Ísland biðji Namibíu afsökunar á RÚV

Namibísk yfirvöld tóku ásakanir um mútur og spillingu Samherja trúanlegar vegna þess að ríkisfjölmiðill Íslands, RÚV, var ábekingur. Namibíumenn líta á Ísland sem norrænt ríki þar sem ríkisfjölmiðill starfi faglega og segi satt og rétt frá.

Namibíumenn gátu ekki vitað að RÚV hýsir afbrotamenn sem leggja á ráðin um að byrla mönnum eitur til að stela af þeim gögnum. Siðareglur eru upp á punt, lög og reglur sömuleiðis.  

Kannski var það einmitt tilgangur heimsóknar namibískrar sendinefndar í sumar að kynnast þessu skrítna landi þar sem Glæpaleiti er ríkisstofnun? Svo mikið er víst að saksóknari þar syðra er í vandræðum með stjörnuvitnið sem RÚV leiddi fram og gerði að siðapostula.

Eina heimild RÚV um meintar mútur og spillingu Samherja í Namibíu er Jóhannes Stefánsson. Íslenskur samstarfsmaður Jóhannesar lýsir einu heimild RÚV svona:

Jóhannes missti stjórn á lífi sínu sökum ofneyslu áfengis og kókaíns. Þá er Jóhannes sagður hafa nýtt sér þjónustu fjölda vændiskvenna.

Namibískur samstarfsmaður Jóhannesar hefur þessa sögu að segja:

Jóhannes hafi svo lýst fjár­hagskröggum sem hann væri í vegna áfeng­is- og fíkni­efna­neyslu og að hann væri að leita leiða til að bæta mann­orð sitt.

Ennfremur:

Hatuikulipi sagði að vegna „stöðugrar fíkni­efna­notk­un­ar“ Jóhann­esar hafi hann skaðað alvar­lega samn­inga sem gerðir voru milli Sam­herja og kvóta­rétt­hafa í Namib­íu. Hann hafi líka ítrekað þurft að borga trygg­ingu til að losa hann úr fang­elsi.

Það má öllum vera ljóst, sem eitthvað hafa á milli eyrnanna, að Jóhannes Stefánsson er ótrúverðug heimild. Það er ekki hægt að byggja á einu eða neinu sem maðurinn segir.

En RÚV lét öll fagleg sjónarmið lönd og leið, rétt eins og stofnunin brýtur lög og siðareglur eftir hentisemi, og gerði Jóhannes að boðbera sannleikans.

Íslensk stjórnvöld skulda namibískum yfirvöldum afsökunarbeiðni vegna framferðis ríkisfjölmiðilsins.

 


« Síðasta færsla | Næsta færsla »

Athugasemdir

1 Smámynd: Jóhann Elíasson

Þú skalt fara rétt með Páll.  Jóhannes Stefánsson, var síður en svo eina heimild RÚV fyrir þessu mútumáli Samherja í Namibíu, þeir (Helgi Seljan og þeir sem fjölluðu um málið) höfðu undir höndum fleiri þúsund skjöl sem staðfestu málið, en einhverra hluta vegna hafa Íslensk stjórnvöld lítinn áhuga á að rannsaka málið almennilega.  Kannski væri full ástæða fyrir því að þú kannaðir ástæðu þess í staðinn fyrir að gerast málpía Samherja??????

Jóhann Elíasson, 3.8.2022 kl. 11:07

2 Smámynd: Jóhann Elíasson

Málpípa Samherja átti þetta að vera og biðst ég afsökunar á þessari villu....

Jóhann Elíasson, 3.8.2022 kl. 11:08

3 Smámynd: Páll Vilhjálmsson

Jóhann, skjölin voru handvalin af Jóhannesi, gagngert til að blekkja. Mest eru þetta tölvupóstar. Héraðssaksóknari hefur rannsakað málið i um 2 ár. Það er ekkert að frétta.

Páll Vilhjálmsson, 3.8.2022 kl. 11:32

4 Smámynd: Skeggi Skaftason

Páll,

það eru heilmikil réttarhöld búin að standa yfir í Namibíu í langan tíma í þessu máli. Held að þarlend stjórnvöld séu alveg með á nótunum og viti miklu meira um málið en þú eða Brynjar Níelsson.

Hér er nýleg frétt.

https://www.namibian.com.na/114221/read/We-really-worked-hard-%E2%80%93-Fishrots-Fitty

Skeggi Skaftason, 3.8.2022 kl. 14:13

5 Smámynd: Grímur Kjartansson

Í Namibíu búa 2 550 226 manns og GDP er 12 791 miljarðar $ 
á Íslandi búa   371 580 manns og GDP er     20 miljarðar $ 

Namibía getur bara sjálf rannsakað sína spilltu ráðherra

Grímur Kjartansson, 3.8.2022 kl. 16:03

6 Smámynd: Björgvin Þangbrandur

Hvernig loka ég þessu hér?

hjálp.

Kveðjur,
Björgvin Þángbrandur

Björgvin Þangbrandur "Birkirmár" Gíslasson, 3.8.2022 kl. 21:33

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband