Sæstrengur fylgir 3 orkupakkanum

Forstjóri Landsnets boðar sæstreng til Evrópu í fari svo að alþingi samþykki þriðja orkupakkann. Sæstrengurinn yrði lagður í þágu Evrópusambandsins og undir yfirstjórn Brussel.

Þar með yrði Ísland orkuhjálenda ESB.

Auðvitað segir forstjórinn að sæstrengurinn yrði lagður til að tryggja öryggi Íslendinga. Það er eitthvað svo óöruggt að búa á Íslandi án þess að vera kominn upp á náð og miskunn stórveldis. 

Athugasemdir

[Ragnhildur Kolka, 26.11.2018 kl. 09:41]

Eins gott að þetta kemur fram núna. Það kippir fótunum undan fullyrðingum ráðherra og annarra fylgjenda samþykkt orkupakkans að samningurinn hafi engin áhrif hér. Við vitum betur.

[Ómar Ragnarsson, 26.11.2018 kl. 09:44]

Þetta hefur legið fyrir í nokkur ár, því að forráðamenn bæði Landsnets og Landsvirkjunar hafa lýst þessu opinberlega yfir síðan fyrir nokkrum árum. 

Fjölmiðlar og aðrir hafa bara verið sofandi fyrir því fréttagildi, sem til dæmis yfirlýsing forstjóra Landsvirkjunar var. 

Um það gildir lögmál, sem ég vil nefna "áunna fáfræði." 

[Tómas Ibsen Halldórsson, 26.11.2018 kl. 10:20]

Ómar, þetta er hluti af því sem kallað er á ensku "Fake News", það er að fjalla bara um hluti sem falla að skoðunum "fréttamiðlana" eða að búa til fréttir sem eiga að hjálpa fólki til að hafa "réttar" skoðanir.

Í spjallþætti á MSNBC snemma á þessu ári lét þáttastjórnandi óvart út úr sér er verið var að tala um tíst Trumps, "...hann er að segja fólkinu hvernig það eigi að hugsa, en það er okkar hlutverk".

Það er ástæða fyrir því hvernig RÚV fjallar eða fjallar ekki um mál er máli skipta. Það fer allt eftir því hvernig það fellur að skoðunum þeirra sem eiga að fjalla um málin óhlutdrægt. RÚV hefur viljandi áhrif á skoðanamyndun fólks.

[Bjarni Jónsson, 26.11.2018 kl. 14:18]

Kynnt hefur verið, að sæstrengurinn taki land á Suð-Austurlandi.  Þangað verður að leggja flutningslínur frá stofnkerfinu og að sæstreng.  Þessar línur verða í mestri hættu allra orkumannvirkja, ef eldgos hefjast í Kötlu eða í Öræfajökli.  Það er holur hljómur í staðhæfingu um, að aflsæstrengur til útlanda muni gagnast hérlendis við náttúruhamfarir.