Ríkissaksóknari bruðlar með almannafé

Hentistefna sitjandi ríkissaksóknara, t.d. að lögsækja vegna mistaka hjúkrunarfólks, og pólitískir leiðangrar eins og í lekamálinu sýna ótvírætt að ríkissaksóknari kann ekki að fara með opinbert fé.

Það síðasta sem við eigum að gera er að verðlauna embættismenn sem ekki kunna sér hóf.

Frekar en að auka fé til embættis ríkissaksóknara ætti að draga úr fjárveitingum til embættisins.

Nær ekki í skottið á málahalanum

Kennarar hafna sósíalísku launakerfi

Kennarar höfnuðu með afgerandi hætti, 53% gegn 44%, sósíalískri jafnlaunastefnu sem forysta framhaldsskólakennara lagði fyrir stéttina. Allir kennarar, án tillits til vinnuframlags, áttu að fá sömu kauphækkun.

Í forystu kennara eru landsþekktir vinstrimenn og þér létu pólitíska hugmyndafræði villa sér sýn: sumir kennarar vinna meira en aðrir og þeir eiga að fá laun samkvæmt því.

Í grófum dráttum er skiptingin þessi: íþrótta- og verknámskennarar vinna nær alla sína vinnu í kennslustundum. Bóknámskennarar vinna töluverða vinnu utan kennslustunda en fá ekkert borgað fyrir þá vinnu.

Bóknámskennarar eru vitanlega ekki sáttir við að fá ekki greitt fyrir vinnu utan kennslustunda. Þeir eru fjölmennasti hópurinn í stéttinni.

Raunhæft væri að bóknámskennarar fengju 15-20 prósent hækkun launa en íþrótta- og verknámskennarar 5-10 prósent.

Forysta framhaldsskólakennara verður að átta sig á að marxismi var urðaður á síðustu öld.

Búa sig undir samningaviðræður

RÚV og Kjarninn búa til lögbrot

RÚV og Kjarninn eru í lögguhasar þar sem Kjarninn er málpípa karla innan lögreglunnar sem þola ekki að hafa konu sem yfirmann - og RÚV endurvarpar hasarfréttum Kjarnans.

Þeir sem eru sæmilega læsir vita að þegar einhver styðst ekki ,,við viðhlítandi heimild," eins og það er orðað í úrskurði Persónuverndar þá felur það ekki í sér lögbrot.

Lögbrotið er tilbúningur á tveim fréttadeildum vinstrimanna.

Vinstrimenn dunda sér nú um stundir að flæma konur úr opinberum embættum. Öðruvísi mér áður brá.

 

Gerðist ekki brotleg við lög