ESB-sinnar í skjóli Björns Bjarnasonar

Björn Bjarnason er annar höfundur nefndartillögu á landsfundi Sjálfstæðisflokksins um að hlé verði á aðlögunarviðræðum við Evrópusambandið og þeim ekki haldið áfram nema að undangengnu þjóðaratkvæði. ESB-sinnar hanga í pilsfaldi Björns enda vita þeir að meirihluti landsfundarins vill afturkalla umsóknina og þar með slíta viðræðum.

Spurningin á landsfundi Sjálfstæðisflokksins er því þessi: hvort verður aðildarumsóknin skotin eða hengd?

Hitt er svo annað mál að Bjarni Benediktsson mun tapa formennskunni ef tillaga um að hætta aðildarviðræðum verður ekki samþykkt. Í Icesave var Bjarna ekki treystandi fyrir húshorn; ekkert nema málefnaleg handjárn er nóg í ESB-málinu.

Umsókn um aðild verði dregin til baka

Athugasemdir

[Kristján B Kristinsson (IP-tala skráð) 20.11.2011 kl. 13:36]

Já Páll, það verður þá að nota öðruvísi og strekari handjárn en notuð eru í VG

[Elín Sigurðardóttir (IP-tala skráð) 20.11.2011 kl. 13:45]

Niðurstaða er fengin úr kosningunni og þá er hún dæmd ógild eða endurtekin þar til rétt niðurstaða fæst. Eru þetta fréttir af fundi Samfylkingarinnar?

[Örn Ægir (IP-tala skráð) 20.11.2011 kl. 14:31]

Mæli með hún verði skotin.

[Sleggjan og Hvellurinn, 20.11.2011 kl. 16:37]

Bjarni Ben var kosinn sem formaður með 55% atkvæða. Þannig að þú hefur ekki hugmynd um hvað þú ert að tala um.

[Pétur Örn Björnsson (IP-tala skráð) 20.11.2011 kl. 16:46]

Það fór sem Elín spáði, já, nú er það ljóst:

Kosningin var dæmd ógild, því hún þótti ekki gefa nógu loðna afstöðu og var því  endurtekin ... þannig að úr yrði samfylkt moðsuða og opin í báða enda.

[Pétur Örn Björnsson (IP-tala skráð) 20.11.2011 kl. 16:54]

Þessum flokki er ekki treystandi fyrir húshorn, frekar en kvígu á svelli, svo vitnað sé í prestinn sem í stólinn sté og Pál postula sjálfan.