Klíkukapítalismi og líf ríkisstjórnarinnar

Frjálshyggjumenn, t.d. Hannes Hólmsteinn Gissurarson, greina þá meginástæðu fyrir hruninu 2008 að þar hafi klíkukapítalismi ráðið ferðinni. Þetta má kalla lágmarksskilgreiningu á hruni - aðrir vilja meina að fleira hafi brugðist. 

Klíkukapítalismi lýsir sér þannig að fámennur hópur manna skiptir sér í nokkrar klíkur og verslar sín á milli með eigur og gæði í lokuðu rými spillingar. Í útrás skiptu nokkrar klíkur gæðum lands og þjóðar á milli sín.

Þrátt fyrir að sumir klíkubræður úr tímum útrásar fái fangelsisdóma síðustu misseri eru ekki skortur á nýjum bræðrum í nýjar klíkur. Gleymska er systir hennar græðgi.

Ríkisstjórn Sigmundar Davíðs Gunnlaugssonar fær ekki stærra verkefni í hendurnar en að koma í veg fyrir nýjan klíkukapítalisma. Stærsta verkefnið vegna þess að ef ríkisstjórninni tekst ekki að koma böndum á klíkuvæðinguna eru dagar hennar taldir.

 

Ekki svigrúm fyrir svona framgöngu

Athugasemdir

[Wilhelm Emilsson, 20.10.2015 kl. 18:50]

Hannes Hólmsteinn Gissurarson er alltaf skemmtilegur. Hann státar sig af því að hafa komið á markaðsfrelsi á Íslandi með vini sínum Davíð Oddssyni en kennir svo "klíkukapítalisma" um þegar allt fór í svaðið. 

[Gunnar Th. Gunnarsson, 21.10.2015 kl. 01:53]

"Frjáls viðskipti" (Free trade) eiga ekki að vera töfraorðin í frjálshyggju, heldur "sanngjörn viðskipti".