Nýlenduyfirvald í boði Vg

Landsherra Íslands Rozwadowski er hér í boði fjármálaráðherra og formanns Vg, Steingríms J. Sigfússonar. Félagarnir dunda sér við að knésetja Ísland, fyrst með því að dengja yfir okkur Icesave-samningnum og í framhaldi nauðga okkur inn í Evrópusambandið.

Atli, Ási, Guðfríður Lilja ættu að kveðja þingflokk Vg og stofna nýjan flokk, sem eins og Atli segir réttilega, ætti að fylkja liði í fullveldis- og sjálfstæðisbaráttu þjóðarinnar. 

Vinstri grænir eru álíka ónýtur flokkur og Sjálfstæðisflokkurinn væri ef hann tæki upp marxíska stefnuskrá og ríkisvæddi Íslands til andskotans. 

Vill að AGS leggi spilin á borðið

Kaup kaups við Nato og ESB

Í staðinn fyrir hagfelldan fiskveiðisamning veitir Ísland Evrópusambandinu atbeina í fyrirsjáanlegum stórveldaslag Bandaríkjanna, Rússa og Evrópusambandsins um auðlindir á norðurslóðum. Efnislega á þessa leið mæltist Össuri Skarphéðinssyni utanríkisráðherra í Stokkhólmi þegar Ísland í annað sinn á nokkrum dögum lagði umsókn um aðild að Evrópusambandinu fyrir Svía sem veita ráðherraráði  ESB formennsku þetta hálfárið.

Íslensk stjórnvöld hafa áður stundað sambærileg viðskipti. Landið var á dögum kalda stríðsins selt sem ósökkvandi flugmóðurskip á miðju Atlantshafi. Pólitískir umskiptingar eins og Össur, Jón Baldvin Hannibalsson, Jónas Haralz, Jón Magnússon, Benedikt Jóhannesson eru hrifnir af viðskiptum af þessu tagi því þau ríma við sölumennskueðli þeirra sjálfra.

Sannfæringastjórnmálamenn, einstaklingar með siðferðislega kjölfestu, eins og Bjarni Benediktsson og Eysteinn Jónsson tóku þátt í utanríkisviðskiptum þar sem land var selt undir útlenda aðstöðu af tveim ástæðum. Í fyrsta lagi vegna þess að meðfram viðskiptunum var hugsjónapólitík þar sem tókust á ólíkar hugmyndir um þjóðskipulag, sósíalískt/kommúnískt annars vegar og hins vegar markaðsbúskapur. Í öðru lagi vegna þess að aðstæður leyfðu ekki annað. Ísland var hernumið í upphafi seinni heimsstyrjaldar og út frá þeirri stöðu þurfti að vinna.

Okkur tókst sem þjóð að vinna þokkalega úr álitamálum sem þurftu úrlausn um miðbik síðustu aldar. Stofnun lýðveldis, hersetusamningur við Bandaríkin, stofnaðild að Nato og útfærsla landhelginnar voru utanríkispólitískir þættir sem fengu farsæla niðurstöðu, þótt skoðanir hafi verið skiptar.

Engin leið er að fyrirliggjandi hugmyndir um kaup kaups við Brussel fái farsæla niðurstöðu. Engin hugsjónapólitík er aflvaki, við opnum landhelgina útlendingum og fáum lítið sem ekkert í staðinn.

Aðeins ein ástæða er fyrir því að utanríkisráðherra Íslands er yfir höfuð að reyna að ná samningum. Vegna hrunsins bilaði dómgreind þjóðarinnar og hún kaus yfir sig grilluflokk Íslands, Samfylkinguna.   

Umsóknin framlengir hrunið

Umsóknin um aðild Íslands að Evrópusambandinu gerir uppgjörið við hrunið lengra og erfiðara. Án umsóknarinnar hefði umræðan beinst að orsökum hrunsins, ábyrgðaraðilum og hvernig taka ætti á eftirmálum hrunsins. Þegar umsókninni er hent inn í umræðuna með þeim hætti sem raun er á verða til átakalínur sem ganga þvert á fyrri vígstöðu, andstæðingar verða vopnabræður.

Sjálfstæðisflokkurinn, til dæmis, mun að öllum líkindum ná fyrr vopnum sínum með því að verða oddviti andstöðunnar gegn umsókninni. Pólitísk staða Vinstri grænna, sem var flokkur hreinna handa fyrir svikin, er tæp svo ekki sé meira sagt.

Útrásarliðið og fylgifé þeirra er meira og minna umsóknarsinnað. Vígstaðan sem blasir við er að Baugsfylkingin verður fimmta herdeildin í íslensku samfélagi. 

Við andstæðingar umsóknar megum vera fjandi slappir að tapa þessum slag. Hreint helvíti slappir.

Egill, Illugi og Gamli sáttmáli

Félagarnir Egill Helgason og Illugi Jökulsson eiga sameiginlegt að hafa verið fíflaðir af Jóni Ásgeiri Jóhannessyni Baugssyni. Egill var í þjónustu Jóns Ásgeirs þegar fjölmiðlafrumvarpið var til afgreiðslu og hélt uppi vörnum fyrir Baugsveldið. Illugi var á mála hjá útgáfudeild Baugs og starfaði m.a. á DV.

Þeir sem tóku útrásarsmit eru næmir fyrir ESB-bólunni og Egill og Illugi leggja sitt af mörkum til að véla okkur inn í Brusselsamsteypuna enda líkar þeim stórveldi. Til að greiða okkur leið þangað austur falsa þeir söguna. Illugi skrifaði um Gamla sáttmála í vor og Egill endurbirtir.

Gamli sáttmáli var löngum nefndur Gissurarsáttmáli í höfuð Gissurar Þorvaldssonar sem sá um að taka eiða af Íslendingum fyrir Noregskonungafeðga, Hákon og Magnús.

Sögufölsun Egils og Illuga er að gera því skóna að sáttmálinn hafi engu breytt fyrir Íslendinga. Þá fyrst hafi orðið breytingar til hins verra þegar Kalmarssambandið leið undir lok á sextándu öld og Ísland varð að danskri hjálendu.

Með svardögum um trúnað við útlendan konung á 13. öld gáfu Íslendingar frá sér forræði eigin mála. Það forræði fékkst ekki aftur fyrr en sjö öldum síðar. Það hittist svo á að fljótlega eftir að Ísland gekk Noregskonungi á hönd hófst hnignunarskeið Noregs og við þær kringumstæður verður konungsvaldið veikara eftir því sem fjær dregur valdamiðjunni. 

Fyrirmenni á Íslandi voru leppar útlendra konunga og þegar konungsvaldinu óx ásmegin var leiðin greið að skipta út íslenskum fyrirsvarsmönnum og setja útlendinga í staðinn. Það hefði ekki verið hægt á sextándu öld ef við afsöluðum okkur ekki landsréttindum á þrettándu öld.

Íslendingar á 13. öld settu þann fyrirvara í Gissurarsáttmála að þeir vildu íslensk lög hafa. Er það í samræmi við venju í okkar heimshluta, þjóðir vilja sín eigin lög. Evrópusambandið verður til vegna þess að þjóðríkin á meginlandinu gátu ekki haldið friðinn með eigin lögum og komu sér saman um yfirþjóðleg lög og samband. Við Íslendingar eigum engan hlut að máli Evrópuþjóðanna og eigum ekki að slást í för með þeim.

Egill og Illugi áttu sinn hlut í helvítis fokking fokkinu; þeir voru teknir í afturendann af auðmanni. Félagarnir bíta höfuðið af skömminni með því að láta niðja sína gjalda glapræðisins.

ESB-rök ASÍ gagnrýnd frá Noregi

Aðalhagfræðingur norska alþýðusambandsins, LO, gagnrýnir rök ASÍ fyrir aðildarumsókn Íslands að Evrópusambandinu. Í viðtali við norska ríkisútvarpið segir Stein Reegård að efnahagsleg rök fyrir aðild að Evrópusambandinu séu á veikum grunni. Hann segir kreppuna á Íslandi heimatilbúna og innganga í Evrópusambandið engu breyta um þær ráðstafanir sem stjórnvöld þurfi að grípa til.

Reedgård segir að ef Ísland hefði verið með evru væri ástandið enn verra. Háir vextir hafi þrátt fyrir allt verið hemill á þensluna og verðfall krónunnar geri atvinnulífið samkeppnisfært á ný.

Í umfjöllun norska ríkisútvarpsins er haft eftir Gylfa Arnbjörnssyni forseta ASÍ að upptaka evru sé nauðsynleg til að endurreisa atvinnulífið. Reedgård dregur dár að Gylfa og bendir á að Ísland muni ekki geta tekið upp evru á næstu árum, landið uppfylli ekki skilyrði Evrópusambandsins.

Norska alþýðusambandi hefur verið hlynnt aðild Noregs að Evrópusambandinu. Þar á bæ vita menn hins vegar að efnahagsleg rök fyrir inngöngu halda ekki vatni.

Hér er umfjöllun NRK.

Ísland selur sig

Í umsókninni til Brussel sem skrifuð er í utanríkisráðuneytinu segir að vegna legu landsins sé eftirsóknarvert fyrir Evrópusambandið að taka við Íslandi. Orðrétt segir í umsókninni

As a country on Europe's north-western flank and the only country entirely within the Arctic, a region of growing interest to the EU, Iceland believes its membership would serve the EU's geographical completeness. Iceland and the EU share common interests in the High North.  

Málsgreinin kemur strax á eftir setningu þar sem því er haldið á lofti að Ísland hafi greitt í EFTA/EES-sjóði til að efla evrópska samvirkni.

Búðarlokuhugsunarhátturinn er yfirþyrmandi.

Hér er textinn í heilu lagi en vefsetrið EurActiv.com komst yfir textann.

Samfylking leitar útgöngu

Samfylkingin leitar útgöngu úr tapaðir stöðu í Icesave-málinu. Hönnuðir pólitískrar atburðarásar hjá Samfylkingunni eru í óða önn að skrifa handrit sem lætur Steingrím J. Sigfússon og Vg sitja uppi með klúðrið af Icesave-samningunum. Þótt ekki sé nema fyrir útlenda áhorfendur verður að færa pólitískar fórnir þegar samningarnar verða felldir á Alþingi.

Ódýrast fyrir ríkisstjórnina er að Steingrímur J. axli sín skinn, nýr fjármálaráðherra komi úr röðum þingmanna Vg og annað verði óbreytt. Það er aftur spurning hvort nóg sé að fórna einum ráðherra, þótt viðkomandi sé líka flokksformaður - það telur ekki stórt í útlöndum.

Næsta útgáfa er að Vg í heild yfirgefi ríkisstjórnina og Samfylkingin fái stuðning stjórnarandstöðu til að sitja minnihlutastjórn í eitt ár eða svo. Sjálfstæðisflokkur gæti metið stöðu sína þannig að ekki væri æskilegt að ganga til kosninga þegar í stað.

Hvernig sem allt veltur má bóka að Samfylkingin velur ekki þann kost sem sómi er að og félli með Icesave. Sæmd og Samfylking eru andheiti.

Tökum þann tíma sem til þarf

Össur er umsóknarmaðurinn

Við hæfi er að Össur Skarphéðinsson afhendi umsókn Íslands að Evrópusambandinu. Fallinn formaður Samfylkingarinnar; maðurinn sem brýndi forsætisráðherra til að berjast gegn ofríki Baugs en gerðist í beinu framhaldi aðalverjandi Baugsveldisins; Össur sem tók til við að laga hálstauið þegar miðaldra kona hné í ómegin við hlið hans í beinni útsendingu.

Össur er umsóknarmaður Íslands.

Afhenti Svíum aðildarumsókn

Lettlandi er stjórnað frá Brussel

Ríkisstjórn Lettlands fær ekki heimild til að taka neinar stórar ákvarðanir um fjármál ríkisins án samþykkis frá höfuðstöðvum Evrópusambandsins annars vegar og hins vegar Alþjóðgjaldeyrissjóðnum. Þetta eru skilyrðin sem ríkisstjórnin í Riga þarf að skrifa upp á til að njóta aðstoðar Evrópusambandsins. Í reynd er lettneska ríkisstjórnin að viðurkenna að ríkið er ekki lengur fullvalda, segir Sænska dagblaðið.

EU:s fortsatta finanshjälp till Lettland villkoras med att inga större ekonomiska beslut får fattas utan att EU och IMF (Internationella valutafonden) tillfrågas först - i praktiken ett omyndigförklarande av regeringen i Riga. 

Íslenskir aðildarsinnar spyrja jafnan með þjósti hvort smáríki Evrópusambandsins séu ekki fullvalda. Svarið er komið.

Hér er umfjöllunin í Sænska dagblaðinu.

Afturkræf svik og óafturkræf handvömm

Svik Vg í ESB-málinu eru afturkræf, við munum kjósa nýtt þing áður en samningar við ESB eru undirskrifaðir og köllum sendinefndina heim. Icesave-samningurinn er því sem næst óafturkræfur slysist Alþingi til að samþykkja hann. Lögfræðileg rök, efnahagsleg og siðferðileg rök standa öll til þess að Alþingi eigi að hafna samningnum og fulltrúar þjóðarinnar verða að gera skyldu sína í þessu máli. Aukaatriði er hvort ríkisstjórnin standi af sér niðurstöðuna.

Alþingi má undir engum kringumstæðum samþykkja Icesave. Þótt það kosti málþóf fram að jólum.

„Erfitt en verður að leysast"