Inga Sæland klappstýra Kristrúnar

Inga Sæland er kannski ekki búinn að blanda Molotoff-kokteil en hún boðar óeirðir, eins og ,,í síðasta efna­hags­hruni."

Ástæðan? Jú, verðbólga.

Fremur lítilfjörleg ástæða óeirða, satt best að segja. Formaður Flokks fólksins veifar fremur röngu tré en öngvu. Gerist reglulega í pólitík.

Dýpri ástæða geðshræringar Ingu er að flokkurinn hennar fær ekki ímyndað óánægjufylgi. Kristrún formaður Samfylkingar sópar til sín stuðningi í skoðanakönnunum. Flokkur fólksins mælist fimm prósent og gæti fallið af þingi. Óöld gæti lappað upp á prósenturnar.

Hótanir Ingu þjónusta Samfylkingu Kristrúnar sem keppist við að verða ábyrgt stjórnmálaafl tækt í ríkisstjórn. Búið er að múlbinda Helgu Völu og róttækni Loga er með saumaklúbbssniði. Óreiðuelement Samfylkingar eru snyrtilega sett út í horn.  

Búast má við frekari upphlaupum frá flokkum sem fitna ekki á meintri óánægju í samfélaginu. Píratar eru í sömu stöðu og Flokkur fólksins. Viðreisn ekki langt undan. Sumir eru ólæsir á pólitík. Óánægjan í samfélaginu er óveruleg, bundin jaðarhópum sem alltaf eru svekktir, hvort heldur í góðæri eða hallæri.

Ofbeldishótanir Sæland et al sýna formann Samfylkingar sem yfirvegaðan valkost við núverandi stjórnarmeirihluta. Kristrún er orðin svo örugg með sig að hún íhugar að gera sakborning í glæparannsókn að frambjóðanda og fá í staðinn vinsamlega fjölmiðlaumfjöllun. 

Samfylking Kristrúnar er með eitt markmið. Að leysa af hólmi Vinstri græn Katrínar. Inga Sæland er óafvitandi klappstýra. 

Katrín með „augun full af sandi“

Maurizio og Ragnar Þór, krúnan og lýðveldið

Maurizio Tani mótmælti bresku krúnunni um helgina. Næstu helgi boðar Ragnar Þór Ingólfsson formaður VR mótmæli gegn íslenska lýðveldinu.

Rísum upp er slagorðið. Mótmælin eru gegn vöxtum, bankakerfinu, ástandi helbrigðisþjónustu, erfiðum húsnæðismarkaði og versnandi afkomu. Síðan segir Ragnar Þór:

Eða hefur þú fengið nóg af einhverju öðru sem betur má fara í okkar samfélagi?

Lýðveldið, sem sagt, frá toppi til táar, er tilefni mótmæla Ragnars Þórs.

Maurizio Tani segist lýðveldissinni og vill afskaffa breska konungsdæmið. Ragnar Þór er sennilega ekki konungssinni þótt hann vilji allt feigt sem lýðveldinu tilheyrir.

Ragnar Þór tilheyrir hópi fólks sem skreið undan steini við hrunið og fær ekki nóg af skálmöldinni sem tröllreið húsum árin eftir. Stjórnmálasamtök, Píratar og Viðreisn, færðu í formlegan búning andófið en urðu í leiðinni hluti af stofnanaveldinu og þiggja ríkisstyrk.

Mótmælasinnar eins og Ragnar Þór hafa alltaf verið til. Hér í den var Birna Þórðardóttir í þessu hlutverki. Munurinn er sá að Birna var vanalega með á hreinu hverju skyldi mótmælt. Ísland úr Nató, herinn burt var eftirminnilegt slagorð.

Í dag heitir það mótmælum, bara einhverju. Allt er hvort eð er að fara til fjandans. Hvers vegna ekki að drífa sig að öskra á allt og alla?

 

Mótmælti einn og ætlar ekki að gefast upp

Skortur á hlýnun, óttastjórnun með blekkingum

Átta ár og níu mánuðir eru síðan mældist hlýnun á heimsvísu, skrifar Christopher Monckton. Hann gerir sér far um að setja mælingar í samhengi við spálíkön Sameinuðu þjóðanna. Spár SÞ frá 1990 eru rangar. Frávikin eru frá 50% upp í 275%.

Í viðtengdri frétt segja talsmenn Sameinuðu þjóðanna að hlýnunin sé handan við hornið. Við höfum heyrt þessa sögu áður.

Tucker Carlson, stuttu áður en hann hætti hjá Fox, tók saman hamfaraspámennsku frá 1969. Í rúman áratug var ísöld spáð. Á níunda áratug síðustu aldar tók við hamfarahlýnun. En við eigum sem sagt að treysta sérfræðingum Sameinuðu þjóðanna.

Sérfræðingar sem ekki eru á vegum Sameinuðu þjóðanna segja aðra sögu. Richard Lindzen segir enga hamfarahlýnun. Heimurinn hefur hlýnað um eina gráðu frá lokum litlu ísaldar. Það eru ekki hamfarir.

Judith Curry segir út í hött að maðurinn stjórni veðurfari. Loftslagsmál eru flókin og breyturnar margar háðar óvissu. Það er ekki þannig að manngerður koltvísýringur, CO2, ráði hitastigi jarðar.

Koltvísýringur í andrúmslofti jarðar mælist um 400 ppm. Einingin ppm stendur fyrir hlutfall af milljón (parts per million). Yfirfært í prósentur er 400 ppm 0,04 prósent. Af þessum 400 ppm koltvisýrings í andrúmslofti er 97 prósent náttúrulegur. Aðeins 3 prósent af koltvísýringi jarðar er manngerður, segir Ian Plimer. 

Jörgen Peder Steffensen rannsakar fornveðurfar og notar til þess borkjarna úr Grænlandsjökli. Í yfirliti hitafars síðustu tíu þúsund ára er mesti kuldinn á seinni hluta 19. aldar, við lok litlu ísaldar. Mun hlýrra var á Grænlandi um árið 1000 þegar Eiríkur rauði hóf norrænan landbúnað í Eystribyggð. Á 15. öld dóu afkomendur norrænu bændanna út á Grænlandi. Vegna kulda og einangrunar litlu ísaldar.

Sérfræðingar Sameinuðu þjóðanna stunda óttastjórnun, ekki loftslagsvísindi.

 

 

Vara við El Niño og alvarlegri hlýnun fram undan

Kynjatvíhyggja og fjölbreytileiki

Samtökin 78 mótmæla með undirskriftarsöfnun málflutningi Samtakanna 22. Í yfirlýsingu segir:

Samtökin 22 hafa talað gegn starfsemi hinna raunverulegu hagsmunasamtaka hinsegin fólks, Samtakanna 78 og aðildarfélögum þeirra, ýtt undir kynjatvíhyggju og virðast í raun fyrst og fremst stefna að upplausn hinsegin samfélagsins eins og við þekkjum það í dag.

Hugtakið ,,kynjatvíhyggja" vísar til þess að kynin séu tvö. Samtökin 22 aðhyllast þau almennu sannindi. Samtökin 78 mótmæla og boða sérvisku með innbyggðri mótsögn.

Í einn stað tala Samtökin 78 fyrir trans, að skipta um kyn, karlar verði konur og konur karlar. Það er játning á kynjatvíhyggju enda þótt kyn sé gert valkvætt. Í annan stað segja sömu samtök að kynin séu óteljandi. Ef kynin eru legíó er fullkominn óþarfi að skipta um kyn. Hver og einn er það kyn sem hann kýs sér hverju sinni. 

Hér er mótsögn. Ef kynjatvíhyggja vísar í hlutlægan veruleika skiptir máli af hvoru kyni einstaklingurinn er. Afneitun kynjatvíhyggju felur í sér að kynin séu óteljandi. Þá skiptir kyn engu máli. Karl að morgni en kerla að kveldi, ef því er að skipta.    

Fjölbreytileiki er merkingarlaus án takmarkana. Gildir bæði í vísindum og mannlífinu. Ef tveir plús tveir geta verið þrír, fimm eða seytján verður stærðfræði merkingarlaus. Ef 63 ára karl getur verið þrítug kona eða fermingarbarn af fertugasta kyni er hugtakið maður merkingarlaust.

Maðurinn er þannig gerður að fjölbreytileiki til hugar er eitt en til handar annað. Leikskólabörn eru hvött til hlutverkaleikja, það fjörgar ímyndun og auðveldar að setja sig í spor annarra. Í leikskóla er sjálfsagt að trúa á jólasveina einn og átta. Barnatrúin á hindurvitni verður utan gátta á fullorðinsárum hjá þeim sem læra að greina á milli ímyndunar og veruleika. Kallast þroski.

Það er önnur umræða, en ekki síður áhugaverð, að yfirvöld sum hver kalla til ,,leiðbeinandi samtals" fullorðna einstaklinga og biðja þá að ganga í barndóm; trúa að kynin séu óteljandi en ekki tvö. Helga Dögg Sverrisdóttir kennari var kölluð í slíkt samtal af Akureyrarbæ.

Þegar yfirvöld þola ekki frjálsa orðræðu er komið í óefni. Forsenda fyrir fjölbreyttu samfélagi er fjölbreytileiki skoðana. Þær skoðanir sem best koma heim og saman við veruleikann sigra að lokum. Út á það gengur málfrelsi. 

Falsfrétt RÚV: veik kona sem byrlaði Páli sögð karl

Veika konan sem byrlaði Páli skipstjóra Steingrímssyni, stal síma hans og færði blaðamanni RÚV, er ákærð fyrir umsáturseinelti í sjálfstæðu máli. Brotaþoli er Arna McClure lögfræðingur Samherja. Arna er einnig brotaþoli, ásamt Páli skipstjóra, í byrlunar og símastuldsmálinu.

RÚV segir fréttina með fyrirsögninni ,,Fylgdist með heimili konu og þóttist vera fyrrverandi eiginmaður hennar". Í meginmáli fréttarinnar segir:

Maður var nýverið ákærður fyrir endurtekin brot á friðhelgi, fyrir svokallað umsáturseinelti, af Lögreglustjóranum á Norðurlandi eystra. Hann hafi á tímabilinu 4. maí til 12. ágúst 2021 sýnt af sér háttsemi „sem var til þess fallin að valda hræðslu eða kvíða hjá brotaþola“.

Í ákærunni, sem fréttastofa hefur undir höndum, kemur fram að maðurinn hafi til dæmis ítrekað sent konunni skilaboð þar sem hann reyndi að villa á sér heimildir og þóttist þá vera fyrrverandi eiginmaður hennar.

Veika konan er orðinn maður sem þykist vera eiginmaður Örnu McClure. Hvers vegna skrifar RÚV þennan þvætting þegar fréttastofa er með ákæruna undir höndum? Ákæruskjalið er ekki nema tvær blaðsíður. Segi og skrifa tvær A-4 blaðsíður. Einbeittan brotavilja þarf til að skrifa ekki frétt um meginatriði málsins.

Lykilatriðið er dagsetningin, 4. maí 2021. Daginn áður byrlaði veika konan Páli skipstjóra sem missti meðvitund. Eftir að hafa leyft RÚV að afrita símann notaði veika konan síma Páls til að senda skilaboð, m.a. til Örnu. RÚV bjó til karl til að halda veiku konunni utan frásagnarinnar. Sannleikurinn er RÚV það sem dagsljósið er tröllunum.

Ákæra gegn konunni er í sjö liðum. Í fyrsta lið ákærunnar segir að konan hafi

villt á sér heimildir og þóst vera Páll Steingrímsson [...] í samskiptum við Örnu en á þeim tíma sem umrædd samskipti áttu sér stað lá Páll fársjúkur á sjúkrahúsi. 

Í sjötta lið ákærunnar kemur fram að veika konan notaði umfjöllun RSK-miðla, RÚV, Stundarinnar og Kjarnans, til að herja á Örnu. 

Með því að hafa 11. ágúst 2021 sett í póstkassa afa og ömmu Örnu útprentanir af fjölmiðlaumfjöllun [RSK-miðla] um samskipti Örnu og fleiri við Pál Steingrímsson... 

Fréttastofa RÚV veit allt um málið. Þóra Arnórsdóttir var yfirmaður á RÚV þegar sími skipstjórans var afritaður á Efstaleiti. Þóra hætti skyndilega störfum eftir að upp komst að hún keypti símann sem var notaður til afritunar - áður en byrlunin fór fram. Mörg símtöl fréttamanna RÚV við veiku konuna eru skráð í lögregluskýrslum, m.a. milli hennar og Helga Seljan. Veika konan er góðkunningi fréttastofu RÚV.

Fimm blaðamenn RSK-miðla eru sakborningar vegna meðferðar þeirra á gögnum úr afrituðum síma skipstjórans. Eftir að konan skilaði frumeintakinu sendu blaðamenn veiku konunni gögn úr afritaða símanum. Sameiginlegt kappsmál konunnar sem ekki gengur heil til skógar og blaðamanna var að ganga frá Örnu og Páli skipstjóra. Engu var eirt til að ná markmiðinu. Hugstola kona og siðlausir blaðamenn eru eitruð blanda.

Hvers vegna birtir RÚV falsfrétt þar sem kona, ákærð fyrir umsáturseinelti, er gerð að karli og sögð fyrrverandi eiginmaður Örnu? Er hér á ferðinni sálfræðihernaður á Glæpaleiti? Er frásögnin til marks um að fréttamenn hafi ótakmarkað umboð til að ímynda sér hluti og kalla fréttir?

Upphaflega fréttin á RÚV birtist kl. 6 í gærmorgun. Klukkan hálf tvö var fréttinni breytt með þessari athugasemd:

Leiðrétt 13:37 Ákærða er kona en ekki karlmaður eins og var ranglega sagt í fyrstu útgáfu fréttarinnar. Hún þóttist samkvæmt ákæru vera fyrrverandi eiginmaður sinn en ekki fyrrverandi eiginmaður konunnar sem er brotaþoli í málinu, líkt og satt [sic] var upphaflega.

Það sjá allir sem kunna að lesa að ekki var um heiðarleg mistök að ræða. Heiðarleg mistök eru þegar rangt er farið með nöfn og dagsetningar. Þegar kona er gerð að karli og gefin í hjónaband af fréttastofu RÚV er ásetningur á ferð.  Hér skipulögð tilraun til að afvegaleiða, búa til frásögn sem á fátt sameiginlegt veruleikanum. Helgi Seljan og Þóra eru hætt á RÚV en vinnubrögðin eru þau sömu og leiddu til lögreglurannsóknar.

RÚV og bandalagsmiðlar mega ekki til þess hugsa að almenningur fái vitneskju um að heimildamaður þeirra sé andlega veikur einstaklingur sem var misnotaður af blaðamönnum til óhæfuverka. Þá er skáldaður upp nýr einstaklingur, skipt um kyn og búið til hjónaband sem aldrei var. RÚV sviðsetur fáránleika og selur þjóðinni sem heldur lygasmiðjunni gangandi með skylduáskrift.

Veruleikinn er mannskapnum á Glæpaleiti ofviða, frá dekki og upp í brú. 

Sakborningur, fjölmiðlafrelsi og glæpir

Fjölmiðlar eiga að segja fréttir, ekki hanna atburðarás. Blaðamenn eiga hvorki að byrla né stela. Þeir eiga að sýna vanheilum mannúð en ekki misnota andlega veika til afbrota.

Þórður Snær Júlíusson ritstjóri Heimildarinnar skrifar leiðara um fjölmiðla á Íslandi. Í lokin kemur eftirfarandi athugasemd:

Fyrirvari um hagsmuni: Í fréttinni er fjallað um atburði sem tengjast Heimildinni og starfsmönnum fjölmiðilsins beint.

Helmingur ritstjórnar Heimildarinnar er sakborningur í byrlunar- og símastuldsmálinu. Þórður Snær er sjálfur grunaður. Lævíst orðalagið, ,,atburðir tengjast Heimildinni", er til að blekkja, draga fjöður yfir aðild að glæp. 

Ritstjórinn kallar sig blaðamann en starfslýsingin hans á við almannatengil. Fjölmiðlar séu til að hanna atburðarás, ekki segja fréttir. Gefum Þórði Snæ orðið:

Opinberun Kjarnans og Stundarinnar, sem sameinuðust undir merkjum Heimildarinnar í upphafi þessa árs, á starfsháttum „skæruliðadeildar Samherja“ í maí 2021 leiddi til þess að stjórnmálamenn og félagasamtök fordæmdu framferði fyrirtækisins.

Hér talar ritstjórinn um opinberun og fordæmingu. Ef blaðamaður héldi á penna væri talað um fréttir og heimildir. Skiljanlega vill Þórður Snær ekki tala um kjarna blaðamennsku, að engin frétt er betri en heimildin fyrir henni.

Í tilfelli RSK-miðla eru helstu heimildarmenn fyllibytta annars vegar og hins vegar manneskja,,í mjög miklu andlegu ójafnvægi," skv. lögregluskýrslum. Úr þessu hráefni smíða almannatenglar, sem kalla sig blaðamenn, atburðarás með þann eina tilgang að hvetja til fordæmingar, slá pólitískar keilur.

Skæruliðadeild Samherja er hugarfóstur Þórðar Snæs og félaga á RSK-miðlum. Blaðamennirnir bjuggu til fjölmiðlaatburð upp úr einkagögnum Páls skipstjóra Steingrímssonar. Ekki til að upplýsa heldur afvegaleiða, kalla fram fordæmingu. Gögnin voru fengin með byrlun og stuldi.

Ekkert sem kom fram í einkagögnum skipstjórans leiddi til lögreglurannsóknar eða dómsmála. Páll skipstjóri ræddi við vini, kunningja og samstarfsmenn um málefni líðandi stundar, m.a. fréttaflutning RSK-miðla af s.k. Namibíumáli. Hvorki er það spilling né lögbrot sem skipstjórinn stundaði. Meint ,,opinberun" Þórðar Snæs og félaga er ekki fréttaflutningur heldur sviðsetning þar sem skipstjórinn var gerður að skúrki en meintir blaðamenn að englabörnum.

Englabörnin eiga aðild að byrlun og gagnastuldi. Englabörnin misnotuðu andlega veika konu til óhæfuverka. Englabörnin eiga yfir höfði sér ákæru. Ekki Páll skipstjóri. 

Blaðamannaverðlaun á Íslandi eru veitt sakborningum sem fá hráefni sitt með byrlun og stuldi. Fjölmiðlafrelsi hér á landi er skipulega misnotað af almannatenglum eins og Þórði Snæ Júlíussyni sem sigla undir fölsku flaggi, kalla sig blaðamenn og þykjast heiðarlegir.

Engin ,,opinberun" er á afbrotum meintra blaðamanna. Fjölmiðlafrelsið er notað til þöggunar. Engar fréttir, enginn glæpur.  

 

RSK-atlagan gegn Páli skipstjóra tveggja ára

Páli skipstjóra Steingrímssyni var byrlað fyrir tveim árum sléttum, 3. maí 2021. Síma hans var stolið á meðan hann lá meðvitundarlaus á gjörgæslu. Síminn var afritaður á Efstaleiti, höfuðstöðvum RÚV, og skilað á sjúkrabeð skipstjórans. Páll átti að vera grunlaus um þjófnaðinn.

Þann 21. maí birtu Stundin og Kjarninn samtímis fréttir úr símanum. Fréttaskrifin voru samræmd, líklega á RÚV. ,,Skæruliðadeild" kom fyrir í báðum fyrirsögnum. Hugtakið er skáldskapur blaðamanna. Tilgangurinn var að láta rísa reiðibylgju í fjöl- og samfélagsmiðlum. RÚV kom í kjölfarið og krafði stjórnmálamenn svara um skáldskapinn - að Samherji hefði á sínum snærum skæruliðadeild. 

RÚV, Stundin og Kjarninn, RSK-miðlar, höfðu hönd í bagga um að Páll skipstjóri yrði gerður óvígur og sími hans tekinn traustataki til afritunar. Fyrir byrlun keypti RÚV síma af gerðinni Samsung, sama tegund og sími skipstjórans.

RÚV fékk sér símanúmerið 680 2140. Númer skipstjórans er 680 214X - aðeins munar síðasta tölustaf. Tilgangurinn var tvíþættur. Nota átti afritaða símann til að afla upplýsinga frá þeim sem aðilum sem skipstjórinn var í sambandi við, t.d. með sms-sendingum. Í öðru lagi að hylja slóðina. Símreikningar með notkunaryfirlitum sleppa tveim síðustu tölustöfunum af persónuverndarástæðum. 

Páll skipstjóri sá, þegar hann komst til meðvitundar, að átt hafði verið við símann og kærði málið til lögreglu 14. maí 2021, viku áður en Stundin og Kjarninn birtu fyrstu fréttir. Fimm blaðamenn RSK-miðla, svo vitað sé, eru sakborningar. Sjötti sakborningurinn er kona sem ekki gengur heil til skógar. Hún sá um verknaðinn, byrlun og símastuld, sem blaðamenn skipulögðu.

Fram að árslokum 2022 beindist rannsóknin einkum að meðferð blaðamanna á einkagögnum Páls skipstjóra, þ.e. friðhelgisbrot. Um áramót komst lögreglan yfir gögn sem sýna aðild blaðamanna að skipulagi atlögunnar. Byrlun er líkamsárás, ef ekki banatilræði, í skilningi refsilaga. Þá er eitt að vera þjófsnautur en annað að skipuleggja þjófnað.

Í samstöðu með sakborningum og RSK-miðlum hafa fjölmiðlar meira og minna leitt byrlunar- og símastuldsmálið hjá sér. Stöku fréttir hafa birst, oftast á forsendum sakborninga. Hér að neðan eru fáeinar spurningar sem fjölmiðlar hafa ekki leitað svara við. 

Má byrla og stela til að afla frétta?

Á byrlun ekki erindi til almennings?

Er blaðamönnum heimilt að misnota andlega veikt fólk til að afla frétta?

Hver er þáttur Láru V. Júlíusdóttur í byrlunar- og símastuldsmálinu?

Er eðlilegt að blaðamenn hóti fólki ef það leitar réttar síns?

Hvað er að frétta af yfirhylmingu Stefáns útvarpsstjóra gagnvart stjórn RÚV?

Hvar geymir Þóra símann með númerinu 680 2140?

Hvers vegna keypti Þóra Samsung síma í apríl 2021, stuttu áður en Samsung síma skipstjórans var stolið?

Hvað var Þóra að gera með síma Páls skipstjóra þegar hún birti engar fréttir á RÚV?

Hvers vegna hætti Aðalsteinn Kjartansson skyndilega á RÚV þrem dögum fyrir byrlun skipstjórans?

Hver er þáttur Rakelar Þorbergsdóttur í byrlunar- og símastuldsmálinu?

Hvort er Helgi Seljan vitni eða sakborningur?

Hvað segir Lasse Skytt um afsökunarbeiðni Aftenposten-Innsikt?

Verða blaðamannaverðlaun BÍ afturkölluð þegar glæpur var framinn við öflun verðlaunafrétta?

Er siðlegt að Aðalsteinn sakborningur endurskoði siðareglur blaðamanna?

 

 

 

 

 

 

Veika konan, Finnur Þór og starfsmaður RÚV

Þann 10. september 2021 kom veika konan, sem játað hefur að byrla Páli skipstjóra Steingrímssyni, í heimsókn til héraðssaksóknara í Reykjavík að eigin frumkvæði. Konan taldi sig vera með upplýsingar um Namibíumálið. Finnur Þór Vilhjálmsson saksóknari hjá embætti héraðssaksóknara fer fyrir rannsókninni sem staðið hefur yfir frá Kveiks-þætti á RÚV er sýndur var í nóvember 2019.

Ingi Freyr Vilhjálmsson, bróðir Finns Þórs, er blaðamaður á Heimildinni, áður Stundinni. Hann er sakborningur í byrlunar- og símastuldsmálinu. Ingi Freyr vann að Kveiks-þættinum með RÚV og birti á Stundinni raðfréttir um Namibíumálið.

Lögreglufulltrúi og annar ótilgreindur starfsmaður embættisins, gæti verið Finnur Þór eða undirmaður hans, ræddu við konuna sem kom óvænt í heimsókn til þeirra 10. september 2021. Þeir töldu hana ,,í mjög miklu andlegu ójafnvægi. Hún óð úr einu í annað og grét mikið," segir í upplýsingaskýrslu lögreglufulltrúans sem dagsett er 14. mars í ár, 2023.

Tvímenningarnir hjá embætti héraðssaksóknara töldu upplýsingar frá konunni um Namibíumálið einskins virði. Namibíumálið er dautt hross sem hvorki heilir né vanheilir geta barið til lífs.

Mat lögreglufulltrúans á andlegu ástandi konunnar sýnir að þar fór fárveik manneskja. Hún var aftur verkfæri blaðamanna til að byrla Páli skipstjóra, stela síma hans til afritunar og skila tilbaka á sjúkrabeð Páls á gjörgæslu Landspítalans.

Hvernig vitum við það? Jú, sami lögreglufulltrúi og hitti konuna 10. september 2021 og skrifaði upplýsingaskýrslu um heimsóknina 14. mars s.l. hringdi í lögregluna á Akureyri skömmu eftir heimsóknina. Af gögnum málsins verður ekki séð hvort símtalið hafi verið með vitund og vilja Finns Þórs. Í samantekt aðalvarðstjóra lögreglunnar á Akureyri er haft eftir lögreglufulltrúanum hjá embætti héraðssaksóknara að konan hefði viðurkennt að ,,hafa tekið farsíma Páls Steingrímssonar og afhent símann starfsmanni RÚV."

Finnur Þór sjálfur, eða undirmaður hans, eru með puttana í byrlunar- og símastuldsmálinu á forstigum rannsóknarinnar. Meira hangir á spýtunni. Tilfallandi blogg fjallaði um samskipti veiku konunnar og ÞAK, sem líklega er Þóra Arnórsdóttir Kveikur. Þrem vikum áður en veika konan heimsótti Finn Þór og félaga áttu þessi samskipti sér stað:

Í samskiptunum 24. ágúst 2021 leitar konan ráða hjá RSK-blaðamönnum. Skilaboðin eru stutt. Lagt er á ráðin um að breyta aðgengi að tölvum og símum. Þá er einnig talað um að konan afhendi blaðamönnum síma sinn. Væntanlega til að torvelda rannsókn réttvísinnar, eyða gögnum. Samskiptin byrja klukkan níu að morgni og standa fram til um eitt eftir hádegi. Laust fyrir kl. eitt skrifar ÞAK merkilega setningu og sendir veiku konunni:

Ok. Ég athuga m héraðssaksóknara.

Héraðssaksóknari fer ekki með rannsóknina á byrlunar- og símastuldsmálinu heldur lögreglan á Norðurlandi eystra. Hvaða blaðamaður ætlaði að ,,athuga með héraðssaksóknara" og í hvaða tilgangi?

Hér eru, vægt til orða tekið, stórundarlegir hlutir á ferðinni. Blaðamenn RSK-miðla telja sig hafa beinan aðgang að héraðssaksóknara, líklega Finni Þór. Hann er bróðir Inga Freys sakbornings og rennur blóðið til skyldunnar að veita nákomnum aðstoð í neyð. Finnur Þór stjórnar Namibíurannsókninni en er einnig með aðild að byrlunar- og símastuldsmálinu. Veika konan, sú sem byrlaði Páli skipstjóra, er tengipunkturinn.

Hvernig datt veiku konunni í hug að leita til héraðssaksóknara? Hvers vegna ekki til lögreglunnar í Reykjavík eða á Akureyri? Fékk konan ráðleggingar um hvernig hún ætti að bera sig að?

Er ÞAK að ,,athuga m. héraðssaksóknara" til að undirbúa heimsókn veiku konunnar þangað? Víst er að konan gaf sig fram við héraðssaksóknara án þess að vera þangað boðuð. Fyrsta yfirheyrsla lögreglunnar á Akureyri fór ekki fram fyrr en 5. október 2021. Í september var málatilbúnaður skammt á veg kominn, upplýsingaöflun stóð yfir. Enginn hafði verið kallaður til yfirheyrslu. Enginn var með stöðu sakbornings.

Var plott á Glæpaleiti að forræði rannsóknarinnar á afbrotum blaðamanna yrði flutt suður yfir heiðar? Byrlunar og símastuldsmálið yrði sameinað Namibíumálinu. Milljón króna spurningin er þessi:

Beindu blaðamenn RSK-miðla veiku konunni til héraðssaksóknara, þar sem Finnur Þór er fyrir á fleti, í þeirri von að rannsóknin á byrlunar- og símastuldsmálinu færi til saksóknara sem er vinveittur blaðamönnum?

Stórt er spurt. Fjölmiðlar þegja.

 

 

Karlar hafna woke-háskólum

Háskólar láta á sjá. Áður voru þeir miðstöð þekkingar og gagnrýnnar hugsunar; núna er í forgrunni hugmyndafræði, hjarðhugsun og þöggun. Bábiljur að kynin séu þrjú, fimm eða seytján og loftslagið sé manngert tröllríða háskólum með tilheyrandi væli um endalok heimsins. Þar sem áður var leit að sannindum ríkir ótti og fáfræði.

Háskólanám sem samvera til að velta sér upp úr eymd og volæði höfðar síður til karla en kvenna. Reðurhafar fá ekki mánaðarveikina þar sem allt er ómögulegt í tíu daga. Armæðufræðin finna frjósamari jarðveg í legberum.

Kvenvæðing menntunar hefst strax í leik- og grunnskóla. Um 90 prósent kennara eru konur. Karlar eru orðnir leiðir á legberum þegar komið er í framhaldsskóla. Þeim fjölgar sem hrýs hugur af ítroðslu hugmyndafræði sem á fátt sameiginlegt veruleikanum. Séu atvinnuhorfur þokkalegar hverfa þeir til starfa eða læra eitthvað hagnýtt, iðn til dæmis.

Fleiri þættir skipta máli um akademískt áhugaleysi karla. Menntun gefur ekki sömu starfsmöguleika og áður. Margrét Pála í Hjallastefnunni gerði fyrir mörgum árum samlíkingu á óhamingjusama mannfræðingnum og gifturíka gröfukallinum.

Hlutfallsfækkun reðurhafa í háskólum hófst um aldamótin. Um svipað leyti náði póstmódernismi ráðandi stöðu i háskólasamfélaginu. Woke er skilgetið afkvæmi.

 

 

 

 

Strákarnir ekki alltaf vandamálið

Falsfrétt á Vísir.is: Samherjabók án Samherja

,,Á miðvikudag kom út bók í Namibíu um Samherjamálið," segir í frétt á Vísir.is. En bókin er ekki um Samherja heldur spillingu í Namibíu. Nokkur munur þar á.

Samherji er ekki nefndur á nafn í hálftíma kynningu höfundar bókarinnar, Roman Grynberg. Útgefandi bókarinnar er The Namibian. Ritstjórinn Tangeni Amupadhi talar í rúmar tíu mínútur og nefnir Samherja ekki á nafn.

Hvernig getur bók verið um ,,Samherjamálið" án þess að fyrirtækið sé nefnt á nafn í kynningu bókarinnar?

Jóhannes Stefánsson uppljóstrari er nefndur til sögu. Roman Grynberg segist hafa verið í sambandi við Jóhannes en aldrei hitt hann. Grynberg notar gögn frá Jóhannes til að sýna fram á að namibíska þjóðarbúið hafi orðið af 14 milljörðum namibískra dollara á tíu ára tímabili vegna sölu á hrossamakrílkvóta.

En hvernig fór kvótasalan fram? Jú, Namibíumenn einir fá úthlutaðan kvóta skv. lögum þar í landi. Grynberg sagði að t.d. hefðu 22 þingmenn, segi og skrifa tuttugu og tveir, fengið úthlutað kvóta. Þá eru ótaldar eiginkonur þeirra og ættmenni sem einnig fengu kvóta.

Þingmenn og aðrir kvótaeigendur seldu kvótann til útgerðafélaga. 

Í Namibíu standa yfir réttarhöld vegna sölu á kvóta og meðferð þarlendra manna á þeim fjármunum. Tilfallandi blogg sagði frá málavöxtu:

Samningar um veiðiheimildir fólu sér ýmsar kvaðir kaupenda að leggja fram fjármagn til samfélagslegrar uppbyggingar í Namibíu. Erlendar útgerðir, m.a. Samherji, keyptu veiðiheimildir undir þessum formerkjum. Allt var þetta samkvæmt gildandi lögum í landinu. En peningarnir skiluðu sér ekki þangað sem þeir áttu að fara.

Níu Namibíumenn eru ákærðir fyrir umboðssvik, þjófnað og auðgunarbrot í tengslum við sölu á veiðiheimildum. Þá eru 11 lögaðilar ákærðir, skúffufyrirtæki sem níumenningarnir notuðu til að hylja brotin. Ákæruliðirnir eru samtals 28. Samherji er aðeins einn nokkurra aðila sem sakborningar blekktu til persónulegs ávinnings.

Í málarekstrinum í Namibíu er hvorki Samherji né starfsmenn útgerðarinnar á sakabekk.

Í frétt Vísis segir frá annarri bók sem blaðamenn RSK-miðla skrifuðu. Páll skipstjóri Steingrímsson hefur ítarlega farið yfir þá bók. Ekki stendur steinn yfir steini í málatilbúnaði RSK-miðla.

Saga Jóhannesar uppljóstrara var klædd í norskan búning og birt í tímaritinu Aftenposten-Innsikt. Tímaritið baðst auðmjúklega afsökunar að hafa birt fleipur.

Vísir.is birtir falsfrétt um Namibíumálið til að þóknast blaðamönnum RÚV og Heimildarinnar sem eru sakborningar í alvarlegum glæpum, byrlun og gagnastuldi. Vísir.is þegir um glæpi á Íslandi en gerir saklausa Íslendinga að afbrotamönnum í Namibíu. Blaðamaðurinn sem skrifaði falsfréttina á von á verðlaunum frá Blaðamannafélagi Íslands. Andverðleikar eru hátt skrifaðir þar á bæ.