Mótsögn mannúðar

Í Norður-Afríku og Miðausturlöndum er fólk sem þjáist vegna stríðsátaka og samfélagsupplausnar. Mannúðlegt væri að Vestur-Evrópa, sem býr við frið og velsæld, tæki við flóttafólkinu.

Ástæðan fyrir því að víðast í Vestur-Evrópu er lítill vilji til viðtöku flóttamanna frá þessum heimshlutum er sú að reynslan kennir að múslímska menningin, sem fólkið flytur með sér, lagar sig ekki að vestrænum samfélögum.

Múslímskir menningarkimar í Vestur-Evrópu fóstra andstyggð á vestrænni menningu og ala af sér einstaklinga sem reglulega fremja hryðjuverk á vestrænum almenningi. Fjölgun múslíma í Evrópu er uppskrift að fjölgun ofbeldisverka þar sem saklausir borgarar eru helstu fórnarlömbin.

Mannúð, sem leysir vanda í Norður-Afríku og Miðausturlöndum, með því að flytja vandann til Vestur-Evrópu, er ekki mannúð heldur mistök.

Vandi flóttamannanna verður ekki leystur nema í heimahögum þess. Og það mun taka tíma. Múslímsk menning stendur frammi fyrir áskorunum sem kristin menning leysti úr, með blóðsúthellingum, á tímabilinu frá 30 ára stríðinu á 17. öld og fram yfir frönsku byltinguna.

Grípa til aðgerða gegn smyglurum

Eygló ætti að segja af sér - en gerir það ekki

Eygló Harðardóttir félagsmálaráðherra er einangruð í ríkisstjórninni og einangruð í Framsóknarflokknum. Eygló starfar eins samfylkingarráðherra og leikur vinstrieinleik hápólitísku máli í miðhægristjórn. Helsti talsmaður hennar er Stefán Ólafsson samfylkingarmaður.

Eygló er hluti gamla Framsóknarflokksins, þar sem kápan var borin á báðum öxlum, sbr. afstöðu hennar í ESB-málinu. Til stóð að Willum Þór Þórsson tæki sæti hennar en klúðraði málinu á kjördæmisþingi þegar íþróttalið Willums hvarf heim en skjólstæðingar Eyglóar sátu kjurt.

Ríkisstjórn Sjálfstæðisflokks og Framsóknarflokks hefur ekkert með samfylkingarráðherra að gera. Ekki síst í ljósi þess að brú milli Samfylkingar og Framsóknarflokks er álíka sennileg og brú milli Íslands og Færeyja.

Eygló mun á hinn bóginn ekki segja af sér, líkt og Egill Helga óskar sér. Afsögn Eyglóar myndi aðeins einangra hana. Hún er ekki með neina burði til að vera gerandi í pólitík og yrði hornkerling á þingi.

Ríkisstjórn Sigmundar Davíðs sýnir hve sterk hún er með því að Eygló Harðardóttir er ráðherra með löngun til einleiks en er þvinguð til að vera hluti af liðsheildinni.

 

Einhugur um húsnæðisfrumvörpin

Velferðarríkið niðurgreiðir hryðjuverkatúrisma

Hryðjuverkatúrismi er það kallað þegar vestrænir ríkisborgarar halda til Miðausturlanda að stríða í þágu múslímatrúar.

Fréttir af því að danska velferðin haldi uppi múslímskum trúarhermönnum á atvinnuleysisbótum eru líklegar til að auka umræðuna um viðbrögð við stríðstrúnni.

Handan Eyrarsunds ber það til tíðinda að Svíþjóðardemókratarnir bæta við sig fylgi.

Frændþjóðirnar standa frammi fyrir hörðum valkostum.

Jíhadistar á atvinnuleysisbótum

Bankar eru kvenfjandsamlegir

Mestur launamunur kynjanna er í í fjár­mála- og vá­trygg­inga­starf­semi, eða 37,5 prósent. Rökrétt ályktun er að fjármálastarfsemi, eins og hún er rekin, sé kvenfjandsamleg.

Minnsti launamunur kynjanna er í heil­brigðis- og fé­lagsþjón­ustu, 7,4%. Meiri launamunur er í einkarekstri en opinberum.

Fjármálastarfsemin verður að útskýra hvers vegna hún er kvenfjandsamleg og hvað atvinnugreinin ætlar að gera til að bæta þar úr.

Launamunur kynjanna 18%

Birgitta sér dauðan kolkrabba og mannorðsmorð

Seinni partinn á síðustu öld var stundum talað um fjölskyldurnar 14 eða kolbrabbann sem ,,áttu" Ísland. Vinstrimenn voru upptekir af þessum fyrirbærum eins og lesa mátti um í Þjóðviljanum á sínum tíma.

Auður fjölskyldnanna 14, kolbrabbans, átti upptök sín fyrir miðja öldina og var í hnignun undir lok aldar. Útrásarauðmenn gerðu útaf við gömlu viðskiptaveldin á fyrsta áratug nýrrar aldar.

Því er þetta rifjað upp að Birgitta Jónsdóttir pírati virðist hafa misst úr síðustu áratugi í umræðu um viðskiptaveldi á Íslandi. Hún segir

Ísland er eins og Sikiley Norðurs­ins eða Stóra Sikiley, nema hér er eng­inn myrt­ur með skot­vopn­um, held­ur eru þeir sem fara gegn mafíunni sem eru stund­um kölluð Kol­krabb­inn, mann­orðsmyrt­ir eða út­skúfaðir.

Um leið og hún sér sýnir úr horfnum heimi hættir hún að kalla Skagafjörð Sikiley en færir ítalska heitið yfir allt Ísland. Birgitta teflir fram mannorðsmorðum og útskúfun í óhróðri um þjóðina sem ber hana og Pírata á höndum sér í skoðanakönnunum.

Birgitta kann að þakka fyrir sig.

 

 

Birgitta segist elska Skagafjörð

Eygló stendur ein - með Stefáni og Samfylkingu

Eygló Harðardóttir félagsmálaráðherra reynir að spila sóló í ríkisstjórn Framsóknarflokks og Sjálfstæðisflokks. Helsti ráðgjafi hennar er Stefán Ólafsson prófessor, sem tilheyrir vinstriarmi Samfylkingar.

Miðhægristjórn hlýtur alltaf að leggja áherslu á séreignastefnu í húsnæðismálum. Annað væri svik við kjósendur þessara flokka.

Við sérstakar kringumstæður, t.d. vegna kjarasamninga, er hugsanlegt að miðhægristjórn myndi fallast á að gera skurk í húsnæðismálum á forsendum verkalýðshreyfingarinnar.

Ef til þess kemur að Eygló félagsmálaráherra spili út húsnæðisfrumvarpi þá verður það að vera á forsendum ríkisstjórnarinnar. Eygló getur aldrei orðið gerandi í íslenskum stjórnmálum, jafnvel þótt hún og eiginmaðurinn ali með sér drauma um brú milli Framsóknarflokks og Samfylkingar.

Verður að lúta sömu reglum

Ísland - Grikkland: 14 - 2

Ísland með krónu komst vel og hratt frá hruni og kreppu. Grikkland með evru er dæmt í langvarandi örbirgð. Ef samanburðurinn er gerður á fótboltamáli þá er Grikkland jafn lélegt á móti Íslandi og við vorum gegn Dönum í ágúst 1967.

Grikkir eru jaðarþjóð í Evrópu líkt og við. Jafnframt eru þeir með langa sögu lausataka í efnahagsmálum, sem ekki er okkur framandi.

Grikkir gengu inn í Evrópusambandið á sömu forsendum og ESB-sinnar hér á landi boða: til að græða.

Þjóðir sem láta tækifærismennskuna glepja sér sýn í veigameiri málum fara fram af hengifluginu. Grikkir standa eingöngu frammi fyrir vondum kostum.

Ísland er á hinn bóginn í þokkalegum málum. Enda höfnuðum við leiðsögn Samfylkingar og ESB-sinna.

Betur borgið utan evrusvæðisins

Skagafjörður er samheiti fyrir betra Ísland

Líklega er ofmælt að segja vandræði Íslands byrja með Innréttingum Skúla Magnússonar sem, ásamt móðuharðindunum, gerðu Reykjavík að höfuðstað landsins. Framhjá hinu verður ekki litið að efnahagsleg og pólitísk mein þjóðarinnar á þessari öld koma öll frá Reykjavík.

Útrásin verður til í þéttbýlinu á SV-horninu. Dellumakeríið sem gerði þjóðina nær gjaldþrota, Icesave-reikningarnir, voru kokkaðir upp steinsnar frá húsinu sem Jörundur hundadagakonur hélt til í þegar hann reyndi hér byltingu sumarið 1809.

Landsbyggðin hristi af sér byltingu Jörundar eins og hverja aðra óværu úr sollinum fyrir sunnan. Menn heyrðu af brölti Jörundar en létu sér fátt um finnast.

Í hruninu 200 árum eftir byltingu Jörundar stóð landsbyggðin keik á meðan ófriður og leiðindi geisuðu í byltinarborginni. Höfuðborgarpöbullinn barði potta og pönnur en landsbyggðin sá til þess að matur fékkst á ílátin þegar þau voru notuð til samræmis við tilgang sinn.

Atvinnuvegirnir sem lyftu okkur úr kreppunni eftir hrun, sjávarútvegur og ferðaþjónusta, eru stundaðir úti á landi. Þénustan á það til að gufa upp á verðbólgubáli sem kveikt er í ýmist við Austurvöll eða Borgartún og er það jafgömul saga fullveldinu.

Landsbyggðin er betra Ísland og Skagafjörður er samheiti landsbyggðarinnar. Byltingarliðið í Reykjavík, hvort heldur Jörundur fyrir 200 árum eða Birgitta pírati í dag, vita sem er að landsbyggðin er áhugalaus um kenjar þeirra og tiktúrur þótt borgarlýðurinn kunni að taka mark á þeim um sinn.

Birgitta hallmælir Skagafirði enda er henni illa við betra Ísland.

Tekur upp hanskann fyrir Skagafjörð

Grikkland sem Detroit

Detroit-borg í Bandaríkjunum varð gjaldþrota og alríkið setti bústjórn yfir þrotabúið. Þannig gæti farið fyrir Grikklandi þegar landið á ekki lengur fyrir skuldum. Grikkland verður þrotabú, ríkisstjórnin fer frá, það verða þykjustukosningar með nýrri ríkisstjórn, en Brussel ræður ferðinni.

Róttæk ríkisstjórn Alexi Tsipras misreiknaði dæmið, segir hagfræðingurinn Anatole Kaletsky. Tsipras og félagar héldu að þvingað val Evrópusambandsins yrði á milli þess að Grikkland yfirgæfi ESB og skuldauppgjafar. Kaletsky segir ESB eiga þriðja möguleikann: að svelta Grikkland innan ESB.

Gríska ríkisstjórnin getur ekki búið til nýjan gjaldmiðil samhliða evru, segir Kaletsky, enda myndi dómskerfi ESB krefjast þess að skuldbindingar grískra stjórnvalda yrðu greiddar í evrum.

Með því að Grikklandi yrði gjaldþrota innan ESB er landinu allar bjargir bannaðar. Ríkisstjórn Tsipras yrði hengd í hæsta gálga af almenningi enda gæti hún ekki efnt neitt kosningaloforða sinna.

Gangi spásögn Kaletsky eftir mun ríkisstjórn Tsipras segja af sér. Evrópusambandið ynni fullnaðarsigur yfir óþekktaranganum í Aþenu. Ný ríkisstjórn yrði leppstjórn Brussel.

Greiðsluþrot „raunverulegur möguleiki“

MS grefur sér gröf - fyrst Einar, svo Ari

Hægri hönd Jóns Ásgeirs Jóhannessonar, fyrrum Baugsstjóra, er orðin forstjóri MS. Ari Edwald mun eflaust fullkomna verk Einars Sigurðssonar fráfarandi forsjtóra MS.

Einar gat sér orð í Hádegismóum, þegar hann var framkvæmdastjóri Morgunblaðsins, að fémæla alla hluti og gera ekki greinarmun á sóðapeningum og fjármunum sem verða til í viðskiptum siðaðra manna.

Rökrétt afleiðing mælistiku Einars er að hann gerði ekki greinarmun á íslensku smjöri og írsku. Bændurnir í MS urðu að láta Einar fara áður en fyrirtækið yrði jarðað.

Núna ráða bændurnir sér forstjór sem mun fullkomna verk Einars hraðar og öruggar en nokkurn órar fyrir. Um Einar má segja að hann sem einstaklingur býr að siðferðilegri kjölfestu og seldi ekki sálina Mammoni - þótt hann gerði ekki upp á milli viðskipta við skítseiði annars vegar og hins vegar við heiðarlegra menn.

Landbúnaður er ekki eins og hver önnur atvinnugrein. Alls staðar þar sem landbúnaður er rekinn á vesturlöndum er það með byggða- og menningarpólitískum formerkjum. Forhertir menn með útrásarslóða eru ekki fallnir til forystu fyrir fyrirtækjum bænda. Þegar fólk sér smettið á Ara þá hugsar það til Jóns Ásgeirs.

Þeir sem stóðu að ráðningu Ara eru að hluta til þeir sömu og réðu Björgvin G. Sigurðsson fyrrum ráðherra Samfylkingar til að gæta hagsmuna lítils sveitarfélags fyrir austan fjall. Sú ráðning endaði með skelfingu.

Eru bændur svo illa settir með forystumenn að þeir láta fyrirtæki sín í hendur manna sem ítrekað eru berir að dómgreindarskorti? 

Ari Edwald ráðinn forstjóri MS