Loftslagsvá mest pólitík, minnst vísindi

Framtíð jarðarinnar ræðst á næstu þrem mánuðum, skrifar Guardian um loftslagsvá af mannavöldum. Lofthitasinnar sögðu fyrir aldamót að Grænlandsjökull myndi hverfa næstu áratugi. Reyndin er að ísbreiðan hefur þykknað.

Virtur loftslagsvísindamaður, Richard Lindzen, prófessor við MIT í Bandaríkjunum, hélt nýverið erindi um manngerða loftslagsvá. Ólíkt þorra lofthitasinna kann Lindzen fræðin. Hann er höfundur yfir 200 vísindagreina um loftslagsmál.

Lindzen segir kenningar um manngerða hlýnun, er stafi af notkun jarðefnaeldsneytis, mest pólitík en minnst vísindi. Lofthitasinnar stunda pólitík ekki vísindi þegar þeir spá heimsendi vegna þess að við notum bensín og dísil.

Roy Spencer og Judith Curry eru eins og Lindzen viðurkenndir sérfræðingar á sviði loftslagsrannsókna. Öll þrjú eru þeirrar skoðunar að loftslag jarðar breytist án tilverknaðar mannsins. Þau hafna heimsendaspámennsku lofthitasinna, segja að vísindaleg rök staðfesti ekki að maðurinn breyti loftahita jarðarinnar.

Lofthitasinnar náðu frumkvæði í umræðunni á síðasta áratug liðinnar aldar. Kenning þeirra er að frá 1975 hafi gróðurhúsaáhrif, losun koltvísýrings út í andrúmsloftið, breytt loftslaginu til hins verra. Hlýnun af mannavöldum muni gera jörðina óbyggilega í framtíðinni, spá lofthitasinnar.

Jörðin er um 4,5 milljarða ára gömul. Margar loftslagsbreytingar eru skráðar í jarðsöguna. Síðustu ísöld lauk fyrir 12 þúsund árum. Maðurinn kom hvergi nærri. Náttúran var ein að verki.

Maður þarf ekki að vera loftslagsvísindamaður til að sjá í gegnum blekkingu lofthitasinna. Hvorki saga jarðarinnar né mannkyns hófst 1975. Veðurfar á jörðinni er ekki manngert. Náttúran sér um það, sem betur fer. Í samfélagi manna dúkka aftur reglulega upp svokallaðir sérfræðingar, t.d. prestar og nú vísindamenn, sem þykjast vita að reiði guðs eða brennsla á eldsneyti muni okkur öll lifandi drepa.

Lofthitasinnar stunda heimsku en kalla það vísindi. Það veit ekki á gott fyrir orðspor vísinda. Sem er heldur leitt. Vísindi og fræði hjálpa okkur að skilja heiminn. Lofthitasinnar eru aftur á marxísku línunni; það er ekki nóg að skilja heiminn heldur verðum við að breyta gangverki veraldarinnar. Forn-Grikkir kenndu slíka hugsun við dramb - sem er einatt falli næst.

Athugasemdir

[Halldór Jónsson, 14.10.2018 kl. 19:41]

Frábær pistill Páll og hressandi.

Þetta lofstlagskjaftæði er að valda okkur ómældu tjóni þannig að minna verður eftir til að hjálpa okkar minnstu bræðrum og sinna raunverulegum vandamálum fátæktar og heilsutjóns.

.Ríkisstjórn Íslands, með formann minn Bjarna Ben innanborðs  lætur ráðherra einn sem enginn kaus prédika bullið fyrir landsmnömmnum.Þetta gengur yfir okkur án andmæla frá stjórnmálamönnum. Aðeins prédikarar skynseminnar eins og þú Páll eru í andófinu gegn Parísarbulli hinna fjörtíuþúsund fífla AlGore.

[Lárus Ingi Guðmundsson, 14.10.2018 kl. 21:39]

þessi umræða öll á sér rætur að rekja til Vatikansins, eða kaþolsku kirkjunnar, sem að hefur í gegnim tíðina viðhaldið þessum heimsenda spám með það að markmiði að vekja upp ótta og óvissu hjá lýðnum til þess að gera lýðin auðsveipnari i háttum. Hérna í gamla daga, þegar að heims enda sparnar komu fram og þá yfirleitt var það trúarlegs eðlis, en ekki vísindalegs eðlis, að þá þjónaði heimsenda spaín fyrst og fremst fjárhirslum vatikansins, enda beið fólk með öndina í hálsinum í von og ótta um að kraftaverk gægist, en eftir því sem að á leið og ekki bólaði neitt á kraftaverkinu, að þá ágerðist ottinn eftir þvi sem að vonin dvínaði og gaf lýðurinn allar eigur sínar til kaþolsku kirkjunnar. 

Gatið í ósónlaginu var stórhættulegt fyrir als ekki löngu síðan, en núna þá þegja allir þunnu hljóði og enginn minnst á það lengur. 

Nína er það kolefnis menguninn. 

Nuna um daginn þá rakst ég á grein sem að var skrifuð af vísinda manni, eða mönnum, sem að voru að tala um þá STÓR HÆTTU sem að lýðnum gæti farið að stafa af breytingum á segulsviði jarðar. 

það eru margir til búnir að hafa brennandi áhuga á loftslagsmálum og þá sérstaklega ef að þeir fá ,, 100 miljonir borgað fyrir að halda 1 fyrirlesutr um málið innan um eitthvað snobblið, eins og AL Gore forðum, sem að núna virðist vera búinn að missa áhugann á loftsslags málunum, en lét sig ekki vanta á meðan að seðlarnir streymdu inn. 

þetta er orðin penginga maskinu, sem að er stóra vandamálið og mákvæmlega enginn heimsendir á ferðum, heldur er þetta hluti af þvi að brengla og rugla og draga athygli frá hernaðar brölti vesturveldanna, sem að er að stærstum hluta kaþolskt og upprunnið frá vatikaninu, enda er washington Dc vatikanið og ekki ýkja hrifið af Trump, þegar að sá vilidi ekki mikið með parísar ráðstefnuna hafa að gera, sem fullikomlega eðlilegt getur talist, þar sem að hera Trump sér í gegnum rugið í þessu, en hvíta húsið er jafn hvítt og pafin sjálfur, þannig að hann settir síg í stór hættu, með þvi að fara gegn heimsenda spam vatikansins. 

kv

lig

[Ómar Ragnarsson, 14.10.2018 kl. 22:28]

Ég hef hvergi séð því spáð að Grænlandsjökull myndi hverfa á nokkrum áratugum.

Heldur ekki séð gögn um það að jökullinn sé að þykkna en ekki að minnka. 

Íslenskir vísindamenn spá hvarfi íslensku jöklanna að mestu á 200 árum, og eru þeir þó með 2000 sinnum minna ísmagn en Grænlandsjökull. 

[Helga Kristjánsdóttir, 15.10.2018 kl. 00:50]

Ég hef margoft lesið og heyrt um Grænlandsjökul,en festi ekki í minni hvar og hversu langt er síðan.

[Ragnhildur Kolka, 15.10.2018 kl. 14:03]

Kom ekki Al Gore hingað 2005 eða 6 og sagði allt láglendi heims verða komið undir vatn innan 10 ára. Þeir sem krupu við fótskör hans í Háskólabíó bíða enn heimsendis.