Blaðamenn: formaður skattsvikari, varaformaður sakborningur

Forysta Blaðamannafélags Íslands brýtur blað í 100 ára sögu verkalýðsfélaga hérlendis. Formaðurinn, Sigríður Dögg Auðunsdóttir, er skattsvikari og varaformaðurinn, Aðalsteinn Kjartansson, er sakborningur í byrlunar- og símastuldsmálinu. Skötuhjúin ráku blaðamann með flekklausan feril, Hjálmar Jónsson, sem gegndi starfi framkvæmdastjóra. Forystutvíeyki stéttafélags með ljót mál á sinni könnu vísa á dyr framkvæmdastjóra með hreinan skjöld.

Tilfallandi blogg afhjúpaði formann Blaðamannafélagsins í fyrravor. Í september játaði Sigríður Dögg skattsvik. Eftir játningu í Facebook-færslu neitaði formaðurinn að tjá sig um skattsvikin. Á formennskutíð sinni hefur Sigríður Dögg fordæmt að fólk í trúnaðarstöðum komi sér hjá spurningum blaðamanna um erfið mál. Tvöfalt siðgæði í sinni tærustu mynd. Hjálmar framkvæmdastjóri vakti máls á stöðu formannsins innan veggja blaðamannafélagsins og var látinn taka pokann sinn.

Sigríður Dögg leigði út á Airbnb fjórar íbúðir á Suðurgötu 8 í miðborg Reykjavíkur. Samtals 8 svefnherbergi voru í íbúðunum fjórum með svefnplássi fyrir 28 manns. Starfsemin á Suðurgötu líktist meira gistiheimilarekstri en íbúðaleigu. Heildarleiga fyrir sólarhringsleigu á íbúðunum, miðað við fulla nýtingu, var um 1000 bandaríkjadalir eða um 135 þúsund krónur. Leigutekjur má áætla að hafi verið um 4  milljónir kr. á mánuði, 40 til 50 milljónir kr. á ári. Starfsemin var ólögleg og ekkert var gefið upp til skatts.

Brot Sigríðar Daggar er meiriháttar en hún hlaut sérmeðferð hjá Skattinum, aðeins sekt en komst undan opinberri málshöfðun, sem margir aðrir í sambærilegri stöðu máttu þola.

Aðalsteinn Kjartansson varaformaður Blaðamannafélags Íslands fékk stöðu sakbornings um miðjan febrúar 2022 í byrlunar- og símastuldsmálinu. Hann kom sér undan réttvísinni í hálft ár, mætti ekki til yfirheyrslu fyrr en ágúst sama ár. Andlega veik eiginkona Páls skipstjóra Steingrímssonar byrlaði og stal síma skipstjórans í þágu RSK-miðla, RÚV, Stundarinnar og Kjarnans. Áramótin 2022/2023 sameinuðust Kjarninn og Stundin undir merkjum Heimildarinnar.

Aðalsteinn hefur aldrei gert grein fyrir vitneskju sinni um málið. Aftur hefur hann stefnt tilfallandi bloggara fyrir að fjalla um málavöxtu og krefst 2 milljóna kr. í bætur. Dómsmálið verður tekið fyrir í héraðsdómi Reykjavíkur í byrjun næsta mánaðar.

Blaðamenn RSK-miðla eru í meirihluta stjórnar Blaðamannafélags Íslands. Stjórnin er sjö manna. Meirihlutann skipa, auk Sigríðar Daggar og Aðalsteins, þau Stígur Helgason á RÚV og Bára Huld Beck á Heimildinni. Brottrekstur Hjálmars Jónssonar framkvæmdastjóra bar brátt að. Hann fékk ekki að gera stjórninni grein fyrir ágreiningi sínum og forystutvíeykisins. Hjálmari var gert að hætta störfum samdægurs.

Sigríður Dögg og Aðalsteinn hlupu í felur í gær, eftir að hafa rekið Hjálmar. Mannlíf fjallaði um málið og sagði: ,,Hvorki náðist í Sigríði Dögg né Aðalstein Kjartansson við vinnslu fréttarinnar." Forysta verkalýðsfélags blaðamanna er á flótta undan eigin félagsmönnum sem skrifa fréttir um ráðsmennsku formanns og varaformanns, Sigríðar Daggar og Aðalsteins.

Öll ráð stéttafélags blaðamanna eru í höndum skattsvikara og sakbornings í alvarlegu refsimáli. Til skamms tíma töldu blaðamenn sér til tekna að afhjúpa óheiðarleika og spillingu í samfélaginu. Nú gildir að flæma þá úr starfi sem eru með hreinan skjöld og starfa heiðarlega.

Sagt upp eftir ágreining við formanninn

Hamingja, loftslag og hindurvitni

Dytti einhverjum í hug að gera alþjóðlegt samkomulag um hamingju? Til dæmis að allir jarðarbúar verði hamingjusamari árið 2035 en þeir eru í ár?

Nei, engum heilvita kæmi til hugar alþjóðlegt samkomulag um hamingjustig íbúa jarðarinnar eftir tíu, tuttugu eða fimmtíu ár. Enginn kann, svo vitað sé, að skilgreina hamingju svo öllum líki.

Sama gildir um loftslag.

Kjörhitastig jarðarinnar er óþekkt. Enginn veitt hver meðalhiti jarðarinnar ætti að vera, svo að öllum líki. Ástralir vildu kannski eilítið svalara loftslag á meðan þorri Íslendinga kysi meiri hlýindi. Enn síður að náttúran, sem öllu ræður, gefi upp kjörhita plánetunnar.

Hvers vegna er þá í gildi samkomulag, kennt við höfuðborg Frakklands, um að meðalhitastig jarðar skuli ekki hækka meira en um 1,5 stig. Jú, sökum þess að búið er að telja almenningi trú um að loftslag sé manngert. Við eigum að trúa maðurinn geti hækkað eða lækkað hitastig jarðar með starfsemi sinni. En það er ekki möguleiki, náttúran stjórnar veðrum og vindum, skýjahulu og sólarvirkni, ekki maðurinn.

Í viðtengdri frétt er mikið gert úr hitametum. Tilfallandi ræddi hita- og kuldamet nýlega. Slík met eru marklaus.  

Í skjóli hindurvitna þrífast tröllasögur um áhrif loftslagsbreytinga. Í viðtengdri frétt er hlekkur á loftslagsráð sem er spunafabrikka loftslagskirkjunnar. Þar segir m.a.

Lofthitinn einn og sér hefur margskonar áhrif á starfsemi mannslíkamans. Eftir því sem hann er hærri verður erfiðara fyrir líkamann að halda líkamshita í 37 gráðum. Það leiðir til þess að líkamshitinn getur hækkað til muna með alvarlegum og bráðum áhrifum á heilsu.

Íslendingar fara margir til heitari landa yfir köldustu vetrarmánuðina. Þeir gætu farið t.d. úr mínus fimm gráðum á Fróni í 25 gráður á Tenerife. Það er hitasveifla upp á 30 gráður. Og viti menn Íslendingarnir koma heim fjallhressir eftir sól og sumaryl. En loftslagskirkjan segir að þeir hafi orðið fyrir óbætanlegu heilsutjóni, ,,alvarlegum og bráðum áhrifum á heilsu."

Hvort ætla menn að trúa loftslagskirkjunni eða það sem þeir reyna á eigin skinni?

Algilda uppskrift að hamingjunni kann enginn. En vanþekking og hindurvitni leiða menn á braut óhamingjunnar. Gildir bæði um einkalífið og mannlífið almennt.

2023 hlýjasta ár sögunnar

Þórður Snær og Aðalsteinn óttast líflát, Stefán þegir

Heimildin, sem Þórður Snær ritstýrir og Aðalsteinn Kjartansson starfar á, segir að félagarnir óttist að vera teknir af lífi. Þeir kærðu Pál skipstjóra Steingrímsson fyrir hálfu öðru ári, sumarið 2022, fyrir hótanir. Ein fjöður verður að fjórum hænum. Hótun í júlí 2022 er orðin að líflátshótun í janúar 2024, samkvæmt Heimildinni.

Hvorki Þórður Snær né Aðalsteinn eru skrifaðir fyrir fréttinni á Heimildinni, hún er leppuð af tveim undirmönnum ritstjórans. Augljóst er að mikið liggur við, sakborningarnir vilja fá umtal um sín mál eftir að hafa beitt sér af hörku allt síðasta ár gegn umfjöllun. Þórður Snær og Aðalsteinn stefndu tilfallandi bloggara fyrir að voga sér að varpa ljósi á málsatvik í byrlunar- og símastuldsmálinu, sem er forsaga kærumáls þeirra til lögreglunnar.

Sammerkt Heimildarfréttinni og Vísisfrétt um kærumálið til lögreglu, sem tilfallandi bloggaði um, er að hvorugur fjölmiðillinn getur þess að Stefán Eiríksson fékk tölvupóstinn frá skipstjóranum sem er formleg ástæða kærunnar. Aðalsteinn og Þórður Snær fengu afrit. Vísir bætti nafni Stefáns inn í fréttina eftir tilfallandi athugasemd og sagði

Fréttin hefur verið uppfærð þar sem þess var ekki getið að Stefán Eiríksson útvarpsstjóri hefði einnig kært Pál fyrir hótun. Hann hefur ekki tjáð sig um niðurfellinguna opinberlega ólíkt Aðalsteini, Þórði Snæ og Páli Steingrímssyni.

Hvers vegna er Stefán útvarpsstjóri ekki nefndur í Heimildarfréttinni, sem birtist eftir frétt Vísis? Allir sem fylgjast með málinu, kæru þremenningana og niðurfellingu hennar, vita að Stefán kærði á sömu forsendum og blaðamennirnir tveir. Þórður Snær skrifar sameiginlega greinargerð fyrir alla þrjá, sem sögðust ,,upplifa hótun" - sem núna er orðin líflátshótun.

Getur verið að útvarpsstjóri hafi si svona sagt við Dodda og Alla; strákar, ég nenni ekki í þennan leiðangur með ykkur, að gera tilræðismann úr skipstjóranum, fólk kaupir ekki lengur ýkjurnar um að við séum fórnarlömb. Þið eru sakborningar í byrlunar- og símastuldsmálinu en ekki ég. Látið mig í friði með þennan spuna. Ég hef nóg á minni könnu, þarf að svara fyrir aðkomu RÚV, ef ég held starfinu nógu lengi.

Rifjum upp hvers vegna skipstjórinn skrifaði útvarpsstjóra sumarið 2022. Þáverandi eiginkona Páls varð ítrekað fyrir áreiti, að ekki sé sagt yfirgangi, blaðamanna. Hún glímir við alvarleg andleg veikindi. Tilfallandi bloggaði:

Veikindi konunnar versnuðu í kjölfar ágangs blaðamanna. Hún braust út af geðdeild í lok júní 2022 og gekk í skrokk á nákomnum ættingja. Lögregla var kölluð til og stigabíll slökkviliðs sömuleiðis til að ná tökum á ástandinu. Í framhaldi var hún öryggisvistuð á sjúkrastofnun. Í öryggisvistun fara aðeins þeir sem líklegir eru til að valda öðrum miska.

Börnum veiku konunnar var nóg boðið og báðu pabba sinn, Pál skipstjóra, að gera eitthvað í málinu. Páll sendi tölvupóst til Stefáns Eiríkssonar útvarpsstjóra 1. júlí 2022. Hann er yfirmaður fréttamanna á RÚV. Afrit fengu Aðalsteinn Kjartansson á Stundinni og Þórður Snær á Kjarnanum. Tölvupósturinn er svohljóðandi:

Góðan daginn Stefán

Nú fer ég fram á að þið samstarfsfélagar látið [nafn fellt út - pv] í friði, það ónæði sem þið hafið valdið fjölskyldunni með vinnubrögðum ykkar er til háborinnar skammar, og ef þið látið ekki af þessari háttsemi ykkar neyðist ég til að grípa til annarra ráða til þess að stoppa ykkur...

Kv. Páll Steingrímsson

Þetta er allt og sumt sem skipstjórinn skrifaði. Önnur ráð hans voru t.d. að kæra til siðanefndar, fá ráðuneytið til að grípa í taumana, enda RÚV ríkisstofnun, eða skrifa útvarpsráði. Hvergi er minnst á ofbeldi og enn síður skotvopn. Hvernig er hægt að lesa líflátshótun úr tölvupósti skipstjórans? Jú, það geta ímyndarveikir blaðamenn með vonda samvisku og lélega dómgreind.

Þórður Snær og Aðalsteinn eru með lífið í lúkunum. En það eru ekki orð og athafnir skipstjórans sem valda hugarangri. Þeir óttast ákæru í byrlunar- og símastuldsmálinu, sem hófst vorið 2021 þegar Páli skipstjóra var byrlað og síma hans stolið í þágu RSK-miðla, RÚV og Heimildarinnar (áður Stundin og Kjarninn).

Tvímenningarnir fá vitneskju fyrr en aðrir er hillir undir lok rannsóknar. Þeir gætu verið boðaðir á ný í yfirheyrslu, t.d. til að bera undir þá gögn sem lögregla fengi frá Google og Facebook, textaskilaboð á milli blaðamanna og veiku konunnar sem byrlaði skipstjóranum. Á útmánuðum liðins árs sóttist lögreglan eftir þeim upplýsingum frá tæknirisanum í vesturheimi. Gögnin gætu verið komin í hús.

Þá er vert að hafa í huga að samstarfsmaður Þórðar Snæs og Aðalsteins er Helgi Seljan, verðlaunablaðamaður eins og hinir tveir. Þegar veika konan var færð í öryggisvistun hrópaði hún ítrekað ,,látið Helga Seljan vita." Vitni voru að þessum upphrópunum og aðstandendur vissu að konan var með í fórum sínum einkasímanúmer Helga og tölvupóst.

Réttarstaða Helga Seljan er ókunn. Nær öruggt er að hann sé annað tveggja vitni eða grunaður. 

Skýrslutaka vegna sakamálarannsóknar er að jafnaði boðuð með fyrirvara. Hefur einhver þremenninganna fengið skilaboð frá lögreglunni síðustu daga? Skýrir það taugaveiklunina, að þyrla upp smámáli, niðurfelldri kæru, til að draga athyglina frá stærsta sakamáli íslenskrar fjölmiðlasögu?

Byrlun og símastuldur var undanfari samræmdra frétta tveggja fjölmiðla sem áttu að heita sjálfstæðir, Stundin og Kjarninn, en höfðu RÚV sem aðgerðamiðstöð. RÚV birti enga frumfrétt. Aðalsteinn fór fyrirvaralaust af RÚV yfir á Stundina þrem dögum fyrir byrlun. Fyrir hádegi 30. apríl 2021 var hann fréttamaður RÚV en eftir hádegi blaðamaður á Stundinni. Þrem dögum síðar, 3. maí, er skipstjóranum byrlað. Á RÚV var tilbúinn sími af Samsung-gerð til að afrita síma skipstjórans af sömu tegund. Aðgerðaáætlun gerði ráð fyrir að síma skipstjórans yrði skilað á sjúkrabeð hans án þess að hann yrði þess var. Enda meðvitundarlaus eftir byrlun. Ríkisfjölmiðillinn með fyrrum lögreglustjóra í fyrirsvari er miðstöð aðgerða. Ekkert viðlíka fjölmiðlasamsæri er að finna í annálum vestrænnar blaðamennsku. Allir blaðamennirnir sem í hlut eiga eru margverðlaunaðir af Blaðamannafélagi Íslands.

Skiljanlega vilja kapparnir Þórður Snær og Aðalsteinn, og þrír meðsakborningar, að íslenskir fjölmiðlar fjalli hátt og snjallt um kæruna sem fór í ruslið, sömu leið og erindi þeirra til umboðsmanns alþingis. Blaðamennirnir réðu lögmanninn Flóka Ásgeirsson til að skrifa umboðsmanni alþingis að hann beitti sér fyrir að lögreglurannsókn yrði hætt. Erindið fór í ruslið hjá umba. RSK-miðlar gera uppslátt úr ruslinu, í von um að sorpið feli glæpsamlegar staðreyndir.

Tilfallandi hefur sannfrétt að erlendir fjölmiðlar séu komnir á sporið, bíða eftir ákærum og lýsingu lögreglu á málavöxtu. Hætt er við aulalegu svipmóti á íslenskum fjölmiðlum, sem í þrjú ár hafa látið sakborninga matreiða fyrir sig fréttir í sakamálarannsókn. Einstakt er að fréttaumfjöllun sakamáls sé ritstýrt af þeim sem grunaðir eru um glæpinn. Byrlunar- og símastuldsmálið sýnir íslenska blaðamenn sem hlaupatíkur sakborninga í refsimáli. Er þess ekki að vænta að Blaðamannafélag Íslands verðlauni meðvirkni ársins? Víst er að tilnefningar yrðu margar. 

 

Múslímar hertaka Austurvöll

Múslímskir hælisleitendur hóta íslenskum stjórnvöldum: takið við öllum trúbræðrum okkar, að öðrum kosti gerum við ykkur lífið leitt. Stöðutaka á opinberum vettvangi er háttur múslíma í vestrænum samfélögum Þeir leggja undir sig almannarými og heimta velferð fyrir sig og sína enda sannfærðir um að vera guðs útvaldir.

Dönsk yfirvöld halda tölfræði um framlag múslíma til vestrænnar siðmenningar. Tilfallandi bloggaði fyrir skemmstu:

Samkvæmt tölfræðinni eru múslímar 2,5 til 3,5 sinnum líklegri til að stunda glæpi en Meðal-Daninn. Um tölfræðilega staðreynd þarf ekki að deila.

Margsannað er múslímar aðlagast seint og illa vestrænum samfélögum, sem veita þeim viðtöku. Trúarmenning múslíma er í meginatriðum önnur en vestræn veraldarhyggja með kristnar rætur. Jafnrétti kynjanna er íslam framandi hugmynd, svo dæmi sé tekið.

Önnur og þriðja kynslóð múslíma í Danmörku eru enn við sama heygarðshornið og fyrsta kynslóðin og bætir heldur í. Í skýrslu danskra yfirvalda heitir það:

Glæpatíðni afkomenda flóttamanna frá múslímalöndum [MENAPT-lönd] er enn hærri en hjá fyrstu kynslóðinni.

Ekki aðeins eru múslímar hneigðari til glæpa mann fram af manni. Ofbeldisglæpir framdir af múslímum eru hlutfallslega fjórum sinnum algengari en hjá öðrum þjóðfélagshópum.

Múslímar launa gott með illu vestrænum samfélögum er veita þeim viðtöku í einhverjum mæli. Hver er meginástæðan? Jú, þeir eru upp til hópa sannfærðir að vantrúaðir, þeir sem ekki aðhyllast íslam, séu múslímum óæðri. Trúarmismunun íslamista sést á samfélögum þeirra, lögin eru undirorpin kóraninum og trúarkreddum. Jafnræði fyrir lögum óháð trú er framandi hugsun. Múslímaríki samþykkja ekki vestræn mannréttindi, mannréttindasáttmáli Sameinuðu þjóðanna, gildir ekki í ríkjum spámannsins. Kairó-yfirlýsingin er mannréttindaskrá íslam; kennir að trúarlög, sharía, séu ofar veraldlegum lögum. Múslímar lýsa iðulega yfir heilögu stríði og lýsa einstaklinga réttdræpa er fara með guðlast gagnvart kennisetningum íslam. Í hnotskurn: siðir og hættir múslíma aðlagast ekki vestrænum samfélögum.

Hertaka múslíma á Austurvelli er áminning um hvert stefnir með opin landamæri. Íslendingar verða jaðarhópur í eigin landi haldi fram sem horfir. 

 

Rúmlega 40 manns tjaldað með Palestínumönnunum

Hamfarakólnun en engar fréttir

Meðalhiti í Reykjavík í desember var 1,9 stigum undir meðallagi áranna 1991 til 2020. Á Akureyri var meðalhitinn 3,7 stigum undir meðallagi síðustu tæpu 30 ára (1991-2020). í byggðum landsins var 2,4 stigum undir meðallagi sömu tæpu 30 ára.

Skemmsta tímabil til að veðurfar geti orðið loftslag er 30 ár. Upplýsingarnar hér að ofan vita á hamfarakólnun. Til að keyra punktinn heim halda náttúruöflin áfram að sýna manninum í tvo heimana á nýju ári. Fimbulkuldi er á Norðurlöndunum.

Hvers vegna eru fjölmiðlar þöglir um yfirvofandi hamfarakólnun? Aðeins Morgunblaðið birtir upplýsingarnar, en setur þær ekki í samhengi við þann möguleika að Norðurlönd, Ísland meðtalið, verði óbyggileg sökum kulda. Aðrir fjölmiðlar þegja. En komi hitabylgja í júlí eru stórar fyrirsagnir um að hnattræn hlýnun sé á góðri leið með að gera jarðkringluna óhæfa til mannlífs.

Jú, ástæðan er að fjölmiðlar, almennt og yfirleitt, eru í helgreipum hamfarasinna sem trúa á guðspjallið um að manngert veðurfar sé á hraðri leið að gera jörðina óbyggilega. Okkur er að hlýna til helvítis, er viðkvæðið.

Guðspjallið er bull, ergelsi og firra.

Það er hvorki að hlýna né kólna. Loftslagið er stöðugt, þótt frávik séu frá degi til dags, mánuði til mánaðar og ári til árs.

Hvernig vitum við það?

Jú, það eru til nákvæmar mælingar á hita lofthjúps jarðar frá 1979. Mælingarnar eru frá gervihnöttum. Loftslagsvísindamaðurinn Roy Spencer heldur úti síðu sem endurnýjar mánaðarlega mæliseríuna frá 1979. Hann gerir upp nýliðið ár með þessari fyrirsögn:

2023 var hlýjasta árið í 45 ára sögu gervihnattamælinga

Ha? Er þá ekki að fara til helvítis? Nei, einmitt ekki. Dagar, vikur, mánuðir og ár setja met, bæði í kulda og hita. Í loftslagsumræðu skipta tímabil öllu máli, hita-/kuldamet eru fullkomið aukaatriði. Breytingar yfir langan tíma eru aðalatriðið. Í samantekt Spencer er þetta kjarni málsins:

Frávik frá meðalhita áranna 1979-2023, samkvæmt gervihnattamælingum, eru 0,14 stig á áratug.

Þetta þýðir að á einni öld, 100 árum, hlýnar um 1,4 stig. Það er vísbending um stöðugt loftslag jarðkringlunnar. Ekkert að óttast, hvorki kulda né hita.

Staðreyndir og samhengi þeirra skipta máli í loftslagsumræðunni. Látum ekki trúarofstæki villa okkur sýn. Loftslag er stöðugt. Heimsendaspár um manngert veður eru rangar. Punktur.

 

   

Með kaldari mánuðum á öldinni

Vísir: Stefáni sleppt, Þórður Snær játar

Snemma í morgun birtist frétt á Vísi um mál sem tilfallandi bloggaði í gær, niðurfellingu kæru þriggja fjölmiðlamanna á hendur Páli skipstjóra Steingrímssyni. Stefán Eiríksson útvarpsstjóri RÚV, Þórður Snær Júlíusson og Aðalsteinn Kjartansson, báðir á Heimildinni, kærðu Pál skipstjóra sumarið 2022 fyrir að hóta sér.

Niðurstaða lögreglu í lok nýliðins árs: Páll skipstjóri hótaði ekki þremenningunum, málið fellt niður. Einfalt, skyldi ætla, fyrir þaulvanan blaðamann Vísis, Kolbein Tuma Daðason, að segja frá. En í frétt Kolbeins Tuma er Stefáni RÚV-stjóra sleppt, hann er ekki nefndur á nafn. Kæra þremenningana er þó sameiginlegt verkefni. Þórður Snær skrifaði eina greinargerð fyrir alla þrjá. 

Síðdegis í gær, áður en Kolbeinn Tumi skrifaði fréttina á Vísi, birti Mannlíf skjöl málsins. Öll gögn kærumáls þremenninganna liggja fyrir en samt segir Kolbeinn Tumi að aðeins tveir hafi kært, Þórður Snær og Aðalsteinn.

Hvers vegna er nafni Stefáns útvarpsstjóra sleppt í fréttinni á Vísi? Í gær fjallaði Björn Bjarnason, fyrrum blaðamaður og ráðherra, um málið og þar er nafni Stefáns haldið til haga, enda stórmál þegar útvarpsstjóri leggst á sveif með tveim sakborningum í rannsókn á alvarlegum glæp, byrlun og símastuldi.

Aftur: hvers vegna er nafn Stefáns Eiríkssonar ritskoðað? Hvers vegna er skrifuð falsfrétt um einfalt og afmarkað mál?

Líklegasta skýringin er að Kolbeinn Tumi á Vísi sé ekki að skrifa frétt heldur málsvörn sakborninga. Fókusinn þarf að vera á aumingja blaðamennina sem unnu það eitt sér til sakar að skrifa fréttir. Ofsóttu smælingjarnir mega ekki sýnast eiga skjól hjá voldugasta fjölmiðli landsins, RÚV. Fólk gæti grunað að um samsæri væri að ræða, fréttatilbúning en ekki sannfréttir. 

Í því ljósi er ein setning í fréttinni á Vísi sérstaklega athyglisverð:

Þórður hefur viðurkennt að allar líkur séu á því að gögnin sem fréttirnar hafi unnið eftir séu illa fengin.

Þórður Snær játar sem sagt að vinna með þýfi, stolinn síma Páls skipstjóra, sem var afritaður á Efstaleiti þegar skipstjórinn lá milli heims og helju vegna byrlunar.

Er ekki næsti leikur blaðamannanna Kolbeins Tuma, Þórðar Snæs og Aðalsteins að upplýsa forsöguna að byrlun og símastuldi?

Maður skyldi halda að það væri frétt.

Kæra Stefáns RÚV-stjóra og félaga í ruslið

Blaðamenn RÚV, Stundarinnar og Kjarnans, RSK-miðla, ónáðuðu andlega veika eiginkonu Páls skipstjóra Steingrímssonar, í marga mánuði eftir að rannsókn á byrlun og símastuldi hófst sumarið 2021.

Eiginkonan, núna fyrrverandi, byrlaði eiginmanni sínum 3. maí 2021, stal síma hans og afhenti blaðamönnum RSK-miðla sem afrituðu símann og skiluðu tilbaka, samkvæmt skipulagðri áætlun. Tæpum þrem vikum síðar hófst fréttaherferð á hendur skipstjóranum og vinnuveitanda hans, Samherja. Þetta er í hnotskurn byrlunar- og símastuldsmálið. Skipstjórinn kærði málið 14. maí. Eftir fyrstu skýrslutökur, í byrjun október 2021, fóru blaðamenn í yfirgír að þjarma að veiku konunni, fá hana til að segja ,,rétta" frásögn af byrlun og stuldi þar sem blaðamenn kæmu hvergi nærri.

Veikindi konunnar versnuðu í kjölfar ágangs blaðamanna. Hún braust út af geðdeild í lok júní 2022 og gekk í skrokk á nákomnum ættingja. Lögregla var kölluð til og stigabíll slökkviliðs sömuleiðis til að ná tökum á ástandinu. Í framhaldi var hún öryggisvistuð á sjúkrastofnun. Í öryggisvistun fara aðeins þeir sem líklegir eru til að valda öðrum miska.

Börnum veiku konunnar var nóg boðið og báðu pabba sinn, Pál skipstjóra, að gera eitthvað í málinu. Páll sendi tölvupóst til Stefáns Eiríkssonar útvarpsstjóra 1. júlí 2022. Hann er yfirmaður fréttamanna á RÚV. Afrit fengu Aðalsteinn Kjartansson á Stundinni og Þórður Snær á Kjarnanum. Tölvupósturinn er svohljóðandi:

Góðan daginn Stefán

Nú fer ég fram á að þið samstarfsfélagar látið [nafn fellt út - pv] í friði, það ónæði sem þið hafið valdið fjölskyldunni með vinnubrögðum ykkar er til háborinnar skammar, og ef þið látið ekki af þessari háttsemi ykkar neyðist ég til að grípa til annarra ráða til þess að stoppa ykkur...

Kv. Páll Steingrímsson

Ekki er vitað hvort Stefán útvarpsstjóri talaði við fréttamenn á Efstaleiti og spurði um samskiptin við andlega veika konu. Stefán hafði ekki fyrir því að svara Páli skipstjóra.

Aftur hafði Stefán strax samráð við Aðalstein á Stundinni og Þórð Snæ á Kjarnanum. Í sameiningu ákváðu þeir að kæra Pál skipstjóra fyrir hótanir í sinn garð. Þórður Snær skrifaði greinargerð fyrir hönd þríeykisins. Þórður Snær býr ekki að lögfræðimenntun, en það gerir Stefán útvarpsstjóri. Úr varð blaðamannakæra, skrifuð til að ,,kæla" skipstjórann, láta hann sæta yfirheyrslu.

Í greinargerðinni tekur Þórður Snær fram, strax í fyrstu efnisgrein, að hann og Aðalsteinn séu verðlaunaðir: ,,sæmdir blaðamannaverðlaunum Blaðamannafélags Íslands fyrir rannsóknablaðamennsku..." Þórði Snæ er annt um verðlaun. Þegar hann mætti sem sakborningur í yfirheyrslu lögreglu í ágúst 2022 var eitt það fyrsta sem hann sagði að hann ætti verðlaun. Þó ekki fyrir sannsögli og heiðarleika.

Til að krydda kæruna fundu þremenningarnir tveggja ára gamalt facebook-spjall, frá 7. desember 2020, þar sem Páll skipstjóri talaði við mann, sem er meindýraeyðir að atvinnu, um hvaða vopn ætti helst að nota á hælbíta, þ.e. hunda sem bíta fé í hælinn. Þeir velja sér fyrirmyndir af kostgæfni, fjölmiðlamennirnir.

Lögreglan tók skýrslu af Gísla, Eiríki og Helga, afsakið, Stefáni, Aðalsteini og Þórði Snæ þar sem þeir sögðust allir ,,upplifa" tölvupóst skipstjórans sem hótun um ofbeldi. Og af því að skipstjórinn hafði tveim árum áður talað um skotvopn við meindýraeyði væri þremenningunum verulega brugðið. Þríeykið fer fjallabaksleið til að gera sig að fórnarlömbum. 

Páll skipstjóri hefur alla tíð barist við RSK-miðla með pennann að vopni. Síðast í gær skrifar hann grein á Vísi þar sem hann tekur blaðamenn til bæna og víkur m.a. að málinu sem hér er til umræðu.

Af kærunni til lögreglu um meintar hótanir skipstjórans er það að frétta að eftir athugun á málavöxtu, og yfirheyrslu yfir skipstjóranum, fór kæran í ruslið. Þar sem hún á heima, rétt eins og fjölmiðlaferill Stefáns, Aðalsteins og Þórðar Snæs.

 

 

Forsetalegur Arnar Þór

Forsetakosningar snúast að jafnaði um persónur en minna um málefni. Ávallt er þó pólitískur undirtónn. Arnar Þór Jónsson mætir snemma til leiks og tilkynnir framboð á forsendum fullveldis.

Arnar Þór gat sér fyrst orð sem skeleggur greinarhöfundur. Sjónarmið sjálfstæðisbaráttu einstaklinga og þjóðar voru efst á baugi. Á seinni tíð varar hann við yfirþyrmandi ríkisvaldi og deigum stjórnmálamönnum í spennitreyju alþjóðastofnana. Ef Arnar Þór hefði verið uppi á 19. öld fyllti hann flokk fríþenkjara, sem guldu varhug við kennivaldi þess tíma, klerka og konunga.

Arnar Þór kemur af hægri væng stjórnmálanna. Seint verður þó varaþingmaður Sjálfstæðisflokksins sakaður um að ganga erinda flokkseigenda. Hann dansaði ekki við Valhallartakt og virtist á útleið með sjálfstæði sitt.

Djarfur leikur, að bjóða sig fram snemma, og renna blind í sjóinn, setur þá værukæru í vanda. Þungavigtarmenn, meintir og raunverulegir, bíða færis, kanna landið, hinkra eftir áskorunum og lesa í umræðuna áður en þeir gera upp hug sinn. Þær vikur sem ,,umræðan" leitar að frambjóðendum er Arnar Þór einn á sviðinu.

Ekki er hægt að segja að varaþingmaðurinn sé þjóðþekktur. Aftur er nafn hans nógu kunnugt til að flestir fjölmiðlar kynntu væntanlegan blaðamannafund frambjóðandans og sögðu frá erindi Arnars Þórs við þjóðina.

Fyrstur fram haslar Arnar Þór sé völl. Ekki er víst að orustan um Bessastaði fari fram á þeim velli. En þeir sem á eftir koma eru knúnir til að standa fyrir eitthvað annað en sjálfa sig, leggja á borðið málefni, líkt og lögmaðurinn, dómarinn og varaþingmaðurinn.

Tilfallandi giskar á að Arnar Þór eigi sjö til tíu prósent harðlínufylgi og annað eins sé vonarpeningur, kjósendur sem hvorki eru sannfærðir né frábitnir. Það gera 14 til 20 prósent. Það má vinna á þeim akri og vænta uppskeru. Annað gisk er að einir fjórir til sex frambjóðendur mæti til leiks er teljast mögulegir til afreka og að álíka fjöldi fari fram á óskhyggjunni einni saman. Næsti forseti gæti náð kjöri með fjórðungs fylgi eða þar um bil.

Þetta er sagt með fyrirvara. Enn er langt í kosningar og flest á huldu um valkosti.

Síðustu þrír forsetar náðu frumkjöri með fylgi vinstrimanna en héldust í embætti fyrir atbeina hægrimanna. Gildir einkum um þá Ólaf Ragnar og Guðna. Teikn eru á lofti að vinstrikreðsan sé klofnari og vanmáttugri en löngum áður. Þeir sem tala um ,,RÚV-frambjóðanda" gæti að: Glæpaleiti hýsir byrlara og skattsvikara. RÚV-stimpill yrði frambjóðanda fjötur um fót.

Verkefni Arnars Þórs næstu vikur er að sýnast eldri en hann er annars vegar og hins vegar sannfæra kjósendur að hann sé maður hófstillingar en ekki umbrota. Æskufjöri fylgir óútreiknanleiki sem húsráðandi á Bessastöðu skyldi ekki hafa. Hvað aldurinn áhrærir þvælist hárlubbinn ekki fyrir frambjóðandanum. Hófsemd og ræktarsemi við gróin gildi haldast í hendur. Eiginkona Arnars Þórs, Hrafnhildur Sigurðardóttir, bar kross á brjósti þegar hjónin kynntu framboðið.

Á Bessastaðakirkju er enginn kross.

 

 

 

Arnar Þór býður sig fram til forseta

Frænkur Þórðar Snæs, byrlunin og rannsóknin

Í ársuppgjöri Samstöðunnar, sem Sósíalistaflokkurinn rekur fyrir ríkisfé, mættu blaðamenn til að gera upp fjölmiðlaárið. Þórður Snær Júlíusson ritstjóri Heimildarinnar, Jakob Bjarnar á Vísi og Lára Ómarsdóttir RÚV-ari heimsóttu Gunnar Smára og Sigurjón bróður hans.

Byrlunar- og símastuldsmálið ber á góma. Skoðanaskiptin (21:08) eru eftirfarandi, lítillega stytt:

Gunnar Smári: Þórður Snær rekur flóttamannabúðir fyrir RÚV-ara. Er það ekki?

Þórður Snær: Jú, ég er með þá tvo sem báru hitann og þungann af Samherjamálinu [Helgi Seljan og Aðalsteinn Kjartansson, innskot pv] En það verður að segjast eins og er að við erum undir gríðarlegri ágjöf. Þjóðmál ráðast á okkur, við erum undir lögreglurannsókn einvörðungu fyrir að skrifa fréttir. Það er það eina sem okkur er gefið að sök.

Gunnar Smári: Það er mjög sótt að fjölmiðlum á Íslandi.

Jakob: Grimmilega.

Þórður Snær: Það eru nytsamir sakleysingjar, sem heita flestir Páll, sem hamra á sömu hlutunum. Þeir fá pláss í meginstraumsmiðlum,  Í bítinu, í Mogganum, á mbl.is, á DV, á Mannlífi, hjá Reyni Trausta og Frosta [Logasyni á Brotkasti] og maður þarf að svara fyrir. Þetta eru ásakanir sem eru bara til í höfðinu á einum manni. Maður fer í fjölskylduboð og fær spurningar frá frænkum: af hverju voruð þið að eitra fyrir honum Páli [Steingrímssyni], af hverju misnotuðu þið konu hans, af hverju stáluð þið síma. Er það blaðamennska? En lögreglan getur ekki sýnt fram á neitt sem hún lagði upp með, hvorki með gögnum né vitnisburði. Ég er búinn að sjá öll rannsóknargögnin.  Málið er búið, eini tilgangurinn er að draga það á langinn svo við þurfum að sitja undir þessu áfram. Það er mjög alvarlegt, bæði fyrir okkur og fjölmiðla almennt.

Þórður Snær vill ekki umræðu um byrlunar- og símastuldsmálið. Í þeim örfáu tilvikum sem ritstjórinn, einn fimm sakborninga en fjórir þegja enn fastar en Þórður Snær, fer hann með rangt mál. Í tilvitnuninni hér að ofan eru tvær alvarlegar rangfærslur feitletraðar.

Þórður Snær segir ,,við erum undir lögreglurannsókn einvörðungu fyrir að skrifa fréttir." Þetta er rangt. Lögreglurannsóknin beindist fyrst að meðferð blaðamanna á einkagögnum Páls skipstjóra Steingrímssonar. Blaðamennirnir sendu sín á milli, og til annarra, stolin gögn. Þeir gerðu einnig miska Örnu McClure, enda er hún brotaþoli ásamt skipstjóranum. Ekki liggur fyrir hvert sakarefnið er gagnvart Örnu. 

Þegar leið á rannsókn lögreglu beindist athygli að samskiptum blaðamanna við byrlara Páls, þáverandi eiginkonu hans, sem er alvarlega veik andlega. Páli var byrlað 3. maí 2021 af konunni. Á meðan Páll var á gjörgæslu og barðist fyrir lífi sínu fór veika konan með síma Páls á Efstaleiti, höfuðstöðvar RÚV, þar sem símtækið var afritað. Þóra Arnórsdóttir ritstjóri Kveiks hafði keypt Samsung-síma, samskonar og Páls, í apríl 2021, fyrir byrlun og þjófnað. Hvernig vissu blaðamenn fyrirfram að þeir myndu fá síma skipstjórans? Þóra og RÚV birtu ekkert upp úr símanum. Það gerðu aftur Þórður Snær á Kjarnanum og Aðalsteinn Kjartansson á Stundinni. Þeir birtu samtímis efni 21. maí 2021. Hvaða líkur eru á því að tilviljun ráði að tveir fjölmiðlar, sem eiga að heita sjálfstæðir, birti sama morguninn sama fréttaefnið úr sama símanum án skipulags og samráðs? Nánast engar.

Lögreglan fór fram á gögn, m.a. frá Google og Facebook, til að varpa ljósi á samband blaðamanna við þáverandi eiginkonu skipstjórans áður en byrlun fór fram. Upplýsingar úr símtalaskrám staðfesta að samskipti fóru fram, blaðamenn áttu símtöl við veiku konuna í apríl. Texti um hvað byrlara og blaðamönnum fór á milli mun upplýsa hvort og hvernig blaðamenn lögðu á ráðin um að komast yfir síma skipstjórans.

Þórður Snær segir ,,Ég er búinn að sjá öll rannsóknargögnin." Nei, Þórður Snær hefur ekki séð öll rannsóknargögnin. Þau gögn sem eru í umferð, hjá brotaþolum og sakborningum, eru elst frá ágúst 2021. Gögn sem varða tímabilið apríl og maí, þegar byrlun og símastuldur var skipulagður og framkvæmdur, eru ekki komin í hendur sakborninga og brotaþola. Ekki heldur gögn frá júní og júlí, þegar blaðamenn reyndu að fela verksummerki og eyða tölvupóstum.

Þriðja atriðið, sem vert er að veita athygli í málsvörn Þórðar Snæs, er að öll áhersla sakborningsins er á hvað lögreglan getur sannað. Ekki hvað í raun gerðist í sakamálinu. Páli skipstjóra var byrlað, síma hans var stolið og gögn símans urðu tilefni frétta í Stundinni og Kjarnanum, nú Heimildinni. Þórður Snær og fjórir aðrir sakborningar búa að upplýsingum um atburðarásina. En allir sakborningar ljúga, mest með þögninni, bæði gagnvart almenningi og lögreglu. Eiga blaðamenn ekki að upplýsa stór mál og smá? Er það ekki megintilgangur blaðamennsku, að segja sem réttast frá mikilsverðum tíðindum?    

Frænkur Þórðar Snæs, þær sem hann gerir að umtalsefni, vita meira um blaðamennsku en ritstjóri Heimildarinnar. Frænkurnar vita að ekki má byrla og stela undir yfirskini fréttaöflunar. Þær vita líka að maður á að segja satt, bæði almennt en ekki síst þegar gefin er skýrsla til lögreglu. Hvorugt stundar Þórður Snær. Hann hagar sér eins og atvinnumaður í annarri starfsgrein en blaðamennsku. 

 

Þakkir til Guðna forseta

Tilfallandi kaus Davíð en ekki Guðna sumarið 2016. Á átta ára ferli hafa nokkrar athugasemdir fallið um forsetann, einkum framan af ferlinum, t.d. er hann ígrundaði að taka þátt í upphlaupi vinstrimanna vegna skipunar dómara í landsrétt.

Eftir að Guðni lærði inn á sjálfan sig og embættið fækkaði tilefnum til athugasemda. 

Í heild er forsetaferill Guðna farsæll. Hann gat sér orð fyrir alúð og vingjarnleg samskipti við háa sem lága. Virðist sem þar fari vandaður maður er leggi sig fram um hófsemi í framgöngu og gæti að virðingu embættisins.

Megindygðir forseta lýðveldisins er hófstilling og virðing. Forseti er gætir að dygðatvenndinni getur, ef aðstæður krefjast, gripið inn í atburðarás séu stórkostlegir hagsmunir í húfi. Icesave var slíkt mál en fjölmiðlafrumvarpið 2004 ekki.

Kvabb á skrifstofu forseta Íslands er líklega töluvert. Aðskiljanlegir einstaklingar og hópar falast eftir stuðningi við þennan eða hinn málstaðinn. Ábyggilega er oft vandasamt að aðgreina verðug mál frá þeim sem betur eru ósnert. Séð frá tilfallandi sjónarhóli tókst sitjandi forseta nokkuð vel upp á þeim vettvangi.

Um leið og Guðna forseta er þökkuð þjónusta í þágu lands og þjóðar stenst tilfallandi ekki mátið í samkvæmisleiknum um eftirmann. Annar Guðni er á lausu. Sá er Ágústsson.  

Guðni gefur ekki kost á sér