Helmingaskiptin í Sjálfstæðisflokknum og þriðji hópurinn

Helmingaskiptin innan Sjálfstæðisflokksins eru sögulega á milli velferðarfrjálslyndra annars vegar og hins vegar viðskiptafrjálshyggjumanna. Þriðji hópurinn í flokknum átti aldrei aðild að helmingaskiptunum enda í grunninn hlynntur málamiðlunum.

Þriðji hópurinn er íhaldssamur í lífsviðhorfum, tregur til átaka en er fullveldi þjóðarinnar kært.

Velferðarfrjálslyndið og viðskiptafrjálshyggjan náðu saman um EES-samninginn sem framtíðarfyrirkomulag um samskipti Íslands og Evrópusambandsins.

Þegar það rann upp fyrir þriðja hópnum að EES-samningurinn felur í sér viðtækt framsal á fullveldi þjóðarinnar, eins og best sést á 3. orkupakkanum, snerist þriðji hópurinn gegn forystu flokksins.

Og nú logar móðurflokkur íslenskra stjórnmála stafnanna á milli. 

Athugasemdir

[Benedikt Halldórsson, 8.6.2019 kl. 20:54]

Góð greining.

[Jón Steinar Ragnarsson, 9.6.2019 kl. 01:30]

Í dag er sjálfstæðisflokkurinn ekki málsvari nokkurs manns og er að fremja hægfara og kvalarfullt sjálfsmorð með glóbalistann Björn Bjarnason í skugganum.

Flokkurinn er kominn í ruslflokk og fær sömu útreið og framsókn eftir hrun. Verður á kaliberi við pírata. Ég er allavega búinn að segja bless og næsta skref er að skrá sig úr honum.

[Jón Steinar Ragnarsson, 9.6.2019 kl. 01:53]

Dreif í því að afmunstra mig og hvet menn til að gera það líka svo þeir finni stefnuleysið á eigin skinni. Það kaus hann enginn út á þessi svik. Vinstri grænir blikna við hliðina í að snúa stefnuskrá sinni á hvolf eftir að þeir komast á þing.

Nafn flokksins er nú hlægilegt öfugmæli og greinilega tómir idíótar að komast til forystu og metorða þar. Hef sjaldan fundið mig jafn illa svikinn.

[Benedikt Halldórsson, 9.6.2019 kl. 05:52]

Sjálfsstæðisflokkurinn hefur svikið kjósendur sína. 

[Helga Kristjánsdóttir, 10.6.2019 kl. 02:17]

Ég fékk rukkun um félagsgjald/gjöld eftir seinustu kosningar,þeir mega hafa fyrir því að rukka eða senda creditinfo,eða hvað það heitir.