Egill, Illugi og Gamli sáttmáli

Félagarnir Egill Helgason og Illugi Jökulsson eiga sameiginlegt að hafa verið fíflaðir af Jóni Ásgeiri Jóhannessyni Baugssyni. Egill var í þjónustu Jóns Ásgeirs þegar fjölmiðlafrumvarpið var til afgreiðslu og hélt uppi vörnum fyrir Baugsveldið. Illugi var á mála hjá útgáfudeild Baugs og starfaði m.a. á DV.

Þeir sem tóku útrásarsmit eru næmir fyrir ESB-bólunni og Egill og Illugi leggja sitt af mörkum til að véla okkur inn í Brusselsamsteypuna enda líkar þeim stórveldi. Til að greiða okkur leið þangað austur falsa þeir söguna. Illugi skrifaði um Gamla sáttmála í vor og Egill endurbirtir.

Gamli sáttmáli var löngum nefndur Gissurarsáttmáli í höfuð Gissurar Þorvaldssonar sem sá um að taka eiða af Íslendingum fyrir Noregskonungafeðga, Hákon og Magnús.

Sögufölsun Egils og Illuga er að gera því skóna að sáttmálinn hafi engu breytt fyrir Íslendinga. Þá fyrst hafi orðið breytingar til hins verra þegar Kalmarssambandið leið undir lok á sextándu öld og Ísland varð að danskri hjálendu.

Með svardögum um trúnað við útlendan konung á 13. öld gáfu Íslendingar frá sér forræði eigin mála. Það forræði fékkst ekki aftur fyrr en sjö öldum síðar. Það hittist svo á að fljótlega eftir að Ísland gekk Noregskonungi á hönd hófst hnignunarskeið Noregs og við þær kringumstæður verður konungsvaldið veikara eftir því sem fjær dregur valdamiðjunni. 

Fyrirmenni á Íslandi voru leppar útlendra konunga og þegar konungsvaldinu óx ásmegin var leiðin greið að skipta út íslenskum fyrirsvarsmönnum og setja útlendinga í staðinn. Það hefði ekki verið hægt á sextándu öld ef við afsöluðum okkur ekki landsréttindum á þrettándu öld.

Íslendingar á 13. öld settu þann fyrirvara í Gissurarsáttmála að þeir vildu íslensk lög hafa. Er það í samræmi við venju í okkar heimshluta, þjóðir vilja sín eigin lög. Evrópusambandið verður til vegna þess að þjóðríkin á meginlandinu gátu ekki haldið friðinn með eigin lögum og komu sér saman um yfirþjóðleg lög og samband. Við Íslendingar eigum engan hlut að máli Evrópuþjóðanna og eigum ekki að slást í för með þeim.

Egill og Illugi áttu sinn hlut í helvítis fokking fokkinu; þeir voru teknir í afturendann af auðmanni. Félagarnir bíta höfuðið af skömminni með því að láta niðja sína gjalda glapræðisins.

Athugasemdir

[Egill Helgason (IP-tala skráð) 24.7.2009 kl. 14:36]

Páll ég minni þig enn einu sinni á þegar þú kallaðir mig Júdas, vændiskonu og leigupenna í einni og sömu greininni. Þetta var vegna þess að ég hafði gagnrýnt R listann.

Og baðst mig svo afsökunar, það máttirðu eiga. Að stilla mér upp sem einhvers konar útsendara Jóns Ásgeirs og Baugs er alveg út í hött.

Þú hlýtur að geta rætt málin án þess að vera með svona blammeringar.

Hvað varðar Gamla sáttmála, þá er ýmislegt flókið í því máli, og sáttmálinn kannski ekki sérlega gott tákn um sjálfstæði eða þjóðfrelsi. Þetta var einfaldlega það sem ég benti á í þessari grein.

[Finnur Bárðarson, 24.7.2009 kl. 14:43]

"Fíflaðir af f Jóni Ásgeiri Jóhannessyni Baugssyni og þeir voru teknir í afturendann af auðmanni Æ, æ ekki byrjar þetta vel.

[Jaob Andersen (IP-tala skráð) 24.7.2009 kl. 14:44]

Það eina sem hægt er að lesa úr þessum písli er persónlegt hatur höfundans gagnvart Agli (og kannski Illuga). Hér er ekki einu sinni reynt að koma með mótrök. Hér er sagt að Íslendigar gáfu frá sér forræði eigin mála en höfundan viðurkennir samt að íslensk lög voru í gildi. So...?

[Páll Vilhjálmsson, 24.7.2009 kl. 16:13]

Blammeringar eru partur af umræðunni, Egill. Þú kallaðir mig einangrunarsinna fyrir nokkrum vikum og ég tók því eins og maður. Á sínum tíma fór ég yfir strikið gagnvart þér og baðst afsökunar. Núna rifjar þú upp það atvik, meira en áratuga gamalt, í annað sinn á fáum vikum. Ég veit það er kært á milli okkar Egill, en fyrr má rota en dauðrota.

Athugasemdin frá Jobi er út í hött, ég viðurkenni ekki að íslensk lög hafi verið í gildi heldur ræði ég áskilnað Íslendinga í sáttmálanum. Áratug eftir Gissuarsáttmála voru okkur send lög frá Noregi.

[Finnur Bárðarson, 24.7.2009 kl. 16:17]

Blammeringar og fúkyrði eru einfaldlega ókurteisi Páll.

[Auðun Gíslason, 24.7.2009 kl. 17:32]

Enn er bleika svínslaga æxlið að hrelli þig, Páll!  Hvernig vværi nú að leita sér aðstoðar?

[Auðun Gíslason, 24.7.2009 kl. 17:33]

Ja, og tak for sidst!

[Goggi (IP-tala skráð) 24.7.2009 kl. 18:11]

Nei nei nei nei!!  Haettid nú thessu einelti.  Thid verdid ad gefa Palla smávegis kred....hann er jú BLADAMADUR!!!

Goggi

[Brynjar Jóhannsson, 24.7.2009 kl. 18:14]

Þú manst þá ekki eftir viðtalinu Hjá Agli helga ... þar sem Jón ásgeir var nánast rassskellltur...?

Þú  heldur skaddaðari ímynd blaðamanna sem flaggi á lofti páll sem mæta vonlaus bullupenni. Ég hef lesið bloggið þitt öðru hvoru og jú jú ... þú kannt svo sem íslensku en megin partur skrifa þinna er staðhæfulaust þvaður og samsæriskenningar sem lítill fótur er fyrir eins og t.d í þessu tilfelli. 

Hvað með að þú hættir þessu orða-runki þínu og farir að skrifa eins og maður ? Þá er ég að tala um eitthvað innihaldsríkara en einhverjar staðhæfulausar vísur.  Ég veit að það er mikið til ætlast af gömlum og rotnum íhaldshundi eins og þér en það sakar nú ekki að spyrja.

[Illugi Jökulsson (IP-tala skráð) 24.7.2009 kl. 19:25]

Minn góði Páll.

Ekki skal ég efast um að ég er ekki nærri eins gáfaður, göfugur og vammlaus maður og þú - og áreiðanlega er ég mun lélegri Íslendingur. Og hlýt ég að lúta höfði í skömm þegar svo góður maður og grandvar sem þú sjálfur veitir mér verðskuldaða ádrepu.

En viltu samt ekki hlífa mér við frekar barnalegum dónaskap um afturenda og þess háttar?

Illugi Jökulsson

[Páll Vilhjálmsson, 24.7.2009 kl. 22:53]

Strákar, við erum í upptakti að óvægnari deilum en hafa tíðkast á Íslandi frá verstu ósvinnu kalda stríðsins. Venjist því.

[Frank (IP-tala skráð) 25.7.2009 kl. 01:08]

Voðalega eru menn hörundsárir.

Ég man ekki betur en að Páll hafi einn örfárra setið undir massívu skítkasti  þegar hann benti ítrekað á að grísakeisarinn var klæðalaus með öllu. Sem og að samfylkingin var fyrsta flokks ruglukollaklúbbur. Egill kom svo upp vinstri kantinn eftir hrun og hefur staðið sig ágætlega. Hvar er Jón Ásgeir í dag? Hann hefur alveg horfið úr umræðunni sem hann reyndar stjórnar enn af miklu leyti.

Kannski að Páll hafi eitthvað til síns máls varðandi ESB. Allt hefur sína kosti og galla, líka ESB. Verst að mér sem Íslendingi gengur frekar illa að átta mig á þessu máli því umræðan er sjaldnast á vitrænu plani.

Kemur mér mest á óvart að menn eins og Auðun Gíslason leyfi sér enn að gera lítið úr hinu bleika svínslaga æxli sem hrjáir fjölmarga Íslendinga. Því miður heldur fjöldi Íslendinga áfram að næra æxlið því þeir "hafa ekki efni á að versla annars staðar".

[Bjarni Hákonarson (IP-tala skráð) 25.7.2009 kl. 10:45]

Skelfilega er aumt að heyra menn bera saman Gamlasáttmála annarsvegar og umsókn okkar um ESB hinsvegar.  Það er álíka traust heimild og að bera fyrir sig biblíuna í slíkum samanburði. Sérstaklega þegar að ekki er túlkað það félagslega umhverfi sem slíkur sáttmáli á að hafa verið orðið til í.  Hafa skyldi í huga, að minnsta kosti að slíkur sáttmáli var færður í letur einni og hálfri öld eftir að hann á að hafa verið samþykktur og virðist einna helst að enginn hafi vitað um hann á þeim tíma þ.e. frá 1262 fram á fimmtándu öld.

En segjum sem svo að hann hafi verið til og samþykktur á þeim tíma sem um ræðir. Höfum  þá líka í huga fyrri tilraunir Noregskonunga til að komast til áhrifa á Íslandi, svo sem sáttmála Ólafs helga (digra) sem reyndi að múta íslenskum höfðingjum og tókst vel.  Það er víst að almúgi íslendinga hefur aldrei gefist erlendum konungum á vald. Það voru auðvitað svokallaðir höfðingjar og ættir þeirra sem aldrei í sögu landsins hafa hikað við að selja landið í eigin þágu og ríkt hafa hér í nærri 1000 ár. Og enn eru það ættir og erfðaprinsar, kolkrabbar og smokkfiskar sem deila um völd og er það fjærri mér að ætla að þeir hafi hag þjóðarinnar að leiðarljósi.

Og hvaða afl hefur síðan fært íslenskum almúga stærstu réttarbætur í ritaðri sögu landsins? Jú EES aðild okkar þvingaði valdhafa hér til að afnema gróf mannréttindabrot sem sett voru með Jónsbók (og kannski fullnægði réttarvitund okkar þá) og ekki afnumin fyrr en 1992, löngu eftir svokallað sjálfstæði okkar.  Það að rannsakandi dæmdi einnig í máli hlaut að vera í hag valdaklíkana. Þannig má álykta að með inngöngu í ESB byðist þjóðinni loksins vernd gegn þessu gerspillta klíkusamfélagi.