Tjáningarfrelsið víkkað

Til skamms tíma mátti í íslenskum rétti viðhafa hvaða ummæli sem er um mann og annan, nema það mátti ekki saka neinn um lögbrot.

Mannréttindadómstóll Evrópu víkkar tjáningarfrelsið að þessu leyti og telur leyfilegt að bera á borð ásakanir um alvarleg lögbrot nafngreindra einstaklinga.

,,Opinberir einstaklingar" eru þeir kallaðir sem eru í valdastöðu og eiga að þola ágengari, að ekki sé sagt ósvífnari, umfjöllun en almenningur.

Hæstiréttur braut gegn tjáningafrelsinu

Foringjalýðræði - Rutte tók Trump á Wilders

Sitjandi forsætisráðherra Hollands efndi til átaka við múslímaforingjann í Tyrklandi, Erdogan forseta, síðustu vikuna fyrir kosningarnar og sópaði til sín fylgi.

Rutte sýndi sig meiri foringja hollensku þjóðarinnar en Geert Wilders leiðtogi Frelsisflokksins og fékk sína umbun. Foringjalýðræði er vaxandi fyrirbrigði í stjórnmálum. Það er eftirspurn eftir átökum, ekki hugmyndum.

En auðvitað tapaði popúlisminn...

„Popúlismanum hafnað“

ASÍ er ekki með umboð í pólitík

ASÍ reyndi fyrir sér í pólitík með Evrópustefnu Samfylkingar. Sú pólitík var illa ígrunduð og skaðaði ASÍ.

ASÍ er með umboð til að bæta lífskjör félagsmanna, og þá um leið almennings. Víð túlkun á þessu hlutverki leiðir í ógöngur, sbr. Evrópustefnuna. Þrengri túlkun, t.d. að auka  kaupmátt og viðhalda stöðugleika, er til muna farsælli stefna.

Eins og sást í nýafstöðnumm kosningum til formanns VR eru fáir sem nenna að greiða atkvæði. Ef verkalýðshreyfingin lærir eitthvað af nýfenginni reynslu þá ætti hún að hyggja að sínu en láta aðra um pólitíkina.

Sest ekki í miðstjórn ASÍ með Gylfa

Baldur og mótsögn frjálslyndra

Ákall um heildarlöggjöf gegn mismunun má finna hjá Baldri Kristjánssyni sóknarpresti. Í ákallinu felst mótsögn frjálslyndra sem afhjúpar veruleikafirringu þeirra.

Frjálslyndir vilja ekki mismuna fólki eftir trúarbrögðum. Þeir vilja heldur ekki kynjamismunun.

Múslímatrú, á hinn bóginn, mismunar fólki kerfisbundið. Í fyrsta lagi hafna múslímar trúfrelsi - það er aðeins ein sönn trú í þeirra bókum. Aðrir eru óverðugir. Í öðru lagi mismunar íslam konum - þær eru annars flokks borgarar.

Hvorki Baldur né aðrir frjálslyndir geta smíðað löggjöf er í senn virðir einstaklingsfrelsi og jafnframt trúfrelsi. Einfaldlega vegna þess að trúfrelsið nota múslímar til að kúga konur og meina fólki að skipta um trú. Nema, auðvitað, múslímar taka við þeim sem vilja játa íslam.

Íslam og vestræn mannréttindi er ekki hægt að samræma. Það er mótsögnin sem frjálslyndir neita að viðurkenna.

Hvar eru konurnar?

Heimska ESB: Skotland er spænskt innanríkismál

Á Evrópuþinginu er talað um heimskuna sem felst í að ESB fjármagni stjórnmálaöfl sem vilja sambandið feigt. Möguleg aðild Skotlands að ESB er spænskt innanríkismál. Sem hljómar heimskulega en er þó satt.

Ef Skotland fær vilyrði fyrir inngöngu í ESB eftir að kljúfa sig frá Bretlandi yrði það fordæmi fyrir Katalóníu að segja skilið við Spán og  fara skosku leiðina úr sambandsríki inn í Evrópusambandið.

Af þessu leiðir er staða Skotlands gagnvart Bretlandi annars vegar og hins vegar ESB orðið að spænsku innanríkismáli. Spánverjar myndu beita neitunarvaldi gegn Skotlandi.

Evrópusambandið er þannig úr garði gert að heimskuleg vandræði hljótast af. Eins og dæmin sanna.

Skotland færi aftast í röðina

Krónan fær uppreisn æru

Krónunni var kennt um hrunið að ósekju. Ísland var rekið eins og vogunarsjóður eftir að auðmenn og meðhlauparar þeirra náðu völdum með Baugsstjórninni. Krónan átti engan hlut að máli.

Nefnd til endurskoðunar peningastefnu fær eftirfarandi umboð:

For­senda vinn­un­ar, eins og fram kem­ur í skjali for­sæt­is­ráðuneyt­is­ins, er að krón­an sé framtíðar­gjald­miðill lands­ins. Útgáfa gjald­miðils er hluti af full­veldi þjóðar­inn­ar...

Gott að heyra.

Krónan lögð til grundvallar

Trú, kúgun og mismunun

Múslímakonur sem ganga með höfuðklút játast opinberlega trú sem mismunar konum. Múslímaríki viðurkenna ekki jafnrétti kynjanna og neita að fallast á mannréttindasáttmála Sameinuðu þjóðanna.

Mannréttindaskrá múslímaríkja er Kaíró-yfirlýsingin sem jaðarsetur konur. Í íslam er trúarleg hefð fyrir að kúga konur til hlýðni, með barsmíðum ef ekki vill betur.

Viðurkenning dómstóla að banna megi trúartákn sem fela í sér ofbeldi gagnvart konum kemur vonum seinna.

Mega banna trúartákn

Síðasta vígi ESB-sinna fallið

Samtök iðnaðarins voru um árabil miðstöð ESB-sinna. Samtökin réðu til sín áróðursfólk fyrir aðild og kært var á milli samtakanna og Samfylkingar. Núna er traustur meirihluti fyrirtækja innan SI mótfallinn aðild Íslands að Evrópusambandinu.

Heilu Iðnþingin voru notuð til að útmála kosti ESB-aðildar og draga upp dökka mynd af fullvalda Íslandi með eigin gjaldmiðil.

Ef einhver veigur væri í Samtökum iðnaðarins myndu þau gera grein fyrir hvers vegna þau lögðu sig eftir mýrarljósinu í austri og förguðu um leið dómgreindinni og heilbrigðri skynsemi.

Iðnaðurinn andvígur aðild

Sviðsmyndir stjórnmálanna - tilbúinn veruleiki

Sviðsmyndir er hugtak sem sett var saman á Nýsköpunarmiðstöð Íslands og varð tamt stjórnmálamönnum eftir hrun. Sviðsmyndir lýsa mögulegri þróun eða breytingum sem gætu orðið við ákvarðanir fyrirtækja eða stjórnvalda um mikilsverð mál.

Eftir hrun var eftirspurn eftir ólíkum sviðsmyndum að gefnum stórum ákvörðunum sem stjórnvöld stóðu frammi fyrir. Nú er hrunið að baki og afnámi hafta lokið. Þegar talað er um mögulegar afleiðingar af stefnu stjórnvalda er óþarfi að nota hrunhugtök.

Orðið sviðsmynd er lúmskt orð sem stjórnmálamenn ættu að forðast. Sviðsmynd er leikhúsorð um tilbúinn veruleika,til að blekkja áhorfendur. Maður kaupir sér miða í leikhús til að njóta blekkingar, sem afhjúpa einhver sannindi þegar vel tekst til. 

En stjórnmál eiga ekki að blekkja heldur upplýsa og gera grein fyrir valkostum. Vitanlega er blekking snar þáttur stjórnmálaumræðunnar og hefur alltaf verið. En óþarfi er að gera henni hátt undir höfði og tala um ,,sviðsmyndir" þegar ræddar eru mögulegar afleiðingar ákvarðana stjórnvalda. 

 

 

 

Er fánadagur?

Afnám hafta - og Samfylkingar

Ósigur stjórnmálaflokks verður ekki meiri en þegar veruleikinn afhjúpar helsta málefni flokksins sem kverúlantaraus. Samkvæmt Samfylkingunni frá 2008 og áfram var lýðveldið ónýtt og krónan sérstaklega ónýt.

Samfylkingin vildi Ísland í Evrópusambandið, sem berst nú við tilvistarvanda, og evru í stað krónu - sem átti að bjarga efnahagskerfinu.

Reynslan sýnir að fullveldi og króna voru bjargræði okkar úr kreppunni sem fylgdi í kjölfar hrunsins.

Gjaldeyrisforðinn 800 milljarðar