Loftslagsmarxismi fyrir börn í boði Háskóla Íslands

,,Hamfarahlýnun af mannavöldum er ein af stærstu áskorunum samtímans," segir tilkynningu frá menntavísindasviði Háskóla íslands vegna fyrirlestra um að kenna börnum og unglingum að heimurinn sé að farast.

Það á að ,,stuðla að hugarfarsbreytingu" sem er annað orð yfir innrætingu.

Meðal þeirra sem taka máls er manneskja sem kynnir sig svona: ,,baráttukona og dósent við Deild kennslu- og menntunarfræði." Aðgerðasinnar stýra ferðinni, vísindaleg yfirvegun er úrelt. 

Karl Marx sagði á sínum tíma að ekki væri nóg að skilja heiminn, það yrði að breyta henni veröld. Ráðstefna menntavísindasviðs HÍ er loftslagsmarxismi sem beinist að innrætingu barna. 

Heimurinn er ekki að farast vegna aukins lofthita. Meðalhiti á Íslandi er lægri en hann var á landnámsöld. Manngert veðurfar er ímyndun. Maðurinn bjó ekki til litlu ísöld heldur náttúran.

700 vísindamenn og sérfræðingar birtu nýverið yfirlýsingu þar sem varað er við heimsendaspám eins og þeirri sem Háskóli Íslands leggur blessun sina yfir.

Athugasemdir

[Benedikt Halldórsson, 20.11.2019 kl. 09:31]

Kastljós sannaði óvart svikamylluna í loftslagsmálum og áhorfendur fengu sýnikennslu hvernig kaupinn ganga fyrir sig á eyrinni.

Spyrill sem ekki er vísindamaður, gat ekki leynt fyrirlitningu sinni á Magnúsi Jónssyni veðurfræðingi og kom því fram við hann eins og hann væri fáviti en ekki veðurfræðingur. Spyrillinn greip stöðugt fram í fyrir veðurfræðingnum með "how dare you" augnaráði.

Vísindamenn sem efuðust þegar verið var að móta kenninguna á sínum tíma fengu líka "sérmeðferð" í fjölmiðlum sem allir forðast. 

En eins og í Kastljósþættinum eru engar kröfur gerðar til þeirra sem eru með "réttar" skoðanir. Líkamstjáningin og fas spyrilsins gjörbreyttist þegar vísindaáhugamaður lét nokkur væminn gullkorn falla. Sá hefur áður sagt að það sé glæpur gegn mannkyni að "efast" í loftslagamálum. Einmitt. Það er mikil eftirspurn eftir svona mönnum í mylluna, sem ímynda sér að þeir séu umboðsmenn réttra vísinda. Hefur ekki hvarflað að honum, að það þarf ekki ofbeldi til að sannfæra fólk um önnur vísindi? Fólk er ekkert á mála hjá olíufélögum til sjá vitleysuna. 

Annað hvort er fólk inni eða úti. Við erum félagsverur. Það vill engin stofna atvinnu, orðspori og frama í hættu með því að segja eitthvað sem ekki má segja. Engin veit að vísu hvar mörkin eru. Stór hluti þeirra sem þora að efast eru komnir á eftirlaun. 

Kastljósþátturinn var ekki fundur um loftslagsmál heldur hysterískur áróður eftir handriti sem Magnús og annað skynsamt fólk út um allan heim á ekki heima í.

Auk Magnúsar var kona með "rangar" skoðanir sem stóð víst vel, en ég get bara ekki horft á allan þáttinn, fékk svo heiftarlegan aulahroll. 

[Haukur Árnason, 20.11.2019 kl. 10:29]

"Yfirlitsferillinn sýnir nákvæmlega nýlegt lágmark (Maunder Minimum) (1645–1715), hitt stóra lágmarkið: Wolf lágmark (1300–1350), Oort minimum (1000–1050), Homer minimum (800–900 f.Kr.);einnig miðalda hlýja tímabilið (900–1200), rómverska hlýjatímabilið (400–150 f.Kr.) og svo framvegis.Þessar stórkostlegu lágmörk og hámörk sýna að mikil  sólarvirkni er með um það bil 350–400 ára bili sem er svipað skammtímaferlinu sem fannst í Suðurskautsísnum 11/22 og 370–400 ára lotur voru einnig staðfestar á öðrum plánetum með litrófsgreiningu á sveiflum sólar og reikistjarna Næsta nútíma stóra lágmark sólarstarfsemi er komið á árin 2020–2055."

Þetta kemur frá Valentina Zharkova, hún er breskur loftslags-vísindamaður. Spurning hvort hún hefur rétt fyrir sér.
En gröfin frá NASA falla ansi vel við þetta.

En hvað sem verður þá er okkar hlutur ekki nema 0,075 gráður pr.100 ár. Miðað við hlýnun um 2,5 gráður.

[Haukur Árnason, 20.11.2019 kl. 10:32]

Veit ekki af hverju þetta kemur ruglað, 150 að þvælast á milli.

[Halldór Björgvin Jóhannsson, 20.11.2019 kl. 12:10]

@Haukur , þetta er væntanlega eitthvað encoding vandamál hjá þér, getur verið að þú hafir afritað beint af öðrum vef eða einhverju slíku og í gluggann hér?

Prófaðu næst að afrita textann í textaritil t.d notepad á windows og afrita þaðan og hingað yfir, einnig gætir þú prófað að smella á "Nota HTML-ham" hnappinn fyrir athugasemda dálkinn.