Samfylking býr til ESB-sinna í Framsóknarflokknum

Örvænting Samfylkingar yfir innanflokksófriði og 12,8 fylgi í skoðanakönnunum er orðin slík að talsmenn flokksins telja sér trú um að í Framsóknarflokknum sé allt morandi af ESB-sinnum sem tilbúnir eru í stjórn með Samfylkingu.

Orðið á götunni á Samfylkingar-Eyjunni er vettvangurinn þar sem spunanum er komið  á framfæri, og sá spuni telst líklega ,,réttur" og ,,sanngjarn" á mælikvarða Björgvins G. Orðið á götunni segir um ESB-ferlið

Almennt er talið að framsókn fengist til þess að halda viðræðum áfram og kanna mögulegan samning í samstarfi við Samfylkingu og Bjarta framtíð. 

Í þingliði og á framboðslista Framsóknarflokksins eru ýmsir hörðustu andstæðingar ESB-umsóknar Samfylkingar: Ásmundur Einar Daðason, Vigdís Hauksdóttir, Gunnar Bragi, Frosti Sigurjónsson - að ótöldum formanni flokksins, Sigmundi Davíð, sem skýrt og skorinort hefur tekið afstöðu gegn ESB-ferlinu.

Spuni Samfylkingar um að Framsóknarflokkurinn ætli að svíkja í ESB-málinu er beita til Sjálfstæðisflokksins. Ætlunin er að fá frammámenn í Sjálfstæðisflokknum til að gefa vilyrði fyrir því að landsfundarsamþykktin, um að ESB-viðræðum skuli hætt, verði höfð að engu.

 Ef forysta Sjálfstæðisflokksins bítur á agnið yrði það dauðadómur yfir flokknum. 

 

„Rangur og ósanngjarn spuni“

Athugasemdir

[Sleggjan og Hvellurinn, 17.3.2013 kl. 22:00]

Innanbúðarmenn í XB hafa sagt það opinberlega að þeir ætla að taka VG stefnuna á þetta.

Klára viðræðurnar innan árs og láta þjóðina kjósa.

Svona til upplýsingar fyrir þig... og aðra sem fylgjast ekki með þjóðmálum.

[Páll Vilhjálmsson, 17.3.2013 kl. 22:27]

Ef innanbúðarmenn í Framsóknarflokknum hafa sagt opinberlega að þeir ætli að ,,klára viðræðurnar innan árs" þá hlýtur að vera hægt að staðfesta það með vísun í heimildir. En engar slíkar heimildir eru til, einfaldlega vegna þess að enginn þingmaður/frambjóðandi Framsóknarflokksins hefur sagt neitt í þessa veru.

[Sleggjan og Hvellurinn, 17.3.2013 kl. 22:38]

Ég sagði að það væri innanbúðarmaður. Get tekið það fram að það er ekki þingmaður.

En hann er með inside story á þetta.

[Gunnlaugur I., 17.3.2013 kl. 23:22]

Ætli Framsókn sé nú ekki búin að sjá að VG svika leiðin á ESB málið væri aðeins ávísun á gríðarlegt fylgishrun.

Framsókn er að taka gríðarlegt fylgi af VG ekki hvað síst vegna linnku og svika þeirra í ESB málinu.

En örvænting ESB sinna er orðin slík að þeir reyna að koma fram með svona óra og Samfylkingarspuna sem svo er keyrður áfram af ESB sinnuðum fjölmiðla mönnum.

[Friðrik Már , 18.3.2013 kl. 09:50]

Stórkostleg færsla hjá "sleggjunni"

[Innanbúðarmenn í XB hafa sagt það opinberlega að þeir ætla að taka VG stefnuna á þetta.

Klára viðræðurnar innan árs og láta þjóðina kjósa.]

En svo er þetta orðið leyndó, innanbúðarmennirnir orðnir innanbúðarmaður sem hvíslar innan úr reykfylltum bakherbergjum.

[Ég sagði að það væri innanbúðarmaður. Get tekið það fram að það er ekki þingmaður.

En hann er með inside story á þetta.]

Ég spyr, ef innanbúðarmenn hafa sagt eitthvað í þessa veru obinberlega hlýtur það að vera til einhverstaðar á prenti eða hvað ?

Er þetta kannski þannig að Sleggjann skrifaði fyrra innleggið og Hvellurinn það síðara? ja spyr sá sem ekki veit.

[Sleggjan og Hvellurinn, 18.3.2013 kl. 19:28]

Þetta er alveg til á prenti/á netinu.

Hann er fyrrverandi ráðherra fyrir XB.

[Friðrik Már , 18.3.2013 kl. 21:49]

" Sleggjan og hvellurinn "

Ef þú átt við Jón Kristjánsson og hans yfirlýsingar þá er eðlilegt að lesa það út úr þeim að hann hafi frekar rétt fyrir sér að í þeim efnum að eitthvað sé af ESB sinnum þar innan raða annað væri óeðlilegt að mínu mati auðvitað eru þeir í Framsókn eins og í öðrum flokkum, en að menn séu að rotta sig saman að hætti VG finnst mér hæpið og ef þú ert á sama máli og Björgvin G. þá held ég að þú sért á villigötum, kannski er það rétt að við ættum að klára viðræður og setja svo í þjóðaratkvæðagreiðslu fyrst við erum byrjuð í því ferli og það kæmi mér ekkert á óvart að af því yrði síðar meir en væri ekki hyggilegra að forgangsraða heima fyrir fyrst. Mér segir sá hugur að langt verði að bíða að við verðum innlimuð í ESB með prompi og pragt og kannski sem betur fer miðað við fréttir frá Grikklandi og Kýpur.