Kennarar hafna sósíalísku launakerfi

Kennarar höfnuðu með afgerandi hætti, 53% gegn 44%, sósíalískri jafnlaunastefnu sem forysta framhaldsskólakennara lagði fyrir stéttina. Allir kennarar, án tillits til vinnuframlags, áttu að fá sömu kauphækkun.

Í forystu kennara eru landsþekktir vinstrimenn og þér létu pólitíska hugmyndafræði villa sér sýn: sumir kennarar vinna meira en aðrir og þeir eiga að fá laun samkvæmt því.

Í grófum dráttum er skiptingin þessi: íþrótta- og verknámskennarar vinna nær alla sína vinnu í kennslustundum. Bóknámskennarar vinna töluverða vinnu utan kennslustunda en fá ekkert borgað fyrir þá vinnu.

Bóknámskennarar eru vitanlega ekki sáttir við að fá ekki greitt fyrir vinnu utan kennslustunda. Þeir eru fjölmennasti hópurinn í stéttinni.

Raunhæft væri að bóknámskennarar fengju 15-20 prósent hækkun launa en íþrótta- og verknámskennarar 5-10 prósent.

Forysta framhaldsskólakennara verður að átta sig á að marxismi var urðaður á síðustu öld.

Búa sig undir samningaviðræður

Athugasemdir

[Baldvin Björgvinsson, 28.2.2015 kl. 12:56]

Páll, þú hefur greinilega ekki hugmynd um hvað þú ert að skrifa. Því fer víðsfjarri að öll min vinna fari fram í kennslustundum.

með kveðju, Baldvin Rafiðnakennari.

[Páll Vilhjálmsson, 28.2.2015 kl. 13:00]

Rétt Baldvin, ég er ekki sérfræðingur í þér.

[Elfar Aðalsteinn Ingvarsson (IP-tala skráð) 28.2.2015 kl. 19:11]

Það verður athyglisvert að sjá þegar nýja styttra framhaldsskóla námið byrjar hvort bóknámskennarar verði ekki sáttir við þessa 10% hækkun.

Styttra nám = færri kennarar.

[Sigurjón Þórðarson, 28.2.2015 kl. 20:57]

Hvar er lögmálið um framboð og eftirspurn hjá hægrimanninum?