Evrópuþingið: Ísland betur statt utan ESB

Evrópuþingið sér það sem íslenskir ESB-sinnar sjá ekki (eða þykjast ekki sjá), að Íslandi er betur borgið utan Evrópusambandsins en innan þess. Í innanhússskýrslu Evrópuþingsins segir um Ísland

Þetta litla norræna land hefur að mestu náð sér á strik eftir djúpastæða efnahagserfiðleika sem þakka má gengisfelldum gjaldmiðli og miklum viðskiptaafgangi - viðsnúningur sem var mögulegur að hluta til vegna þess að landið stendur utan við evrusvæðið.

Þá segir í skýrslunni að Íslendingar eigi auðveldara með að ná fríverslunarsamningum, t.d. við Kína, en Evrópusambandið sjálft. Ástæðan er sú að íslenskir hagsmunir eru skýrari og einfaldari en Evrópusambandsins.

ESB-sinnar ættu að íhuga röksemdafærslu Evrópuþingsins, - sem er öll á eina leið; Íslandi er betur borgið utan Evrópusambandsins en innan þess.

Ólíklegt að umsóknin haldi áfram

Athugasemdir

[Jón Þórhallsson, 18.12.2013 kl. 10:37]

Viljum við endilega hanga í pilsfaldinum hjá kína meira en nauðsynlegt er?

Styrkja þann menningarheim frekar heldur en t.d. EVRÓPSK gildi

með auknum viðskiptum??????

[Ragnhildur Kolka, 18.12.2013 kl. 12:50]

Hvernig er ekki hægt að sjá að Íslandi sé betur borgið utan ESB? ESB-sinnar eru sértrúarsöfnuður sem lítur á sambandið sem himnaríki sitt. Og svo borgar það svo vel. En það vill gleymast að ofurlaunin og kampavíns veislurnar eru tekin úr vasa almennra borgara.

[Elle_, 18.12.2013 kl. 21:38]

Ekki það að ég sækist neitt eftir Kína-sambandi miðað við ógnarstjórn landsins.   En ég get frætt Jón að ofan um að mér persónulega er nokkuð sama um svonefnd EVRÓPSK gildi.  Þau geta bara farið lönd og leið.

[Óskar Guðmundsson, 20.12.2013 kl. 00:20]

Þarna liggur að baki einföld ástæða.

Hér var hægt að fella gengið.

Hefði það ekki verið hægt hefði aðeins verið hægt að taka sveifluna út í gegnum atvinnulífið (sjá Spánn og Grikkland t.d.) og væri þá atvinnuleysið í +25%.