ESB-lýðræði og Biden-lýðræði

Evrópusambandið endurtekur kosningar ef ekki fæst ,,rétt" niðurstaða í þeim fyrstu. Þetta er alkunn staðreynd, sem Írland fékk að kenna á. Bandaríska útgáfan af ESB-lýðræði hljóðar upp á að búa til atkvæði, þ.e. kosningasvindl, til að fá ,,rétta" niðurstöðu.

Joe Biden forsetaefni Demókrata gortaði sig af því fyrir kosningar að flokkur sinn ætti harðsnúnasta skipulagið til að falsa atkvæði í sögu Bandaríkjanna.

Lýðræðisútgáfur ESB og Biden eiga það sammerkt að sjálfskipaðir valdahópar telja lýðinn ekki eiga að skipta sér af hverjir stjórna.

Að kenna útgáfur ESB og Biden við lýðræði er að segja að svart sé hvítt.

 

 

„Ætlum að vinna þennan slag“

Athugasemdir

[Benedikt Halldórsson, 7.11.2020 kl. 10:41]

Það er rökstuddur grunur um kosningasvindl. Það þarf að rannsaka hvort lög hafi verið brotinn. Svo að segja allir á íslandi sem ekkert vita segja að ekkert svindl hafi átt sér stað og að Joe Biden sé réttkjörinn forseti bandaríkjanna. Á sama hátt og þeir voru sannfærðir um að Rússar hefðu komið Trump til valda. 

Engin forseti bandaríkjanna hefur þurft að verjast fleiri lygum og rangfærslum. Froðufellandi íslendingar trúa öllu illu upp á Trump eins og almenningur í Norður Kóreu. Lygunum fækkar ekki þótt tíundaðir séu gallar Trumps, hvað þá þegar menn blanda eigin matarsmekk í málið. 

Demókratar litu ekki á Trump sem réttkjörinn forseta og ásökuðu hann að hafa stolið embættinu með hjálp Rússa. Heilu fjölmiðladeildirnar vestra höfðu það hlutverk að segja "fréttir" af Rússasvindlinu. Þegar svo kom í ljós að ásökunin var uppspuni frá rótum, fengu "blaðamennirnir" nýtt verkefni, að ásaka Trump um rasisma. Á íslandi eru blaðamenn sem hafa skrifað "ég hata Trump" fréttir í fjögur ár. 

Hillary Clinton boðaði "civil unrest" sem svo sannarlega hefur gengið eftir. Hvað ætli hafi verið kveikt í mörgum húsum?  Hillary og hennar lið linna ekki látum fyrr en búið er að bola Trump úr embættinu sem þau telja að hann hafi stolið. Þau telja allt réttlætanlegt í baráttu gegn hinum vonda Trump.  

Þegar stefndi í sigur Trumps í nokkrum ríkjum Demókrata var hætt að telja, allir sendir heim að sofa og ljósin slökkt. Hvað gerðist í myrkrinu? Morguninn eftir var haldið áfram að telja atkvæði frá Biden í þúsundatali! 

Það er margt sem er grunsamlegt sem verður rannsakað. Síðasta orðið á hæstiréttur bandaríkjanna.  

[Benedikt Halldórsson, 7.11.2020 kl. 11:13]

Lygar og ritskoðun vega að lýðræðinu. Nú skala virða niðurstöðu kosninga í lýðræðisíki segja menn - án þess að rannsaka grun um lögbrot? Jú, vegna þess að Trump er svo mikil martröð! Fréttamenn þögðu um ruglið sem vallt upp úr Biden. Af hverju? Hvernig getur almenningur myndað sér skoðun ef hann er mataður á einhliða áróðri? 

Samfélagsmiðlarnir ritskoða og loka á þá sem ekki hafa demókratískar skoðanir. Það hefur verið lokað á þúsundir en það er aldrei lokað á sósíalista / marxista né byltingarsinna, ekki einn einasta. 

[Benedikt Halldórsson, 7.11.2020 kl. 12:30]

Það má kenna fjölmiðlum um að ráðist var inn í Írak. "Samviskusamir" og metnaðargjarnir blaðamenn gerðu meira en að fylgja "flokkslínunni", þeir bættu í áróðurinn til að sanna sig í starfi, þar til nógu margir voru sannfærðir um að innrás væri óhjákvæmileg.

Frá og með Trump fór fólk að efast um sannleiksgildi frétta. Það er ekki lengur hægt að gabba bandaríkjamenn í stríð en auðveldara að villa um fyrir þeim með því að þegja um heilabilun Bidens en láta öllum illum látum gagnvart Trump. Það er ýmist upp í ökkla eða eyra. 

[Ragnhildur Kolka, 7.11.2020 kl. 13:10]

Amen Benedikt!

[Jón Steinar Ragnarsson, 7.11.2020 kl. 13:15]

Ekki mörg lönd sem geta stært sig af að hafa 98 - 210% kosningaþáttöku í einstaka héruðum. Ekki síst þegar 100% atkvæða eru greidd öðrum aðilanum en ekki hinum.

Suður ameríka bliknar við hliðina á þessu. Eigin lega norður Kórea líka.