Egill vill ESB-sinna í ráðherrastól

Egill Helgason, sem tilheyrir 800-manna þjóðinni, og er eindreginn talsmaður aðildar Íslands að Evrópusambandinu vill Ragnheiði Ríkharðsdóttur í ráðherrastól í stað Hönnu Birnu.

Ragnheiður er ESB-sinni, annar af tveim í þingflokki Sjálfstæðisflokksins.

Ef Ragnheiður verður ráðherra jafngildir það yfirlýsingu Sjálfstæðisflokksins að ESB-sinnar stjórni ferðinni í þingflokki og forystu. Slík yfirlýsing er ekki heppileg, svo vægt sé til orða tekið.

Athugasemdir

[Helga Kristjánsdóttir, 22.11.2014 kl. 22:34]

 Kemur heim og saman við það sem ég ætlaði að gerðist í gær. Hendum umsókninni. 

[Ívar Pálsson, 23.11.2014 kl. 00:08]

Rétt, Páll, það er hrikaleg útkoma ef eini yfirlýsti gallharði ESB- sinninn í þingmannahópi Sjálfstæðisflokksins, Ragnheiður Ríkharðsdóttir, verður innanríkisráðherra aðallega af þeirri ástæðu að svo vill til að hún er kona.

Þá getum við kvatt voninu um að ESB- umsóknin verði dregin til baka, fyrir utan það að ráðuneytið fer á fullt í að klára innleiðingu haugs af tilgangslausum ESB- reglugerðum. Hitt aðalatriðið sem þarf að gerast, Ísland út úr Schengen- samstarfinu, mun þá ekki eiga sér stað.

[Rafn Guðmundsson, 23.11.2014 kl. 00:36]

þetta er nú greinilega STÓR 800 manna hópur.  allavega er ég hreykinn að vera talin með þeim.  

[Jón Valur Jensson, 23.11.2014 kl. 04:27]

Sigríður Ásthildur Andersen, lögfræðingur og dugandiskona, sem gegna mun þingmennsku fyrir Hönnu Birnu, meðan hún er að jafna sig, getur vel tekið á sig innanríkisráðuneytið þann tíma. Síðan gæti Unnur Brá Konráðsdóttir tekið að sér starfið.

En "megi" karlmaður fá ráðherrastólinn, er Birgir Ármannsson tilvalinn. Þar mælir t.d. með honum, að hann greiddi atkvæði gegn Buchheit-samningnum hans Svavars, Steingríms, Össurar, Jóhönnu og Bjarna Ben. (samningi sem nú væri búinn að kosta okkur 75 milljarða króna í beinhörðum gjaldeyri og það bara í vexti og meira af svo ísköldu yfirvofandi*), en þar að auki er Birgir Ármannsson lögfræðingur og forstandsmaður og hefur stýrt utanríkismálanefnd m.m. og er sannur fullveldissinni eins og konurnar tvær, sem ég stakk upp á. Ragnheiður Ríkharðsdóttir er hins vegar óhæf vegna ótrúnaðar við lýðveldið, bæði í Icesave- og Evrópusambands-málunum.

* Sjá hér: http://samstadathjodar.123.is/page/32915

[Jónatan Karlsson, 23.11.2014 kl. 10:01]

Endrum og sinnum er ég sammála Jóni Val Jenssyni og á það nú við um ágæta uppástungu hans um að skipa Birgi Ármannsson í þetta krefjandi embætti.

Er það ekki einmitt jafnrétti í sinni tærustu mynd að skipa hæfasta einstaklinginn hverju sinni - án tillits til kynferðis?

[Ívar Pálsson, 23.11.2014 kl. 16:23]

Tek heilshugar undir með ykkur í þessu, Jón Valur og Jónatan. Birgir væri vel að þessu embætti kominn.