Játningar illmenna og aumingja

Eftirspurn er eftir körlum sem annað tveggja lýsa sig stórgallaða vegna frekju, yfirgangs og ofbeldis eða aumingja. Listamenn, vanir að svara eftirspurn og fara í hlutverk, ryðja brautina og játa sig gerendur eða þolendur.

Samfélagið batnar ekki ef ungum körlum er kennt að þeir séu væntanlegir ofbeldismenn annars vegar og hins vegar að hafa lúkuna fyrir afturendanum af ótta við aðskotahluti.

Það er hægt að vera íslenskur karlmaður og hvorki berja né misþyrma eða vera nauðgað. Allar líkur er á að þorri íslenskra karla sé einmitt í þeirri stöðu. En það eru ekki fréttir og tíðindalítið að einhver játi sig normal.

Athugasemdir

[Ragnhildur Kolka, 15.5.2021 kl. 14:19]

Þetta gengur yfir. Það nennir enginn til lengdar að hlusta á þetta jarm. 

[Ingólfur Sigurðsson, 15.5.2021 kl. 14:39]

Ég er ekki svo viss um að þetta gangi yfir. Stór hluti menntaðs fólks hefur fundið nýja lífsstíla, og er hluti af erlendri menningu einnig. Maður hélt að þetta gengi yfir fyrir 10 eða 20 árum þegar þetta byrjaði, en það hefur ekki gerzt enn. Þetta virkaði einsog skammvinn tízkubóla fyrst.

Margir fá mikið útúr því að gagnrýna það hefðbundna og rífa það niður þótt það hafi virkað og haldið lífi í fólki í gegnum aldirnar.

Það er verið að endurskilgreina manninn, og takmarkið virðist vera eitthvað fyrirbæri úr vísindaskáldsögum. Menning komin í ógöngur. Þýðir að berjast gegn þessu? Verður maður ekki að laga sig að þessu?