Sjálftekt ofurlaunafólks í skjóli lamaðrar ríkisstjórnar

Bankamenn í skilanefndum og forstjórar fjármálafyrirtækja í ríkiseigu skammta sjálfum sér laun og skeyta hvorki um heiður né skömm. Ríkisstjórnin er hvorki með aðhald gagnvart sjálftektarliðinu né stefnu í launamálum og reynir að fela sig á bakvið ábyrgðarleysi.

Ríkisstjórn vinstriflokka sem ekki ræður við sjálftekt forstjóra fyrirtækja í opinberri eigu er ónýt til allra hluta nema að skemmta skrattanum. Á meðan ráðherrar ráfa um með gæluverkefni sín eins og umsóknina um aðild að Evrópusambandinu, stjórnlagaráð og álíka hégiljur telur græðgisliðið sér óhætt.

Jóhanna Sig. og Steingrímur J. seldu almenningi sig sem oddvita fyrstu hreinu vinstristjórnar lýðveldisins. Á miðju kjörtímabili er vinstristjórnin svo lömuð til verka að starfsmenn hjá fyrirtækjum í opinberri eigu skammta sjálfum sér ofurlaun.

Stjórnarlaun í Valitor hækkuð

Athugasemdir

[Hákon Jóhannesson (IP-tala skráð) 16.3.2011 kl. 09:39]

"Jóhanna Sig. og Steingrímur J. seldu almenningi sig sem oddvita fyrstu hreinu vinstristjórnar lýðveldisins". 

Sérlega vel að orði komist !

[Guðmundur Jónsson, 16.3.2011 kl. 10:50]

"" Á miðju kjörtímabili er vinstristjórnin svo lömuð til verka að starfsmenn hjá fyrirtækjum í opinberri eigu skammta sjálfum sér ofurlaun."

Og á sama tíma eru þau að lækka sín eigin laun og hækka skatta á fólk sem ekki á fyrir mat. 

eiginlega er ekki hægt að komast neðar í aumingjaskapnum. 

Þetta minnir á ástand sem stundum skapast þegar  nýráðnir einstaklingar valda ekki erfiðu yfirmannsstarfi.  þá taka undirmenn völdin og framkvæma á ábyrð þess nýráðna.  

Nú sitja Þú sköthjú uppi þáðþrota með þessi skilanefndagengi.

Svon er að búa í stjórnlausu landi. 

[Guðmundur Jónsson, 16.3.2011 kl. 10:53]

 Næstsíðasta linan átti  að vera svona.

"Nú sitja Þau skötuhjú uppi, ráðþrota með þessi skilanefndagengi."