Traust í viðskiptum ekki á næsta leyti

Auðmenn og hrunkvöðlar sprengdu fjármálalíf landsins aftur til steinaldar. Vilhjálmur Bjarnason er nær eini maðurinn í fjármálaumræðunni sem þorði að standa upp í hárinu á auðmönnum og meðhlaupurum þeirra. Vilhjálmur bendir á að ekkert traust sé á þeim sérfræðingum sem eiga að votta heilbrigði kennitalna fyrirtækja. Endurskoðendur voru í gagnrýnislausa klappliði útrásarinnar skilja eftir sig faglega sviðna jörð.

Engin reglugerð eða stakar stjórnvaldsaðgerðir byggja upp það traust sem fór í ræsið með útrásinni. Áður en hægt er að endurvekja traust verður að viðurkenna hvað fór úrskeiðis og leggja fram trúverðugar skýringar á því hvers vegna fór sem fór. Forkólfar í viðskipta- og atvinnulífi landsins hafa sama og ekkert gert til að skapa aðstæður fyrir endurnýjað traust.

Hugmyndir um að endurlífga hlutabréfamarkað á Íslandi eru fullkomlega út í bláinn á meðan afneitunin er í hávegum hjá forráðamönnum í viðskiptalífi. Enginn friður verður í samfélaginu ef lífeyrissjóðir verða notaðir til að setja fé almennings í hrófatildur af hlutabréfamarkaði sem stýrt er af óendurhæfðum meðhlaupurum útrásar.

Ekkert líf án raunhæfra ráðstafana