Aðildarsinnar eru sérstakur þjóðflokkur

Malta fékk enga varanlega undanþágu frá reglum Evrópusambandsins, aðeins tímabundna fresti til að taka upp ESB-reglur. Aðildarsinnar á Íslandi reyna að kalla það undanþágu þegar samið var um tilteknar reglur um fjölda veiðileyfa strandveiðibáta við Möltu.

Íslensku aðildarsinnarnir eru dálítið sérstakur þjóðflokkur í Evrópu. Þeir eru einu aðildarsinnarnir í álfunni sem gera út á undanþágurnar frá reglum Evrópusambandins. Aðildarsinnar í öðrum ríkjum, t.d. hjá frændum okkar í Noregi, finna að jafnaði eitthvað annað en undanþágurnar Evrópusambandinu til ágætis.

Meginröksemd aðildarsinna fyrir inngöngu er allar fínu undanþágurnar sem hægt er að fá í Brussel. Íslenska þjóðin er löngu búin að gera upp hug sinn og kýs stærstu undanþáguna - sem er að standa utan Evrópusambandsins.

Segir ESB hlusta á gæði raka

Athugasemdir

[Hjörtur J. Guðmundsson, 25.9.2010 kl. 19:01]

Fáum undanþágu frá Evrópusambandinu eins og það leggur sig.

[Hrafn Arnarson (IP-tala skráð) 25.9.2010 kl. 20:07]

Guð hjálpi okkur. Er hægt að fá varanlega undanþágu frá Tilfallandi athugasemdum? Þvílík steypa.

[Robert (IP-tala skráð) 25.9.2010 kl. 20:20]

Það versta við síversnandi ástand á Íslandi, er kvótakerfisvandinn. Þegar það kerfi var sett á, var skrifuð grein um verknaðinn vestur í Seattle USA, þar var því blákalt haldið fram að fjármálasiðferði landsmanna yrði eyðilagt með þessu. Ekki er að sjá annað en það hafi gengið eftir. nú virðist sáttanefnd um breytingar á kerfinu, skipuð kvótahöfum og pólitíkusum, vilja hafa óbreytt kerfið áfram, og þá um leið sama vandamálið áfram. Eina leiðin til að brjóta upp smákóngaklíkur kvótakerfisins ásamt himinháum landbúnaðarstyrkjum og okurvöxtum gjaldþrota banka sem búið er að ræna innanfrá að auki, sem unga fólkið flýr nú útaf, til nágrannalanda, sem aldrei fyrr, virðist því vera að fara í EU bandalagið, hér mun ekkert breytast, það er fullreynt að fjölmargra mati.

[Anna Grétarsdóttir (IP-tala skráð) 25.9.2010 kl. 20:50]

Sammála Hirti, langbesta lausnin er varanleg undanþága frá ESB....og einnig frá núverandi "stjórnvöldum" svona sem bónus

[Njáll (IP-tala skráð) 25.9.2010 kl. 21:08]

Mér líst vel á að fá varanlega undanþágu frá aðild að ESB! 

[Hjörtur J. Guðmundsson, 25.9.2010 kl. 21:14]

Hrafn, já slepptu því að lesa síðuna. Hver er að neyða þig til þess?

[Guðmundur 2. Gunnarsson (IP-tala skráð) 25.9.2010 kl. 21:17]

Hrafn.  Er ekki löngu kominn tími á að þú látir þig hverfa af síðunni?  Enda er tilgangurinn ekki neinn annar en að reyna að eyðileggja alla eðlilega umræðu með tröllskap og einstaklega rætnum og heimskulegum innkomum, augljóslega á spena rakka ESB.  Ef þú værir ekki svona einstaklega húmorslaus og blátt áfram leiðinlegur þá væri í góðu lagi að hafa þig eins og alvöru ESB þorpsfíflin Ómar Kristjánsson og Jón Frímann. 

Gerðu þér og ESB þann greiða að halda þér úti.  Þeim veitir ekki að að ná  eitthvað fleirum en 19% þjóðarinnar inn á að sjá eitthvað jákvætt í inngöngu.  Meir að segja þá náðu Icesave borgunnar sinnar með ESB 26% fylgi þegar best lét.  Það féll niður í 1.8%.  Þökk sé ESB sinnum að þjóðin sá í tíma að ESB og Icesave er sín hvor hliðin á sama peningnum.

[Haraldur Hansson, 25.9.2010 kl. 21:40]

Malta fékk eina undanþágu (í protocol 6), eina sérlausn um stærð fiskibáta og tvær sérstakar bókanir.

Önnur bókunin tryggir að ekki þurfi að breyta stafsetningar- eða málfræðireglum í maltnesku tungumáli þótt orðið "euro" sé notað á seðla og mynt.

Það eru öll ósköpin. Þetta kallast víst glæsileg niðurstaða.

[anna (IP-tala skráð) 25.9.2010 kl. 23:42]

Malta er ekki með neinar auðlindir eins og við...geta alls ekki veriið sjálfbærir. Það er ekki hægt að bera Möltu og Ísland saman. No way!

[Tryggvi Thayer, 26.9.2010 kl. 14:48]

Þú vilt kannski benda okkur á dæmi um þennan málflutning ESB-sinna sem þú nefnir, þ.e. að einhver segir að við eigum að ganga í ESB út af undanþágum sem við kunnum að fá...