Jón Baldvin, hugsjónir, kapítalismi og lífsháskinn

Samfélag er ekki höfundarverk heldur verður það til í tímans rás. Ótal smáatriði, sem engin leið er að henda reiður á, búa til samfélag. Við notum stór hugtök til að ná utan um þróunina: saga, siðir og menning. Lítilræði til viðbótar er tungumálið.  

Þegar menn reyna að búa til samfélög, t.d. í frönsku byltingunni 1789 eða þeirri rússnesku 1917, leysir tilraunin úr læðingi óheftar frumhvatir þar sem mannslífum er miskunnarlaust fórnað fyrir hugsjónir. 

Jón Baldvin skrifar grein um hvernig kerfi við ættum setja á fót. Stutta svarið er að við eigum ekki að búa til samfélagskerfi heldur bæta það samfélag sem við höfum.

Eins og sönnum alþjóðasinna sæmir leitar Jón Baldvin að einni uppskrift fyrir öll samfélög.

Það er að koma æ betur í ljós að kap­ít­al­ismi (mark­aðs­kerfi) – án afskipta rík­is­valds­ins – fær ekki stað­ist til lengd­ar. Ástæð­urnar eru marg­ar, en sú hel­st, að sam­þjöppun auðs og valds á fárra hendur er inn­byggð í kerf­ið. Fjár­mála­kerfi, sem þjónar þeim til­gangi að ávaxta fé hinna ofur­ríku, breyt­ist í kap­ít­al­isma á ster­um.

Tvær athugasemdir: a. kapítalismi án ríkisvalds er hvergi til og hefur aldrei verið. b. ef staðhæfing Jóns Baldvins væri rétt myndi auður safnast í hendur fárra fjölskyldna líkt og hjá landeigendaaðili miðalda. En það gerist ekki. Kapítalismi verður til með iðnbyltingunni, sem er ekki nema um 200 ára gömul. Auðmenn heimsins í dag eru fæstir afkomendur auðmanna frá því um 1800.

Kapítalisminn er jákvæður lífsháski, býr til eignir og tortímir þeim. Hugsjónir um eitt samfélag fyrir alla er illskan í sauðagæru, drepur saklaust fólk.    

 

Athugasemdir

[Kolbrún Hilmars, 26.4.2020 kl. 13:15]

Franska byltingin gat af sér Napoleon keisara.  Sú rússneska Stalín.
Sú fyrrnefnda er okkur fjær í tíma og smáatriðin að mestu gleymd, en Charles Dickens, sem var þá nær í tíma, lýsir henni ágætlega í bók sinni "A Tale of Two Cities".  Byltingar virðast sögulega séð oft snúast uppí eitthvað allt annað en þeim var ætlað.

[Halldór Jónsson, 26.4.2020 kl. 13:41]

Jón Baldvin er gamall kommúnisti, sem hann samt vill lítið um ræða núna. En grunnhugsunin er að stjórna annarra erfiði og afrakstri eins iog sósíalista er háttur.Skyldi hann ekki kjósa flokkinn þeirra Egilssonarbræðra,Gunnars Smára og Sigurjóns?

Sjálfur er hann bara blekbullari sem ekkert raunhæft hefur að leggja til málanna sem ég kæri mig um að lesa. Ég eyði ekki tíma í að hlusta á hann tala um kratisma sem ég gef ekkert fyrir.

En hann er skemmtilegur í viðræðu og orðheppinn og margt sér hann í nýju ljósi og finnst whiskey gott eins og mér.