Guðni Th: höldum kjafti og verum sæt

Ólafur Ragnar Grímsson var kjörinn forseti 2012 vegna Icesave-samninganna og hvernig hann tók á þeim. Guðni Th. Jóhannesson forsetaframbjóðandi virðist ekki átta sig á að orðum fylgir ábyrgð. Guðni tók afstöðu til Icesave og ESB og fullveldis og hann verður að svara fyrir þau orð þegar hann er í framboði til forseta Íslands.

'Höldum kjafti og verum sæt' viðhorf Guðna til forsetakosninganna er bernskt, svo ekki sé meira sagt, í ljósi þess að hann varð forsetaframbjóðandi sem álitsgjafi hjá RÚV á pólitísk tíðindi.

Í hlutverki pólitísks álitgjafa tónaði Guðni ekki boðskapinn úr ævintýrinu um Dýrin í Hálsaskógi að allir ættu að vera vinir. Forsetaframbjóðandinn Guðni Th. ætti að eiga samtal við álitsgjafann með sama nafni til að finna út pólitískt eðli forsetaembættisins.


mbl.is Hart tekist á í forsetakappræðum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jónas Ómar Snorrason

 Þessar forsetakostningar eru farnar að snúast um liðna tíma hjá mörgum hér á blogginu, alveg frábært. Ekki bara liðna tíma, heldur bara suma liðna tíma. Enginn talar um það að 1989 mælti DO og fleiri framámenn í sjálfstæðisflokknum eindregið með því að gengið yrði í ESB, EINDREGIÐ. Fyrsta skrefið var EES, sem er í raun fullveldisafsal, vegna þess að Ísland hefur og getur ekki haft nein áhrif á tilurð þeirra laga og reglna sem ESB setur, verður bara að taka því á sama hátt og þegar Ísland var undir Danaveldi. DO hafði sem seðlabankastjóri alla möguleika á því að færa Icesave reikningana undir hatt LB í Englandi, var beinlínis boðið það, en hafnaði því. Eigi það einhverntíma við, þá í tilviki DO nú, að haga sér eins og fíll í yfirfullri postulínsbúð.   

Jónas Ómar Snorrason, 30.5.2016 kl. 06:22

2 Smámynd: Jón Bjarni

Þvílíkt sameiningartákn sem Davíð ætlar að verða. Tók hann ekki nema örfáar vikur í framboði til að sundra þjóðinni.. Og þetta finnst sumum bara fínt

Jón Bjarni, 30.5.2016 kl. 08:21

3 Smámynd: Ívar Pálsson

Jónas Ómar, EES var milliríkasamningur sem var meðhöndlaður þannig í alla Davíðs tíð að túlkun og framkvæmd hans hér á landi var í þágu Íslands og ný lög ESB voru ekki staðfest. Það var ekki fyrr en ESB- Samfylkingin komst að, þá byrjuðu ESB- tilskipanir að mokast inn í þingið og farið var að taka mark á öllu sem ESA- dómstóllinn setti frá sér. Mikil vinna er eftir að vinda ofan af því. Sannarlega gerðist það í óþökk Davíðs Oddssonar.

Bardagi Seðlabankans við Landsbankann í aðdraganda hrunsins var ekki auðveldur og einfaldur eins og kom í ljós löngu síðar. Svona eftirá- sleggjudómur um einn Seðlabankastjóranna í þeim hildarleik er hreinlega ekki marktækur.

Jón Bjarni, það er ekki Davíð sem "sundrar þjóðinni", heldur atgangur þeirra afla sem finnur honum allt til foráttu fyrir að bjóða sig fram.

Ívar Pálsson, 30.5.2016 kl. 10:12

4 Smámynd: Jón Bjarni

Það sem þú segir hér um EES er eintómt bull Ívar, með EES samningnum skuldbatt íslenska ríkið sig til að innleiða þá löggjöf sem tilheyrir þeim sviðum sem EES samningurinn nær yfir

Jón Bjarni, 30.5.2016 kl. 10:35

5 Smámynd: Jón Bjarni

Og jú það er Davíð sem sundrar þjóðinni því hann einn hefur ákveðið að gera heyja sína baráttu með persónulegum árásum á þann sem helst stendur í vegi fyrir honum..

Jón Bjarni, 30.5.2016 kl. 10:35

6 Smámynd: Jón Bjarni

http://www.visindavefur.is/svar.php?id=6777

Jón Bjarni, 30.5.2016 kl. 10:36

7 Smámynd: Ívar Pálsson

Það sem ég sagði hér um EES er m.a. stutt af doktorsvörn um málið sem var kynnt á fundi sem ég fór á, sem var ekkert bull. Hver sú tilskipun sem ESB sendir frá sér svífur ekki sjálfkrafa í gegnum Alþingi fullvalda lands, nema að þingmeirihluti sé fyrir því, enda erum við sem betur fer ekki í ESB. Niðurstöður ESA dómstólsins hafa oft verið hundsaðar á báða vegu án afleiðinga.

Ívar Pálsson, 30.5.2016 kl. 10:50

8 Smámynd: Jón Bjarni

Mér þætti gaman að sjá þá doktorsritgerð. Því þetta er tómt bull - þú hlýtur að hafa misskilið eitthvað í þessari ritgerð. Hæstiréttir íslands hefur sjálfur staðfest með dómi að ef íslenska ríkið vanræki skyldu sína um innleiðingu laga til að fullnægja sínum skyldum gagnvart EES samningnum þá baki það sér skaðabótaskyldu.

Jón Bjarni, 30.5.2016 kl. 10:52

9 Smámynd: Jón Bjarni

Dómur Hæstaréttar númer 236/1999

" Á það var fallist með héraðsdómi, að ekki væri samræmi milli tilskipunar nr. 80/987/EBE og laga nr. 53/1993 og væri misræmið verulegt að því er sneri að E. Vísað var til álits EFTA-dómstólsins þess efnis, að samkvæmt grundvallarreglum EES-samningsins bæru aðilar hans skaðabótaábyrgð gagnvart einstaklingum á því tjóni, sem hlytist af ófullnægjandi lögfestingu tilskipunar, enda væri nánar tilgreindum skilyrðum fullnægt. Bæri við skýringu EES-samningsins að hafa hliðsjón af ráðgefandi áliti EFTA-dómstólsins kæmi ekkert fram sem leiddi til þess, að vikið yrði frá því áliti."


Jón Bjarni, 30.5.2016 kl. 10:55

10 Smámynd: Ívar Pálsson

...að hafa hliðsjón af ráðgefandi áliti EFTA-dómstólsins. 

Farinn út í sólina

Ívar Pálsson, 30.5.2016 kl. 14:35

11 Smámynd: Heimir Lárusson Fjeldsted

...að standa við orð sín....

Heimir Lárusson Fjeldsted, 30.5.2016 kl. 16:07

12 Smámynd: Helga Kristjánsdóttir

Davíd barg lífeyrissjòdum landsmanna.  

Helga Kristjánsdóttir, 30.5.2016 kl. 17:08

13 Smámynd: Borgþór Jónsson

Mér sýnist að allir frambjóðendurnir séu að kljúfa þjóðina,allavega er enginn frambjóðandanna með 100% fylgi.

Fáránlega vitlaus klisja svo ekki sé kveðið fastar að orði.

Borgþór Jónsson, 30.5.2016 kl. 19:26

14 Smámynd: Ásthildur Cesil Þórðardóttir

Við skulum bara leyfa þessum elskum að hamast eins og þeir geta á Guðna og dásama Davíð, því með hverri færslu í þann farveg, minnka þeir fylgið Davíðs og auka fylgi Guðna þó það sé auðvita ekki ætlunin..... eða hvað?

Ásthildur Cesil Þórðardóttir, 31.5.2016 kl. 01:03

15 Smámynd: Jón Valur Jensson

Algerlega rangt hjá þér, Ásthildur. Kjósendur eru með ýmislegt á milli eyrnanna og láta ekki blekkjast af fagurgala þeirra sem ætlast til að allir frambjóðendur brosi bara og séu sætir.

Upplag og þekking eða þekkingarleysi frambjóðenda ellegar val góðra ráðgjafa eða afleitra hefur áhrif á verk þeirra hingað til, og í þessu efni hefur dr. Guðni heldur betur hlaupið á sig, þegar hann fór út fyrir sitt svið og gerðist þá hallur undir freka og ágenga álitsgjafa sem áttu það margir sameiginlegt að vera í liði ESB-áhangenda, ekki aðeins hrifnæmra sálna með þá útópísku hugsun, heldur konkret lifibrauðsþega (styrkþega) þess sama stórveldabandalags í stórum stíl, og hafði allt þetta áhrif á þeirra yfirlýsingar um Icesave-málið.

Dr. Guðni gerðist svo páfagaukur sömu manna og hefur látið frá sér fara hina brjóstumkennanlegustu blekkingu eins og þá, að "ef við ætluðum ekki að samþykkja þetta [Icesave-samninga], þá myndi gera okkur nokkurn veginn eins einangruð og Norður-Kóreu eða Myanmar" (Búrma undir einræðisstjórn herforingja).

Rættust þessi orð Guðna (í The Grapevine 19. júní 2009)? Nei, engan veginn! Höfnun þjóðarinnar á tveimur Icesave-samningum markaði hins vegar leiðina til EFTA-dómstóls-sýknudómsins. Hefðu menn farið að leiðsögn sagnfræði-doktorsins, hefum við bæði farið á mis við þann frábæra siðferðispassa og einnig misst af hartnær 80 milljörðum króna sem hefðu fram til þessarar stundar glatazt til Breta og Hollendinga í formi vaxtagreiðslna, óafturkræfra, í pundum og evrum, og þá á ég við Buchheit-samninginn, en Svavarssamningurinn hefði aftur á móti reynzt okkur langtum skeinuhættari.

Til hvers í ósköpunum var Guðni að lýsa yfir svona gölnum hugmyndum? Hafði hann einfaldlega látið seiðazt inn í blekkingarbjarg ESB-málpípanna?

Slíkur maður hefur ekki sýnt af sér dómgreind í stórmáli. Slíkum manni verður lítt treyst til að annast viðurhlutamiklar ákvarðanir sem eins og 2009-2011 geta nauðsynlega falið í sér andstöðu við jafnvel meirihluta Alþingis.

Jón Valur Jensson, 31.5.2016 kl. 02:15

16 Smámynd: Jón Valur Jensson

Jón Bjarni ESB-málpípa, það er rangt hjá þér, að Davíð hafi haldið uppi "persónulegum árásum" á dr. Guðna, því að ádeila Davíðs snerist ekki um persónu Guðna og kom ekki í veg fyrir vinsamlegt tiltal Davíðs, heldur varðaði ádeilan einfaldlega efnisleg atriði ummæla Guðna -- ummæla sem sá síðarnefndi hefði bezt játað þá þegar að voru vanþekkingarleg (jafnvel blöskranleg í ljósi reynslunnar) og að hann bæðist því afsökunar á þeim. En meðan hann biðst ekki afsökunar, heldur hann dauðahaldi í þessa fortíð sína, sem á þó sannarlega sinn þátt í því að gera hann lítt fýsilegan kost til að taka við völdum á Bessastöðum.

En vitaskuld vill gamla Icesave- og ESB-brýnið Jón Bjarni fá Guðna sem forseta, rétt eins og Jónas Ómar Snorrason! 

Jón Valur Jensson, 31.5.2016 kl. 02:33

17 Smámynd: Helga Kristjánsdóttir

Hvað halda menn að við séum, að þola bara alls ekki landlægar og langdregnar lyga árásir á þann eina sem gæti stöðvað falsettu landssölu manna. Sá frambjóandi sem ber er að að gera lítið úr samstöðu þjóðarinnar gegn erlendri ágirnd á hiklaust að upplýsa kjósendur um.

Helga Kristjánsdóttir, 31.5.2016 kl. 12:24

18 Smámynd: Jón Valur Jensson

Og sá maður er dr. Guðni Th. Jóhannesson, dósent í sagnfræði við HÍ.

Jón Valur Jensson, 31.5.2016 kl. 13:59

19 Smámynd: Jónas Ómar Snorrason

JVJ, hvað með eindreginn vilja DO 1989 að ganga í ESB? Kom Íslandi í EES sem fyrsta skref í þá átt, eyðimörkin þín hefur ekki tekist að dylja þá staðreynd. DO var löngu búinn að lostna við unglingabólur á þeim tíma, þegar hann tekur þá afstöðu.

Jónas Ómar Snorrason, 31.5.2016 kl. 21:29

20 Smámynd: Jón Valur Jensson

Vitaskuld er auðvelt að afsaka Davíð að hafa ekki verið orðinn jafn-reyndur og hygginn árið 1989 eins og hann er nú, með alla þessa ömurlegu vitneskju sem fengizt hefu um þróun þessa Evrópusambands, sem hét ekki einu sinni því nafni fyrir 27 árum!

 

Jón Valur Jensson, 31.5.2016 kl. 23:01

21 Smámynd: Jónas Ómar Snorrason

DO vissi nákvæmlega hvað hann var að tala og skrifa um þegar hann tekur þessa afstöðu JVJ. Þá búinn að vera borgarstjóri í ca 6 ár, orðinn forsætisráðherra og formaður flokksins tveimur árum síðar. Þessi afsökun þín fyrir DO, stenst því ekki, alveg sama hvað þú reynir. Eðli ESB hefur ekkert breyst, hvað varðar helstu ástæðu þína fyrir andstöðu þína við inngöngu Íslands, sem er, við inngöngu í ESB, missir Ísland fullveldi sitt. Ekkert breyst.  

Jónas Ómar Snorrason, 1.6.2016 kl. 08:04

22 Smámynd: Jón Valur Jensson

 

Rægitungurekka-lið

róginn flytur endalaust

vetur, sumar, vor og haust,

vont er þeirra siðferðið!

 

 

En þessi orð Jónasar Ómars í lok innleggs hans: "Við inngöngu í ESB missir Ísland fullveldi sitt," eru sjaldgæf, en einkar ánægjuleg viðurkenning staðreynda hjá þeim, sem fylgt hafa Jóhönnustjórn að málum.

Jón Valur Jensson, 1.6.2016 kl. 08:47

23 Smámynd: Jónas Ómar Snorrason

Eins og þín er von og vísan, orðin slitin úr samhengi, JVJ.

Rægitunga eflist við

foringjan hér höfum vér

engu vægja, öllu slægja

að aumingja sið 

Jónas Ómar Snorrason, 1.6.2016 kl. 15:35

24 Smámynd: Jón Valur Jensson

Leir.

Jón Valur Jensson, 1.6.2016 kl. 20:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband