Tvöfalt heilbrigðiskerfi er tvöfalt siðferði

Jafn réttur allra Íslendinga til heilbrigðisþjónustu er ekki pólitískt mál heldur siðferðislegt. Það er hluti af sjálfsímynd okkar sem þjóðar að efnafólk kaupi sér ekki forgang að þessum lífsgæðum umfram almenning.

Heilbrigðisþjónusta er rekin með almannafé. Einkarekin þjónusta á þessu sviði er annað hvort niðurgreidd beint með almannafé, svipað og svokallaðir ,,einkaskólar", eða óbeint með því að læknar á ríkislaunum vinna aðalstarfið á einkasjúkrahúsi. Þetta yrði ríkisrekinn ójöfnuður.

Tvöfalt heilbrigðiskerfi veit á tvöfalt siðferði. Ríkisvaldið á ekki að stuðla að tvöföldu siðferði meðal þjóðarinnar. Ríkisvald sem þannig starfar tapar siðferðislegu lögmæti. Og það er miklu verra en að tapa pólitískri tiltrú.

„Skammsýni“ að semja við Klíníkina

Athugasemdir

[Jón Þórhallsson, 28.1.2017 kl. 12:51]

Ég sé svo sem ekkert að því að einkastofur láti ljós sitt skína á þessum vettvangi; en þær þyrftu þá að standa undir sínum rekstri algerlega sjálfar og að tryggingastofnun RÍKISINS  myndi ekki láta fé í slíkar stofnanir.