Malta: engin varanleg undanþága frá ESB-reglum

Aðildarsinnar fluttu inn Joe Borg sem fór fyrir samninganefnd Möltu þegar smáríkið gekk í Evrópusambandið. Í Fréttablaðinu í dag segir Borg

Loks vorum við með afar sterka samninganefnd sem náði fram hagstæðum samningi þar sem við fengum meðal annars í gegn 76 tímabundin sérákvæði.

Tímabundin sérákvæði eru það sem samningaviðræður snúast um. Borg segir jafnframt að hann hafi fengið eina varanlega undanþágu. Gefum honum aftur orðið

Til að koma í veg fyrir ofveiði, fengum við að takmarka fjölda veiðileyfa innan 25 mílna. Þannig fengu þeir sem þegar stunduðu veiðar innan svæðisins leyfi og aðrir sem síðar koma eru háðir hámarksfjölda.

Í reynd er þetta ekki undanþága sem tryggir Maltverjum einum aðgang að fiskimiðum sínum enda væri það brot á meginreglum Evrópusambandsins sem bannar mismunun á grundvelli þjóðernis. Borg segir að búin sé til regla á grundvelli fiskiverndar til að torvelda öðrum en Maltverjum að fiska við strendur eyjarinnar. Fyrir spænskar eða ítalskar útgerðir er þetta aðeins spurning um hvort þeim finnst það á sig leggjandi að kaupa maltverska útgerð með veiðileyfi til að sækja í þann afla sem býðst. Heildarafli maltverska flotans er á við lítinn íslenskan verðtíðarbát.

Borg er á hinn bóginn duglegur samningamaður. Hann tryggði sjálfum sér stól framkvæmdastjóra hjá Evrópusambandinu og fékk embættið þegar hann hafði skilað Möltu inn í sambandið.

Athugasemdir

[Guðmundur 2. Gunnarsson (IP-tala skráð) 25.9.2010 kl. 14:19]

Morgunblaðið/2. ágúst 2002

 

Josef Bonnici, viðskiptaráðherra Möltu, segir í samtali við Morgunblaðið.:

"Auðvitað þurfum við líka að una ákveðnum takmörkunum," segir Bonnici. "Þannig verða bátar, sem eru stærri en tólf metrar á lengd, að veiða utan fiskveiðilögsögunnar. En þá er rétt að muna að fæstir bátanna í fiskveiðiflota okkar eru stærri en tólf metrar að lengd."

Hann segir að þetta fyrirkomulag muni í raun þýða að einungis maltneskir bátar verði að veiðum í lögsögu Möltu.  "Kostnaður við að sigla smábátum t.d. alla leið frá Spáni geri að verkum að slíkur útvegur geti aldrei orðið arðbær.  Fjarlægðin sé of mikil, veður geti verið válynd og um of langan veg sé að fara til að landa aflanum."

 Það skyldi þó aldrei vera að okkur tækist að halda ESB þjóðum úti úr 200 mílna landhelginni  með sömu brellum og Maltverjar með að leyfa aðeins veiðar báta undir 12 metra stærð, ef að þjóðinni snérist hugur eftir alla milljarðana sem eiga að fara í áróðurinn og að kaupa ESB innrásinni gott veður.

http://www.mbl.is/mm/gagnasafn/grein.html?grein_id=681073

[Haraldur Hansson, 25.9.2010 kl. 14:27]

Fjölmiðlar á Möltu fjölluðu í vikunni um hinn duglega Borg sem enn þiggur rífleg laun frá Brussel. Ég efast samt um að hann gæti útskýrt reglur ESB fyrir Össuri "með vestfirskum hætti", sem þó væri þarfaverk.

[marat (IP-tala skráð) 25.9.2010 kl. 15:28]

Fiskveiðar skipta Möltu engu máli.

[Hrafn Arnarson (IP-tala skráð) 25.9.2010 kl. 20:03]

Eins og venjulega klippir Páll fréttir niður eftir því sem honum hentar. Markmið hans er auðvitað ekki að gefa rétta mynd sem fram fór á fundinum. Sem betur fer eru þeir vart til sem líta á blogg af tagi Páls sem áreiðanlega heimild. Á vefnum er að finna mikið magn af upplýsingum þannig að áhugasamir lesendur hafa marga möguleika til að kynna sér málið. Nefna má að á vef Stjórnarráðsins er að finna fjölmargar skýrslur um Evrópumál. ESB kynnir sig auðvitað sjálft með margvíslegum hætti. Hér á landi er rétt að nefna Heimssýn og Evrópusamtökin. Ég læt hér fljóta með hluta af fréttinni sem Páll sleppti.

Borg ráðleggur samninganefnd Íslands að reyna að finna fáar en góðar sérlausnir fyrir Ísland. Betra væri að horfa á gæði en ekki magn í því sambandi. Benda megi á sérstöðu Íslands á ýmsum sviðum, m.a. hve sjávarútvegur er mikilvægur í hagkerfi landsins.

Þá benti Borg á að Íslendingar gætu haft jákvæð áhrif á sjávarútvegsstefnu ESB. Þannig væri líklegt að ESB færðist nær Íslendingum í því hvernig reka megi sjálfbæran sjávarútveg án þess að setja fiskistofna í hættu. Minnti hann á að Malta hefði með aðild haft veruleg áhrif á stefnu sambandsins og því gætu Íslendingar haft svipuð áhrif, jafnvel meiri.

Borg sagði það mikinn misskilning að framkvæmdastjórn ESB væri skrímsli. Hún vildi ná sáttum við öll aðildarríki, þar með talin ný ríki í sambandinu.

[Helgi (IP-tala skráð) 25.9.2010 kl. 20:28]

Eru það einhver sérstök meðmæli með bákninu ef það þarf „afar sterka samninganefnd“ til að ná einhverju jákvæðu fram í viðræðum? Þetta hljómar eins og menn legggi allt í sölurnar til að komast inn í fangelsi.

[Guðmundur 2. Gunnarsson (IP-tala skráð) 25.9.2010 kl. 21:05]

Svona - svona marat.  Heildarafli Möltumanna í fiskveiðilögsögunni sinni samsvara því sem þrír kallar á litlum netapung afla á ári hérna...  Hrafni og öðrum þokulúðrum ESB þykir örugglega veiðihagsmunir Íslendinga og Maltverja vera sambærilegar með öllu.

Við getum alveg eins og Maltverjar bannað allar veiðar innan landhelgi, bátum sem eru lengri en 12 metrar og að vél báta má ekki knýja spil eða búnað sem er nýttur til að draga inn veiðifærin.  Dagur handfæra og Sómabátanna mun koma.