Danir blanda sér í deilu Tyrklands og Hollands

Danski forsætisráðherrann Lars Løkke Rasmussen dregur tilbaka heimboð tyrkneska starfsbróður síns, Binali Yildirim, sem ætlaði að heimsækja Danmörku næstu helgi.

Lars Lökke telur að tyrknesk ráðherraheimsókn yrði túlkuð sem stuðningur Dana við Tyrki í deilu þeirra við önnur Evrópuríki. Tyrkneskir ráðamenn hafa á síðustu vikum gert tíðreist til Evrópulanda að sannfæri Tyrki, sem búsettir eru þar, að veita Erdogan forseta stuðning vegna þjóðaratkvæðagreiðslu um aukin völd forsetans.

Hollendingar og einstök sambandsríki í Þýskalandi biðjast undan heimsóknum fulltrúa Erdogans, sem óðum er að breytast í einræðisherra. Að hætti slíkra hótar Erdogan öllu illu og kallar Hollendinga fasista og Þjóðverja nasista.

Hótar Hollendingum hefndum

Afnám hafta gegn háu gengi

Tilkynning um afnám gjaldeyrishafta kemur í kjölfar krafna frá atvinnugreinum í útflutningi, t.d. útgerð og ferðaþjónustu, um að gripið verði til ráðstafana að lækka gengi krónunnar.

Afnám hafta mun auka útflæði fjármagns og lækka gengi krónunnar. Ef útflæðið verður mikið er hætta á snarpri lækkkun og verðbólguskoti.

Vextir hafa áhrif á gengi krónunnar og gætu eftir atvikum lækkað, til herða á gengislækkun, eða hækkað til að stemma stigu við of mikilli gengislækkun.

Ræða afnám hafta

Faðir netsins: persónunjósnir, pólitík og falsfréttir

Tim Berners-Lee er höfundur veraldarvefsins, daglega kallað netið. Hann birtir aðvörun um misnotkun þess. Þrjú atriði eru alvarlegust.

Persónunjósnir eru í fyrsta sæti. Efnisveitur á netinu fá samþykki notenda til að safna upplýsinum um þá gegn ókeypis aðgangi að efni. Notendur hafa enga möguleika að fylgjast með hvernig persónulegu upplýsingarnar eru nýttar.

Í öðru lagi eru falsfréttir og útbreiðsla þeirra áhyggjuefni. Vegna innbyggðra margföldunarmöguleika netsins (leitarvéla/algóritma) fara falsfréttir eins og eldur í sinu um alla heimsbyggðina án þess að nokkur fái rönd við reist.

Í þriðja tröllríður misnotkun pólitískra afla netinu. Sérhönnuð pólitísk skilaboð, byggð á persónuupplýsingum notenda, veita möguleika á pólitískum áróðurshernaði á bakvið tjöldin. Almenningur er berskjaldaður vegna þess að umræðan fer ekki fram á opinberum vettvangi, heldur með sérhönnuðum skilaboðum til einstakra notenda.

Engin einföld lausn er vandanum. ,,Sannleiksmiðstöðvar" á netinu eru ekki fær leið og opinbert eftirlit tæplega. Siðareglur eru varla mögulegar nema með miðstýrðu ritskoðunarvaldi til að fylgja þeim eftir.

Við erum sem sagt í nokkrum vanda með netið.

Guð er karl í kristni og íslam

Karlinn er nær guði, bæði í kristni og múslímatrú. Eva var gerð úr rifbeini Adams, samkvæmt sköpunarsögunni. Spámaðurinn sagði kynbræðrum sínum að berja eiginkonur sem vefengdu vald þeirra.

Jafnrétti kvenna á vesturlöndum óx með hnignun kristni. Í veraldlegu samfélagi næst jafnrétti með orðræðu út frá sanngirni og réttlæti án trúarlegra tilvísana.

Múslímar eiga eftir að brjóta af sér viðjar trúarlegra miðaldahugmynda. Þangað til kúga þeir konur.

Slæðunni svipt af fordómum

Erdogan: Holland er fasistaríki

Hollendingar bönnuðu utanríkisráðherra Tyrklands að halda fjöldafund í landinu. Erdogan forseti kallar Holland fasistaríki og hótar lendingarbanni á hollenskar flugvélar.

Útsendarar stjórnar Erdogan eru í herferð í Evrópu að sækja atkvæði tyrkneskra farandverkamanna í þágu stjórnkerfisbreytinga í Tyrklandi. Þýsk fylki bönnuðu tyrkneskum ráðherrum að halda fjöldafundi og fengu sama stimpilinn frá tyrkneska forsetanum: fasistar.

Tyrkland var helsta vonin um veraldlegt múslímaríki er byggði á lýðræði. Einræðistilburðir Erdogan síðustu misseri og vaxandi spenna milli Evrópuríkja og Tyrklands er birtingarmynd stríðandi siðmenninga á flekaskilum múslímaríkja og vesturlanda.

Sovétríkin urðu 69 ára - ESB er sextugt; endalokin

Sovétríkin reyndu að breyta heiminum frá stofnun 1922 til 1991 þegar þau voru aflögð. Evrópusambandið er 60 ára í þessum mánuði, stofnað í Róm 1957 til að breyta heiminum.

Undirbúningurinn fyrir afmælið er ,,fíaskó" segir Die Welt. BBC fjallar um fjárkúgun Frakka gegn Pólverjum, sem vildu ekki endurkjör hins pólska Donald Tusk í stól forseta leiðtogaráðsins.

Evrópusambandið veit ekki hvort það sé að koma eða fara. Forseti framkvæmdastjórnarinnar í Brussel býður upp á fimm ólíkar útgáfur af ESB framtíðarinnar. Ein útgáfan er Kjarna-Evrópa, sem felur í sér uppgjöf á útþenslustefnu síðustu áratuga. Útilokað í öllum útgáfum er að þróunin verði á forendum lýðræðis.

Eftir að Sovétríkin gáfust upp á að breyta heiminum var skammt í endalokin. Evrópusambandið er á sömu vegferð. ESB getur ekki breytt heiminum, Brussel er í naflaskoðun og horfir á harðar staðreyndir. Viðskiptamódelið fyrir Evrópusambandið er ónýtt. Aðildarríki ESB eru ekki tilbúin að fórna lýðræðinu fyrir óvissuferð undir forystu embættismanna í Brussel.

Evrópusambandið verður sextugt, afmælið er eftir 14 daga. En fyrir sjötugsafmælið verður annað mál á dagskrá - jarðaför ESB. Spurningin er hvort hún verði með hávaða og látum eða hátíðleg og friðsöm.

Tusk endurkjörinn

Hugmyndir er ekki hægt að drepa

Ein hjákátlegasta tillagan í baráttunni gegn Ríki íslam er að ,,fella hugmyndina að baki." Hugmyndir, bundnar saman í trúarbrögð eða hugmyndafræði, verða ekki ,,felldar" að drepnar.

Hugmyndir renna sitt skeið. Miðaldakristni átti sinn tíma og kommúnismi einnig. Þessi hugmyndakerfi hrundu þegar samfélögin sem báru þau uppi kiknuðu. 

Trúarmenning múslíma er um það bil á sama stað og kristni á árnýöld. Samfélög múslíma eru í upplausn vegna þess að hugmyndakerfið sem heldur þeim saman er að þrotum komið.

Verkefni vesturlanda er að koma í veg fyrir að upplausnarástandið í menningarheimi múslíma breiðist út.

„Hvers vegna hefur ekkert verið gert?“

Litla gula hænan-hagkerfið

Það þarf milljarða í samgöngur og aðra milljarða í heilbrigðiskerfið. Til að byggð og atvinnuvegir fái þrifist þarf uppbygginu á innviðum.

Eins og í dæmisögunni um litlu gulu hænuna vilja allir bíta í brauðið en enginn leggja neitt á sig að búa það til.

Í ævintýrinu sagði litla gula hænan öllum hinum til syndanna; þeir njóta ekki sem ekkert leggja á sig. Ríkisvaldið verður að taka að sér hlutverk söguhetjunnar og innheimta skatta til að standa undir uppbyggingu innviða.

Fleiri valkosti í fjármögnun

Samfélagsmiðlar, alvarleg umræða og léttúð

Orðum fylgja ábyrgð, mismikil eftir efnum og ástæðum. Það er ábyrgðarlaust þegar vinahópur lætur gamminn geisa og fordómana fljúga um menn og málefni. Ef ummælin eru gerð opinber eykst ábyrgðin.

Samfélagsmiðlar geta í senn verið lokaður hópur, þar sem einungis vinir og kunningjar talast við, en einnig opinber vettvangur sem alþjóð fylgist með. 

Óljós mörk einkamála og opinberra á samfélagsmiðlum skapar óvissu um hvaða umræða er léttúð og hvenær alvara - og þar af leiðandi ábyrgð - er á ferðinni. Á seinni árum ber á þeirri þróun að orðfæri í lokuðum hópi hafi sömu merkingum umræða á opinberum vettvangi.

Orðaskipti á alþingi um merkingu hugtaka, ,,siðleysis" og ,,stjórnleysis", er merki um að þingmenn vilji að orð á opinberum vettvangi beri ábyrgð. Og að þingmenn og ráðherrar eigi að vanda orðfærið. Við viljum ekki að stjórnmálaumræðan verði eins og í athugasemdakerfum raffjölmiðla.

 

 

Óbreytt ummæli ráðherra grafalvarleg

Skosk mótsögn: sjálfstæði frá London til ófrelsis í Brussel

Heimastjórnin í Skotlandi vill sjálfstæði frá London með þeim rökum að frelsi Skota sé betur varðveitt með aðild að Evrópusambandinu.

Þegar Skotar átta sig á mótsögninni verða hugmyndir um þjóðaratkvæðagreiðsluna 2018 lagðar á hilluna.

Úr mótsögn verður ekki búin til sigursæl pólitík.

 

Skotar reyni sjálfstæði árið 2018