Pútín-fóbían og múslímskar miðaldir

Pútín-fóbían er ríkjandi viðhorf í valdamiðstöðvum vesturlanda í Washington, Brussel, London og Berlín. Fóbían gefur sér að Rússland sé á útþensluskeiði þegar sannleikurinn er sá að vesturlönd, með Nató sem verkfæri, eru frá falli Sovétríkjanna búin að raða upp herstöðvum við vesturlandamæri Rússlands.

Pútín-fóbían kemur í veg fyrir bandalag vesturlanda og Rússlands til að stemma stigu við ófriðarbálinu í miðausturlöndum. Í löndum múslíma er félags- og hagkerfi sem líkist helst því sem tíðkaðist í Evrópu á miðöldum.

Evrópa logaði í ófriði frá miðöldum og fram yfir frönsku byltinguna þegar hún tók stökkbreytingum og hristi af sér samfélagsgerð sem var úr sér gengin. Miðausturlönd eru í sömu sporum.

Enginn veit hvað kemur út úr fárinu sem nú geisar í miðausturlöndum. Hitt er augljóst að áratugir munu líða áður en friður kemst á og múslímski menningarheimurinn finnur nýtt jafnvægi.

Samfélagsgerðir vesturlanda og Rússlands eru sprottnar úr sama jarðvegi. Náttúrulegt bandalag ætti að vera á milli þessara aðila um að takmarka þann skaða sem ófriðurinn í miðausturlöndum veldur. En Pútín-fóbían kemur í veg fyrir þróun eðlilegra samskipta vesturlanda og Rússlands.

 

Ráðleggja Trump frá því að viðurkenna innlimun Krímskaga

Athugasemdir

[Wilhelm Emilsson, 17.11.2016 kl. 08:23]

Talandi um staðreyndir. Hér eru nokkrar:

http://www.businessinsider.com/putin-admits-troops-crimea-2014-4

[Ómar Ragnarsson, 17.11.2016 kl. 10:55]

Það þarf ekki endinlega formlega viðurkenningu á innlimun Krímskagans. Til er de facto viðurkenning, að láta vera að grípa til harkalegra aðgerða og efna til illinda.