Sigurður Bismarck

Stjórnmál eru list hins mögulega, er haft eftir járnkanslaranum Bismarck. 4 flokka ríkisstjórn vinstriflokka plús Framsóknar er á landamærum ómöguleika og fáránleika.

Ef verkefnið á að lukkast verða vinstriflokkarnir að éta heyfeng Framsóknar. Rökrétt er að stjórnarmyndun fari fram á sveitaheimili Sigurðar Inga þar sem gefið verður á garðann. Löggæsla er fyrsta máltíðin.

Í vinstriflokkunum eru öfl sem telja lögregluna fasisma holdi klæddan. Ef vinstrakokið er nógu vítt til að gleypa sterkari lögreglu, eftir að hafa gleypt nei við ESB og þjóðaratkvæðagreiðslu, er aldrei að vita nema ríkisstjórnarbarn komi í brók.

Katrín Jakobsdóttir verður kannski forsætisráðherra. En barnsfaðirinn er sveitarhöfðinginn. 

Funda heima hjá Sigurði Inga

Athugasemdir

[Helgi Rúnar Jónsson, 3.11.2017 kl. 11:05]

Er ekki allt í lagi..??

[Helga Kristjánsdóttir, 3.11.2017 kl. 14:20]

Er ekki allt eins gott að gera tilbreitingu og líka einni af þessum  ríkisstjórnarmyndunum við tímgunarferli?
 

[Aztec, 3.11.2017 kl. 20:31]

Þú hefur ekki klárað tilvitnuna, Páll. Haft er eftir Bismarck: "Stjórnmál eru list hins mögulega, list hins fáanlega - list þess næstbezta." Þetta lýsir Bismarck's lítilsvirðingu fyrir stjórnmálamönnum. Sem Íslendingar hafa einnig gagnvart íslenzkum stjórnmálamönnum/-konum.

Þetta gefur til kynna, að aðeins stjórnmálamenn sem geta gert hið ómögulega séu einhvers virði. Hinir (þ.m.t. Katrín Jakobsdóotir) séu einungis meðalmenni.

Enda hafa engir stjórnmálamenn í lýðveldissögunni verið neins virði síðan Bjarni Ben eldri og Ólafur Tórs vóru og hétu.

[Helga Kristjánsdóttir, 4.11.2017 kl. 04:50]

Jú Davíð Odsson.