Svikamylla 365 og Haga

Arion banki á Haga en leyfir Jóni Ásgeir Jóhannessyni og föður hans að reka matvörukeðjuna. Jón Ásgeir sölsaði undir sig 365 miðlum, Fréttablaðinu og Stöð 2, með kafbátaviðskiptum rétt eftir hrun. Feðgarnir láta Haga kaupa auglýsingar hjá Fréttablaðinu til að fríblaðsútgáfan gangi upp.

Þetta er sami leikur og feðgarnir léku þegar þeir keyptu undir fölsku nafni Fréttablaðið árið 2002. Þá var Baugur almenningshlutafélag sem þeir feðgar stýrðu. Auglýsingafé frá Baugi stóð undir útbreiðslu Fréttablaðsins.

Arion banki lætur sér vel líka að vera hafður af fífli og er með tvær stórar auglýsingar í Fréttablaðinu í dag.

 

Athugasemdir

[Ben.Ax. (Benedikt Jóhannes Axelsson), 30.1.2010 kl. 16:20]

Sæll.  Takk fyrir skrifin en ég hefði sagt:  Jón Ásgeir sölsaði undir sig 365 miðla (um), Fréttablaðið (nu) og Stöð 2.

[(netauga), 30.1.2010 kl. 17:14]

Hvernig á nokkur maður að skilja þetta ?

[Sigurður Sigurðsson, 30.1.2010 kl. 17:58]

Satt segirðu, enda verður það mitt fyrsta verk að fara með öll mín viðskipti frá Arion banka þegar og ef af þessu verður.

Ég vona bara að sem flestir viðskiptavinir bankans geri slíkt hið sama.  Þetta skal aldrei verða liðið.

Nú þegar hafa þeir rétt Ólafi Ólafssyni Samskip að nýju, maður sem ég tel að eigi hvergi annarsstaðar heima en á bak við lás og slá !!!

[Björn Birgisson, 30.1.2010 kl. 18:25]

Nógu er nú allt þetta sjúkt. Ekki þarf að bæta þágufallssýkinni við!

[Páll Vilhjálmsson, 30.1.2010 kl. 18:38]

Ég þakka leiðréttinguna, Ben.Ax. - læt villuna samt standa til áminningar.

[Sigurbjörg Jónsdóttir (IP-tala skráð) 31.1.2010 kl. 00:17]

Sammála Sigurði ég ætla mér að færa öll mín viðskipti sem firrst, tek engan séns þessi banki á eftir að fara áhausin ef hann er það ekki þegar.