fyrir stórfelldri glæpastarfsemi í Namibíu. Enginn aðili tengdur Samherja var kærður. RÚV heldur öðru fram, en það er falsfrétt.

Páll spurði Aðalstein Kjartansson, sem var einn höfunda Kveiks-þáttarins, um efnisatriði en fékk engin svör. Aðalsteinn flutti sig yfir á Stundina, frá RÚV, í tæka tíð til að skrifa um skipstjórann upp úr stolnu gögnunum.

Páll deildi við Svavar Halldórsson, fyrrverandi fréttamann, og eiginmann Þóru Arnórsdóttur á RÚV um efnisatriði í Kveiks-þættinum. Svavar er í bakvarðasveit RSK sem sér um skítadreifinguna á samfélagsmiðlum. 

Páll gerði grín að Dodda á Kjarnanum sem hætti að fjalla um uppboð á kvóta í Namibíu þegar það misheppnaðist. 

Skipstjórinn var sem sagt duglegur að rúlla fréttamönnum RSK upp og niður andans tröppurnar fyrir margvíslegan þvætting sem reglulega er borinn á borð í þágu ,,almannahagsmuna". Í reynd eru það pólitískir hagsmunir sem fjölmiðlarnir bera fyrir brjósti. Markmiðið er að telja fólki trú um að það búi í verbúðarsamfélagi. Vestfjarðarnornin er hugarfóstur sem blaðamenn RSK sjá í hverju skúmaskoti. Sumir þeirra eru svo illa haldnir af ímyndunarveiki að þeir hafa lagst inn á geðdeild.   

RSK-miðlarnir hugsuðu Páli skipstjóra þegjandi þörfina. Um mánaðarmótin apríl og maí sl. var tilræðið gegn Páli skipulagt. Aðalsteinn Kjartansson var fluttur af RÚV yfir á Stundina og Doddi beið álengdar á Kjarnanum. Vaktina á Glæpaleiti stóðu Þóra, Helgi Seljan og Rakel.

Tilræðið þaggaði niður í Páli skipstóra, um sinn í það minnsta. Hann var nær dauða en lífi og átti um sárt að binda í einkalífinu eftir atlögu RSK. Níu dögum eftir að spuni RSK úr stolnum gögnum frá Páli fór í umræðuna gafst Samherji upp og baðst afsökunar. Samherji var ekki tilbúinn að fórna mannslífum. En það var enginn bilbugur á RSK-miðlum.

Fyrr en, auðvitað, núna þegar réttvísin vill ná tali af Þóru, Dodda, Aðalsteini og félögum. RSK-liðið flýr í dauðans ofboði í fang vinstrimanna á alþingi og skrílmenningar. Nú á að brjóta réttarríkið á bak aftur með samstilltu átaki óreiðuaflanna.

Í RSK-landi má eitra, stela og ráðast á einkalíf fólks. Við viljum ekki búa í þannig landi.

Doddi blaðamaður beittur kynferðisofbeldi?

Þórður Snær Júlíusson, meintur ritstjóri Kjarnans, er einn grunaðra í lögreglurannsókn á eitrun Páls skipstjóra Steingrímssonar og gagnastuldi. Þegar tilfallandi athugasemdir hófu umfjöllun um málið sl. haust skrifaði Þórður Snær, yfirleitt kallaður Doddi, grein í Kjarnann undir fyrirsögninni Glæpur i höfði Páls Vilhjálmssonar. Þar segir m.a.

Eng­inn frá þeim fjöl­miðlum [þ.e. Kjarnanum og Stundinni]sem komu að umræddri umfjöllun hafa verið kall­aðir til yfir­heyrslu vegna þeirrar kæru [Páls skipstjóra], líkt og Páll [Vilhjálmsson] heldur fram. Eng­inn frétta­maður eða yfir­maður hjá RÚV – sem tók engan þátt í umfjöll­un­inni – hefur heldur verið yfir­heyrður sam­kvæmt upp­lýs­ingum Kjarn­ans.

Þetta skrifaði sem sagt Doddi blaðamaður 11. nóvember sl. Í dag liggur fyrir að Doddi sjálfur sætir stöðu sakbornings í lögreglurannsókninni. Annar blaðamaður á Kjarnanum er með sömu stöðu, líka Aðalsteinn á Stundinni og sömuleiðis Þóra á RÚV.

Allt sem Doddi sagði rangt í nóvember eru staðfest sannindi í febrúar. Veruleikinn á það til að taka menn svo rækilega í þurra görnina að þeir bíða þess ekki bætur. Doddi hlýtur að ganga með vaselínkrukku á sér það sem eftir lifir ævinnar.

Veruleikinn hefur riðið Dodda á slig. Æmtir hann þó enn. Í Kjarnanum í gær hræði hann saman  nokkrum samsæriskenningum, væntanlega með leyfi Þóru, um að vera fórnarlamb ,,stafræns kynferðisofbeldis". 

Doddi er kominn í slík öngstræti að hann ákallar femínista sér til bjargar. Þær femínísku eru aumingjagóðar og reka sérstakar öfgasveitir í þágu þolenda. En þær gagnast Dodda lítið þegar veruleikinn þröngvar sér inn. Doddi stundar sjálfslimlestingar en kennir öðrum um þegar hann er hart leikinn. Sjálfskaparvítin eru verst.  

 

Fréttahönnun RÚV: hvar er Rakel?

Þrír blaðamenn Kjarnans og Stundarinnar eru þjófsnautar, birtu stolin gögn frá Páli skipstjóra Steingrímssyni. Fjórði grunaði einstaklingurinn, með stöðu sakbornings, er Þóra Arnórsdóttir ritstjóri Kveiks á RÚV.

Í fréttahönnun RÚV af málinu er þess vandlega gætt að fjalla ekki um Þóru. Hún skrifaði enga frétt úr gögnum Páls, og hlýtur að grunuð um annað en blaðamenn Kjarnans og Stundarinnar.

Þá heyrist hvorki hósti né stuna frá RÚV um Rakel Þorbergsdóttur sem tilkynnti skyndilega starfslok í nóvember sem fréttastjóri RÚV, þegar ljóst var að alvarlegt sakamál var í uppsiglingu. Starfsferill Rakelar á RÚV spannar 22 ár. Engin skýring var gefin og starf fréttastjóra var ekki auglýst fyrr en um áramót. Arftaki Rakelar var ekki ráðinn fyrir en lá fyrir hverjir liggja undir grun á Efstaleiti. Aðeins eru tveir dagar síðan. 

Rakel var yfirmaður Þóru. Samskipti út á við, til dæmis tilboð um illa fengin gögn, kæmi inn á borð Rakelar fremur en Þóru.

Ekki hefur verið upplýst hvort Rakel sé grunuð líkt og Þóra. Ef hún er það ekki má leiða líkum að því að þær upplýsingar væru komnar fram. RÚV á fullt í fangi með að fela Þóru fyrir sviðsljósi sakamálarannsóknar. Ef staðfest yrði að Rakel væri einnig sakborningur yrði kastljósinu eingöngu beint að RÚV en Kjarninn og Stundin féllu í skuggann. En það hentar ekki fréttahönnun RÚV. 

Rakel gæti verið lykilmanneskjan í samskiptum við verktakann er sá um að gera Pál Steingrímsson óvígan og stela af honum snjallsímanum. 

Dauðaþögn RÚV um Þóru og Rakel er býsna hávær. Veigamestu ákærurnar í fyrirsjáanlegu dómsmáli munu ekki beinast að Kjarnanum eða Stundinni - heldur Glæpaleiti.

Engin innistæða fyrir uppþoti vegna skýrslutaka

Þóra skuggastjórnandi Kjarnans og Stundarinnar

Þóra Arnórsdóttir á RÚV er sakborningur í lögreglurannsókn á eitrun Páls skipstjóra Steingrímssonar og stuldi á síma á meðan skipstjórinn var á gjörgæslu sl. vor. Fréttir voru skrifaðar í Kjarnann og Stundina upp úr símtækinu. Blaðamenn þaðan eru meðal sakborninga. 

Síðustu þrjá daga flytur RÚV margar fréttir um blaðamennina sem eru sakborningar. En engin fréttanna fjallar um líklegar ástæður þess að Þóra er sakborningur. Ekki heldur er Þóra þýfguð um aðild að málinu. 

Engin frétt upp úr einkagögnum Páls birtist í RÚV. Hvers vegna er Þóra sakborningur?

Lögreglan er bersýnilega með upplýsingar um aðkomu Þóru að máli Páls skipstjóra. Hver gæti sú aðkoma verið, ef ekki til að afla frétta? Þóra er jú fréttamaður á RÚV en starfar hvorki á Stundinni né Kjarnanum.

Enn er óupplýst hver eitraði fyrir Páli skipstjóra og stal síma hans. Sá sem það gerði lét einhvern einn aðila, beint eða með milligöngu, fá síma Páls til að afrita gögnin. Sá aðili skipti gögnunum í tvo hluta, Kjarninn fékk einn hluta en Stundin hinn. 

Kjarninn og Stundin birtu fréttir úr gögnum skipstjórans samtímis morguninn 21. maí. Þórður Snær, sem að nafninu til er ritstjóri Kjarnans, fylgdi fréttinni úr hlaði með þessum orðum:

Ábyrgðarmenn Kjarnans vilja taka fram að umrædd gögn sem eru grundvöllur umfjöllunar miðilsins bárust frá þriðja aðila. Starfsfólk Kjarnans hefur engin lögbrot framið...

Þessi ,,þriðji aðili" er sá sem útvegaði Kjarnanum og Stundinni gögnin úr síma Páls skipstjóra. Þriðji aðilinn ritstýrði einnig fréttum Kjarnans og Stundarinnar og ákvað hvenær þær skyldu birtast. Ritstýringin var svo ítarleg að Aðalsteini á Stundinni og Þórði Snæ á Kjarnanum var fyrirskipað að hringja í Pál skipstjóra nánast á sama tíma.

Þóra Arnórsdóttir er ,,þriðji aðilinn." Þess vegna þegir RÚV um Þóru og lætur hana ekki sjást á skjánum. Þóra var skuggastjórnandi Stundarinnar og Kjarnans í aðförinni að Páli skipstjóra. 

Sakborningar njóta tiltekins réttar

Sími Páls skipstjóra var afritaður á RÚV

Börnum Páls Steingrímssonar skipstjóra var sagt að búa sig undir það versta þegar faðir þeirra var fluttur í skyndi á gjörgæslu 4. maí á síðasta ári. Páli var byrlað eitur. Á meðan hann lá milli heims og helju var snjallsíma hans stolið.

Fréttamenn á RÚV, Kjarnanum og Stundinni vissu með 4 daga fyrirvara að síma Páls yrði stolið. Aðgerðin var þaulskipulögð. Síma skipstjórans var stolið og gögnin afrituð. Síðan var símanum skilað á sjúkrabeð Páls. Verktakinn sem sá um stuldinn var einhver nákominn Páli.

Enn hefur ekki verið upplýst hver þjófurinn er. En lögreglan veit það. Lögreglan þarf ekki á Þórð Snæ ritstjóra Kjarnans að halda til að upplýsa um þjóf og ,,heimildarmenn". Ritstjóri Kjarnans er aðeins þjófsnautur en slær sig til riddara og þykist vernda heimildarmann. Það er enginn heimildarmaður, aðeins þjófur og RÚV. Einu heimildir Þórðar Snæs eru gögnin úr síma skipstjórans.

Blaðamenn á Stundinni og Kjarnanum unnu með gögnin úr síma Páls í hálfan mánuð. Snemma morguns 21. maí birtu útgáfurnar samtímis fréttir unnar upp úr símtæki skipstjórans.

En hvers vegna biðu biðu þeir Aðalsteinn á Stundinni og Þórður Snær á Kjarnanum í hálfan mánuð með birtingu? Ástæðan er sú að smáforritin í snjalltækjum uppfærast reglulega. Eftir hálfan mánuð er símtækið búið að ,,gleyma" hvar það var tveim vikum áður. Með því að bíða í 15 daga töldu fréttamenn RÚV, Stundarinnar og Kjarnans öruggt að símtæki skipstjórans væri búið að afmá upplýsingar um ferðalag símans í þjófahöndum.

Fljótlega eftir að komast til meðvitundar grunaði Pál skipstjóra að ekki væri allt með felldu með símtækið. Hann slökkti á símanum til að smáforritin myndu ekki eyða gögnum um staðsetningu. Þegar Páll kærði byrlun og stuld fékk lögreglan símann til rannsóknar.

Sími Páls skipstjóra var afritaður á Efstaleiti. Gögn úr símanum sjálfum staðfesta það.

Þóra Arnórsdóttir ritstjóri Kveiks er með stöðu sakbornings í lögreglurannsókn. Hún er ekki eini starfsmaður RÚV sem þarf að svara til saka. Aðalsteinn og Þórður Snær skrifuðu fréttir í Kjarnann og Stundina sem þeir fengu matreiddar frá Glæpaleiti. Fleiri en Þóra stóðu að ráðabrugginu. Eins og mun koma í ljós.

Telur lögreglu vilja upplýsingar um heimildarmenn

Þóra á Glæpaleiti

Þrír blaðamenn Þórður Snær Júlíusson á Kjarnanum og Aðalsteinn Kjartansson á Stundinni, Doddi og Alli, og Arnar Þór Ingólfsson á Kjarnanum voru frægir í fimmtán mínútur síðdegis í gær. Þeir létu fréttast að vera boðaðir sem sakborningar í lögregluyfirheyrslu vegna eitrunar á Páli skipstjóra og gagnastuldi. Eftir myrkur birtist senuþjófurinn, drottningin á Glæpaleiti.

Alli og Doddi eru ekki sakaðir um eitrun og stuld heldur að nýta sér þýfi. Þeir voru kynntir af félögum sínum í blaðamannastétt sem fórnarlömb - höfðu ekkert annað gert en skrifa fréttir. Ekki beinlínis Woodward og Bernstein-bragur á þeim Knoll og Tott. En það mátti reyna.

Sigríður Dögg Auðunsdóttir formaður Blaðamannafélags Íslands upplýsir, sennilega fyrir mistök, um kvöldmatarleytið í gær að Þóra Arnórsdóttir ritstjóri Kveiks sé sakborningur. Þóra er ekki höfundur frétta úr gögnum Páls. Lögreglan á ekkert vantalað við hana um fréttaflutning RÚV. Engum blaðamanni dettur í hug að leggja saman tvo og tvo - eða lesa sér til.

Seint í gærkveldi viðurkenndi RÚV að Þóra væri sakborningur. En það fylgdu engar skýringar. Hvað gerði Þóra á bakvið tjöldin? 

Sakarefni blaðamanna Stundarinnar og Kjarnans er að nýta sér þýfi, vera þjófsnautar. Þeir notuðu stolin einkagögn - og vissu um þjófnaðinn. Stóri glæpurinn er eitrun og gagnastuldur. Maður þarf að vera stéttvís blaðamaður til að sjá það ekki.

Aðalsteinn og Þórður Snær viðurkenndu í gær að eiga aðild að ljótasta kafla fjölmiðlasögu Íslands. Áður höfðu bæði Alli og Doddi neitað málsaðild. Eitrað var fyrir almennum borgara, Páli skipstjóra, og símtæki hans stolið á meðan hann var á gjörgæslu. Lygar og blekking undir yfirskini blaðamennsku er RSK-þema: RÚV, Stundarinnar og Kjarnans. Þöggun er beitt á óþægilegar fréttir.

Aðalsteinn og Þórður Snær fengu gögnin frá RÚV, þaðan sem atlagan að Páli var skipulögð, og höfðu náið samráð um að koma þýfinu í umferð. 

RÚV sagði Alla og Dodda að klína nafninu ,,skæruliðadeild" á Pál skipstjóra og Örnu Bryndísi lögfræðing Samherja. Tvílembingarnir notuðu einmitt þetta heiti í fréttum sínum, sjá hér og hér. Á Glæpaleiti var þegar búið að ákveða fyrirsögnina: Skæruliðadeild Samherja er ekki þáttur á Netflix. Kvenlegur húmor atarna, líkt og forsetaframbjóðandi hafi hönd í bagga.

Páll og Arna höfðu notað þetta heiti, ,,skæruliðar", sín á milli í einkaskilaboðum. Eins og allir vita, nema kannski illa innrættir blaðamenn, talar fólk oft í hálfkæringi þegar það er á tveggja manna tali. Þau Páll og Arna litu á sig sem skæruliða innan Samherja, að berja á yfirstjórn fyrirtækisins sem Páli og Örnu fannst taka allof linkulega á ófrægingarherferð RSK gegn Samherja. 

Í meðförum RÚV, Alla og Dodda varð innanbúðardjók Páls og Örnu að samsæriskenningu um að Samherji væri með sérstaka ófrægingardeild á sínum snærum. Það er heilaspuni ættaður af Glæpaleiti. Spuninn virkaði, Samherji baðst afsökunar. Yfirstjórnin lyppaðist niður en ekki Páll skipstjóri og Arna lögfræðingur. Þau þurfa heldur ekki að biðjast afsökunar á því að bera blak af fyrirtækinu sem veitir þeim lifibrauð og raunar mörgum öðrum. (Ekki þó tilfallandi höfundi, svo því sé til skila haldið).

RÚV heldur áfram að blekkja þjóðina. Fyrirsögnin í gær af Alla, Dodda og félaga þeirra var þessi: ,,3 blaðamenn í yfirheyrslu vegna ,,skæruliðadeildar." Lögreglan hefur engan áhuga á samsærisþvaðri um hvað Páll skipstjóri og Arna lögfræðingur dunduðu sér. Aftur ætlar lögreglan að upplýsa hver eitraði fyrir Páli skipstjóra, stal síma hans og kom gögnunum til Alla og Dodda. Glæpir og samsæriskenningar eru sitthvað, þótt fæstir blaðamenn kunni að greina þar á milli. Starfsstéttin stígur ekki í vitið.

Eða hvers vegna er Þóra Arnórsdóttir ritstjóri Kveiks sakborningur í lögreglurannsókninni? Döh.

Starfsmenn RÚV, bæði núverandi og fyrrverandi, hafa fengið eða eiga von á símtali frá lögreglu þar sem þeir verða boðaðir í yfirheyrslu. En fyrst þarf lögreglan að tala við hlaupatíkurnar Alla og Dodda. Knoll og Tott eru forrétturinn, aðalrétturinn er enn í eldhúsinu.

Stefán útvarpsstjóri losaði sig við Rakel fréttastjóra í nóvember og Helga Seljan í janúar. Drottningin á Glæpaleiti er aftur kirfilega í fangi grunlausa lögreglustjórans fyrrverandi. Dómgreind er ekki aðalsmerki yfirstjórnar þjóðarútvarpsins.

Þóra einnig boðuð til yfirheyrslu

Innfluttir nauðgarar, hver ber ábyrgð?

Reebar Abdi Mohammed frá Kúrdistan var dæmdur fyrir að nauðga konu á kvennasalerni skemmtistaðar í Reykjavík í febrúar 2019. Reebar var virkur í flokksstarfi Pírata.

Joshua Ikechukwu Mogbolu var dæmdur í fjögurra og hálfs árs fangelsi fyrir að nauðga tveimur konum. Meiri líkur en minni eru að Mogbolu hafi verið skjólstæðingur Rauða krossins.

Hver er ábyrgð Pírata og Rauða krossins?

Biden hjálpar Pútín, leggur efnahag Úkraínu í rúst

Forseti Úkraínu, Volody­myr Zelen­sky, bað vesturlönd fyrir tveim vikum að láta af hræðsluáróðri. Áróður vesturlanda ylli efnahagslegum hörmungum í Úkraínu. Biden forseti Bandaríkjanna gerir illt verra fyrir Úkraínu og boðar rússneska innrás n.k. miðvikudag, segja bæði Telegraph og Welt.

Útlendingar flýja Úkraínu unnvörpum. Flugfélög hætta áætlunarflugi. Engum dettur í hug að fjárfesta í landinu á meðan innrás vofir yfir. Áður hafa Bandaríkin og önnur vesturlönd lýst yfir að þau muni ekki fórna einum einasta hermanni fyrir fullveldi Úkraínu. Vestræn ríki hafa þvegið hendur sínar af örlögum nágranna rússneska bjarnarins.

Skynsamlegasta í stöðunni fyrir Pútín er að bíða með hermenn sína Rússlandsmegin landamæranna og láta Úkraínu blæða út efnahagslega. Fyrr heldur en síðar biður stjórnin i Kænugarði um samninga. Sem yrðu á forsendum Rússa.

Á hinn bóginn. Bandaríkin virðast telja sig vita að innrás verði gerð í næstu viku. Gangi það eftir yrði maður að taka hatt sinn ofan fyrir CIA og velta fyrir sér skammhlaupi í heilakvörn Pútín. 

En ætti maður að velja hvor sé meira út á þekju, Biden eða Pútín, hlýtur sá bandaríski að taka gullið.

Tilfallandi spákort frá 29. janúar sl. gildir enn um Úkraínu. Pútin sigrar án innrásar. En skjótt skipast veður í lofti. Gildir bæði um íslenskt veðurfar og Úkraínudeiluna.

Bandaríkin búin undir „aðrar sviðsmyndir“

Stóra enduræsingin, vinstriauðvaldið

The great reset, stóra endurræsingin, er kenning, sumir segja samsæriskenning, um að alþjóðaelítan noti Kínaveiruna til stokka upp vesturlönd í þágu hugmyndafræði um samfélagslega ábyrgð. Eitt slagorðið er ,,Endurbyggjum á betri hátt." Telegraph útgáfan, sem er borgaraleg og ekki ýkja samsærishneigð, tók saman nokkur stórmenni sem nota slagorðið.

Lykilhugtak í endurræsingunni er ESG, sem á útlensku stendur fyrir Environmental, Social, Governance. Undir formerkjum ESB er fjárfestingum stjórnað af ,,samfélagslegri ábyrgð". Ein kennisetning ESG er að trúa á hindurvitni eins og manngert veðurfar.

ESG er komið til Íslands. Kauphöllin flaggar hugmyndinni. Íslensk fyrirtæki kaupa sér ímynd með auglýsingaherferðum um lágt kolefnispor. En það er snar þáttur í kenningunni um  samfélagslegri ábyrgð. Við erum komin á sérkennilegar slóðir þar sem vinstrimenn og viðskiptalífið fallast í faðma.

Einn af höfuðandstæðingum stóru endurræsingarinnar er Glenn Beck. Í 45 mín. spjalli á Rubin report hvetur hann almenning að spyrna við fótum.

Hægrimaðurinn Glenn Becek boðar andóf gegn stórfyrirtækjum, bankakerfinu og alþjóðlegu lyfjarisunum. Kaupið af smákaupmönnum, geymið peningana í sparisjóðum og búið frekar í sveit en borg er ráðleggingin. Vinstrimenn, undir merkjum samfélagslegrar ábyrgðar, tala máli auðvaldsins, eins og það hét í gamla daga. Vinstriauðvaldið er ekki mótsögn heldur veruleiki.

Það sem sameinar vinstrimenn og viðskiptalífið er trú á það sem ekki er. Manngert veðurfar og bólusetning úr farsótt, með tilheyrandi rafrænu eftirliti, helst í hendur við aftengingu mannheima frá náttúrulegu umhverfi. Þeir sem hafna trúarkenningunni eiga á hættu að vera stimplaðir hryðjuverkamenn. Altæk hugmyndafræði helst í hendur við alræði. Gerði það bæði hjá kommúnistum og nasistum. Sama gildir um samfélagslega ábyrgð í stóru endurræsingunni.

Loftslag breytist af náttúrulegum orsökum. Veirufaraldrar eru jafngamlir Neandertalsmanninum. Nýtt er trú á að maðurinn stjórni náttúrulegum ferlum. Í stað kristna guðs fermingarfræðslunnar sitjum við uppi með manninn sem hálfguð. Og sá er vinstrivillingur sem lemur til hlýðni borgaralega fríþenkjara.

Trúin er ópíum fólksins, sagði Karl gamli Marx. Forsendan til að skilja trú, bætti sá gamli við, er að átta sig á að hún er manngerð. Náttúran er ekki mannanna verk, en trúin er það. Með þá vitneskju í farteskinu getum við hafnað ESG og stóru endurræsingunni - í góðri trú.

Danir treysta ekki ESB

Þrátt fyrir aðild Danmerkur að Evrópusambandinu í hálfa öld treysta Danir ekki ESB fyrir grunnþörfum í öryggismálum og leita á náðir Bandaríkjanna. Danir biðja Bandaríkin um hervernd, þótt kallað sé annað í viðtengdri frétt, af ótta við Rússa sem þeir þó aldrei hafa átt sökótt við.

Landfræðilega er Danmörk útskagi Þýskalands, sem er annað meginríki ESB, Hitt verandi Frakkland. Þýskaland og Rússland hafa löngum eldað grátt silfur, síðast í seinni heimsstyrjöld. Hitler óskaði sér lífsrýmis i austri og vildi sækja það í hendur Stalín sem heldur hvekktist við. 130 árum áður sótti Frakkland undir forystu Napóleons inn á rússnesku steppurnar. Í báðum tilvikum höfðu Rússar betur. En þýskir og franskir halda áfram að ybba gogg og vekja ófrið.

Sem sagt, meginríki ESB, eiga óuppgerðar sakir við Rússland svo að litla Danmörk þarf að leita á náðir Bandaríkjanna að tryggja öryggishagsmuni Jótlandsskaga og Eyrarsundseyja. Evrópusambandið er hvorki í stakk búið að semja frið við Rússland né tryggja öryggi aðildarríkja sinna. Niðurstaðan er að ESB hvorki kann né getur.

Svo eru þeir á Íslandi sem ólmir vilja ganga inn í Evrópusambandið að tryggja íslenska hagsmuni. Hvað gengur slíku fólki til? 

Danir reiðubúnir að taka við bandaríska hernum