Úkraína þvinguð að deila fullveldi með Rússum

Eftir vestræna stjórnarbyltingu í Kænugarði 2014 braust út borgarastyrjöld í Úkraínu. Ári seinna var undirritað Minsk-samkomulag um að Úkraína yrði sambandsríki er í reynd deildi fullveldinu með Rússlandi.

Forsenda samkomulagsins var breyting á stjórnarskrá Úkraínu. Eins menn vita á Fróni eru stjórnarskrárbreytingar viðkvæmt mál. Þeirri úkraínsku var aldrei breytt.

Er Úkraína vildi ekki deila fullveldinu með Rússlandi ákvað Pútín forseti að finna hentuga tímasetningu til að knýja fram með valdi það sem ekki tókst með samkomulagi. Pútín, sem sagður er talnanörd, fannst dagsetningin 02.02. 2022 ákjósanleg. Allsherjarárás Rússa á Úkraínumenn stendur yfir. Þjóðverjum, sumum, finnst dagsetningin minna á 1. september 1939. En það er nokkuð drjúgt. Hvorki er Pútín Hitler né nasismi allsráðandi hugmyndafræði í Rússlandi.

Annar þýskur hitti naglann á höfuðið. ,,Der Krieg ist eine bloße Fortsetzung der Politik mit anderen Mitteln - Stríð er framhald stjórnmála," skrifaði Clausewitz fyrir 200 árum. Sá þýski var vitni að herför Napóleons inn í Rússland. Lágvaxnir menn geta verið sporþungir.

Vesturlönd ætla ekki að fórna hermönnum í stríði frændþjóðanna. Rússar eru 145 milljónir en Úkraínumenn 45 milljónir og munu lúta í gras. Hvort það taki daga eða vikur er óvíst en niðurstaðan er fyrirsjáanleg.

Einn kostur Rússa er að brjóta Úkraínu upp í sjálfstjórnarhéruð, eftir forskrift Minsk I og II. Annar er að ,,Finnlandisera" Úkraínu, sem yrði að nafninu til fullvalda en fengi kvef um leið og hnerrað væri í Moskvu.

Deilt fullveldi var tekið upp í Evrópu um miðja síðustu öld eftir tvær stórstyrjaldir, kallaðar fyrra og seinna stríð. Fyrirkomulagið er í dag kallað Evrópusambandið.

Hersveitir Rússa nálgast Kænugarð

Aðalsteinn stingur Þóru í bakið

Aðalsteinn Kjartansson á Stundinni segist ekki hafa séð klám og kynlíf í tengslum við byrlun og símastuld. Aðalsteinn segir jafnframt að lögreglan hafi sannanir fyrir klámi og kynferðisbrotum.

Þar með beinir Aðalsteinn kastljósinu að Þóru Arnórsdóttur, sem eins og Aðalsteinn, er grunuð um aðild að byrlun og stuldi.

Aðalsteinn getur ekki kennt lögreglunni um að klámvæða málið. Hann sjálfur er á  Stundinni sem klæmdist á málinu í gær. Fréttablaðið túlkaði pistilinn sem kynferðisbrot þriggja blaðamanna og Þóru Arnórsdóttur á RÚV gegn Páli skipstjóra. Blaðamenn grunaðir um kynferðisbrot gegn Páli, segir fyrirsögn Fréttablaðsins. Á Vísi var fyrirsögnin Blaðamenn grunaðir um dreifingu klámefnis. 

Einkaframlag Aðalsteins á Stundinni er fabúlering um hefndarklám.

Byrlun og stuldur frá Páli skipstjóra breytist í kynferðisbrotamál í meðförum Aðalsteins. Áður hafði hann þvertekið fyrir að koma nálægt nokkru ósiðlegu hvað þá glæpsamlegri háttsemi. Raðlygarar búa til nýja blekkingu þegar þær eldri eru afhjúpaðar. Svo skal böl bæta að benda á annað verra er vinnulag sóðakjaftsins.

Með klámvæðingu á byrlun og stuldi RÚV, Stundarinnar og Kjarnans vonast Aðalsteinn til að komast undan fárinu sem fórnarlamb en ekki kaldrifjaður mannorðsmorðingi. 

 

„Þetta er eitthvað agenda lögreglunnar“

Pútín, sagan og Meley

Daginn fyrir allsherjarárás Rússa á Úkraínu spyr breskur dálkahöfundur hvort forseti Rússlands sé snillingur, brjálæðingur eða eitthvað þar á milli.

Persónur geta haft áhrif á sögulega framvindu; ef Churchill hefði samið frið við Hitler eftir uppgjöf Frakklands vorið 1940 væri saga Evrópu önnur en hún varð.

En persónur búa ekki til söguna. Hún verður til yfir kynslóðir, áratugi og árhundruð. Enginn einstaklingur nær lengri starfsævi en nemur tveim kynslóðum, um 60 ár. Það er dropi í söguhafið.

Annar misskilningur í umræðunni er að góðir menn skipti máli í alþjóðstjórnmálum. Almennt gildir um stjórnmálamenn að þeir sem eru mannvinir ná ekki árangri í pólitík. Sagan kennir okkur þetta. Nelson Mandela gæti verið undantekning frá reglunni og mögulega Ghandi. Annars má staðhæfa um stjórnmálamenn að þeir eru misgallaðir, svona eins og fólk flest.

Hvað er það þá sem skiptir máli í umræðunni um Úkraínudeiluna og er forsenda til að skilja hana? Jú, aðalatriðið er að skilja vald í alþjóðastjórnmálum.

Víkur nú sögunni til Meleyjar á dögum Pelópseyjarstríðsins á Eyjahafi á fimmtu öld fyrir Krist. Höfuðandstæðingar eru borgríkin Aþena og Sparta er hafa hvort um sig bandalög að baki sér. Aþenumenn eru með augastað á fámennu borgríki á Meley, sem er hlutlaust í deilu stórveldanna. Þeir senda óvígan her til eyjunnar. Áður en kemur til orustu eiga aþenskir herforingjar fund með höfðingjum Meleyinga.

Þúkýdídes skráði þessa atburði. Sigurjón Björnsson þýddi Sögu Pelópseyjarstríðsins. Lykilsetning í Meleyjarþætti, og í alþjóðastjórnmálum æ síðan, er þessi lögð í munn aþensku herforingjanna: ,,Þeir sterku fara eins langt og þeir geta, en þeir veiku láta eins mikið undan og nauðsyn krefur."

Rússum hefur, með réttu eða röngu, fundist þeir færast sífellt nær stöðu Meleyinga alla þessa öld. Bandaríska stórveldið, með Nató sem verkfæri, hefur sest að vesturlandamærum Rússlands. Úkraína var síðasta púslið hjá Bandaríkjunum og Nató. Með Úkraínu sem Natóríki væri Moskva orðin Meley. Vesturveldi gætu mælt af munni fram orðrétt sjónarmið aþensku herforingjanna: ,,Þeir sterku fara eins langt og þeir geta, en þeir veiku láta eins mikið undan og nauðsyn krefur." Ráðamenn í Kreml yrðu að sitja og standa eftir vilja Washington.

Síðasta tækifæri Rússa til að forða sér undan örlögum Meleyinga var að vera fyrri til og leggja undir sig Úkraínu. Sem þeir virðast ætla sér að gera.

Í megindráttum eru tveir möguleikar í framhaldinu. Að innrásin heppnist og Úkraína verði hernumin á skömmum tíma. Landið verði hérað í Rússlandi eins og það löngum var. Hinn möguleikinn er að stríð dragist á langinn með blóðsúthellingum og hryðjuverkum á báða bóga. 

Alþjóðasamfélagið kann Meleyjarþátt, þótt froðan í fjölmiðlum gefi annað til kynna. Alþjóðasamfélagið vonast eftir snöggu og skilvirku hernámi Úkraínu, þótt annað sé látið í veðri vaka. Ef Rússar klúðra innrásinni eru þeir komnir í enn verri stöðu en Meleyingar forðum.

Útkoma innrásarinnar ræðst af undirbúnigi. Næstu dagar leiða í ljós hvort undirbúningur Rússa hafi verið nægur. Hvort Pútín sé snillingur eða brjálaður er aukaatriði. Hann er, eins og fólk flest, einhvers staðar þar á milli. 

Hrátt vald og ómenguð saga skýrir framvindu Úkraínudeilunnar. Ekki einstaklingar.

Pútín varar við hærra matvælaverði

Samsærið á Glæpaleiti staðfest af lögreglu

Verktaki á vegum RÚV byrlaði Páli skipstjóra Steingrímssyni ólyfjan og stal síma hans aðfaranótt 4. maí. Síminn var afritaður á RÚV. Hluti gagnanna fór á Stundina og annar hluti til Kjarnans. Miðlarnir tveir birtu fréttir úr gögnum Páls skipstjóra rúmum tveim vikum síðar, morguninn 21. maí.

Fjórum dögum áður en byrlað var fyrir Páli var Aðalsteinn Kjartansson fréttamaður á RÚV fluttur á Stundina til að vinna úr gögnunum, sem enn var ekki búið að stela. Aðalsteinn er höfundur fréttar Stundarinnar 21. maí.

Viðtakandi gagnanna á Kjarnanum var Þórður Snær Júlíusson ritstjóri. RÚV sá um samræmingu aðgerða. Aðalsteinn og Þórður Snær hringdu í Pál skipstjóra með tíu mínútna millibili 20. maí til að fá viðbrögð. RÚV ákvað einnig að fréttir Kjarnans og Stundarinnar skyldu birtast samtímis, í morgunsárið 21. maí. Ritstýring RÚV fól m.a. í sér að orðið ,,skæruliðadeild" skyldi notað í fréttum Kjarnans og Stundarinnar.

Greinargerð lögreglu fyrir héraðsdómi á Norðurlandi staðfestir þessa atburðarás. Auk blaðamanna af Kjarnanum og Stundinni er Þóra Arnórsdóttir á RÚV með stöðu sakbornings í málinu. Líklega einnig Rakel Þorbergsdóttir fréttastjóri og Helgi Seljan undirmaður Þóru. Rakel og Helgi hættu á RÚV eftir að sakamálarannsókn lögreglunnar fór af stað.

Lögreglan veit hver sá um byrlun og  þjófnaðinn fyrir RÚV. Verktakinn, sem er nákominn Páli skipstjóra, skilaði símanum eftir afritun á Efstaleiti á sjúkrabeð Páls þar hann lá á gjörgæslu.

Skýrslutakan snúist ekki um skrif blaðamannanna

Namibíska verbúðin á RÚV

RÚV var með þann uppslátt um helgina að alþjóðalögreglna Interpol leitaði þriggja Íslendinga, Samherjamanna auðvitað. Í fréttinni segir að namibískur saksóknari vilji ,,að mennirnir þrír beri vitni".

Ha? Beri vitni?

Þetta eru sömu þrír mennirnir og RÚV sagði fyrir ári að væru ákærðir i Namibíu. Fréttin stendur enn á heimasíðu RÚV, óleiðrétt og óuppfærð.

Ef einhver ætti að þekkja muninn á að bera vitni og vera ákærður þá er það RÚV.

En RÚV er hjartanlega sama um sannleikann. RÚV hannar skáldskap eftir forskrift þar sem sumir eru fyrirfram sekir en aðrir saklausir.

Þeir sem veiða fisk og selja eru sekir. Þeir sem byrla og stela eru saklausir.

Pútín tekur fyrstu sneiðina af Úkraínu

Obama, þáverandi Bandaríkjaforseti, sagði vorið 2014, fyrir átta árum, að Rússland væri miðlungsríki sem hefði nokkur áhrif í næsta nágrenni en væri búið að vera sem stórveldi. Núna biður Biden Bandaríkjaforseti um fund með Pútín til að forða Evrópu, og heiminum öllum, frá stórstyrjöld. Biden er áhorfandi að atburðarás þar sem Pútín ræður framvindunni. Enda frestaði Pútín fundinum.

Ef Rússland væri miðlungsríki, eins og Frakkland og Þýskaland, þyrfti ekkert að ræða við Pútín. Honum yrði einfaldlega sagt að hypja sig annars hlyti hann verra af. En það er öðru nær. Pútín tók tvö austurhéruð Úkraínu í gær, yfirleitt kölluð Donbass, og vantar aðeins önnur tvö til til að ná landtengingu við Krímskaga sem hann hirti af Úkraínu fyrir átta árum - þegar Obama sagði Rússland miðlungsríki.

Pútin tók við völdum í Rússlandi um aldamótin. Í tuttugu ár hefur hann undirbúið að Rússland fái á ný viðurkenningu sem stórveldi. Hann sigraði Bandaríkin í Sýrlandi 2016, með því að styðja Assad forseta gegn uppreisnarmönnum studdum af vesturlöndum.

Bandaríkin urðu fyrir hrakförum í Írak 2003-2010 og niðurlægingu í Afganistan á síðasta ári eftir lengsta stríð í sögu Bandaríkjanna. Þótt Bandaríkin séu enn risaveldi taka hörmungar síðustu áratuga sinn toll af pólitísku þreki og valdaásýnd. Risinn í vestri veit ekki sínu viti í utanríkismálum (innanríkismálum ekki heldur) og er óstöðugur í framgöngu.

Pútín lítur svo á að Úkraínudeilan snúist um að vesturveldin taki tillit til öryggissjónarmiða Rússlands. Frá lokum kalda stríðsins er stöðug útþensla í austurátt af hálfu Nató og ESB með bandarískum stuðningi.

Eftir lok kalda stríðsins stækkuðu Bandaríkin og vesturveldin Nató til að þrengja að Rússum. Þegar árið 1994 var Póllandi, Tékklandi, Slóvakíu og Ungverjalandi boðin aðild. Þessi ríki höfðu verið í Varsjárbandalagi Sovétríkjanna. Tíu árum síðar var Eystrasaltslöndum boðin innganga. Þau höfðu verið hluti Sovétríkjanna.

Rússum var þvert um geð að næstu nágrannar sínir í vestri yrðu aðilar að hernaðarbandalagi stefnt gegn sér. Þegar innlimun Úkraínu og Georgíu í Nató kom til tals þegar leið á fyrsta áratug aldarinnar sögðu Rússar og Pútín njet, hingað og ekki lengra.

Síðan hefur verið Úkraínudeila, mismikið í fréttum þó. Vesturveldin steyptu af stóli Jakúsjenkó forseta Úkraínu árið 2014. Hann þótti of vinveittur Rússum. Í framhaldi tóku Rússar Krímskaga af Úkraínu, sem fékk skagann gefins frá Krútsjoff á sovéttímanum. Uppreisnarmenn hliðhollir Rússum tóku völdin í austurhéruðum Úkraínu, Donbass. Núna verða þau innlimuð í Rússland. Líklega er það aðeins byrjunin. 

Vesturlönd gerðu mistök eftir sigurinn í kalda stríðinu. Í stað þess að efla vináttu, viðskipti og menningarsamskipti fóru vesturlönd þá leið að viðhalda Rússagrýlunni frá kalda stríðinu. Mistökin stafa af drambi, sem er falli næst.

Hnignun vesturveldanna er auðsæ. Bandaríkin, ESB og Nató hafa gefið út að þau munu ekki styðja Úkraínu í hernaði. Eftir hrakfarir í miðausturlöndum og Afganistan eru vesturlönd vanmáttug. Pútín er kominn með kínverskt skotleyfi á Úkraínu. Þurfti aðeins að hinkra fram yfir Ólympíuleikana í Peking.

Miðlungsríkið Rússland teiknar upp ný landamæri í Austur-Evrópu. Vesturlönd hóta viðskiptaþvingunum en geta samt ekki verið án rússneskrar orku. Sum stríð eru töpuð fyrirfram.     

Pútín viðurkennir sjálfstæði svæðanna

RÚV birti ekki fréttir, en framdi glæpinn

Kjarninn og Stundin birtu fréttir upp úr stolnum einkagögnum Páls skipstjóra Steingrímssonar. Gögnin fengu Kjarninn og Stundin frá RÚV sem skipulagði aðförina. Páli var byrlað eitur kvöldið 3. maí. Aðfaranótt 4. maí var hann sendur með sjúkraflugi frá Akureyri á gjörgæslu í Reykjavík. Yfirstjórn RÚV vill fella niður lögreglurannsókn á glæpnum og beitir fyrir vagn sinn stjórnmálamönnum og fjölmiðlum.

Fjórum dögum áður en Páll var lagður á gjörgæslu var fréttamaður RÚV, Aðalsteinn Kjartansson, fluttur á Stundina til að vinna úr væntanlegum gögnum úr síma Páls.

Síma Páls var stolið eftir að hann missti meðvitund og fór í öndunarvél vegna eitrunar.

Sími Páls var afritaður á Efstaleiti. Eftir það var símatækinu skilað á sjúkrabeð hans. Glæpurinn var skipulagður  með það í huga að Pál skyldi ekki að gruna að síma hans var stolið og skilað aftur meðan hann var meðvitundarlaus.

Aðalsteinn á Stundinni og Þórður Snær á Kjarnanum biðu í rúman hálfan mánuð með birtingu frétta úr snjallsíma Páls eða til 21. maí. Skipulagið gerði ráð fyrir að eftir hálfan mánuð væri snjalltækið búið að eyða upplýsingum um staðsetningu á meðan tækið var í þjófahöndum. En eftir að Páll komst til meðvitundar grunaði hann að ekki væri allt með felldu. Hann slökkti á símtækinu til að gögn um staðsetningu eyddust ekki. Þegar skipstjórinn kærði eitrun og stuld fékk lögreglan símtækið til rannsóknar.

Upplýst er að þrír blaðamenn Kjarnans og Stundarinnar eru grunaðir. Einnig Þóra Arnórsdóttir á RÚV. Líklega eru fleiri af RÚV með stöðu sakborninga í lögreglurannsókninni en nöfn þeirra eru ekki staðfest.

Stefán útvarpsstjóri og Heiðar fréttastjóri RÚV birta yfirlýsingu í gær um mikilvægi þess að fjölmiðlar fái óáreittir að birta fréttir. RÚV birti ekki fréttir úr stolnum einkagögnum Páls skipstjóra, það gerðu Kjarninn og Stundin. Verkskiptingin gekk út á að grunur félli ekki á RÚV ef upp kæmist að gögnin væru illa fengin. Þetta var varúðarráðstöfun. Páll skipstjóri átti að vera grunlaus um að gögnin væru komin úr hans síma. En símtækið skráði ferðir sínar upp á Efstaleiti. Lögreglan hefur upplýsingarnar. Stefán og Heiðar vilja ekki að þær upplýsingar komi fram. Það á að stöðva lögreglurannsóknina með öllum tiltækum ráðum. 

RÚV skipulagði byrlun og þjófnað. Það eru alvarlegir glæpir. Yfirstjórn RÚV reynir núna að hindra framgang réttvísinnar. Það er líka glæpur. 

RSK-tilræðið gegn Páli skipstjóra - hvers vegna?

Fréttamenn RÚV, Stundarinnar og Kjarnans, RSK,  eru á sakabekk vegna tilræðis að heilsu og einkalífi Páls skipstjóra Steingrímssonar. Eitrað var fyrir Páli og síma hans stolið. Kjarninn og Stundin fengu stolin einkagögn Páls og dreifðu um hann rógi og níði með frjálslegum útleggingum. Komist RSK-liðið ekki undir manna hendur verður refsilaust að byrla fólki og stela einkagögnum. 

En hvers vegna var skipstjórinn tekinn fyrir með skipulegri aðför þriggja fjölmiðla? Jú, Páll hafði gagnrýnt herferð RSK gegn Samherja, svokallað Namibíumál, og skrifað greinar í fjölmiðla og á samfélagsmiðla.

,,Saklaus uns sekt er sönnuð," er heiti á grein Páls á Vísi í kjölfar alræmds Kveiks-þáttar um að Samherji stæði fyrir stórfelldri glæpastarfsemi í Namibíu. Enginn aðili tengdur Samherja var kærður. RÚV heldur öðru fram, en það er falsfrétt.

Páll spurði Aðalstein Kjartansson, sem var einn höfunda Kveiks-þáttarins, um efnisatriði en fékk engin svör. Aðalsteinn flutti sig yfir á Stundina, frá RÚV, í tæka tíð til að skrifa um skipstjórann upp úr stolnu gögnunum.

Páll deildi við Svavar Halldórsson, fyrrverandi fréttamann, og eiginmann Þóru Arnórsdóttur á RÚV um efnisatriði í Kveiks-þættinum. Svavar er í bakvarðasveit RSK sem sér um skítadreifinguna á samfélagsmiðlum. 

Páll gerði grín að Dodda á Kjarnanum sem hætti að fjalla um uppboð á kvóta í Namibíu þegar það misheppnaðist. 

Skipstjórinn var sem sagt duglegur að rúlla fréttamönnum RSK upp og niður andans tröppurnar fyrir margvíslegan þvætting sem reglulega er borinn á borð í þágu ,,almannahagsmuna". Í reynd eru það pólitískir hagsmunir sem fjölmiðlarnir bera fyrir brjósti. Markmiðið er að telja fólki trú um að það búi í verbúðarsamfélagi. Vestfjarðarnornin er hugarfóstur sem blaðamenn RSK sjá í hverju skúmaskoti. Sumir þeirra eru svo illa haldnir af ímyndunarveiki að þeir hafa lagst inn á geðdeild.   

RSK-miðlarnir hugsuðu Páli skipstjóra þegjandi þörfina. Um mánaðarmótin apríl og maí sl. var tilræðið gegn Páli skipulagt. Aðalsteinn Kjartansson var fluttur af RÚV yfir á Stundina og Doddi beið álengdar á Kjarnanum. Vaktina á Glæpaleiti stóðu Þóra, Helgi Seljan og Rakel.

Tilræðið þaggaði niður í Páli skipstóra, um sinn í það minnsta. Hann var nær dauða en lífi og átti um sárt að binda í einkalífinu eftir atlögu RSK. Níu dögum eftir að spuni RSK úr stolnum gögnum frá Páli fór í umræðuna gafst Samherji upp og baðst afsökunar. Samherji var ekki tilbúinn að fórna mannslífum. En það var enginn bilbugur á RSK-miðlum.

Fyrr en, auðvitað, núna þegar réttvísin vill ná tali af Þóru, Dodda, Aðalsteini og félögum. RSK-liðið flýr í dauðans ofboði í fang vinstrimanna á alþingi og skrílmenningar. Nú á að brjóta réttarríkið á bak aftur með samstilltu átaki óreiðuaflanna.

Í RSK-landi má eitra, stela og ráðast á einkalíf fólks. Við viljum ekki búa í þannig landi.

Doddi blaðamaður beittur kynferðisofbeldi?

Þórður Snær Júlíusson, meintur ritstjóri Kjarnans, er einn grunaðra í lögreglurannsókn á eitrun Páls skipstjóra Steingrímssonar og gagnastuldi. Þegar tilfallandi athugasemdir hófu umfjöllun um málið sl. haust skrifaði Þórður Snær, yfirleitt kallaður Doddi, grein í Kjarnann undir fyrirsögninni Glæpur i höfði Páls Vilhjálmssonar. Þar segir m.a.

Eng­inn frá þeim fjöl­miðlum [þ.e. Kjarnanum og Stundinni]sem komu að umræddri umfjöllun hafa verið kall­aðir til yfir­heyrslu vegna þeirrar kæru [Páls skipstjóra], líkt og Páll [Vilhjálmsson] heldur fram. Eng­inn frétta­maður eða yfir­maður hjá RÚV – sem tók engan þátt í umfjöll­un­inni – hefur heldur verið yfir­heyrður sam­kvæmt upp­lýs­ingum Kjarn­ans.

Þetta skrifaði sem sagt Doddi blaðamaður 11. nóvember sl. Í dag liggur fyrir að Doddi sjálfur sætir stöðu sakbornings í lögreglurannsókninni. Annar blaðamaður á Kjarnanum er með sömu stöðu, líka Aðalsteinn á Stundinni og sömuleiðis Þóra á RÚV.

Allt sem Doddi sagði rangt í nóvember eru staðfest sannindi í febrúar. Veruleikinn á það til að taka menn svo rækilega í þurra görnina að þeir bíða þess ekki bætur. Doddi hlýtur að ganga með vaselínkrukku á sér það sem eftir lifir ævinnar.

Veruleikinn hefur riðið Dodda á slig. Æmtir hann þó enn. Í Kjarnanum í gær hræði hann saman  nokkrum samsæriskenningum, væntanlega með leyfi Þóru, um að vera fórnarlamb ,,stafræns kynferðisofbeldis". 

Doddi er kominn í slík öngstræti að hann ákallar femínista sér til bjargar. Þær femínísku eru aumingjagóðar og reka sérstakar öfgasveitir í þágu þolenda. En þær gagnast Dodda lítið þegar veruleikinn þröngvar sér inn. Doddi stundar sjálfslimlestingar en kennir öðrum um þegar hann er hart leikinn. Sjálfskaparvítin eru verst.  

 

Fréttahönnun RÚV: hvar er Rakel?

Þrír blaðamenn Kjarnans og Stundarinnar eru þjófsnautar, birtu stolin gögn frá Páli skipstjóra Steingrímssyni. Fjórði grunaði einstaklingurinn, með stöðu sakbornings, er Þóra Arnórsdóttir ritstjóri Kveiks á RÚV.

Í fréttahönnun RÚV af málinu er þess vandlega gætt að fjalla ekki um Þóru. Hún skrifaði enga frétt úr gögnum Páls, og hlýtur að grunuð um annað en blaðamenn Kjarnans og Stundarinnar.

Þá heyrist hvorki hósti né stuna frá RÚV um Rakel Þorbergsdóttur sem tilkynnti skyndilega starfslok í nóvember sem fréttastjóri RÚV, þegar ljóst var að alvarlegt sakamál var í uppsiglingu. Starfsferill Rakelar á RÚV spannar 22 ár. Engin skýring var gefin og starf fréttastjóra var ekki auglýst fyrr en um áramót. Arftaki Rakelar var ekki ráðinn fyrir en lá fyrir hverjir liggja undir grun á Efstaleiti. Aðeins eru tveir dagar síðan. 

Rakel var yfirmaður Þóru. Samskipti út á við, til dæmis tilboð um illa fengin gögn, kæmi inn á borð Rakelar fremur en Þóru.

Ekki hefur verið upplýst hvort Rakel sé grunuð líkt og Þóra. Ef hún er það ekki má leiða líkum að því að þær upplýsingar væru komnar fram. RÚV á fullt í fangi með að fela Þóru fyrir sviðsljósi sakamálarannsóknar. Ef staðfest yrði að Rakel væri einnig sakborningur yrði kastljósinu eingöngu beint að RÚV en Kjarninn og Stundin féllu í skuggann. En það hentar ekki fréttahönnun RÚV. 

Rakel gæti verið lykilmanneskjan í samskiptum við verktakann er sá um að gera Pál Steingrímsson óvígan og stela af honum snjallsímanum. 

Dauðaþögn RÚV um Þóru og Rakel er býsna hávær. Veigamestu ákærurnar í fyrirsjáanlegu dómsmáli munu ekki beinast að Kjarnanum eða Stundinni - heldur Glæpaleiti.

Engin innistæða fyrir uppþoti vegna skýrslutaka