Pressan er skálkaskjól auðmanna

Jón Ásgeir nýtti sér netmiðilinn Pressuna  í síðustu viku til að koma á framfæri upplýsingum um kyrrsetningarmál sín áður en þau birtust í fréttum Stöðvar 2. Tilgangurinn var að eyðileggja frétt Stöðvar 2.  Fréttastjórinn á þeim bæ var eiganda sínum óþægur og hafði í frammi tilburði að segja fréttir í óþökk Jóns Ásgeirs. Fréttastjórinn fauk í vikunni en trúlega var það lítil huggun Baugsstjórans sem kominn er út í horn.

Pressan staðfestir hlutverk sitt með fagurfréttum af Sigurði Einarssyni fyrrum æðstráðanda Kaupþings sem er á flótta undan réttvísinni. Í morgun er frétt um brasilískan lögmann sem ætlar að sanna að pólitískar ofsóknir séu að baki aðförinni að Sigurði Einarssyni.

Björn Ingi Hrafnsson, Bingi, er skráður eigandi Pressunnar. Hann var gerandi í REI-málinu þegar færa átti auðmönnum almannaeigur OR á silfurfati. 

Fjármögnun Pressunnar er á huldu. Auglýsingatekjur eru innan við tvær milljónir kr. á mánuði en starfsmenn tæplega tuttugu. Hvernig fjármagnar Bingi mismuninn? Tja, líklega með álíka hætti og hann varð sér út um föt sem borgarfulltrúi Framsóknarflokksins.

Athugasemdir

[Jóhannes Laxdal Baldvinsson, 13.5.2010 kl. 10:39]

Ef Pressan á að vera skálkaskjól, þá misreikna menn sig. Hafa pressupennarnir einhver áhrif umfram aðra óháða bloggara? Ég held ekki. Ég hef miklu meiri ímugust á hægri haturs miðlunum AMX og T24.  Þvílíkur sori sem vellur frá þeim!!!

[Prófessor Mambó (IP-tala skráð) 13.5.2010 kl. 10:49]

Salt Investments er eigandi Pressunnar. Salt Investments er í eigum Róberts Wessmanns.

Salt Investments vinnur mikið fyrir marga af helstu leikendum og gerendum í íslenskum fjármálaheimi, bæði þeim sem liðinn er og þeim sem er á lífi.